UGC NET December 2026: ಅಸಿಸ್ಟೆಂಟ್ ಪ್ರೊಫೆಸರ್ ಮತ್ತು Ph.D ಆಕಾಂಕ್ಷಿಗಳಿಗೆ ಗುಡ್ ನ್ಯೂಸ್; ನೆಗೆಟಿವ್ ಮಾರ್ಕಿಂಗ್ ಇಲ್ಲ! ಇಲ್ಲಿದೆ ಕಂಪ್ಲೀಟ್ ಡೀಟೇಲ್ಸ್.

UGC NET December 2026 ಅರ್ಜಿ ಅಕ್ಟೋಬರ್ 28ರವರೆಗೆ ಸಲ್ಲಿಸಿ. 87 ವಿಷಯಗಳು, JRF ವಯೋಮಿತಿ, ವರ್ಗವಾರು ಶುಲ್ಕ, ಶೈಕ್ಷಣಿಕ ಅರ್ಹತೆ, ಪರೀಕ್ಷಾ ಮಾದರಿ ಮತ್ತು ಡಿಸೆಂಬರ್ 14–19ರ ಪರೀಕ್ಷಾ ವೇಳಾಪಟ್ಟಿ ತಿಳಿಯಿರಿ.

ದೇಶದ ವಿಶ್ವವಿದ್ಯಾಲಯಗಳು ಮತ್ತು ಕಾಲೇಜುಗಳಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ (Assistant Professor) ವೃತ್ತಿಜೀವನ ಆರಂಭಿಸಲು, ಜೂನಿಯರ್ ರಿಸರ್ಚ್ ಫೆಲೋಶಿಪ್ (JRF) ಪಡೆಯಲು ಅಥವಾ ಪಿಎಚ್.ಡಿ. ಸಂಶೋಧನೆಗೆ ಪ್ರವೇಶ ಪಡೆಯಲು ಬಯಸುವ ಅಭ್ಯರ್ಥಿಗಳಿಗೆ ಮಹತ್ವದ ಮಾಹಿತಿ ಇಲ್ಲಿದೆ. ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA) UGC NET December 2026 ಪರೀಕ್ಷೆಗೆ ಆನ್‌ಲೈನ್ ಅರ್ಜಿ ಸಲ್ಲಿಸುವ ಪ್ರಕ್ರಿಯೆಯನ್ನು ಆರಂಭಿಸಿದೆ.

2026ರ ಅಕ್ಟೋಬರ್ 8ರಂದು ಹೊರಡಿಸಲಾದ ಅಧಿಕೃತ ಸಾರ್ವಜನಿಕ ಪ್ರಕಟಣೆ ಮತ್ತು UGC NET December 2026 Information Bulletin ಪ್ರಕಾರ, ಈ ಬಾರಿ ಒಟ್ಟು 87 ವಿಷಯಗಳಲ್ಲಿ ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT) ನಡೆಸಲಾಗುತ್ತದೆ. ಸಾಮಾನ್ಯ ಅರ್ಜಿ ಸಲ್ಲಿಕೆಗೆ ಅಕ್ಟೋಬರ್ 28 ಕೊನೆಯ ದಿನವಾಗಿದ್ದು, ₹500 ತಡ ಶುಲ್ಕದೊಂದಿಗೆ ಅಕ್ಟೋಬರ್ 31ರವರೆಗೆ ಅರ್ಜಿ ಸಲ್ಲಿಸಲು ಅವಕಾಶವಿದೆ. ಪರೀಕ್ಷೆಯನ್ನು ಡಿಸೆಂಬರ್ 14ರಿಂದ 19, 2026ರ ಅವಧಿಯಲ್ಲಿ ನಡೆಸಲು ನಿಗದಿಪಡಿಸಲಾಗಿದೆ.

UGC NET ಪರೀಕ್ಷೆಗೆ ಅರ್ಜಿ ಸಲ್ಲಿಸಲು ಯೋಚಿಸುತ್ತಿರುವ ಅಭ್ಯರ್ಥಿಗಳು ಕೇವಲ ಕೊನೆಯ ದಿನಾಂಕವನ್ನಷ್ಟೇ ಗಮನಿಸದೆ, ತಮ್ಮ ಶೈಕ್ಷಣಿಕ ಅರ್ಹತೆ, ವಯೋಮಿತಿ, ವರ್ಗವಾರು ಪರೀಕ್ಷಾ ಶುಲ್ಕ, ವಿಷಯದ ಆಯ್ಕೆ ಮತ್ತು ಪರೀಕ್ಷಾ ಮಾದರಿಯನ್ನೂ ಸರಿಯಾಗಿ ಪರಿಶೀಲಿಸಬೇಕು.

ಆನ್ ಲೈನ್ ನಲ್ಲಿ ಅರ್ಜಿ ಸಲ್ಲಿಸಲು ಇಲ್ಲಿ ಕ್ಲಿಕ್ ಮಾಡಿ..

UGC NET December 2026: ಪ್ರಮುಖ ವಿವರಗಳು

• ಪರೀಕ್ಷೆಯ ಹೆಸರು: UGC NET December 2026
• ಪರೀಕ್ಷೆ ನಡೆಸುವ ಸಂಸ್ಥೆ: National Testing Agency (NTA)
• ಸಂಬಂಧಿತ ಸಂಸ್ಥೆ: University Grants Commission (UGC)
• ಒಟ್ಟು ವಿಷಯಗಳು: 87
• ಅಧಿಕೃತ ವೆಬ್‌ಸೈಟ್: https://ugcnet.nta.nic.in/
• ಪರೀಕ್ಷಾ ಅವಧಿ : 14–19 ಡಿಸೆಂಬರ್ 2026

ಪ್ರಮುಖ ದಿನಾಂಕಗಳು :

• ಅಧಿಸೂಚನೆ ಪ್ರಕಟಿಸಿದ ದಿನಾಂಕ: 08 ಅಕ್ಟೋರ್ 2026
• ಅರ್ಜಿ ಸಲ್ಲಿಕೆ ಆರಂಭ: 08 ಅಕ್ಟೋಬರ್ 2026
• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 28 ಅಕ್ಟೋಬರ್ 2026
• ಪರೀಕ್ಷಾ ಶುಲ್ಕ ಪಾವತಿಗೆ ಕೊನೆಯ ದಿನಾಂಕ: 28 ಅಕ್ಟೋಬರ್ 2026
• ವಿಳಂಬ ಶುಲ್ಕದೊಂದಿಗೆ ಅರ್ಜಿ ಸಲ್ಲಿಕೆ: 29ರಿಂದ 31 ಅಕ್ಟೋಬರ್ 2026
• ಅರ್ಜಿ ತಿದ್ದುಪಡಿ ಅವಧಿ: 02ರಿಂದ 04 ನವೆಂಬರ್ 2026
• ಪರೀಕ್ಷಾ ನಗರ ಮಾಹಿತಿ : ನಂತರ ಪ್ರಕಟಿಸಲಾಗುತ್ತದೆ
• ಪ್ರವೇಶ ಪತ್ರ ಡೌನ್‌ಲೋಡ್ : ನಂತರ ಪ್ರಕಟಿಸಲಾಗುತ್ತದೆ
• ಪರೀಕ್ಷಾ ದಿನಾಂಕ: 14ರಿಂದ 19 ಡಿಸೆಂಬರ್ 2026
• ಪರೀಕ್ಷಾ ವಿಧಾನ: ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT)

UGC NET 2026 ಶೈಕ್ಷಣಿಕ ಅರ್ಹತೆ
UGC NETಗೆ ಅರ್ಜಿ ಸಲ್ಲಿಸುವ ಮೊದಲು ಅಭ್ಯರ್ಥಿಗಳು ತಮ್ಮ ಸ್ನಾತಕೋತ್ತರ ಪದವಿ ಮತ್ತು ಅಂಕಗಳ ಪ್ರಮಾಣವನ್ನು ಪರಿಶೀಲಿಸಬೇಕು.

ಅಂತಿಮ ವರ್ಷದ ವಿದ್ಯಾರ್ಥಿಗಳು ಅರ್ಜಿ ಸಲ್ಲಿಸಬಹುದೇ?
ಹೌದು. ಸ್ನಾತಕೋತ್ತರ ಪದವಿಯ ಅಂತಿಮ ವರ್ಷದಲ್ಲಿ ಓದುತ್ತಿರುವವರು, ಅಂತಿಮ ಪರೀಕ್ಷೆ ಬರೆದಿದ್ದು ಫಲಿತಾಂಶಕ್ಕಾಗಿ ಕಾಯುತ್ತಿರುವವರು ಅಥವಾ ಅರ್ಹತಾ ಪರೀಕ್ಷೆ ವಿಳಂಬವಾಗಿರುವವರು ತಾತ್ಕಾಲಿಕವಾಗಿ ಅರ್ಜಿ ಸಲ್ಲಿಸಬಹುದು.

ಆದರೆ ನಂತರ ನಿಗದಿತ ಕನಿಷ್ಠ ಅಂಕಗಳೊಂದಿಗೆ ಪದವಿಯನ್ನು ಪೂರ್ಣಗೊಳಿಸಬೇಕು. JRF ಅಥವಾ Assistant Professor ಅರ್ಹತೆಗೆ ಸಂಬಂಧಿಸಿದ ಅಭ್ಯರ್ಥಿಗಳು NET ಫಲಿತಾಂಶ ಪ್ರಕಟವಾದ ದಿನಾಂಕದಿಂದ ಎರಡು ವರ್ಷಗಳೊಳಗೆ ಅಗತ್ಯ ಅರ್ಹತೆಯನ್ನು ಪೂರ್ಣಗೊಳಿಸಬೇಕು. Ph.D. ಪ್ರವೇಶ ಮಾತ್ರದ ವರ್ಗದಲ್ಲಿ ಅರ್ಹತೆ ಪಡೆದವರು ಒಂದು ವರ್ಷದೊಳಗೆ ಸ್ನಾತಕೋತ್ತರ ಅರ್ಹತೆಯನ್ನು ಪೂರ್ಣಗೊಳಿಸಬೇಕು.

ಅರ್ಜಿ ಶುಲ್ಕದ ವಿವರ (Application Fee):
ಅಭ್ಯರ್ಥಿಗಳು ಅರ್ಜಿ ಶುಲ್ಕವನ್ನು ಕ್ರೆಡಿಟ್ ಕಾರ್ಡ್/ಡೆಬಿಟ್ ಕಾರ್ಡ್/ನೆಟ್ ಬ್ಯಾಂಕಿಂಗ್ ಅಥವಾ UPI ಮೂಲಕ ಪಾವತಿಸಬಹುದು.   

• ಸಾಮಾನ್ಯ ವರ್ಗ (General/Unreserved): ರೂ. 1150/-  
• ಸಾಮಾನ್ಯ - EWS / OBC-NCL ವರ್ಗ: ರೂ. 600/-  
• SC / ST / PwD / ತೃತೀಯ ಲಿಂಗಿ ಅಭ್ಯರ್ಥಿಗಳಿಗೆ: ರೂ. 325/-

ಈ ಪರೀಕ್ಷೆಯ ಉದ್ದೇಶವೇನು? (Categories of Qualification):
ಈ ಬಾರಿಯ UGC-NET ಪರೀಕ್ಷೆಯ ಅರ್ಹತೆಯನ್ನು ಮೂರು ಪ್ರಮುಖ ವಿಭಾಗಗಳಾಗಿ ಪರಿಗಣಿಸಲಾಗುತ್ತದೆ:

• ವರ್ಗ-1: ಜೂನಿಯರ್ ರಿಸರ್ಚ್ ಫೆಲೋಶಿಪ್ (JRF) ಮತ್ತು ಅಸಿಸ್ಟೆಂಟ್ ಪ್ರೊಫೆಸರ್ ಹುದ್ದೆಗೆ ಅರ್ಹತೆ ಹಾಗೂ Ph.D ಪ್ರವೇಶ.  
• ವರ್ಗ-2: ಅಸಿಸ್ಟೆಂಟ್ ಪ್ರೊಫೆಸರ್ ಹುದ್ದೆಗೆ ಅರ್ಹತೆ ಮತ್ತು Ph.D ಪ್ರವೇಶ ಮಾತ್ರ (JRF ಗೆ ಅರ್ಹರಲ್ಲ).  
• ವರ್ಗ-3: Ph.D ಪ್ರವೇಶಕ್ಕೆ ಮಾತ್ರ ಅರ್ಹತೆ (JRF ಮತ್ತು ಅಸಿಸ್ಟೆಂಟ್ ಪ್ರೊಫೆಸರ್ ಹುದ್ದೆಗೆ ಅರ್ಹರಲ್ಲ).  

ವಯೋಮಿತಿ : 
UGC NETನಲ್ಲಿ ವಯೋಮಿತಿಯ ನಿಯಮವು ಅಭ್ಯರ್ಥಿಯು ಆಯ್ಕೆ ಮಾಡಿಕೊಳ್ಳುವ ಅರ್ಹತೆಯ ಮೇಲೆ ಅವಲಂಬಿತವಾಗಿರುತ್ತದೆ.

• Junior Research Fellowship (JRF) : ಗರಿಷ್ಠ 30 ವರ್ಷ
• Assistant Professor : ಗರಿಷ್ಠವಯೋಮಿತಿ ಇಲ್ಲ
• Ph.D. ಪ್ರವೇಶ : ಗರಿಷ್ಠ ವಯೋಮಿತಿ ಇಲ್ಲ

ಮುಂದೆ ಬರಲಿರುವ ಸ್ಪರ್ಧಾತ್ಮಕ ಪರೀಕ್ಷೆಗಳಿಗಾಗಿ ಸ್ಪರ್ಧಾತ್ಮಕ ಪುಸ್ತಕಗಳನ್ನು ರಿಯಾಯಿತಿಯೊಂದಿಗೆ ಈ ಲಿಂಕ್ ಮೂಲಕ ಕೂಡಲೇ ಖರೀದಿಸಿ

ಪರೀಕ್ಷಾ ಮಾದರಿ
ಈ ಪರೀಕ್ಷೆಯು ಯಾವುದೇ ವಿರಾಮವಿಲ್ಲದೆ ಒಟ್ಟು 3 ಗಂಟೆಗಳ (180 ನಿಮಿಷಗಳು) ಕಾಲ ನಡೆಯಲಿದ್ದು, ಎರಡು ಪತ್ರಿಕೆಗಳನ್ನು ಒಳಗೊಂಡಿರುತ್ತದೆ.
ಪತ್ರಿಕೆ-1 (Paper I): ಬೋಧನಾ ಮತ್ತು ಸಂಶೋಧನಾ ಸಾಮರ್ಥ್ಯ (Teaching/Research Aptitude) - 50 ಪ್ರಶ್ನೆಗಳು, 100 ಅಂಕಗಳು.   
ಪತ್ರಿಕೆ-2 (Paper II): ಅಭ್ಯರ್ಥಿಯು ಆಯ್ಕೆ ಮಾಡಿಕೊಂಡ ನಿರ್ದಿಷ್ಟ ವಿಷಯ - 100 ಪ್ರಶ್ನೆಗಳು, 200 ಅಂಕಗಳು.

UGC NET ಪರೀಕ್ಷೆಯಲ್ಲಿ Negative Marking ಇದೆಯೇ?
ಇಲ್ಲ. ತಪ್ಪು ಉತ್ತರಗಳಿಗೆ ಋಣಾತ್ಮಕ ಅಂಕಗಳಿಲ್ಲ.

- ಪ್ರತಿ ಸರಿಯಾದ ಉತ್ತರಕ್ಕೆ 2 ಅಂಕಗಳು.
- ತಪ್ಪು ಉತ್ತರಗಳಿಗೆ ಅಂಕ ಕಡಿತವಿಲ್ಲ.
- ಉತ್ತರಿಸದ ಅಥವಾ Reviewಗೆ ಗುರುತಿಸಿದ ಪ್ರಶ್ನೆಗಳಿಗೆ ಅಂಕವಿಲ್ಲ.
- ಪ್ರಶ್ನೆಯೊಂದರಲ್ಲಿ ಒಂದಕ್ಕಿಂತ ಹೆಚ್ಚು ಸರಿಯಾದ ಉತ್ತರಗಳಿದ್ದರೆ, ಅಧಿಕೃತ ಮೌಲ್ಯಮಾಪನ ನಿಯಮದ ಪ್ರಕಾರ ಅಂಕ ನೀಡಲಾಗುತ್ತದೆ.
- ಪ್ರಶ್ನೆಯೇ ತಪ್ಪಾಗಿದ್ದರೆ ಅಥವಾ ಕೈಬಿಡಲ್ಪಟ್ಟರೆ, ಪ್ರಯತ್ನಿಸಿದ ಅಭ್ಯರ್ಥಿಗಳಿಗೆ ನಿಯಮಾನುಸಾರ 2 ಅಂಕ ನೀಡಲಾಗುತ್ತದೆ.

UGC NET 2026ಗೆ ಆನ್‌ಲೈನ್ ಅರ್ಜಿ ಸಲ್ಲಿಸುವ ವಿಧಾನ
ಅಭ್ಯರ್ಥಿಗಳು NTAಯ ಅಧಿಕೃತ ವೆಬ್‌ಸೈಟ್ ಮೂಲಕ ಮಾತ್ರ ಅರ್ಜಿ ಸಲ್ಲಿಸಬೇಕು. ಆಫ್‌ಲೈನ್ ಅರ್ಜಿಗಳನ್ನು ಸ್ವೀಕರಿಸಲಾಗುವುದಿಲ್ಲ. ಪ್ರತಿಯೊಬ್ಬ ಅಭ್ಯರ್ಥಿಯೂ ಒಂದೇ ಅರ್ಜಿಯನ್ನು ಸಲ್ಲಿಸಬೇಕು ಎಂದು ಅಧಿಕೃತ ಪ್ರಕಟಣೆಯಲ್ಲಿ ಸೂಚಿಸಲಾಗಿದೆ.

1 ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ: ugcnet.nta.nic.in ತೆರೆಯಿರಿ.
2 ನೋಂದಣಿ ಪೂರ್ಣಗೊಳಿಸಿ: ನಿಮ್ಮದೇ ಇಮೇಲ್ ವಿಳಾಸ ಮತ್ತು ಮೊಬೈಲ್ ಸಂಖ್ಯೆಯನ್ನು ಬಳಸಿ ನೋಂದಣಿ ಮಾಡಿ. ಅರ್ಜಿ ನೋಂದಣಿಗೆ Meri Pehchaan Single Sign-On ವ್ಯವಸ್ಥೆಯನ್ನೂ ಬಳಸಬಹುದು.
3 ಅರ್ಜಿ ನಮೂನೆ ಭರ್ತಿ ಮಾಡಿ: ವೈಯಕ್ತಿಕ ಮಾಹಿತಿ, ಜನ್ಮದಿನಾಂಕ, ಶೈಕ್ಷಣಿಕ ಅರ್ಹತೆ, ವರ್ಗ, ಪರೀಕ್ಷಾ ವಿಷಯ ಮತ್ತು ಪರೀಕ್ಷಾ ನಗರಗಳ ಆಯ್ಕೆಯನ್ನು ಸರಿಯಾಗಿ ನಮೂದಿಸಿ.
4 ಫೋಟೋ ಮತ್ತು ಸಹಿ ಅಪ್‌ಲೋಡ್ ಮಾಡಿ: ಇತ್ತೀಚಿನ ಫೋಟೋ, ಲೈವ್ ಫೋಟೋ ಹಾಗೂ ಸಹಿಯನ್ನು ಅಧಿಕೃತ ಸೂಚನೆಯ ಪ್ರಕಾರ ಸಲ್ಲಿಸಿ. ಅನ್ವಯಿಸಿದರೆ ಅಂಗವೈಕಲ್ಯ ಅಥವಾ UDID ಪ್ರಮಾಣಪತ್ರವನ್ನು ಅಪ್‌ಲೋಡ್ ಮಾಡಿ.
5 ಪರೀಕ್ಷಾ ಶುಲ್ಕ ಪಾವತಿಸಿ: Debit Card, Credit Card, Net Banking ಅಥವಾ UPI ಮೂಲಕ ಪಾವತಿ ಪೂರ್ಣಗೊಳಿಸಿ.
6 Confirmation Page ಉಳಿಸಿಕೊಳ್ಳಿ: ಶುಲ್ಕ ಯಶಸ್ವಿಯಾಗಿ ಪಾವತಿಯಾದ ನಂತರ ಅರ್ಜಿಯ ದೃಢೀಕರಣ ಪುಟವನ್ನು ಡೌನ್‌ಲೋಡ್ ಮಾಡಿ, ಪ್ರಿಂಟ್ ತೆಗೆದುಕೊಂಡು ಭವಿಷ್ಯದ ಬಳಕೆಗಾಗಿ ಸುರಕ್ಷಿತವಾಗಿ ಇಟ್ಟುಕೊಳ್ಳಿ.

ಅರ್ಜಿ ಸಲ್ಲಿಸಲು ಬೇಕಾಗುವ ದಾಖಲೆಗಳು
ಅರ್ಜಿ ಸಲ್ಲಿಸುವ ಮುನ್ನ ಈ ದಾಖಲೆಗಳು ಮತ್ತು ವಿವರಗಳನ್ನು ಸಿದ್ಧಪಡಿಸಿಕೊಳ್ಳಿ.

- ಇತ್ತೀಚಿನ ಪಾಸ್‌ಪೋರ್ಟ್ ಗಾತ್ರದ ಫೋಟೋ
- ಲೈವ್ ಫೋಟೋ ತೆಗೆದುಕೊಳ್ಳಲು ಕ್ಯಾಮೆರಾ ಅಥವಾ ವೆಬ್‌ಕ್ಯಾಮ್
- ಅಭ್ಯರ್ಥಿಯ ಸಹಿಯ ಸ್ಕ್ಯಾನ್ ಪ್ರತಿ
- ಶೈಕ್ಷಣಿಕ ಅರ್ಹತೆ ಮತ್ತು ಅಂಕಗಳ ವಿವರಗಳು
- ವರ್ಗಕ್ಕೆ ಅನ್ವಯಿಸುವ ಪ್ರಮಾಣಪತ್ರದ ವಿವರಗಳು
- PwD/PwBD ಅಭ್ಯರ್ಥಿಗಳಿಗೆ ಅನ್ವಯಿಸುವ UDID ಅಥವಾ ಅಂಗವೈಕಲ್ಯ ಪ್ರಮಾಣಪತ್ರ
- ಸ್ವಂತ ಇಮೇಲ್ ವಿಳಾಸ ಮತ್ತು ಮೊಬೈಲ್ ಸಂಖ್ಯೆ
- ಆನ್‌ಲೈನ್ ಶುಲ್ಕ ಪಾವತಿಗೆ ಅಗತ್ಯ ವ್ಯವಸ್ಥೆ

ಫೋಟೋ ಮತ್ತು ಸಹಿಯ ಗಾತ್ರ: ಮಾಹಿತಿ ಬುಲೆಟಿನ್ ಪ್ರಕಾರ, ಫೋಟೋ 10 KB–200 KB ಹಾಗೂ ಸಹಿ 10 KB–50 KB ಇರಬೇಕು. ಅಂಗವೈಕಲ್ಯ/UDID ಪ್ರಮಾಣಪತ್ರವನ್ನು ಅನ್ವಯಿಸಿದಲ್ಲಿ 50 KB–300 KB ಗಾತ್ರದ PDF ರೂಪದಲ್ಲಿ ಸಲ್ಲಿಸಬೇಕು. ಲೈವ್ ಫೋಟೋ ತೆಗೆದುಕೊಳ್ಳುವಾಗ ಮುಖ ಸ್ಪಷ್ಟವಾಗಿ ಕಾಣುವಂತೆ, ಮಾಸ್ಕ್ ಇಲ್ಲದೆ ಮತ್ತು ಸೂಕ್ತ ಬೆಳಕಿನಲ್ಲಿ ಫೋಟೋ ಸೆರೆಹಿಡಿಯಬೇಕು.

ಅರ್ಜಿ ಸಲ್ಲಿಸುವಾಗ ಈ ತಪ್ಪುಗಳನ್ನು ಮಾಡಬೇಡಿ

- ಒಂದಕ್ಕಿಂತ ಹೆಚ್ಚು ಅರ್ಜಿಗಳನ್ನು ಸಲ್ಲಿಸಬೇಡಿ.
- ತಪ್ಪಾದ ಜನ್ಮದಿನಾಂಕ, ವರ್ಗ ಅಥವಾ ಶೈಕ್ಷಣಿಕ ವಿವರಗಳನ್ನು ನಮೂದಿಸಬೇಡಿ.
- ಇತರರ ಫೋಟೋ, ಸಹಿ ಅಥವಾ ಪ್ರಮಾಣಪತ್ರಗಳನ್ನು ಅಪ್‌ಲೋಡ್ ಮಾಡಬೇಡಿ.
- ಅರ್ಜಿ ಸಲ್ಲಿಸುವಾಗ ಆಯ್ಕೆ ಮಾಡುವ ಪ್ರಶ್ನೆಪತ್ರಿಕೆಯ ಮಾಧ್ಯಮವನ್ನು ಎಚ್ಚರಿಕೆಯಿಂದ ಆಯ್ಕೆ ಮಾಡಿ; ಆಯ್ಕೆ ಮಾಡಿದ ಮಾಧ್ಯಮವನ್ನು ನಂತರ ಬದಲಾಯಿಸಲು ಅವಕಾಶವಿರುವುದಿಲ್ಲ.
- ಪಾವತಿ ಯಶಸ್ವಿಯಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳದೆ ಅರ್ಜಿ ಪೂರ್ಣವಾಗಿದೆ ಎಂದು ಭಾವಿಸಬೇಡಿ.

ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

ಅರ್ಜಿ ಸಲ್ಲಿಸಲು ಆಸಕ್ತಿ ಹೊಂದಿರುವ ಅಭ್ಯರ್ಥಿಗಳು ಅಧಿಕೃತ ವೆಬ್‌ಸೈಟ್ https://ugcnet.nta.nic.in/ ಗೆ ಭೇಟಿ ನೀಡಿ ಕಡ್ಡಾಯವಾಗಿ ಆನ್‌ಲೈನ್ ಮೂಲಕವೇ ಅರ್ಜಿ ಸಲ್ಲಿಸಬೇಕು.   

ಸ್ಪರ್ಧಾತ್ಮಕ ಪರೀಕ್ಷೆಗಳ ಅತ್ಯಂತ ನಿಖರ ಹಾಗೂ ವಿಶ್ವಾಸಾರ್ಹ ಮಾಹಿತಿಗಾಗಿ ಸದಾ ಭೇಟಿ ನೀಡುತ್ತಿರಿ: www.kpscvaani.com