KEA - ಸಹಾಯಕ ಸರ್ಕಾರಿ ಅಭಿಯೋಜಕರು-ವ-ಸಹಾಯಕ ಸರ್ಕಾರಿ ವಕೀಲರ ನೇಮಕಾತಿ 2026: ಒಟ್ಟು 320 ಹುದ್ದೆಗಳಿಗೆ ಅರ್ಜಿ ಆಹ್ವಾನ
ಕಾನೂನು ಪದವಿ ಪಡೆದು ನ್ಯಾಯಾಲಯಗಳಲ್ಲಿ ವಕೀಲರಾಗಿ ಸೇವೆ ಸಲ್ಲಿಸುತ್ತಿರುವ ಅಭ್ಯರ್ಥಿಗಳಿಗೆ ರಾಜ್ಯ ಸರ್ಕಾರ ಭರ್ಜರಿ ಸಿಹಿಸುದ್ದಿ ನೀಡಿದೆ. ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು (KEA) ಅಭಿಯೋಗ ಮತ್ತು ಸರ್ಕಾರಿ ವ್ಯಾಜ್ಯಗಳ ಇಲಾಖೆಯಲ್ಲಿ ಖಾಲಿಯಿರುವ ಬರೋಬ್ಬರಿ 320 ಗ್ರೂಪ್-ಬಿ ವೃಂದದ 'ಸಹಾಯಕ ಸರ್ಕಾರಿ ಅಭಿಯೋಜಕರು-ವ-ಸಹಾಯಕ ಸರ್ಕಾರಿ ವಕೀಲರು' (APP-cum-AGP) ಹುದ್ದೆಗಳ ನೇರ ನೇಮಕಾತಿಗೆ ಅಧಿಕೃತ ಅಧಿಸೂಚನೆ ಪ್ರಕಟಿಸಿದೆ. KEA APP Recruitment 2026 ಅಡಿಯಲ್ಲಿ ಉಳಿಕೆ ಮೂಲ ವೃಂದದಲ್ಲಿ (RPC) 268 ಹಾಗೂ ಕಲ್ಯಾಣ ಕರ್ನಾಟಕ ವೃಂದದಲ್ಲಿ (KK) 52 ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತಿದೆ.
ಆಸಕ್ತ ಮತ್ತು ಅರ್ಹ ಅಭ್ಯರ್ಥಿಗಳು ನವೆಂಬರ್ 18, 2026 ರಿಂದ ಆನ್ಲೈನ್ ಮೂಲಕ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದ್ದು, ಡಿಸೆಂಬರ್ 15, 2026 ಅರ್ಜಿ ಸಲ್ಲಿಸಲು ಕೊನೆಯ ದಿನವಾಗಿದೆ. ಆಯ್ಕೆಯಾದ ಅಭ್ಯರ್ಥಿಗಳಿಗೆ ಮಾಸಿಕ ₹69,250 ರಿಂದ ₹1,34,200 ವರೆಗೆ ಆಕರ್ಷಕ ವೇತನ ಶ್ರೇಣಿ ಸಿಗಲಿದೆ. ಅಷ್ಟೇ ಅಲ್ಲದೆ, ಈ ಬಾರಿ ಸರ್ಕಾರವು ವಿಶೇಷ ಆದೇಶದ ಮೂಲಕ ಗರಿಷ್ಠ ವಯೋಮಿತಿಯಲ್ಲಿ 5 ವರ್ಷಗಳ ಹೆಚ್ಚುವರಿ ಸಡಿಲಿಕೆ ನೀಡಿರುವುದು ಉದ್ಯೋಗಾಕಾಂಕ್ಷಿಗಳಿಗೆ ದೊಡ್ಡ ವರದಾನವಾಗಿದೆ.
ಸರ್ಕಾರಿ ವಕೀಲರಾಗಿ ವೃತ್ತಿಜೀವನ ರೂಪಿಸಿಕೊಳ್ಳಲು ಕಾಯುತ್ತಿದ್ದ ಕಾನೂನು ಪದವೀಧರರಿಗೆ ಇದೊಂದು ಸುವರ್ಣಾವಕಾಶ. ಈ ಹುದ್ದೆಗಳಿಗೆ ಬೇಕಾದ ಶೈಕ್ಷಣಿಕ ಅರ್ಹತೆ, ವಯೋಮಿತಿ ನಿಯಮಗಳು, ಪರೀಕ್ಷಾ ಮಾದರಿ, ಪಠ್ಯಕ್ರಮ ಮತ್ತು ಅರ್ಜಿ ಸಲ್ಲಿಸುವ ಸಂಪೂರ್ಣ ವಿಧಾನದ ನಿಖರ ಮಾಹಿತಿಯನ್ನು ಕೆಳಗೆ ವಿವರವಾಗಿ ನೀಡಲಾಗಿದೆ.

KEA ನೇಮಕಾತಿಯ ಸಂಕ್ಷಿಪ್ತ ವಿವರಗಳು:
- ಸಂಸ್ಥೆಯ ಹೆಸರು: ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ (KEA) — ಅಭಿಯೋಗ ಮತ್ತು ಸರ್ಕಾರಿ ವ್ಯಾಜ್ಯಗಳ ಇಲಾಖೆ
- ಹುದ್ದೆಯ ಹೆಸರು: ಸಹಾಯಕ ಸರ್ಕಾರಿ ಅಭಿಯೋಜಕರು-ವ-ಸಹಾಯಕ ಸರ್ಕಾರಿ ವಕೀಲರು (ಗ್ರೂಪ್-ಬಿ)
- ಒಟ್ಟು ಹುದ್ದೆಗಳು: 320 (ಉಳಿಕೆ ಮೂಲ ವೃಂದ: 268 + ಕಲ್ಯಾಣ ಕರ್ನಾಟಕ ವೃಂದ: 52)
- ವೇತನ ಶ್ರೇಣಿ: ₹69,250 – ₹1,34,200 (2024ರ ಪರಿಷ್ಕೃತ ರಾಜ್ಯ ವೇತನ ಶ್ರೇಣಿ)
- ಉದ್ಯೋಗ ಸ್ಥಳ: ಕರ್ನಾಟಕ (ಉಳಿಕೆ ಮೂಲ ವೃಂದ ಮತ್ತು ಕಲ್ಯಾಣ ಕರ್ನಾಟಕ ವೃಂದದ ವ್ಯಾಪ್ತಿ)
- ಅರ್ಜಿ ಸಲ್ಲಿಕೆ ವಿಧಾನ: ಆನ್ಲೈನ್ (Online)
ಪ್ರಮುಖ ದಿನಾಂಕಗಳು ಮತ್ತು ವೇಳಾಪಟ್ಟಿ
- ಅಧಿಸೂಚನೆ ದಿನಾಂಕ: 17 ನವೆಂಬರ್ 2026
- ಆನ್ಲೈನ್ ಅರ್ಜಿ ಸಲ್ಲಿಕೆ ಆರಂಭ: 18 ನವೆಂಬರ್ 2026
- ಆನ್ಲೈನ್ ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 15 ಡಿಸೆಂಬರ್ 2026
- ಶುಲ್ಕ ಪಾವತಿಗೆ ಕೊನೆಯ ದಿನಾಂಕ: 16 ಡಿಸೆಂಬರ್ 2026
- ಪ್ರಾಥಮಿಕ ಪರೀಕ್ಷೆ (ತಾತ್ಕಾಲಿಕ): ಫೆಬ್ರವರಿ 2027
- ಮುಖ್ಯ ಪರೀಕ್ಷೆ ವೇಳಾಪಟ್ಟಿ: ಪ್ರತ್ಯೇಕವಾಗಿ ನಂತರ ಪ್ರಕಟಿಸಲಾಗುವುದು
ಹುದ್ದೆಯ ವಿವರ:
- ಹುದ್ದೆಯ ಹೆಸರು: ಸಹಾಯಕ ಸರ್ಕಾರಿ ಅಭಿಯೋಜಕರು-ವ-ಸಹಾಯಕ ಸರ್ಕಾರಿ ವಕೀಲರು (ಗ್ರೂಪ್-ಬಿ)
- ಉಳಿಕೆ ಮೂಲ ವೃಂದ (RPC): ಒಟ್ಟು 268 ಹುದ್ದೆಗಳು (233 ಮೂಲ ಹುದ್ದೆಗಳು + ಅನುಚ್ಛೇದ 371(ಜೆ) ಅನುಷ್ಠಾನ ಸಂಬಂಧ ಕೈಬಿಟ್ಟು ಹೋದ 02 ಹುದ್ದೆಗಳು + 33 ಹಿಂಬಾಕಿ ಹುದ್ದೆಗಳು)
- ಕಲ್ಯಾಣ ಕರ್ನಾಟಕ ವೃಂದ (KK): ಒಟ್ಟು 52 ಹುದ್ದೆಗಳು (38 ಮೂಲ ಹುದ್ದೆಗಳು + ಅನುಚ್ಛೇದ 371(ಜೆ) ಅನುಷ್ಠಾನ ಸಂಬಂಧ ಕೈಬಿಟ್ಟು ಹೋದ 04 ಹುದ್ದೆಗಳು + 10 ಹಿಂಬಾಕಿ ಹುದ್ದೆಗಳು)
- ಒಟ್ಟು ಹುದ್ದೆಗಳು: 320 ಹುದ್ದೆಗಳು
ವೇತನ ಶ್ರೇಣಿ ಮತ್ತು ಸೌಲಭ್ಯಗಳು:
- ವೇತನ ಶ್ರೇಣಿ: 2024ರ ಪರಿಷ್ಕೃತ ರಾಜ್ಯ ವೇತನ ಶ್ರೇಣಿಯಂತೆ ₹69,250 – ₹1,34,200 (69250-1650-74200-1900-85600-2300-99400-2700-115600-3100-134200)
- ಪರಿವೀಕ್ಷಣಾ ಅವಧಿ: ನೇರ ನೇಮಕಾತಿ ಮೂಲಕ ಆಯ್ಕೆಯಾದ ಅಭ್ಯರ್ಥಿಗಳಿಗೆ 2 ವರ್ಷಗಳ ಖಾಯಂಪೂರ್ವ ಅವಧಿ ಇರುತ್ತದೆ.
- ಪಿಂಚಣೆ ಮತ್ತು ವಿಮೆ: ರಾಷ್ಟ್ರೀಯ ಪಿಂಚಣಿ ಯೋಜನೆ (NPS) ಹಾಗೂ ಕರ್ನಾಟಕ ಸರ್ಕಾರಿ ವಿಮಾ ಇಲಾಖೆ (KGID) ಸೌಲಭ್ಯ ಅನ್ವಯಿಸುತ್ತದೆ.
ಶೈಕ್ಷಣಿಕ ಅರ್ಹತೆ:
- ಅಭ್ಯರ್ಥಿಗಳು ಕಾನೂನು ರೀತ್ಯ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಎಲ್ಎಲ್ಬಿ (LLB) ವಿದ್ಯಾರ್ಹತೆ ಹೊಂದಿರಬೇಕು.
- ವಕೀಲರ ಕಾಯ್ದೆ 1961ರ (Advocates Act, 1961) ಪ್ರಕಾರ ಭಾರತದಲ್ಲಿನ ಸಿವಿಲ್ ಮತ್ತು ಕ್ರಿಮಿನಲ್ ನ್ಯಾಯಾಲಯಗಳಲ್ಲಿ ವಕೀಲ ವೃತ್ತಿಯಲ್ಲಿ ನಿರತರಾಗಿದ್ದು, ಅರ್ಜಿ ಸಲ್ಲಿಸಲು ನಿಗದಿಪಡಿಸಿದ ಕೊನೆಯ ದಿನಾಂಕದಂದು ಕನಿಷ್ಠ 3 ವರ್ಷಗಳ ವಕೀಲ ವೃತ್ತಿಯ ಸೇವಾ ಅನುಭವ ಹೊಂದಿರಬೇಕು.
- ಅರ್ಜಿ ಸಲ್ಲಿಸಲು ನಿಗದಿಪಡಿಸಿದ ಕೊನೆಯ ದಿನಾಂಕದೊಳಗೆ ಕಡ್ಡಾಯವಾಗಿ ಶೈಕ್ಷಣಿಕ ಅರ್ಹತೆ ಮತ್ತು ಪ್ರಮಾಣಪತ್ರ ಹೊಂದಿರಬೇಕು; ಪರೀಕ್ಷೆ ಬರೆದು ಫಲಿತಾಂಶಕ್ಕಾಗಿ ಕಾಯುತ್ತಿರುವ ಅಭ್ಯರ್ಥಿಗಳು ಅರ್ಹರಲ್ಲ.
ವಯೋಮಿತಿ:
- ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕದಂದು ಕನಿಷ್ಠ 25 ವರ್ಷ ತುಂಬಿರಬೇಕು. ಸರ್ಕಾರದ ಆದೇಶದಂತೆ ಒಂದು ಬಾರಿಗೆ
- ಅನ್ವಯವಾಗುವಂತೆ ಗರಿಷ್ಠ ವಯೋಮಿತಿಯಲ್ಲಿ 5 ವರ್ಷಗಳ ಸಡಿಲಿಕೆ ನೀಡಿದ ನಂತರದ ಮಿತಿ ಹೀಗಿದೆ:
- ಸಾಮಾನ್ಯ ಅರ್ಹತೆ (GM): ಗರಿಷ್ಠ 42 ವರ್ಷಗಳು
- ಪ್ರವರ್ಗ 2ಎ, 2ಬಿ, 3ಎ ಮತ್ತು 3ಬಿ: ಗರಿಷ್ಠ 45 ವರ್ಷಗಳು
- ಪರಿಶಿಷ್ಟ ಜಾತಿ (SC), ಪರಿಶಿಷ್ಟ ಪಂಗಡ (ST) ಮತ್ತು ಪ್ರವರ್ಗ-1: ಗರಿಷ್ಠ 47 ವರ್ಷಗಳು
ಅರ್ಜಿ ಶುಲ್ಕ (Application Fee):
- ಆನ್ಲೈನ್ ಮೂಲಕ ಮಾತ್ರ ಶುಲ್ಕ ಪಾವತಿಸಬೇಕು (ಪ್ರಾಥಮಿಕ ಪರೀಕ್ಷೆಗೆ):
- ಸಾಮಾನ್ಯ ಅರ್ಹತೆ ಮತ್ತು ಇತರೆ ಪ್ರವರ್ಗಗಳು (2ಎ / 2ಬಿ / 3ಎ / 3ಬಿ): ₹750
- ಪರಿಶಿಷ್ಟ ಜಾತಿ / ಪರಿಶಿಷ್ಟ ಪಂಗಡ / ಪ್ರವರ್ಗ-1 / ಮಾಜಿ ಸೈನಿಕ / ತೃತೀಯ ಲಿಂಗ: ₹500
- ವಿಶೇಷ ಚೇತನ ಅಭ್ಯರ್ಥಿಗಳು: ₹250
ಪರೀಕ್ಷಾ ಮಾದರಿ, ಪಠ್ಯಕ್ರಮ ಮತ್ತು ಆಯ್ಕೆ ವಿಧಾನ: ನೇಮಕಾತಿ ಪ್ರಕ್ರಿಯೆಯು ಪ್ರಾಥಮಿಕ ಪರೀಕ್ಷೆ, ಮುಖ್ಯ ಪರೀಕ್ಷೆ ಮತ್ತು ಮೌಖಿಕ ಸಂದರ್ಶನ ಒಳಗೊಂಡಿರುತ್ತದೆ.
ಅ) ಪ್ರಾಥಮಿಕ ಪರೀಕ್ಷೆ (ಆಫ್ಲೈನ್ - ಓಎಂಆರ್ ಬಹುಆಯ್ಕೆ ಮಾದರಿ)
- ಪತ್ರಿಕೆ-1 (ಅವಧಿ: 3 ಗಂಟೆ | ಒಟ್ಟು 100 ಪ್ರಶ್ನೆ / 100 ಅಂಕಗಳು):
ಭಾಗ-1: ಕನ್ನಡ ಮತ್ತು ಇಂಗ್ಲಿಷ್ ಗ್ರಹಿಕೆ ಹಾಗೂ ಪ್ರಾವೀಣ್ಯತೆ (50 ಪ್ರಶ್ನೆಗಳು – 50 ಅಂಕಗಳು).
ಭಾಗ-2: ಸಾಮಾನ್ಯ ಜ್ಞಾನ, ತಾರ್ಕಿಕತೆ ಮತ್ತು ಮಾನಸಿಕ ಸಾಮರ್ಥ್ಯ (50 ಪ್ರಶ್ನೆಗಳು – 50 ಅಂಕಗಳು). - ಪತ್ರಿಕೆ-2 (ಅವಧಿ: 3 ಗಂಟೆ | 100 ಪ್ರಶ್ನೆ / 100 ಅಂಕಗಳು):
ವಿಷಯಗಳು: CPC-1908, Cyber law, Transfer of Property Act-1882, Indian Contract Act-1872, Specific Relief Act-1963, Indian Constitution, Limitation Act, CrPC-1973 / BNSS-2023, IPC-1860 / BNS-2023, Indian Evidence Act-1872 / BSA-2023. - ಗಮನಿಸಿ: 5ನೇ ಆಯ್ಕೆಯ ವೃತ್ತ ನೀಡಲಾಗಿದ್ದು, ಉತ್ತರಿಸದ ಪ್ರಶ್ನೆಗಳಿಗೆ 5ನೇ ವೃತ್ತ ಶೇಡ್ ಮಾಡಲು ಕೊನೆಯ ಬೆಲ್ ನಂತರ ಹೆಚ್ಚುವರಿ 5 ನಿಮಿಷ ನೀಡಲಾಗುತ್ತದೆ. ಯಾವ ವೃತ್ತವನ್ನೂ ಶೇಡ್ ಮಾಡದಿದ್ದರೆ ಪ್ರತಿ ಪ್ರಶ್ನೆಗೆ 0.25 ಅಂಕ ಕಡಿತಗೊಳಿಸಲಾಗುತ್ತದೆ.
ಆ) ಮುಖ್ಯ ಪರೀಕ್ಷೆ (ಲಿಖಿತ ಪ್ರಬಂಧ ಮಾದರಿ – ಪ್ರತಿ ಪತ್ರಿಕೆಗೆ ತಲಾ 100 ಅಂಕ, 3 ಗಂಟೆ)
- ಕಾನೂನು ಪತ್ರಿಕೆ-1 (100 ಅಂಕ): Framing of issues, Framing of charges, Principles of Pleading, Drafting of pleading.
- ಕಾನೂನು ಪತ್ರಿಕೆ-2 (100 ಅಂಕ): CrPC-1973 / BNSS-2023, Indian Evidence Act-1872 / BSA-2023, IPC-1860 / BNS-2023.
- ಕಾನೂನು ಪತ್ರಿಕೆ-3 (100 ಅಂಕ): Constitution of India, Cyber laws, Code of Civil Procedure-1908.
- ಭಾಷಾ ನಿಯಮ: ಪ್ರಶ್ನೆಪತ್ರಿಕೆಗಳು ಕನ್ನಡ ಮತ್ತು ಇಂಗ್ಲಿಷ್ನಲ್ಲಿ ಇರುತ್ತವೆ. ಅಭ್ಯರ್ಥಿಗಳು ಕನ್ನಡ ಅಥವಾ ಇಂಗ್ಲಿಷ್ನಲ್ಲಿ ಉತ್ತರಿಸಬಹುದು; ಆದರೆ ಯಾವುದೇ ಒಂದು ಉತ್ತರ ಪತ್ರಿಕೆಯನ್ನು ಸಂಪೂರ್ಣವಾಗಿ ಒಂದೇ ಭಾಷೆಯಲ್ಲಿ ಬರೆಯಬೇಕು.
ಇ) ಅರ್ಹತಾ ಅಂಕಗಳು ಮತ್ತು ಸಂದರ್ಶನ
- ಪ್ರಾಥಮಿಕ ಪರೀಕ್ಷೆ: ಪ್ರತಿ ಪತ್ರಿಕೆಯಲ್ಲಿ SC/ST ಅಭ್ಯರ್ಥಿಗಳು ಕನಿಷ್ಠ 35% ಮತ್ತು ಸಾಮಾನ್ಯ/ಇತರೆ ವರ್ಗದ ಅಭ್ಯರ್ಥಿಗಳು ಕನಿಷ್ಠ 40% ಅಂಕ ಪಡೆದು 1:10 ಅನುಪಾತದಲ್ಲಿ ಮುಖ್ಯ ಪರೀಕ್ಷೆಗೆ ಅರ್ಹರಾಗುತ್ತಾರೆ.
- ಮುಖ್ಯ ಪರೀಕ್ಷೆ: ಪ್ರತಿ ಪತ್ರಿಕೆಯಲ್ಲಿ SC/ST ಅಭ್ಯರ್ಥಿಗಳು ಕನಿಷ್ಠ 35% ಮತ್ತು ಸಾಮಾನ್ಯ/ಇತರೆ ವರ್ಗದ ಅಭ್ಯರ್ಥಿಗಳು ಕನಿಷ್ಠ 40% ಅಂಕ ಪಡೆದು 1:3 ಅನುಪಾತದಲ್ಲಿ ಮೌಖಿಕ ಸಂದರ್ಶನಕ್ಕೆ ಅರ್ಹರಾಗುತ್ತಾರೆ.
- ಮೌಖಿಕ ಸಂದರ್ಶನ: ಗರಿಷ್ಠ 25 ಅಂಕಗಳಿಗೆ ಸಂದರ್ಶನ ನಡೆಯುತ್ತದೆ (ಕನ್ನಡ ಅಥವಾ ಇಂಗ್ಲಿಷ್ನಲ್ಲಿ ಉತ್ತರಿಸಬಹುದು). ಮುಖ್ಯ ಪರೀಕ್ಷೆ ಮತ್ತು ಸಂದರ್ಶನದ ಒಟ್ಟು ಅಂಕಗಳ ಆಧಾರದ ಮೇಲೆ ಮೀಸಲಾತಿ ನಿಯಮಗಳನ್ವಯ 1:1 ಅನುಪಾತದಲ್ಲಿ ಆಯ್ಕೆ ಪಟ್ಟಿ ಸಿದ್ಧಪಡಿಸಲಾಗುತ್ತದೆ.
ಅರ್ಜಿ ಸಲ್ಲಿಸುವ ವಿಧಾನ (ಹಂತ-ಹಂತವಾಗಿ):
1. ಅಧಿಸೂಚನೆ ಮತ್ತು ಅರ್ಹತೆ ಪರಿಶೀಲನೆ: ಆನ್ಲೈನ್ ಅರ್ಜಿ ಭರ್ತಿ ಮಾಡುವ ಮೊದಲು ಅರ್ಹತೆಗೆ ಸಂಬಂಧಿಸಿದ ಎಲ್ಲಾ ಸೂಚನೆಗಳು ಮತ್ತು ವಿವರವಾದ ಅಧಿಸೂಚನೆಯನ್ನು ಎಚ್ಚರಿಕೆಯಿಂದ ಓದಿ ಅರ್ಥೈಸಿಕೊಳ್ಳಿ.
2. ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ: ಕೆಇಎ ಅಧಿಕೃತ ವೆಬ್ಸೈಟ್ [https://cetonline.karnataka.gov.in/kea/](https://cetonline.karnataka.gov.in/kea/) ಗೆ ಭೇಟಿ ನೀಡಿ, ಸಂಬಂಧಿಸಿದ ನೇಮಕಾತಿ ಲಿಂಕ್ ಆಯ್ಕೆ ಮಾಡಿ.
3. ದಾಖಲೆಗಳು ಮತ್ತು ಫೋಟೋ/ಸಹಿ ಸಿದ್ಧಪಡಿಸಿ: ಅರ್ಜಿ ಭರ್ತಿ ಮಾಡುವಾಗ ಅಗತ್ಯವಿರುವ ಪ್ರಮಾಣಪತ್ರಗಳ ವಿವರಗಳು ಮತ್ತು ಸ್ಕ್ಯಾನ್ ಮಾಡಿದ ಭಾವಚಿತ್ರ ಹಾಗೂ ಸಹಿಯನ್ನು ಸಿದ್ಧವಾಗಿಟ್ಟುಕೊಳ್ಳಿ.
4. ವಿವರಗಳನ್ನು ಭರ್ತಿ ಮಾಡಿ ಮತ್ತು ಪರಿಶೀಲಿಸಿ: ಆನ್ಲೈನ್ ಅರ್ಜಿಯಲ್ಲಿ ಎಲ್ಲಾ ಮಾಹಿತಿಗಳನ್ನು ಜಾಗರೂಕತೆಯಿಂದ ಭರ್ತಿ ಮಾಡಿ, ತಪ್ಪಿಲ್ಲದಿರುವುದನ್ನು ಖಚಿತಪಡಿಸಿಕೊಳ್ಳಿ.
5. ಶುಲ್ಕ ಪಾವತಿ: ನಿಗದಿತ ಅವಧಿಯೊಳಗೆ (16.12.2026ರೊಳಗೆ) ಆನ್ಲೈನ್ ಮೂಲಕ ಮಾತ್ರ ಪರೀಕ್ಷಾ ಶುಲ್ಕ ಮತ್ತು ಪ್ರಕ್ರಿಯೆ ಶುಲ್ಕವನ್ನು ಪಾವತಿಸಿ.
6. ಅರ್ಜಿ ಪ್ರತಿ ಮತ್ತು ಚಲನ್ ಡೌನ್ಲೋಡ್: ಅರ್ಜಿ ಸಲ್ಲಿಸಿದ ನಂತರ ಅದರ ಒಂದು ಪ್ರತಿಯನ್ನು ಕಡ್ಡಾಯವಾಗಿ ಡೌನ್ಲೋಡ್ ಮಾಡಿಕೊಳ್ಳಿ ಮತ್ತು ಶುಲ್ಕ ಪಾವತಿಯ ಚಲನ್ ಅನ್ನು ನೇಮಕಾತಿ ಪ್ರಕ್ರಿಯೆ ಮುಗಿಯುವವರೆಗೂ ಸುರಕ್ಷಿತವಾಗಿ ಕಾಯ್ದಿಟ್ಟುಕೊಳ್ಳಿ.
ಪ್ರಮುಖ ಸೂಚನೆಗಳು:
- ತಿದ್ದುಪಡಿಗೆ ಅವಕಾಶವಿಲ್ಲ: ಒಮ್ಮೆ ಸಲ್ಲಿಸಿದ ಅರ್ಜಿಯಲ್ಲಿನ ಯಾವುದೇ ಮಾಹಿತಿಯನ್ನು ಯಾವುದೇ ಹಂತದಲ್ಲಿ ಬದಲಾವಣೆ ಅಥವಾ ತಿದ್ದುಪಡಿ ಮಾಡಲು ಅವಕಾಶವಿರುವುದಿಲ್ಲ.
- ಮೀಸಲಾತಿ ಮತ್ತು ಆರ್ಡಿ (RD) ಸಂಖ್ಯೆ: ಅರ್ಜಿ ಸಲ್ಲಿಸುವ ಸಂದರ್ಭದಲ್ಲಿ ಮೀಸಲಾತಿ ಕೋರದೇ ತದನಂತರದಲ್ಲಿ ಹೊಸದಾಗಿ ಮೀಸಲಾತಿ ಕೋರಲು ಬರುವುದಿಲ್ಲ. ಮೀಸಲಾತಿ ಕೋರುವವರು ನಿಗದಿತ ಕೊನೆಯ ದಿನಾಂಕದೊಳಗೆ ಚಾಲ್ತಿಯಲ್ಲಿರುವ ಪ್ರಮಾಣಪತ್ರ ಪಡೆದು, ಆನ್ಲೈನ್ ಅರ್ಜಿಯಲ್ಲಿ ಸರಿಯಾದ RD ಸಂಖ್ಯೆಯನ್ನು ನಮೂದಿಸಬೇಕು.
- ಭಾವಚಿತ್ರ ಮತ್ತು ಸಹಿ ಮಾನದಂಡಗಳು:
- ಇತ್ತೀಚಿನ ಪಾಸ್ಪೋರ್ಟ್ ಅಳತೆಯ ಭಾವಚಿತ್ರ: ಬಿಳಿ ಹಿನ್ನೆಲೆ, JPEG ಮಾದರಿ, ಗಾತ್ರ 50KB ಯಿಂದ 200KB ಒಳಗಿರಬೇಕು.
- ಸಹಿ: ಬಿಳಿಯ ಹಾಳೆಯ ಮೇಲೆ ಕಪ್ಪು ಶಾಹಿಯ ಸ್ಕೆಚ್/ಮಾರ್ಕರ್ ಪೆನ್ನಿನಲ್ಲಿ ಹಾಕಿದ ಸಹಿಯನ್ನು ಸ್ಕ್ಯಾನ್ ಮಾಡಿ, JPEG ಮಾದರಿಯಲ್ಲಿ, ಗಾತ್ರ 50KB ಯಿಂದ 70KB ಒಳಗೆ ಅಪ್ಲೋಡ್ ಮಾಡಬೇಕು. ಇವುಗಳನ್ನು ಅಪ್ಲೈಡ್ ಮಾಡದ ಅರ್ಜಿಗಳು ತಿರಸ್ಕೃತಗೊಳ್ಳುತ್ತವೆ. - ಅಂತಿಮ ದಿನಾಂಕ ಮತ್ತು ತಾಂತ್ರಿಕ ದೋಷ: ಕೊನೆಯ ದಿನಾಂಕದವರೆಗೆ ಕಾಯದೆ ಮುಂಚಿತವಾಗಿ ಅರ್ಜಿ ಸಲ್ಲಿಸಿ. ಕೊನೆಯ ಸಮಯದಲ್ಲಿ ಅರ್ಜಿ ಸಲ್ಲಿಸಲು ಅಥವಾ ಶುಲ್ಕ ಪಾವತಿಸಲು ತಾಂತ್ರಿಕ ದೋಷ/ತೊಂದರೆ ಉಂಟಾದಲ್ಲಿ ಪ್ರಾಧಿಕಾರ ಜವಾಬ್ದಾರಿಯಾಗುವುದಿಲ್ಲ.
- ಮೊಬೈಲ್ ಸಂಖ್ಯೆ ಮತ್ತು ಇ-ಮೇಲ್: ಅರ್ಜಿಯಲ್ಲಿ ನೀಡುವ ಮೊಬೈಲ್ ಸಂಖ್ಯೆ ಮತ್ತು ಇ-ಮೇಲ್ ಅಂತಿಮವಾಗಿದ್ದು, ಎಲ್ಲಾ ಮಾಹಿತಿಗಳನ್ನು ಅದೇ ವಿಳಾಸಗಳಿಗೆ ಕಳುಹಿಸಲಾಗುತ್ತದೆ; ನಂತರದ ಬದಲಾವಣೆ ಮನವಿಯನ್ನು ಪರಿಗಣಿಸಲಾಗುವುದಿಲ್ಲ.
- ಪ್ರಮಾಣಪತ್ರಗಳ ಮಾನ್ಯತೆ: ಅಗತ್ಯವಿರುವ ಶೈಕ್ಷಣಿಕ ಮತ್ತು ಮೀಸಲಾತಿ/ಸಮತಳ ಪ್ರಮಾಣಪತ್ರಗಳನ್ನು ಅರ್ಜಿ ಸಲ್ಲಿಸಲು ನಿಗದಿಪಡಿಸಿದ ಕೊನೆಯ ದಿನಾಂಕದೊಳಗೆ ಪಡೆದಿಟ್ಟುಕೊಂಡಿರಬೇಕು. ಕೊನೆಯ ದಿನಾಂಕದ ನಂತರ ಪಡೆದ ಪ್ರಮಾಣಪತ್ರಗಳನ್ನು ಪರಿಗಣಿಸಲಾಗುವುದಿಲ್ಲ.
- ಅರ್ಜಿ ಪ್ರತಿಯ ಮರು-ನೀಡುವಿಕೆ ಇಲ್ಲ: ಅರ್ಜಿ ಸಲ್ಲಿಸಿದ ನಂತರ ಪ್ರತಿಯನ್ನು ಡೌನ್ಲೋಡ್ ಮಾಡಿಕೊಳ್ಳಬೇಕು; ನಂತರ ಯಾವುದೇ ಹಂತದಲ್ಲಿ ಮನವಿ ಸಲ್ಲಿಸಿದರೂ ಪ್ರಾಧಿಕಾರದಿಂದ ಅರ್ಜಿ ಪ್ರತಿಯನ್ನು ನೀಡಲಾಗುವುದಿಲ್ಲ.
- ಸುಳ್ಳು ಮಾಹಿತಿ ಮತ್ತು ದುರ್ನಡತೆ: ತಪ್ಪು ಅಥವಾ ಸುಳ್ಳು ಮಾಹಿತಿ ನೀಡಿದರೆ, ದಾಖಲೆ ತಿದ್ದಿದರೆ, ನಕಲಿ ವ್ಯಕ್ತಿಯಾಗಿದ್ದರೆ ಅಥವಾ ಪರೀಕ್ಷಾ ಅಕ್ರಮ/ಅಪಪ್ರಚಾರದಲ್ಲಿ ತೊಡಗಿದರೆ ಯಾವುದೇ ಮುನ್ಸೂಚನೆ ನೀಡದೇ ಅಭ್ಯರ್ಥಿತನವನ್ನು ರದ್ದುಗೊಳಿಸಿ ಕಾನೂನು ಹಾಗೂ ಶಿಸ್ತು ಕ್ರಮ ಕೈಗೊಳ್ಳಲಾಗುವುದು.
- ಪತ್ರ ವ್ಯವಹಾರ ಮತ್ತು ಸಂಪರ್ಕ: ಪ್ರಾಧಿಕಾರವು ಅಭ್ಯರ್ಥಿಗಳೊಂದಿಗೆ ಯಾವುದೇ ಪತ್ರ ವ್ಯವಹಾರ ನಡೆಸುವುದಿಲ್ಲ. ಸಂಪರ್ಕಿಸಬೇಕಾದರೆ ಮನವಿಯಲ್ಲಿ ಅರ್ಜಿ ಸಂಖ್ಯೆ, ಹುದ್ದೆಯ/ವಿಷಯದ ಹೆಸರು, ಪೂರ್ಣ ಹೆಸರು (ಬಿಡಿ ಅಕ್ಷರಗಳಲ್ಲಿ) ಮತ್ತು ಅರ್ಜಿಯಲ್ಲಿ ನಮೂದಿಸಿದ ಅಂಚೆ ವಿಳಾಸ ಇರಬೇಕು. ಮಾಹಿತಿಗೆ ಕೆಇಎ ಮಾಹಿತಿ ಕೇಂದ್ರ 080-23460460 (10.00 AM to 6.00 PM) ಸಂಪರ್ಕಿಸಬಹುದು ಮತ್ತು ಅಧಿಕೃತ 'X' ಖಾತೆ @KEA_KARNATAKA ಗಮನಿಸಬಹುದು.
- No. of posts
- 320
- End Date
- 15 ಡಿಸೆಂಬರ್ 2026
- Pay Scale
- 69250 - 134200 INR
- Employment Type
- FULL_TIME
- Organization
- Karnataka Examinations Authority (KEA) (Website)
- Location
- Kempegowda Road, Bengaluru, KA, 560009
Discussion & Comments (0)
Have a query or feedback about this job notification?
No comments on this notification yet. Be the first to share your thoughts!
Stay Updated with KPSC Vaani
Get instant notifications for exam alerts, question papers, syllabus, and results directly on your phone.
