➤ ಪ್ರತಿ ವರ್ಷ ಸೆಪ್ಟೆಂಬರ್ 21 ರಂದು ವಿಶ್ವಾದ್ಯಂತ ಅಂತರರಾಷ್ಟ್ರೀಯ ಶಾಂತಿ ದಿನವನ್ನು (International Day of Peace) ಆಚರಿಸಲಾಗುತ್ತದೆ. ವಿಶ್ವ ಸಂಸ್ಥೆ (UN) 1981 ರಲ್ಲಿ ಈ ದಿನವನ್ನು ಘೋಷಿಸಿದ್ದು, ಜಾಗತಿಕ ಮಟ್ಟದಲ್ಲಿ ಹಿಂಸಾಚಾರ ಮತ್ತು ಯುದ್ಧಗಳನ್ನು ತಡೆದು ಶಾಂತಿ ಹಾಗೂ ಸಹಬಾಳ್ವೆಯನ್ನು ಉತ್ತೇಜಿಸುವುದು ಇದರ ಪ್ರಮುಖ ಉದ್ದೇಶವಾಗಿದೆ.
➤ 2026 ರ ಧೇಯವಾಕ್ಯ (Theme): ಎಲ್ಲರಿಗೂ, ಎಲ್ಲೆಡೆಯೂ, ಪ್ರತಿದಿನ – ಶಾಂತಿಯಲ್ಲಿ ಹೂಡಿಕೆ ಮಾಡಿ("Invest in Peace – For Everyone, Everywhere, Every Day" )
➤ ಇತಿಹಾಸ ಮತ್ತು ಹಿನ್ನೆಲೆ:
- ಸ್ಥಾಪನೆ (1981): ಯುಎನ್ ಸಾಮಾನ್ಯ ಸಭೆ (UN General Assembly) 1981 ರಲ್ಲಿ ಈ ದಿನವನ್ನು ಆಚರಿಸಲು ನಿರ್ಣಯ ಅಂಗೀಕರಿಸಿತು.
- ಜಾಗತಿಕ ಕಣವಿರಾಮ (2001): 2001 ರಲ್ಲಿ ಯುಎನ್ ಸಾಮಾನ್ಯ ಸಭೆಯು ಸರ್ವಸಮ್ಮತಿಯಿಂದ ಸೆಪ್ಟೆಂಬರ್ 21 ರಂದು ಜಾಗತಿಕ ಶಸ್ತ್ರತ್ಯಾಗ ಮತ್ತು ಕದನ ವಿರಾಮದ (Global Ceasefire & Non-violence) ದಿನವನ್ನಾಗಿ ಘೋಷಿಸಿತು.
- ಶಾಂತಿ ಗಂಟೆ (Peace Bell): ಪ್ರತಿ ವರ್ಷ ನ್ಯೂಯಾರ್ಕ್ನಲ್ಲಿರುವ ವಿಶ್ವಸಂಸ್ಥೆಯ ಪ್ರಧಾನ ಕಚೇರಿಯಲ್ಲಿ ಯುಎನ್ ಪೀಸ್ ಬೆಲ್ (Peace Bell - ಜಪಾನ್ ನೀಡಿದ ಉಡುಗೊರೆ) ಬಾರಿಸುವ ಮೂಲಕ ಈ ದಿನದ ಆಚರಣೆಗೆ ಚಾಲನೆ ನೀಡಲಾಗುತ್ತದೆ.
➤ ಪ್ರಸ್ತುತ ವಿಶ್ವದ ಜಾಗತಿಕ ಸ್ಥಿತಿಗತಿಯನ್ನು ಪರಿಶೀಲಿಸಿದಾಗ, ಯುದ್ಧ ತಡೆಯುವ ಕ್ರಮಗಳಿಗಿಂತ ಯುದ್ಧದ ಸಿದ್ಧತೆಗಳೇ ಹೆಚ್ಚಾಗಿ ನಡೆಯುತ್ತಿವೆ. ಪ್ರಸ್ತುತ ಜಾಗತಿಕ ಮಿಲಿಟರಿ ವೆಚ್ಚದ ವಾಸ್ತವ:
- SIPRI ವರದಿ (2025/2026): ಸಿಪ್ರಿ (Stockholm International Peace Research Institute) ನೀಡಿದ ದತ್ತಾಂಶದಂತೆ ಜಾಗತಿಕ ಮಿಲಿಟರಿ ವೆಚ್ಚ ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ $2.88 ಟ್ರಿಲಿಯನ್ (USD) ತಲುಪಿದೆ.
- ಪ್ರಸ್ತುತ ಜಾಗತಿಕ ಸಂಘರ್ಷಗಳು: ರಷ್ಯಾ-ಉಕ್ರೇನ್ ಯುದ್ಧ, ಗಾಜಾ ಮಾನವೀಯ ಬಿಕ್ಕಟ್ಟು ಮತ್ತು ಮಧ್ಯಪ್ರಾಚ್ಯದ ಉದ್ವಿಗ್ನತೆಗಳು ಆಧುನಿಕ ಜಗತ್ತು ಇನ್ನೂ ಶಸ್ತ್ರಾಸ್ತ್ರಗಳ ಮೂಲಕವೇ 'ಸುರಕ್ಷತೆ' ಹುಡುಕುತ್ತಿರುವುದನ್ನು ತೋರಿಸುತ್ತವೆ.
➤ ಶಾಂತಿ ಸಚಿವಾಲಯ' ಕಲ್ಪನೆ ಬಂದಿದ್ದು: ಖ್ಯಾತ ಗಾಂಧಿವಾದಿ ಚಿಂತಕ ಮತ್ತು ಬರಹಗಾರ ಸತೀಶ್ ಕುಮಾರ್ ಅವರು ಪ್ರತಿ ದೇಶದಲ್ಲೂ 'ಶಾಂತಿ ಸಚಿವಾಲಯ' (Ministry of Peace) ಇರಬೇಕು ಎಂಬ ಪ್ರಸ್ತಾವನೆಯನ್ನು ಮುನ್ನೆಲೆಗೆ ತಂದಿದ್ದಾರೆ.
| ರಕ್ಷಣಾ ಸಚಿವಾಲಯ (Ministry of Defence) | ಶಾಂತಿ ಸಚಿವಾಲಯ (Ministry of Peace - ಪ್ರಸ್ತಾವಿತ) |
| ಯುದ್ಧ, ಶಸ್ತ್ರಾಸ್ತ್ರ ಸಂಗ್ರಹಣೆ ಹಾಗೂ ಸೇನಾ ಬಲವರ್ಧನೆಗೆ ಆದ್ಯತೆ | ಶಾಂತಿ ಶಿಕ್ಷಣ, ಮಧ್ಯಸ್ಥಿಕೆ (Mediation) ಮತ್ತು ಸಂವಾದಕ್ಕೆ ಆದ್ಯತೆ |
| ಶಸ್ತ್ರಾಸ್ತ್ರ ನವೀಕರಣಕ್ಕಾಗಿ ಶತಕೋಟಿ ಡಾಲರ್ ವೆಚ್ಚ | ಸಮುದಾಯಗಳ ನಡುವೆ ಹಿಂಸಾರಹಿತ ಪರಿಹಾರ ಮತ್ತು ಮೈತ್ರಿಗೆ ಆದ್ಯತೆ |
ಇನ್ನು ಹೆಚ್ಚಿನ ಪ್ರಚಲಿತ ಘಟನೆಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ
