➤ ಭಾರತದ ಕ್ರೀಡಾ ಕ್ಷೇತ್ರದಲ್ಲಿ ಮತ್ತೊಂದು ಐತಿಹಾಸಿಕ ಸಾಧನೆ ಮೂಡಿಬಂದಿದೆ. ಇಟಲಿಯ ಪೊರ್ಪೆಟ್ಟೊ (Porpetto) ನಗರದಲ್ಲಿ ನಡೆದ ISSF ಜೂನಿಯರ್ ಶಾಟ್‌ಗನ್ ವಿಶ್ವಕಪ್ 2026 (ISSF Junior World Cup Shotgun 2026) ಕ್ರೀಡಾಕೂಟದ ಪುರುಷರ ಟ್ರ್ಯಾಪ್ (Trap) ವಿಭಾಗದಲ್ಲಿ ಭಾರತದ 15 ವರ್ಷದ ಉದಯೋನ್ಮುಖ ಶೂಟರ್ ಯುಗನ್ ಶಕ್ತಿವೇಲ್ ಮುತ್ತುಕುಮಾರ್ (Yugan Sakthivel Muthukumaar) ಅತ್ಯುತ್ತಮ ಪ್ರದರ್ಶನ ನೀಡಿ ಚಿನ್ನದ ಪದಕ (Gold Medal) ಗೆದ್ದು ದೇಶಕ್ಕೆ ಕೀರ್ತಿ ತಂದಿದ್ದಾರೆ.
➤ ಪ್ರಮುಖ ಸ್ಪರ್ಧೆಯ ವಿವರಗಳು ಹಾಗೂ ಸಾಧನೆ:
- ಚಿನ್ನದ ಪದಕದ ಹಣಾಹಣಿ: 8 ಶೂಟರ್‌ಗಳಿದ್ದ ಫೈನಲ್ ಹಂತದಲ್ಲಿ ಯುಗನ್ 30 ರಲ್ಲಿ 27 ಗುರಿಗಳನ್ನು (27/30 Targets) ಯಶಸ್ವಿಯಾಗಿ ತಲುಪಿ ಪ್ರಥಮ ಸ್ಥಾನ ಪಡೆದರು.
- ಇಟಲಿಯ ಶೂಟರ್‌ಗೆ ಬೆಳ್ಳಿ: ಹೋಮ್ ಫೇವರಿಟ್ ಆಗಿದ್ದ ಇಟಲಿಯ ಫ್ರಾಂಚೆಸ್ಕೋ ತಾನ್ಫೋಗ್ಲಿಯೊ (Francesco Tanfoglio) ಅವರನ್ನು ಕೇವಲ 1 ಪಾಯಿಂಟ್ ವ್ಯತ್ಯಾಸದಿಂದ (26/30) ಸೋಲಿಸಿ ಯುಗನ್ ಸ್ವರ್ಣ ಪದಕ ಮುಡಿಗೇರಿಸಿಕೊಂಡರು.
- ಅರ್ಹತಾ ಸುತ್ತಿನ ಹಂತ (Qualification): ಯುಗನ್ ಅರ್ಹತಾ ಸುತ್ತಿನಲ್ಲಿ 125 ಕ್ಕೆ 114 ಅಂಕ ಗಳಿಸಿ, ಶೂಟ್-ಆಫ್ (Shoot-off) ಮೂಲಕ 6ನೇ ಸ್ಥಾನಿಯಾಗಿ ಫೈನಲ್‌ಗೆ ಲಗ್ಗೆ ಇಟ್ಟಿದ್ದರು.
➤ ಇತರ ಭಾರತೀಯ ಕ್ರೀಡಾಪಟುಗಳ ಪ್ರದರ್ಶನ:
1. ಪುರುಷರ ಟ್ರ್ಯಾಪ್ ವಿಭಾಗ:
- ಅರ್ಜುನ್ (112/125) – 12ನೇ ಸ್ಥಾನ.
- ವಿನಯ್ ಪ್ರತಾಪ್ ಸಿಂಗ್ ಚಂದ್ರಾವತ್ (112/125) – 13ನೇ ಸ್ಥಾನ.
- ಉದ್ಧವ್ ಸಿಂಗ್ ರಾಥೋಡ್ (111/125) – 16ನೇ ಸ್ಥಾನ.
2. ಮಹಿಳೆಯರ ಟ್ರ್ಯಾಪ್ ವಿಭಾಗ:
- ಜೂನಿಯರ್ ಏಷ್ಯನ್ ಚಾಂಪಿಯನ್ ಸಬೀರಾ ಹ್ಯಾರಿಸ್ (Sabeera Haris) ಅರ್ಹತಾ ಸುತ್ತಿನಲ್ಲಿ 108/125 ಅಂಕಗಳೊಂದಿಗೆ ಫೈನಲ್ ತಲುಪಿದ ಏಕೈಕ ಭಾರತೀಯ ಮಹಿಳೆಯಾಗಿದ್ದರು. ಆದರೆ ಫೈನಲ್‌ನಲ್ಲಿ 6ನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು.
- ಭವ್ಯಾ ತ್ರಿಪಾಠಿ ಮತ್ತು ಕೃಷ್ಣಿಕಾ ಜೋಶಿ ಅರ್ಹತಾ ಸುತ್ತಿನಲ್ಲಿ 105 ಅಂಕಗಳೊಂದಿಗೆ ಅನುಕ್ರಮವಾಗಿ 9 ಮತ್ತು 10ನೇ ಸ್ಥಾನ ಪಡೆದರು.
➤ 2026 ರ ISSF ಜೂನಿಯರ್ ವಿಶ್ವಕಪ್‌ನಲ್ಲಿ ಭಾರತದ ಸಾಧನೆ:
- ಇಟಲಿಯ ಪೊರ್ಪೆಟ್ಟೊದಲ್ಲಿ ನಡೆದ ಈ ಸರಣಿಯು 2026 ರ ಎರಡನೇ ISSF ಜೂನಿಯರ್ ವಿಶ್ವಕಪ್ ಆಗಿದೆ.
- ಈ ವರ್ಷದ ಮೊದಲ ಜೂನಿಯರ್ ವಿಶ್ವಕಪ್ ಈಜಿಪ್ಟ್‌ನ ಕೈರೋ (Cairo, Egypt) ದಲ್ಲಿ ಏಪ್ರಿಲ್ ತಿಂಗಳಲ್ಲಿ ನಡೆದಿತ್ತು.
- ಕೈರೋ ಕೂಟದಲ್ಲಿ ಭಾರತವು 5 ಚಿನ್ನ, 6 ಬೆಳ್ಳಿ ಹಾಗೂ 5 ಕಂಸ್ಯ ಸೇರಿದಂತೆ ಒಟ್ಟು 16 ಪದಕಗಳನ್ನು ಗೆದ್ದು ಪದಕ ಪಟ್ಟಿಯಲ್ಲಿ ಅಗ್ರಸ್ಥಾನ ಗಳಿಸಿತ್ತು.