Job Description: ➤ ಡಿಜಿಟಲ್ ಪಾವತಿ ಕ್ಷೇತ್ರದಲ್ಲಿ ಅತ್ಯಂತ ಮಹತ್ವದ ಬೆಳವಣಿಗೆಯೊಂದರಲ್ಲಿ, ಯುಪಿಐ (UPI) ಹಾಗೂ ಇತರ ವಿದ್ಯುನ್ಮಾನ ಪಾವತಿಗಳ ಮೇಲೆ ಬ್ಯಾಂಕ್‌ಗಳು ಮತ್ತು ಸೇವಾ ಪೂರೈಕೆದಾರರು ಸೇವಾ ಶುಲ್ಕ (Service Charges / MDR) ವಿಧಿಸಲು ಕೇಂದ್ರ ಸರ್ಕಾರಕ್ಕೆ ಅಧಿಕಾರ ನೀಡುವ ಮಸೂದೆಗೆ ಲೋಕಸಭೆಯು ಧ್ವನಿಮತದ ಮೂಲಕ ಅನುಮೋದನೆ ನೀಡಿದೆ.➤ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಮಂಡಿಸಿದ 'ತೆರಿಗೆ ಮತ್ತು ಇತರ ಕಾನೂನುಗಳ (ತಿದ್ದುಪಡಿ) ವಿಧೇಯಕ, 2026' ರ (Taxation and Other Laws (Amendment) Bill, 2026) ಭಾಗವಾಗಿ 'ಪಾವತಿ ಮತ್ತು ಇತ್ಯರ್ಥ ವ್ಯವಸ್ಥೆಗಳ ಕಾಯಿದೆ- 2007' ಕ್ಕೆ (Payment and Settlement Systems Act, 2007) ಈ ತಿದ್ದುಪಡಿಯನ್ನು ತರಲಾಗಿದೆ.➤ ಕಾಯಿದೆ ತಿದ್ದುಪಡಿಯ ಮುಖ್ಯ ಮುಖ್ಯಾಂಶಗಳು:ಶೂನ್ಯ-MDR ನಿಯಮ ರದ್ದು: ಹಾಲಿ ಚಾಲ್ತಿಯಲ್ಲಿದ್ದ ಕಾನೂನಿನ ಪ್ರಕಾರ ಬ್ಯಾಂಕ್‌ಗಳು ಹಾಗೂ ಪಾವತಿ ಸೇವಾ ಸಂಸ್ಥೆಗಳು (PSPs) ಯುಪಿಐ ಮತ್ತು ರೂಪೇ (RuPay) ಪಾವತಿಗಳ ಮೇಲೆ ಮರ್ಚೆಂಟ್ ಡಿಸ್ಕೌಂಟ್ ರೇಟ್ (MDR) ವಿಧಿಸುವುದನ್ನು ತಡೆಯಲಾಗಿತ್ತು. ಈ ತಿದ್ದುಪಡಿಯಿಂದ ಆ ಕಾನೂನು ನಿಬಂಧನೆ ರದ್ದಾಗಲಿದೆ. ಸಂಸತ್ತಿನ ತಿದ್ದುಪಡಿ ವಿವರ: ಕಾಯಿದೆಯ ಸೆಕ್ಷನ್ 10A ರಲ್ಲಿದ್ದ 'ಆದಾಯ ತೆರಿಗೆ ಕಾಯಿದೆ ಸೆಕ್ಷನ್ 269SU' ಅಡಿಯ ನಿಬಂಧನೆಗಳನ್ನು ಬದಲಾಯಿಸಿ, "ಕೇಂದ್ರ ಸರ್ಕಾರವು ಅಧಿಸೂಚಿಸುವ ವಿದ್ಯುನ್ಮಾನ ಪಾವತಿ ವಿಧಾನಗಳಿಗೆ ಶುಲ್ಕ ವಿಧಿಸಬಹುದು" ಎಂದು ತಿದ್ದುಪಡಿ ಮಾಡಲಾಗಿದೆ. ಯಾರಿಗೆ ಶುಲ್ಕ ಅನ್ವಯ: ವ್ಯಕ್ತಿಯಿಂದ ವ್ಯಕ್ತಿಗೆ (P2P): ಸಾಮಾನ್ಯ ಬಳಕೆದಾರರ ನಡುವಿನ ದಿನನಿತ್ಯದ ಯುಪಿಐ ವರ್ಗಾವಣೆಗಳು ಉಚಿತವಾಗಿ ಮುಂದುವರಿಯುವ ಸಾಧ್ಯತೆಯಿದೆ. ವರ್ತಕರ ಪಾವತಿ (P2M): ₹2,000 ಕ್ಕಿಂತ ಹೆಚ್ಚಿನ ಮೌಲ್ಯದ ಮರ್ಚೆಂಟ್ (ವ್ಯಾಪಾರಿ) ವಹಿವಾಟುಗಳ ಮೇಲೆ 0.25% ರಿಂದ 0.4% ವರೆಗೆ MDR ಶುಲ್ಕ ವಿಧಿಸಲು ಸರ್ಕಾರ ಚಿಂತನೆ ನಡೆಸಿದೆ. RTGS & NEFT ಹೋಲಿಕೆ: ಆರ್‌ಟಿಜಿಎಸ್ (RTGS) ಮತ್ತು ಎನ್‌ಇಎಫ್‌ಟಿ (NEFT) ವಹಿವಾಟುಗಳಿಗೆ ಈಗಾಗಲೇ ಸೇವಾ ಶುಲ್ಕ ಸಂಗ್ರಹಿಸಲಾಗುತ್ತಿದ್ದು, ಇನ್ಮುಂದೆ ಯುಪಿಐಗೂ ನಿಯಂತ್ರಿತ ಮಾದರಿಯಲ್ಲಿ ಶುಲ್ಕ ನಿಗದಿಗೆ ಸರ್ಕಾರಕ್ಕೆ ಅಧಿಕಾರ ಸಿಕ್ಕಿದೆ.
