➤ ಭಾರತದ ನಿರುದ್ಯೋಗ ಮತ್ತು ಕೌಶಲ್ಯಾಭಿವೃದ್ಧಿಗೆ ಸಂಬಂಧಿಸಿದಂತೆ ನೀತಿ ಆಯೋಗವು (NITI Aayog) ಇತ್ತೀಚೆಗೆ 'Reimagining Skilling for Viksit Bharat@2047' ಎಂಬ ಮಹತ್ವದ ವರದಿಯನ್ನು ಬಿಡುಗಡೆ ಮಾಡಿದೆ.
➤NEETಅಂದರೆ ವೈದ್ಯಕೀಯ ಪರೀಕ್ಷೆಯಲ್ಲ (NEET Entrance Exam). ಬದಲಿಗೆ: Not in Education, Employment, or Training (ಶಿಕ್ಷಣ, ಉದ್ಯೋಗ ಅಥವಾ ಕೌಶಲ್ಯ ತರಬೇತಿ – ಈ ಯಾವುದರಲ್ಲೂ ಇಲ್ಲದವರು). 15 ರಿಂದ 29 ವರ್ಷದೊಳಗಿನ ಯುವಜನರು ಈ ವರ್ಗಕ್ಕೆ ಸೇರುತ್ತಾರೆ. ರಾಷ್ಟ್ರೀಯ ಮಾದರಿ ಸಮೀಕ್ಷೆಯ (NSS 78th Round - 2021) ದತ್ತಾಂಶ ಆಧರಿಸಿ ನೀತಿ ಆಯೋಗವು ಈ ಅಂಕಿ-ಅಂಶವನ್ನು ಪ್ರಕಟಿಸಿದೆ.
➤ ನೀತಿ ಆಯೋಗ ವರದಿಯ ಪ್ರಮುಖ ಮುಖ್ಯಾಂಶಗಳು:

• NEET ಯುವಕರ ಸಂಖ್ಯೆ: 8.7 ಕೋಟಿ (15-29 ವಯೋಮಾನ)
• ವಿದ್ಯಾರ್ಹತೆಗೆ ತಕ್ಕ ಕೆಲಸ: ಕೇವಲ 8.25% ಪದವೀಧರರಿಗೆ ಮಾತ್ರ ಅವರ ವಿದ್ಯಾರ್ಹತೆಗೆ ಸೂಕ್ತವಾದ ಕೆಲಸ ಲಭ್ಯವಿದೆ.
• 2014-15 ರಿಂದ ತರಬೇತಿ ಪಡೆದವರು: 7.67 ಕೋಟಿಗೂ ಹೆಚ್ಚು ಜನರಿಗೆ ಕೌಶಲ್ಯ ತರಬೇತಿ ನೀಡಲಾಗಿದೆ.
• ಆರ್ಥಿಕ ಹೊರೆ (Financial Barrier)   :ಉನ್ನತ ಶಿಕ್ಷಣ ಹಾಗೂ ಕೋಚಿಂಗ್ ಮುಗಿಸಿದ ನಂತರ ಹೆಚ್ಚುವರಿ ಕೌಶಲ್ಯ ತರಬೇತಿಗಾಗಿ ಹಣ ವೆಚ್ಚ ಮಾಡಲು ಸಾಧ್ಯವಾಗದಿರುವುದು.

➤ ಪ್ರಮುಖ ಸಮಸ್ಯೆಗಳು ಹಾಗೂ ಸವಾಲುಗಳು:

• ಶಿಕ್ಷಣ ಮತ್ತು ಉದ್ಯೋಗದ ನಡುವಿನ ಕಂದಕ: ಪದವಿ ಮುಗಿಸಿದ ನಂತರವೂ ಪ್ರಾಯೋಗಿಕ ಜ್ಞಾನ (Practical Skills) ಹಾಗೂ ಉದ್ಯಮಕ್ಕೆ ಅಗತ್ಯವಿರುವ ಕೌಶಲ್ಯದ ಕೊರತೆಯಿಂದಾಗಿ ಹೆಚ್ಚಿನ ಯುವಕರು ಕೆಲಸ ಪಡೆಯಲು ಸಾಧ್ಯವಾಗುತ್ತಿಲ್ಲ.
• ಆರ್ಥಿಕ ಮುಗ್ಗಟ್ಟು: ಬಡ ಮತ್ತು ಮಧ್ಯಮ ವರ್ಗದ ಕುಟುಂಬಗಳ ಯುವಕರು ಶಿಕ್ಷಣ ಮುಗಿದ ತಕ್ಷಣ ಕಡಿಮೆ ವೇತನದ ಕೆಲಸಕ್ಕೆ ಸೇರಿಕೊಳ್ಳುತ್ತಾರೆ ಅಥವಾ ಯಾವುದೇ ಕೆಲಸ ಸಿಗದೆ 'NEET' ಗುಂಪಿಗೆ ಸೇರುತ್ತಾರೆ.
• ಸ್ಕಿಲ್ಲಿಂಗ್ ಕೋರ್ಸ್‌ಗಳ ವೆಚ್ಚ: ಈಗಾಗಲೇ ಉನ್ನತ ಶಿಕ್ಷಣಕ್ಕೆ ಖರ್ಚು ಮಾಡಿರುವ ಅಭ್ಯರ್ಥಿಗಳು ಮತ್ತೆ ಹಣ ನೀಡಿ ಪ್ರತ್ಯೇಕ ಕೌಶಲ್ಯ ಕೋರ್ಸ್ ಮಾಡಲು ಹಿಂಜರಿಯುತ್ತಿದ್ದಾರೆ.

➤ ನೀತಿ ಆಯೋಗದ ಪ್ರಮುಖ ಶಿಫಾರಸುಗಳು:

• Learn While You Earn (ಗಳಿಸುತ್ತಾ ಕಲಿಯಿರಿ): ಯುವಕರು ಉದ್ಯೋಗ ಮಾಡುತ್ತಲೇ ಕೌಶಲ್ಯ ಹೆಚ್ಚಿಸಿಕೊಳ್ಳಲು (Reskilling) ಅವಕಾಶ ನೀಡುವುದು.
• ಸಬ್ಸಿಡಿ ಹಾಗೂ ಉಚಿತ ಕೌಶಲ್ಯ ತರಬೇತಿ: ಆರ್ಥಿಕವಾಗಿ ಹಿಂದುಳಿದ ವರ್ಗದ ಯುವಕರಿಗೆ ರಿಯಾಯಿತಿ ದರದಲ್ಲಿ ತರಬೇತಿ ನೀಡುವುದು.
• ವಿಕಸಿತ ಭಾರತ 2047 (Viksit Bharat@2047): ಭಾರತವು 2047 ರ ವೇಳೆಗೆ ಅಭಿವೃದ್ಧಿ ಹೊಂದಿದ ರಾಷ್ಟ್ರವಾಗಲು ಯುವಜನತೆಯಲ್ಲಿ ನಿರಂತರ ಕಲಿಕೆ ಮತ್ತು ಸ್ವಯಂ ಉದ್ಯೋಗ (Self-Employment) ಮಾರ್ಗಗಳನ್ನು ಉತ್ತೇಜಿಸುವುದು ಅಗತ್ಯ.