UCO Bank Recruitment 2026: 530 ಹುದ್ದೆಗಳಿಗೆ ಅರ್ಜಿ ಆಹ್ವಾನ, ತಿಂಗಳಿಗೆ ₹16,650 ಸ್ಟೈಪೆಂಡ್!

UCO Bank Apprentice Recruitment 2026: ಒಟ್ಟು 530 ಹುದ್ದೆಗಳು, ಕರ್ನಾಟಕದಲ್ಲಿ 11 ಹುದ್ದೆಗಳು. ಪದವಿ ಅರ್ಹತೆ, 20–28 ವಯೋಮಿತಿ, ₹16,650 ಸ್ಟೈಪೆಂಡ್, ಅರ್ಜಿ ಶುಲ್ಕ ಮತ್ತು ನವೆಂಬರ್ 7ರ ಪರೀಕ್ಷೆಯ ಸಂಪೂರ್ಣ ಮಾಹಿತಿ ತಿಳಿಯಿರಿ.

ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ವೃತ್ತಿಜೀವನ ಆರಂಭಿಸಲು ಬಯಸುವ ಪದವೀಧರ ಅಭ್ಯರ್ಥಿಗಳಿಗೆ ಇಲ್ಲಿದೆ ಪ್ರಮುಖ ಉದ್ಯೋಗಾವಕಾಶ. ಯುಕೋ ಬ್ಯಾಂಕ್ (UCO Bank) 2026-27ನೇ ಸಾಲಿನ ಅಪ್ರೆಂಟಿಸ್‌ಶಿಪ್ ತರಬೇತಿಗಾಗಿ ಒಟ್ಟು 530 ಅಪ್ರೆಂಟಿಸ್ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿದೆ. ಈ ನೇಮಕಾತಿಯಲ್ಲಿ ಕರ್ನಾಟಕ ರಾಜ್ಯಕ್ಕೆ 11 ಹುದ್ದೆಗಳನ್ನು ಮೀಸಲಿಡಲಾಗಿದೆ.

ಅರ್ಹ ಅಭ್ಯರ್ಥಿಗಳು ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದಾಗಿದ್ದು, ಆಯ್ಕೆಯಾದವರಿಗೆ ಒಂದು ವರ್ಷದ ತರಬೇತಿ ಅವಧಿಯಲ್ಲಿ ಮಾಸಿಕ ಒಟ್ಟು ₹16,650 ಸ್ಟೈಪೆಂಡ್ ನೀಡುವ ವ್ಯವಸ್ಥೆಯನ್ನು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ. ಪದವಿ ಪೂರ್ಣಗೊಳಿಸಿ ಬ್ಯಾಂಕಿಂಗ್ ಕಾರ್ಯವೈಖರಿಯ ಪ್ರಾಯೋಗಿಕ ಅನುಭವ ಪಡೆಯಲು ಬಯಸುವ ಯುವಜನರಿಗೆ ಈ ಅವಕಾಶ ಉಪಯುಕ್ತವಾಗಿದೆ.

ಯುಕೋ ಬ್ಯಾಂಕ್ ಅಪ್ರೆಂಟಿಸ್ ನೇಮಕಾತಿ 2026ಕ್ಕೆ ಅರ್ಜಿ ಸಲ್ಲಿಸುವ ಮೊದಲು ವಯೋಮಿತಿ, ವಿದ್ಯಾರ್ಹತೆ, ರಾಜ್ಯವಾರು ಹುದ್ದೆಗಳು, ಅರ್ಜಿ ಶುಲ್ಕ, ಆನ್‌ಲೈನ್ ಪರೀಕ್ಷೆಯ ಮಾದರಿ ಮತ್ತು ಆಯ್ಕೆ ಪ್ರಕ್ರಿಯೆಯ ಬಗ್ಗೆ ಸಂಪೂರ್ಣವಾಗಿ ತಿಳಿದುಕೊಳ್ಳುವುದು ಮುಖ್ಯ.

visit official website

ಪ್ರಮುಖ ಮಾಹಿತಿ

• ಬ್ಯಾಂಕ್ ಹೆಸರು : ಯುಕೋ ಬ್ಯಾಂಕ್ (UCO Bank)
• ನೇಮಕಾತಿ ಹೆಸರು : ಅಪ್ರೆಂಟಿಸ್ ನೇಮಕಾತಿ 2026-27
• ಒಟ್ಟು ಹುದ್ದೆಗಳು : 530
• ಕರ್ನಾಟಕದ ಹುದ್ದೆಗಳು : 11
• ಅರ್ಜಿ ಸಲ್ಲಿಸಲು ಕೊನೆಯ ದಿನ    : 29 ಅಕ್ಟೋಬರ್ 2026
• ಅರ್ಜಿ ವಿಧಾನ    : ಆನ್‌ಲೈನ್
• ಆನ್‌ಲೈನ್ ಪರೀಕ್ಷೆ : 7 ನವೆಂಬರ್ 2026, ಬೆಳಿಗ್ಗೆ 11 ಗಂಟೆ

ಒಟ್ಟು 530 ಹುದ್ದೆಗಳು: ಕರ್ನಾಟಕದಲ್ಲಿ 11 ಅಪ್ರೆಂಟಿಸ್ ಅವಕಾಶಗಳು

• ಪರಿಶಿಷ್ಟ ಜಾತಿ (SC) : 1
• ಪರಿಶಿಷ್ಟ ಪಂಗಡ (ST) : 0
• ಇತರೆ ಹಿಂದುಳಿದ ವರ್ಗ (OBC-NCL) : 5
• ಆರ್ಥಿಕವಾಗಿ ದುರ್ಬಲ ವರ್ಗ (EWS) : 0
• ಸಾಮಾನ್ಯ ವರ್ಗ (UR) : 5

ಪ್ರಮುಖ ದಿನಾಂಕಗಳು : 

• ಅಧಿಸೂಚನೆ ಬಿಡುಗಡೆ : 14 ಅಕ್ಟೋಬರ್ 2026
• ಆನ್‌ಲೈನ್ ಅರ್ಜಿ ಪ್ರಾರಂಭ : 14 ಅಕ್ಟೋಬರ್ 2026
• ಅರ್ಜಿ ಸಲ್ಲಿಸಲು ಕೊನೆಯ ದಿನ : 29 ಅಕ್ಟೋಬರ್ 2026
• ಆನ್‌ಲೈನ್ ಪರೀಕ್ಷೆ : 7 ನವೆಂಬರ್ 2026
• ಪರೀಕ್ಷೆಯ ಸಮಯ : ಬೆಳಿಗ್ಗೆ 11:00 ಗಂಟೆ

ಶೈಕ್ಷಣಿಕ ಅರ್ಹತೆ: ಅಭ್ಯರ್ಥಿಗಳು ಭಾರತ ಸರ್ಕಾರದಿಂದ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯ ಅಥವಾ ಸಂಸ್ಥೆಗಳಿಂದ ಪದವಿ (Graduation) ಪೂರ್ಣಗೊಳಿಸಿರಬೇಕು. ವಿಶೇಷವಾಗಿ, ಅಭ್ಯರ್ಥಿಗಳು ಏಪ್ರಿಲ್ 1, 2022 ರಂದು ಅಥವಾ ಅದರ ನಂತರ ಪದವಿ ಪ್ರಮಾಣಪತ್ರವನ್ನು ಪಡೆದಿರಬೇಕು.

ವಯೋಮಿತಿ: ಅಕ್ಟೋಬರ್ 1, 2026 ಕ್ಕೆ ಅಭ್ಯರ್ಥಿಗಳ ಕನಿಷ್ಠ ವಯಸ್ಸು 20 ವರ್ಷಗಳು ಮತ್ತು ಗರಿಷ್ಠ 28 ವರ್ಷಗಳಾಗಿರಬೇಕು. 
ವಯೋಮಿತಿ ಸಡಿಲಿಕೆ : 

• SC/ST ಅಭ್ಯರ್ಥಿಗಳಿಗೆ : 5 ವರ್ಷ
• OBC (NCL) ಅಭ್ಯರ್ಥಿಗಳಿಗೆ : 3 
• PwBD – UR/EWS ಅಭ್ಯರ್ಥಿಗಳಿಗೆ : 10 ವರ್ಷ
• PwBD – OBC ಅಭ್ಯರ್ಥಿಗಳಿಗೆ : 13 ವರ್ಷ
• PwBD – SC/ST ಅಭ್ಯರ್ಥಿಗಳಿಗೆ : 15 ವರ್ಷ ವರ್ಷಗಳ ವಯೋಮಿತಿ ಸಡಿಲಿಕೆ ಇರಲಿದೆ.

ತರಬೇತಿ ಅವಧಿ ಮತ್ತು ಸ್ಟೈಪೆಂಡ್: ಆಯ್ಕೆಯಾದ ಅಭ್ಯರ್ಥಿಗಳಿಗೆ ತರಬೇತಿಯ ಅವಧಿಯು ಒಂದು ವರ್ಷವಾಗಿರುತ್ತದೆ. ಈ ಅವಧಿಯಲ್ಲಿ ಅಭ್ಯರ್ಥಿಗಳಿಗೆ ಪ್ರತಿ ತಿಂಗಳು ₹16,650/- ಸ್ಟೈಪೆಂಡ್ ನೀಡಲಾಗುತ್ತದೆ. ಇದರಲ್ಲಿ UCO ಬ್ಯಾಂಕ್ ₹10,500/- ಪಾವತಿಸಿದರೆ, ಉಳಿದ ₹6,150/- ಮೊತ್ತವನ್ನು ಸರ್ಕಾರವು ನೇರ ನಗದು ವರ್ಗಾವಣೆ (DBT) ಮೂಲಕ ಅಭ್ಯರ್ಥಿಗಳ ಖಾತೆಗೆ ಜಮೆ ಮಾಡಲಿದೆ.

ಅರ್ಜಿ ಶುಲ್ಕ ಎಷ್ಟು?
ಅಧಿಸೂಚನೆಯ ಪ್ರಕಾರ, ಪರೀಕ್ಷಾ ಶುಲ್ಕವನ್ನು ಆನ್‌ಲೈನ್ ಮೂಲಕ ಮಾತ್ರ ಪಾವತಿಸಬೇಕು.

• SC / ST : ₹200 + GST
• PwBD : ₹200 + GST
• General / EWS / OBC ಪುರುಷರು : ₹800 + GST
• General / EWS / OBC ಮಹಿಳೆಯರು ಮತ್ತು ಟ್ರಾನ್ಸ್‌ಜೆಂಡರ್ ಅಭ್ಯರ್ಥಿಗಳು : ₹600 + GST

ಇದನ್ನು ಓದಿ : 10ನೇ, 12ನೇ, ಪದವಿ ಪಾಸಾದವರಿಗೆ ಉದ್ಯೋಗಾವಕಾಶ: ಸಂಗೊಳ್ಳಿ ಸೈನಿಕ ಶಾಲೆಯಲ್ಲಿ ನೇಮಕಾತಿ, ವೇತನ ₹1.15 ಲಕ್ಷ!

ಆಯ್ಕೆ ಪ್ರಕ್ರಿಯೆ : 
ಯುಕೋ ಬ್ಯಾಂಕ್ ಅಪ್ರೆಂಟಿಸ್ ನೇಮಕಾತಿಗೆ ಅಭ್ಯರ್ಥಿಗಳನ್ನು ಮುಖ್ಯವಾಗಿ ಆನ್‌ಲೈನ್ ಪ್ರವೇಶ ಪರೀಕ್ಷೆಯ ಮೂಲಕ ಆಯ್ಕೆ ಮಾಡಲಾಗುತ್ತದೆ. ಪರೀಕ್ಷೆಯನ್ನು BFSI Sector Skill Council of India (BFSI SSC) ನಡೆಸುತ್ತದೆ.
ಆಯ್ಕೆ ಪ್ರಕ್ರಿಯೆಯ ಪ್ರಮುಖ ಹಂತಗಳು:

1. NATS ಪೋರ್ಟಲ್‌ನಲ್ಲಿ ನೋಂದಣಿ.
2. ಯುಕೋ ಬ್ಯಾಂಕ್ ಅಪ್ರೆಂಟಿಸ್‌ಶಿಪ್ ಅವಕಾಶಕ್ಕೆ ಅರ್ಜಿ ಸಲ್ಲಿಕೆ.
3. BFSI SSC ಮೂಲಕ ಇಮೇಲ್‌ನಲ್ಲಿ ಬರುವ ಹೆಚ್ಚುವರಿ ಅರ್ಜಿ ಮತ್ತು ಪರೀಕ್ಷಾ ಶುಲ್ಕ ಪಾವತಿ ಪ್ರಕ್ರಿಯೆ ಪೂರ್ಣಗೊಳಿಸುವುದು.
4. ಆನ್‌ಲೈನ್ ಪರೀಕ್ಷೆಗೆ ಹಾಜರಾಗುವುದು.
5. ರಾಜ್ಯವಾರು ಮತ್ತು ವರ್ಗವಾರು ಮೆರಿಟ್ ಪಟ್ಟಿಯಲ್ಲಿ ಸ್ಥಾನ ಪಡೆಯುವುದು.
6. ಅಗತ್ಯವಿದ್ದಲ್ಲಿ ಸ್ಥಳೀಯ ಭಾಷಾ ಪರೀಕ್ಷೆ ಮತ್ತು ದಾಖಲೆ ಪರಿಶೀಲನೆಗೆ ಹಾಜರಾಗುವುದು.
7. ವೈದ್ಯಕೀಯ ಅರ್ಹತೆ ಸೇರಿದಂತೆ ಅನ್ವಯಿಸುವ ಅಂತಿಮ ಷರತ್ತುಗಳನ್ನು ಪೂರೈಸುವುದು.

ಪರೀಕ್ಷೆಗೆ ಹೇಗೆ ಸಿದ್ಧತೆ ನಡೆಸಬೇಕು?

- ಸಾಮಾನ್ಯ ಮತ್ತು ಹಣಕಾಸು ಅರಿವು: ಬ್ಯಾಂಕಿಂಗ್ ಮೂಲಭೂತ ಮಾಹಿತಿ, ಹಣಕಾಸು ಪದಗಳು ಮತ್ತು ಪ್ರಚಲಿತ ವಿದ್ಯಮಾನಗಳನ್ನು ಅಭ್ಯಾಸ ಮಾಡಿ.
- ಇಂಗ್ಲಿಷ್: ವ್ಯಾಕರಣ, ಪದಸಂಪತ್ತು, ಓದು ಗ್ರಹಿಕೆ ಮತ್ತು ವಾಕ್ಯ ರಚನೆಗೆ ಗಮನ ಕೊಡಿ.
- ತಾರ್ಕಿಕ ಸಾಮರ್ಥ್ಯ: ಸರಣಿ, ಕೋಡಿಂಗ್-ಡಿಕೋಡಿಂಗ್, ದಿಕ್ಕು, ಸಂಬಂಧ ಮತ್ತು ತಾರ್ಕಿಕ ಪ್ರಶ್ನೆಗಳನ್ನು ಅಭ್ಯಾಸ ಮಾಡಿ.
- ಕಂಪ್ಯೂಟರ್ ಜ್ಞಾನ: ಕಂಪ್ಯೂಟರ್ ಮೂಲಭೂತ ಅಂಶಗಳು ಮತ್ತು ಸಾಮಾನ್ಯ ಡಿಜಿಟಲ್ ಪರಿಕಲ್ಪನೆಗಳನ್ನು ಪುನರವಲೋಕನ ಮಾಡಿ.
- ಪರಿಮಾಣಾತ್ಮಕ ಸಾಮರ್ಥ್ಯ: ಶೇಕಡಾವಾರು, ಅನುಪಾತ, ಸರಾಸರಿ, ಲಾಭ-ನಷ್ಟ ಮತ್ತು ಸಂಖ್ಯಾತ್ಮಕ ಸಮಸ್ಯೆಗಳನ್ನು ಸಮಯ ಮಿತಿಯೊಳಗೆ ಬಿಡಿಸುವ ಅಭ್ಯಾಸ ಮಾಡಿ.

ಅರ್ಜಿ ಸಲ್ಲಿಕೆ ಹಂತಗಳು:

1. ಅಭ್ಯರ್ಥಿಗಳು ಕಡ್ಡಾಯವಾಗಿ ಮೊದಲು NATS ಪೋರ್ಟಲ್‌ನಲ್ಲಿ (https://nats.education.gov.in) ನೋಂದಾಯಿಸಿಕೊಳ್ಳಬೇಕು.  
2. ನೋಂದಣಿಯ ನಂತರ, UCO ಬ್ಯಾಂಕ್‌ನ ಅಪ್ರೆಂಟಿಸ್‌ಶಿಪ್ ಕಾರ್ಯಕ್ರಮಕ್ಕೆ NATS ಮೂಲಕ ಅರ್ಜಿ ಸಲ್ಲಿಸಬೇಕು.  
3. NATS ನಲ್ಲಿ ಅರ್ಜಿ ಸಲ್ಲಿಸಿದ ಅಭ್ಯರ್ಥಿಗಳಿಗೆ BFSI SSC ಯಿಂದ ಆನ್‌ಲೈನ್ ಪರೀಕ್ಷೆಯ ಶುಲ್ಕ ಪಾವತಿಸಲು ಇಮೇಲ್ ಲಿಂಕ್ (https://beep.bfsissc.com) ಕಳುಹಿಸಲಾಗುತ್ತದೆ.  
4. ಅರ್ಜಿ ಶುಲ್ಕವಾಗಿ ಸಾಮಾನ್ಯ, EWS ಮತ್ತು OBC (ಪುರುಷ) ಅಭ್ಯರ್ಥಿಗಳು ₹800 + GST ಪಾವತಿಸಬೇಕು. ಸಾಮಾನ್ಯ, EWS ಮತ್ತು OBC (ಮಹಿಳಾ/ತೃತೀಯ ಲಿಂಗಿ) ಅಭ್ಯರ್ಥಿಗಳಿಗೆ ₹600 + GST, ಹಾಗೂ SC/ST/PwBD ಅಭ್ಯರ್ಥಿಗಳಿಗೆ ₹200 + GST ಶುಲ್ಕ ನಿಗದಿಪಡಿಸಲಾಗಿದೆ. ಶುಲ್ಕ ಪಾವತಿಸಲು ಅಕ್ಟೋಬರ್ 29, 2026 ಕೊನೆಯ ದಿನಾಂಕವಾಗಿರುತ್ತದೆ.

ಅಭ್ಯರ್ಥಿಗಳಿಗೆ ಕೊನೆಯ ಸಲಹೆ
ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಪ್ರಾಯೋಗಿಕ ಅನುಭವ ಪಡೆಯಲು ಬಯಸುವ ಪದವೀಧರರಿಗೆ UCO Bank Apprentice Recruitment 2026 ಒಂದು ಗಮನಾರ್ಹ ಅವಕಾಶವಾಗಿದೆ. ಒಟ್ಟು 530 ಹುದ್ದೆಗಳ ಪೈಕಿ ಕರ್ನಾಟಕಕ್ಕೆ 11 ಹುದ್ದೆಗಳಿದ್ದು, ಅರ್ಹ ಅಭ್ಯರ್ಥಿಗಳು ತಮ್ಮ ವಯಸ್ಸು, ಪದವಿ ಪ್ರಮಾಣಪತ್ರದ ದಿನಾಂಕ, ಸ್ಥಳೀಯ ಭಾಷಾ ಜ್ಞಾನ ಮತ್ತು ಇತರ ನಿಯಮಗಳನ್ನು ಪರಿಶೀಲಿಸಿಕೊಂಡು ಅರ್ಜಿ ಸಲ್ಲಿಸಬೇಕು.

ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ 29 ಅಕ್ಟೋಬರ್ 2026 ಆಗಿರುವುದರಿಂದ ಕೊನೆಯ ಕ್ಷಣದವರೆಗೆ ಕಾಯದೆ NATS ನೋಂದಣಿ, ಅರ್ಜಿ ಸಲ್ಲಿಕೆ ಮತ್ತು ಪರೀಕ್ಷಾ ಶುಲ್ಕ ಪಾವತಿ ಪ್ರಕ್ರಿಯೆಗಳನ್ನು ಪೂರ್ಣಗೊಳಿಸಿ. ಪರೀಕ್ಷೆಗೆ ಸಿದ್ಧತೆ ನಡೆಸುವಾಗ 100 ಪ್ರಶ್ನೆಗಳಿಗೆ 60 ನಿಮಿಷಗಳ ಸಮಯ ಮಿತಿಯನ್ನು ಗಮನದಲ್ಲಿಟ್ಟುಕೊಂಡು ಅಭ್ಯಾಸ ಮಾಡಿ.

ಅತ್ಯಂತ ಮುಖ್ಯವಾಗಿ, ಇದು ಅಪ್ರೆಂಟಿಸ್‌ಶಿಪ್ ತರಬೇತಿಯೇ ಹೊರತು ಖಾಯಂ ಉದ್ಯೋಗ ನೇಮಕಾತಿಯಲ್ಲ ಎಂಬುದನ್ನು ಮರೆಯಬೇಡಿ. ಅರ್ಜಿ ಸಲ್ಲಿಸುವ ಮೊದಲು ಅಧಿಕೃತ ಅಧಿಸೂಚನೆಯನ್ನು ಸಂಪೂರ್ಣವಾಗಿ ಓದುವುದು ಉತ್ತಮ.

ಸಂಪೂರ್ಣ ಅಧಿಸೂಚನೆ ಹಾಗೂ ಹೆಚ್ಚಿನ ಮಾಹಿತಿಗಾಗಿ ಅಧಿಕೃತ ವೆಬ್‌ಸೈಟ್ www.kpscvaani.com ಗೆ ಭೇಟಿ ನೀಡಿ.