ಇಸ್ರೋದಲ್ಲಿ ಉದ್ಯೋಗಾವಕಾಶ: SSLC, ITI & ಡಿಪ್ಲೊಮಾ ಆದವರಿಗೆ ISRO IPRC ನೇಮಕಾತಿ! ₹1,42,400 ವರೆಗೆ ವೇತನ.

ISRO IPRC Recruitment 2026: ಇಸ್ರೋ ಪ್ರೊಪಲ್ಷನ್ ಕಾಂಪ್ಲೆಕ್ಸ್‌ನಲ್ಲಿ ಟೆಕ್ನಿಷಿಯನ್, ಅಸಿಸ್ಟೆಂಟ್ ಹುದ್ದೆಗಳ ಭರ್ತಿ! ₹1.42 ಲಕ್ಷದವರೆಗೆ ವೇತನ

KPSCVaani ಸುದ್ದಿಜಾಲ: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯಲ್ಲಿ (ISRO) ಸೇವೆ ಸಲ್ಲಿಸಲು ಬಯಸುವ ತಾಂತ್ರಿಕ ಹಾಗೂ ತಾಂತ್ರಿಕೇತರ ಆಕಾಂಕ್ಷಿಗಳಿಗೆ ಕೇಂದ್ರ ಸರ್ಕಾರವು ಉತ್ತಮ ಅವಕಾಶವನ್ನು ಕಲ್ಪಿಸಿದೆ. ತಮಿಳುನಾಡಿನ ತಿರುನೆಲ್ವೇಲಿ ಜಿಲ್ಲೆಯ ಮಹೇಂದ್ರಗಿರಿಯಲ್ಲಿರುವ ಇಸ್ರೋ ಪ್ರೊಪಲ್ಷನ್ ಕಾಂಪ್ಲೆಕ್ಸ್ (IPRC) ಘಟಕದಲ್ಲಿ ಖಾಲಿ ಇರುವ ವಿವಿಧ ಹುದ್ದೆಗಳ ಭರ್ತಿಗೆ ಅಧಿಕೃತ ಅಧಿಸೂಚನೆ ಬಿಡುಗಡೆಯಾಗಿದೆ.  

ಎಸ್‌ಎಸ್‌ಎಲ್‌ಸಿ, ಐಟಿಐ, ಡಿಪ್ಲೊಮಾ ಪೂರೈಸಿರುವ ಭಾರತೀಯ ನಾಗರಿಕರಿಂದ ಆನ್‌ಲೈನ್ ಮೂಲಕ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ. ಈ ನೇಮಕಾತಿಯ ಶೈಕ್ಷಣಿಕ ಅರ್ಹತೆ, ವಯೋಮಿತಿ, ಆಯ್ಕೆ ಪ್ರಕ್ರಿಯೆ ಮತ್ತು ಅರ್ಜಿ ಸಲ್ಲಿಕೆ ಕುರಿತಾದ ಸಂಪೂರ್ಣ ವಿವರಣೆ ಇಲ್ಲಿದೆ.

ಹುದ್ದೆಗಳ ವಿವರ

• ಟೆಕ್ನಿಕಲ್ ಅಸಿಸ್ಟೆಂಟ್ (Technical Assistant) : 05
• ಟೆಕ್ನಿಷಿಯನ್ 'ಬಿ' (Technician 'B') : 13
• ಕುಕ್ 'ಎ' (Cook 'A') : 1
• ಫೈರ್‌ಮ್ಯಾನ್ 'ಎ' : 3

ವಿದ್ಯಾರ್ಹತೆ : 

• ಟೆಕ್ನಿಕಲ್ ಅಸಿಸ್ಟೆಂಟ್ (Technical Assistant) : ಪ್ರಥಮ ದರ್ಜೆಯಲ್ಲಿ ಆಯಾ ವಿಭಾಗದ ಡಿಪ್ಲೊಮಾ (First Class Diploma)  
• ಟೆಕ್ನಿಷಿಯನ್ 'ಬಿ' (Technician 'B') : 10ನೇ ತರಗತಿ (SSLC) ಪಾಸ್ + ಆಯಾ ಟ್ರೇಡ್‌ನಲ್ಲಿ NCVT ಇಂದ ITI (NTC/NAC)
• ಕುಕ್ 'ಎ' (Cook 'A') : ಎಸ್‌ಎಸ್‌ಎಲ್‌ಸಿ ಪಾಸ್ + ಮಾನ್ಯತೆ ಪಡೆದ ಹೋಟೆಲ್/ಕ್ಯಾಂಟೀನ್‌ನಲ್ಲಿ 5 ವರ್ಷಗಳ ಅಡುಗೆ ಅನುಭವ
• ಫೈರ್‌ಮ್ಯಾನ್ 'ಎ' : ಎಸ್‌ಎಸ್‌ಎಲ್‌ಸಿ ಪಾಸ್ + ನಿಗದಿತ ದೈಹಿಕ ಸಾಮರ್ಥ್ಯ (Physical Fitness)

ವಯೋಮಿತಿ (Age Limit as on 05.10.2026)

• ಟೆಕ್ನಿಕಲ್ ಅಸಿಸ್ಟೆಂಟ್, ಟೆಕ್ನಿಷಿಯನ್ 'ಬಿ' ಮತ್ತು ಕುಕ್ 'ಎ': 18 ರಿಂದ 35 ವರ್ಷಗಳು.  
• ಫೈರ್‌ಮ್ಯಾನ್ 'ಎ': 18 ರಿಂದ 25 ವರ್ಷಗಳು.  
• ವಯೋಮಿತಿ ಸಡಿಲಿಕೆ: ಮೀಸಲಾತಿ ನಿಯಮಗಳ ಅನ್ವಯ ಎಸ್‌ಸಿ/ಎಸ್‌ಟಿ ಅಭ್ಯರ್ಥಿಗಳಿಗೆ 5 ವರ್ಷ ಮತ್ತು ಒಬಿಸಿ ಅಭ್ಯರ್ಥಿಗಳಿಗೆ 3 ವರ್ಷಗಳ ಗರಿಷ್ಠ ವಯೋಮಿತಿ ಸಡಿಲಿಕೆ ಇರುತ್ತದೆ (ಹುದ್ದೆಗಳು ಮೀಸಲಾಗಿದ್ದಲ್ಲಿ ಮಾತ್ರ). ಮಾಜಿ ಸೈನಿಕರು ಹಾಗೂ ಅಂಗವಿಕಲ ಅಭ್ಯರ್ಥಿಗಳಿಗೆ ಕೇಂದ್ರ ಸರ್ಕಾರದ ನಿಯಮಾವಳಿಗಳಂತೆ ವಯೋಮಿತಿ ಸಡಿಲಿಕೆ ಅನ್ವಯಿಸುತ್ತದೆ.  

ಮಾಸಿಕ ವೇತನ : 

• ಟೆಕ್ನಿಕಲ್ ಅಸಿಸ್ಟೆಂಟ್ (Technical Assistant) : ₹44,900 - ₹1,42,400
• ಟೆಕ್ನಿಷಿಯನ್ 'ಬಿ' (Technician 'B') : ₹21,700 - ₹69,100
• ಕುಕ್ 'ಎ' (Cook 'A') : ₹19,900 - ₹63,200
• ಫೈರ್‌ಮ್ಯಾನ್ 'ಎ' : ₹19,900 - ₹63,200

ಆಯ್ಕೆ ವಿಧಾನ (Selection Process) - 
ಲಿಖಿತ ಪರೀಕ್ಷೆ (Written Test):

• ಪರೀಕ್ಷೆಯನ್ನು ಆಫ್‌ಲೈನ್ ಓಎಂಆರ್ (OMR) ಮಾದರಿಯಲ್ಲಿ ನಡೆಸಲಾಗುತ್ತದೆ.  
• ಟೆಕ್ನಿಕಲ್ ಅಸಿಸ್ಟೆಂಟ್ ಮತ್ತು ಟೆಕ್ನಿಷಿಯನ್ ಹುದ್ದೆಗಳಿಗೆ 80 ಅಂಕಗಳ 90 ನಿಮಿಷಗಳ ಪರೀಕ್ಷೆ ಇರುತ್ತದೆ (ತಪ್ಪು ಉತ್ತರಕ್ಕೆ 0.33 ನೆಗೆಟಿವ್ ಅಂಕ).  
• ಕುಕ್ ಮತ್ತು ಫೈರ್‌ಮ್ಯಾನ್ ಹುದ್ದೆಗಳಿಗೆ 100 ಪ್ರಶ್ನೆಗಳ 120 ನಿಮಿಷಗಳ ಪರೀಕ್ಷೆ ಇರುತ್ತದೆ (ತಪ್ಪು ಉತ್ತರಕ್ಕೆ 0.25 ನೆಗೆಟಿವ್ ಅಂಕ).  
• ಪರೀಕ್ಷಾ ಕೇಂದ್ರಗಳು: ಚೆನ್ನೈ (Chennai) ಮತ್ತು ತಿರುನೆಲ್ವೇಲಿ (Tirunelveli). 

ಕೌಶಲ್ಯ ಪರೀಕ್ಷೆ (Skill Test):

• ಲಿಖಿತ ಪರೀಕ್ಷೆಯ ಮೆರಿಟ್ ಆಧಾರದ ಮೇಲೆ 1:5 ಅನುಪಾತದಲ್ಲಿ ಕೌಶಲ್ಯ ಪರೀಕ್ಷೆಗೆ ಅಭ್ಯರ್ಥಿಗಳನ್ನು ಕರೆಯಲಾಗುತ್ತದೆ.  
  ಇದು ಕೇವಲ ಅರ್ಹತಾ ಸ್ವರೂಪದ್ದಾಗಿದೆ (Go/No-Go Basis).
• ಅಂತಿಮ ಮೆರಿಟ್ ಪಟ್ಟಿಯನ್ನು ಲಿಖಿತ ಪರೀಕ್ಷೆಯ ಅಂಕಗಳ ಆಧಾರದ ಮೇಲೆ ಸಿದ್ಧಪಡಿಸಲಾಗುತ್ತದೆ.  
• ಫೈರ್‌ಮ್ಯಾನ್ ಹುದ್ದೆಗೆ ದೈಹಿಕ ದಕ್ಷತಾ ಪರೀಕ್ಷೆ (PET) ಮತ್ತು ವೈದ್ಯಕೀಯ ತಪಾಸಣೆ ಇರುತ್ತದೆ.

ಅರ್ಜಿ ಶುಲ್ಕ ಮತ್ತು ರೀಫಂಡ್ ನಿಯಮ (Fee & Refund Policy)
ಇಸ್ರೋ ನೇಮಕಾತಿಯಲ್ಲಿ ಪರೀಕ್ಷೆಗೆ ಹಾಜರಾಗುವ ಅಭ್ಯರ್ಥಿಗಳಿಗೆ ಶುಲ್ಕ ಮರುಪಾವತಿ (Refund) ಸೌಲಭ್ಯವಿರುತ್ತದೆ:

• ಟೆಕ್ನಿಕಲ್ ಅಸಿಸ್ಟೆಂಟ್ ಹುದ್ದೆಗೆ: ಆರಂಭದಲ್ಲಿ ₹750 ಪಾವತಿಸಬೇಕು. ಪರೀಕ್ಷೆಗೆ ಹಾಜರಾದ ಮಹಿಳೆಯರು, SC/ST, Ex-SM ಮತ್ತು PwBD ಅಭ್ಯರ್ಥಿಗಳಿಗೆ ಪೂರ್ಣ ಶುಲ್ಕ (₹750) ಹಾಗೂ ಇತರೆ ಅಭ್ಯರ್ಥಿಗಳಿಗೆ ₹500 ಮರುಪಾವತಿಯಾಗಲಿದೆ.
• ಟೆಕ್ನಿಷಿಯನ್, ಕುಕ್ ಮತ್ತು ಫೈರ್‌ಮ್ಯಾನ್ ಹುದ್ದೆಗೆ: ಆರಂಭದಲ್ಲಿ ₹500 ಪಾವತಿಸಬೇಕು. ಪರೀಕ್ಷೆಗೆ ಹಾಜರಾದ ಮಹಿಳೆಯರು, SC/ST, Ex-SM ಮತ್ತು PwBD ಅಭ್ಯರ್ಥಿಗಳಿಗೆ ಪೂರ್ಣ ಶುಲ್ಕ (₹500) ಹಾಗೂ ಇತರೆ ಅಭ್ಯರ್ಥಿಗಳಿಗೆ ₹400 ಮರುಪಾವತಿಯಾಗಲಿದೆ.
• ಆದ್ದರಿಂದ ಅರ್ಜಿ ಸಲ್ಲಿಸುವಾಗ ನಿಮ್ಮ ಬ್ಯಾಂಕ್ ಖಾತೆ ವಿವರಗಳನ್ನು (Account Number, IFSC) ಸರಿಯಾಗಿ ನಮೂದಿಸಿ ಪಾಸ್‌ಬುಕ್ ಮುಖಪುಟವನ್ನು ಅಪ್‌ಲೋಡ್ ಮಾಡುವುದು ಕಡ್ಡಾಯ.

ಪ್ರಚಲಿತ ಘಟನೆಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ದಿನಾಂಕಗಳು (Important Dates)

• ಆನ್‌ಲೈನ್ ಅರ್ಜಿ ಸಲ್ಲಿಕೆ ಆರಂಭ: 15 ಸೆಪ್ಟೆಂಬರ್ 2026 (ಬೆಳಿಗ್ಗೆ 10:00 ಗಂಟೆಗೆ)  
• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 05 ಅಕ್ಟೋಬರ್ 2026 (ಸಂಜೆ 16:00 ಗಂಟೆಯವರೆಗೆ)  
• ಅರ್ಜಿ ಸಲ್ಲಿಸುವ ಅಧಿಕೃತ ವೆಬ್‌ಸೈಟ್: www.iprc.gov.in  

ಅರ್ಜಿ ಸಲ್ಲಿಸುವ ವಿಧಾನ: ಅಭ್ಯರ್ಥಿಗಳು IPRC ಅಧಿಕೃತ ಪೋರ್ಟಲ್‌ನ 'Careers' ವಿಭಾಗಕ್ಕೆ ಭೇಟಿ ನೀಡಿ ಆನ್‌ಲೈನ್ ಮೂಲಕವೇ ಅರ್ಜಿ ಸಲ್ಲಿಸಬೇಕು. ಯಾವುದೇ ದಾಖಲೆಗಳ ಪ್ರಿಂಟ್‌ಔಟ್ ಅನ್ನು ಅಂಚೆ ಮೂಲಕ ಕಳುಹಿಸುವ ಅಗತ್ಯವಿಲ್ಲ.

ಹೆಚ್ಚಿನ ಉದ್ಯೋಗ ಮಾಹಿತಿಗಾಗಿ KPSCVaani.com ಜಾಲತಾಣವನ್ನು ನಿಯಮಿತವಾಗಿ ವೀಕ್ಷಿಸಿ.