➤ ಪ್ರತಿ ವರ್ಷ ಸೆಪ್ಟೆಂಬರ್ 18 ರಂದು ಜಾಗತಿಕವಾಗಿ ವಿಶ್ವ ಬಿದಿರು ದಿನವನ್ನು (World Bamboo Day) ಆಚರಿಸಲಾಗುತ್ತದೆ. ಪರಿಸರ ರಕ್ಷಣೆ, ಸುಸ್ಥಿರ ಅಭಿವೃದ್ಧಿ ಹಾಗೂ ಗ್ರಾಮೀಣ ಆರ್ಥಿಕತೆಯನ್ನು ಸಬಲೀಕರಣಗೊಳಿಸುವಲ್ಲಿ ಬಿದಿರಿನ ಪಾತ್ರದ ಕುರಿತು ಜಾಗೃತಿ ಮೂಡಿಸುವುದು ಈ ದಿನದ ಪ್ರಮುಖ ಉದ್ದೇಶವಾಗಿದೆ.
- ಮೊದಲು ಆಚರಿಸಲಾದ ವರ್ಷ: 2009 
- ಸಂಸ್ಥೆ: ವಿಶ್ವ ಬಿದಿರು ಸಂಸ್ಥೆ (World Bamboo Organization - WBO)
- 2026ರ ಧ್ಯೇಯವಾಕ್ಯ (Theme): Bamboo Beyond Borders (ಗಡಿಗಳನ್ನು ಮೀರಿದ ಬಿದಿರು) / Bamboo for a Regenerative ಫ್ಯೂಚರ್
- ಉದ್ದೇಶ: ಸುಸ್ಥಿರ ಮತ್ತು ಪರಿಸರ ಸ್ನೇಹಿ ಸಂಪನ್ಮೂಲವಾಗಿ ಬಿದಿರಿನ ಬಳಕೆಯನ್ನು ಉತ್ತೇಜಿಸುವುದು.
➤ 2009 ರಲ್ಲಿ ಬ್ಯಾಂಕಾಕ್‌ನಲ್ಲಿ ನಡೆದ 8ನೇ 'ವಿಶ್ವ ಬಿದಿರು ಕಾಂಗ್ರೆಸ್' (World Bamboo Congress) ಸಂದರ್ಭದಲ್ಲಿ ವಿಶ್ವ ಬಿದಿರು ಸಂಸ್ಥೆಯು (WBO) ಅಧಿಕೃತವಾಗಿ ಸೆಪ್ಟೆಂಬರ್ 18 ರಂದು ವಿಶ್ವ ಬಿದಿರು ದಿನವನ್ನಾಗಿ ಘೋಷಿಸಿತು. ವಿಶ್ವ ಬಿದಿರು ಸಂಸ್ಥೆಯನ್ನು (WBO) ಮೂಲತಃ 1992 ರಲ್ಲಿ 'ಇಂಟರ್ನ್ಯಾಷನಲ್ ಬ್ಯಾಂಬೂ ಕಾಂಗ್ರೆಸ್' ಹೆಸರಿನಲ್ಲಿ ಸ್ಥಾಪಿಸಲಾಯಿತು.
➤ ಬಿದಿರಿನ ಪ್ರಾಮುಖ್ಯತೆ ಮತ್ತು ಪರಿಸರ ಕೊಡುಗೆ:
- ವೇಗವಾಗಿ ಬೆಳೆಯುವ ಸಸ್ಯ: ಬಿದಿರು ವಿಶ್ವದಲ್ಲೇ ಅತ್ಯಂತ ವೇಗವಾಗಿ ಬೆಳೆಯುವ ಹುಲ್ಲಿನ ಜಾತಿಗೆ ಸೇರಿದ ಸಸ್ಯವಾಗಿದೆ (Grass Family - Poaceae).
- ಕಾರ್ಬನ್ ಹೀರಿಕೊಳ್ಳುವಿಕೆ: ಇತರ ಸಾಮಾನ್ಯ ಮರಗಳಿಗೆ ಹೋಲಿಸಿದರೆ ಬಿದಿರು ಶೇಕಡಾ 35 ಕ್ಕಿಂತ ಹೆಚ್ಚು ಆಮ್ಲಜನಕವನ್ನು (Oxygen) ಬಿಡುಗಡೆ ಮಾಡುತ್ತದೆ ಮತ್ತು ಹೆಚ್ಚಿನ ಪ್ರಮಾಣದ ಕಾರ್ಬನ್ ಡೈಆಕ್ಸೈಡ್ ಅನ್ನು ಹೀರಿಕೊಳ್ಳುತ್ತದೆ.
- ಮಣ್ಣಿನ ಸವೆತ ತಡೆಗಟ್ಟುವಿಕೆ: ಬಿದಿರಿನ ಬೇರುಗಳ ಜಾಲವು (Root System) ಮಣ್ಣನ್ನು ಗಟ್ಟಿಯಾಗಿ ಹಿಡಿದಿಟ್ಟುಕೊಳ್ಳುವ ಮೂಲಕ ಮಣ್ಣಿನ ಸವೆತವನ್ನು ತಡೆಯುತ್ತದೆ.
- ಸುಸ್ಥಿರ ಪರ್ಯಾಯ: ಪ್ಲಾಸ್ಟಿಕ್ ಹಾಗೂ ಮರಮುಟ್ಟುಗಳಿಗೆ ಪರ್ಯಾಯವಾಗಿ ಪೀಠೋಪಕರಣಗಳು, ಕಟ್ಟಡ ನಿರ್ಮಾಣ, ಕಾಗದ ಉದ್ಯಮ, ಜವಳಿ (Textiles) ಹಾಗೂ ಹಸ್ತಕಲೆಗಳಲ್ಲಿ ಬಿದಿರು ಬಳಕೆಯಾಗುತ್ತಿದೆ.
➤ ಭಾರತದಲ್ಲಿ ಬಿದಿರು ವಲಯ (Bamboo Sector in India):
- ರಾಷ್ಟ್ರೀಯ ಬಿದಿರು ಮಿಷನ್ (National Bamboo Mission - NBM): ಭಾರತ ಸರ್ಕಾರವು ಬಿದಿರು ವಲಯದ ಸಮಗ್ರ ಬೆಳವಣಿಗೆಗಾಗಿ ರಾಷ್ಟ್ರೀಯ ಬಿದಿರು ಮಿಷನ್ ಅನ್ನು ಜಾರಿಗೆ ತಂದಿದೆ.
- ಶಾಸನಬದ್ಧ ಬದಲಾವಣೆ (Indian Forest Act, 1927): 2017 ರಲ್ಲಿ ಭಾರತೀಯ ಅರಣ್ಯ ಕಾಯ್ದೆಗೆ ತಿದ್ದುಪಡಿ ತಂದು, ಅರಣ್ಯ ಪ್ರದೇಶದ ಹೊರಗೆ ಬೆಳೆಯುವ ಬಿದಿರನ್ನು 'ಮರ' (Tree) ಎಂಬ ವ್ಯಾಖ್ಯಾನದಿಂದ ತೆಗೆದುಹಾಕಲಾಯಿತು. ಇದರಿಂದಾಗಿ ರೈತರು ಅರಣ್ಯ ಇಲಾಖೆಯ ಅನುಮತಿಯಿಲ್ಲದೆ ಬಿದಿರನ್ನು ಬೆಳೆಸಲು, ಕತ್ತರಿಸಲು ಮತ್ತು ಸಾಗಿಸಲು ಸುಲಭವಾಯಿತು.
- ಬಿದಿರಿನ ಉತ್ಪಾದನೆ: ಭಾರತವು ವಿಶ್ವದಲ್ಲೇ ಅತಿ ಹೆಚ್ಚು ಬಿದಿರು ಸಂಪನ್ಮೂಲ ಹೊಂದಿರುವ ಎರಡನೇ ಅತಿದೊಡ್ಡ ದೇಶವಾಗಿದೆ (ಚೀನಾ ಮೊದಲ ಸ್ಥಾನದಲ್ಲಿದೆ).