➤ ವರ್ಲ್ಡ್ ಎಕನಾಮಿಕ್ ಫೋರಂ (WEF) ಬಿಡುಗಡೆ ಮಾಡಿರುವ ಜಾಗತಿಕ ಲಿಂಗತ್ವ ಸಮಾನತೆಯ ಸೂಚ್ಯಂಕದಲ್ಲಿ (Global Gender Gap Index) ಒಟ್ಟು 145 ದೇಶಗಳ ಪೈಕಿ ಭಾರತವು 131ನೇ ಸ್ಥಾನದಲ್ಲಿದೆ. ಐಸ್‌ಲ್ಯಾಂಡ್ ಅಗ್ರಸ್ಥಾನದಲ್ಲಿದ್ದರೆ, ಫಿನ್‌ಲ್ಯಾಂಡ್ ಮತ್ತು ನಾರ್ವೆ ನಂತರದ ಸ್ಥಾನಗಳಲ್ಲಿವೆ.
- ಲಿಂಗ ಸಮಾನತೆಯ ಪ್ರಮಾಣ: ಭಾರತವು ಒಟ್ಟಾರೆಯಾಗಿ ಶೇ 64.5ರಷ್ಟು ಲಿಂಗ ಸಮಾನತೆಯನ್ನು ಸಾಧಿಸಿದ್ದು, ಇದು ಜಾಗತಿಕ ಸರಾಸರಿಗಿಂತ ಕಡಿಮೆಯಾಗಿದೆ.   
- ಶೈಕ್ಷಣಿಕ ರಂಗ: ಶೈಕ್ಷಣಿಕ ಸಾಧನೆ ಉಪಸೂಚ್ಯಂಕದಲ್ಲಿ ಭಾರತವು ಶೇ 96.6ರಷ್ಟು ಸಾಧನೆ ಮಾಡಿದೆ. 2006ರಿಂದ ಈ ಕ್ಷೇತ್ರದಲ್ಲಿ ಶೇ 4.3ರಷ್ಟು ಪ್ರಗತಿಯಾಗಿದೆ.   
- ಆರ್ಥಿಕ ಪಾಲ್ಗೊಳ್ಳುವಿಕೆ: ಆರ್ಥಿಕ ಅವಕಾಶಗಳ ಉಪಸೂಚ್ಯಂಕದಲ್ಲಿ ಭಾರತವು ಶೇ 41.2 ಅಂಕ ಪಡೆದಿದೆ. ವೃತ್ತಿಪರ ಹಾಗೂ ತಾಂತ್ರಿಕ ಕೆಲಸಗಾರರ ಲಿಂಗ ಸಮಾನತೆಯು 2006ಕ್ಕೆ ಹೋಲಿಸಿದರೆ ಶೇ 26.6ರಿಂದ ಶೇ 49.9ಕ್ಕೆ ದ್ವಿಗುಣಗೊಂಡಿದೆ.   
- ಆರೋಗ್ಯ ಹಾಗೂ ಜೀವಿಸುವಿಕೆ: ಈ ಕ್ಷೇತ್ರದಲ್ಲಿ ಶೇ 95.6ರಷ್ಟು ಸಮಾನತೆ ದಾಖಲಾಗಿದೆ.   
- ರಾಜಕೀಯ ಪ್ರಾತಿನಿಧ್ಯ: ಸಂಸತ್ತಿನಲ್ಲಿ ಲಿಂಗ ಸಮಾನತೆಯ ಅಂತರ ಶೇ 16.1ರಷ್ಟಿದ್ದು, 2006ಕ್ಕೆ ಹೋಲಿಸಿದರೆ ಶೇ 7ರಷ್ಟು ಹೆಚ್ಚಳವಾಗಿದೆ. ಶಾಸಕಾಂಗ ಹಾಗೂ ಹಿರಿಯ ಅಧಿಕಾರಿಗಳ ಶ್ರೇಣಿಯಲ್ಲಿ ಶೇ 10ರಷ್ಟು ಅಂಕ ಹೆಚ್ಚಳವಾಗಿದೆ.   
- ಕೊನೆಯ ಸ್ಥಾನಗಳು: ಚಾಡ್ ದೇಶವು ಕೊನೆಯ ಸ್ಥಾನದಲ್ಲಿದ್ದರೆ, ಇರಾನ್ ಮತ್ತು ಪಾಕಿಸ್ತಾನಗಳು ಕೊನೆಯ ಮೂರು ದೇಶಗಳ ಪಟ್ಟಿಯಲ್ಲಿ ಸೇರಿವೆ.