➤ ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆಯು (EPFO) ತನ್ನ ಇತಿಹಾಸದಲ್ಲೇ ಅತಿ ದೊಡ್ಡ ಡಿಜಿಟಲ್ ರೂಪಾಂತರಕ್ಕೆ ನಾಂದಿ ಹಾಡಿದೆ. ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವ ಮನ್ಸುಖ್ ಮಾಂಡವೀಯ ಅವರು ಅತ್ಯಾಧುನಿಕ ತಂತ್ರಜ್ಞಾನದ CITES 2.01 (Centralised IT Enabled Services) ಪ್ಲಾಟ್‌ಫಾರ್ಮ್‌ ಅನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದ್ದಾರೆ. ಇದರೊಂದಿಗೆ, ಕೋಟ್ಯಂತರ ಉದ್ಯೋಗಿಗಳಿಗೆ ಸಿಹಿ ಸುದ್ದಿ ಸಿಕ್ಕಿದ್ದು, 2025-26ರ ಆರ್ಥಿಕ ವರ್ಷದ ಪಿಎಫ್ ಬಡ್ಡಿಯನ್ನು ಜುಲೈ 15 ರೊಳಗೆ ಖಾತೆಗಳಿಗೆ ಜಮೆ ಮಾಡಲಾಗುವುದು ಎಂದು ಕೇಂದ್ರ ಸರ್ಕಾರ ಘೋಷಿಸಿದೆ.
  • ಹೊಸ ಪ್ಲಾಟ್‌ಫಾರ್ಮ್: CITES 2.01 (Centralised IT Enabled Services)
  • ಪಿಎಫ್ ಬಡ್ಡಿ ದರ: ಶೇಕಡಾ 8.25 (FY 2025-26)
  • ಒಟ್ಟು ಫಲಾನುಭವಿಗಳು: ಸುಮಾರು 34 ಕೋಟಿ (340 Million) ಸದಸ್ಯರು
  • ಒಟ್ಟು ವಿತರಣೆಯಾಗಲಿರುವ ಬಡ್ಡಿ ಮೊತ್ತ: ₹1.44 ಲಕ್ಷ ಕೋಟಿ
  • ಬಡ್ಡಿ ಜಮೆಯಾಗುವ ಕೊನೆಯ ದಿನಾಂಕ: ಜುಲೈ 15, 2026
➤ CITES 2.01 ಪ್ಲಾಟ್‌ಫಾರ್ಮ್: ಈ ಹಿಂದೆ EPFO ನ ಪ್ರಾದೇಶಿಕ ಕಚೇರಿಗಳು (Regional Offices) ಪ್ರತ್ಯೇಕವಾಗಿ ತಮ್ಮದೇ ಆದ ಡೇಟಾಬೇಸ್ ಹೊಂದಿದ್ದವು. ಇದರಿಂದಾಗಿ ಕ್ಲೈಮ್ ಸೆಟಲ್‌ಮೆಂಟ್ (ಹಣ ಹಿಂಪಡೆಯುವಿಕೆ) ಪ್ರಕ್ರಿಯೆ ತಡವಾಗುತ್ತಿತ್ತು. ಆದರೆ ಹೊಸ CITES 2.01 ವ್ಯವಸ್ಥೆಯಡಿ ದೇಶಾದ್ಯಂತ ಇರುವ 120 ಕ್ಕೂ ಹೆಚ್ಚು ವಿಕೇಂದ್ರೀಕೃತ ಡೇಟಾಬೇಸ್‌ಗಳನ್ನು ಒಂದೇ ರಾಷ್ಟ್ರೀಯ ಪ್ಲಾಟ್‌ಫಾರ್ಮ್ ಅಡಿಯಲ್ಲಿ ತರಲಾಗಿದೆ. ಇದರ ಮೂಲಕ 34 ಕೋಟಿಗೂ ಹೆಚ್ಚು ಸದಸ್ಯರ ಖಾತೆಗಳನ್ನು ಏಕೀಕೃತಗೊಳಿಸಲಾಗಿದ್ದು, ಇನ್ಮುಂದೆ ದೇಶದ ಯಾವುದೇ ಭಾಗದ EPFO ಕಚೇರಿಯಿಂದಲಾದರೂ ನಿಮ್ಮ ಸೇವಾ ವಿನಂತಿಗಳನ್ನು ಅತ್ಯಂತ ವೇಗವಾಗಿ ಪ್ರಕ್ರಿಯೆಗೊಳಿಸಬಹುದಾಗಿದೆ. 
➤ ಉದ್ಯೋಗಿಗಳಿಗೆ ಸಿಗಲಿರುವ ಪ್ರಮುಖ ಅನುಕೂಲಗಳು:
  • ಏಕೀಕೃತ ಡಿಜಿಟಲ್ ಸೇವೆಗಳು (Unified Member Portal): ಸದಸ್ಯರು ಒಂದೇ ಪೋರ್ಟಲ್ ಮೂಲಕ ಪಿಎಫ್ ಬ್ಯಾಲೆನ್ಸ್, ಕ್ಲೈಮ್ ಸ್ಟೇಟಸ್, ಪೆನ್ಷನ್ ದಾಖಲೆಗಳು ಮತ್ತು ಹಳೆಯ ಸದಸ್ಯತ್ವದ ಇತಿಹಾಸವನ್ನು ಒಂದೇ ಕಡೆ ನೋಡಬಹುದು.
  • ಸ್ಮಾರ್ಟ್ ಕ್ಲೈಮ್ ಪ್ರೊಸೆಸಿಂಗ್: ತಪ್ಪುಗಳನ್ನು ತಡೆಯಲು ಸ್ವಯಂಚಾಲಿತ ಪ್ರೀ-ವೆಲಿಡೇಶನ್ (Automated Pre-validation) ವ್ಯವಸ್ಥೆ ತರಲಾಗಿದೆ. ಇದರಿಂದ ಕ್ಲೈಮ್‌ಗಳು ರಿಜೆಕ್ಟ್ ಆಗುವ ಸಾಧ್ಯತೆ ಕಡಿಮೆಯಾಗುತ್ತದೆ.
  • ಸ್ವಯಂ-ಬತ್ಯೆ ಮಿತಿ ಹೆಚ್ಚಳ (Auto-Settlement Limit): ಈ ಹಿಂದೆ ಇದ್ದ ಆಟೋ-ಸೆಟಲ್‌ಮೆಂಟ್ ಮಿತಿಯನ್ನು 1 ಲಕ್ಷ ರೂಪಾಯಿಗಳಿಂದ 5 ಲಕ್ಷ ರೂಪಾಯಿಗಳಿಗೆ ಹೆಚ್ಚಿಸಲಾಗಿದೆ. ಪೂರ್ಣ ಕೆವೈಸಿ (KYC) ಹೊಂದಿರುವ ಸದಸ್ಯರು ಯಾವುದೇ ಹಸ್ತಕ್ಷೇಪವಿಲ್ಲದೆ ವೇಗವಾಗಿ ಹಣ ಪಡೆಯಬಹುದು.
  • ನಿಖರ ಬಡ್ಡಿ ಲೆಕ್ಕಾಚಾರ: ಈ ಹಿಂದೆ ಕ್ಲೈಮ್ ಮಾಡುವಾಗ ಹಿಂದಿನ ತಿಂಗಳ ಕೊನೆಯ ದಿನದವರೆಗೆ ಮಾತ್ರ ಬಡ್ಡಿ ಲೆಕ್ಕ ಹಾಕಲಾಗುತ್ತಿತ್ತು. ಆದರೆ ಈಗ ಹಣ ಪಾವತಿಗೆ ಅನುಮೋದನೆ ಸಿಗುವ ದಿನಾಂಕದವರೆಗೆ ನಿಖರ ಬಡ್ಡಿ ಲೆಕ್ಕ ಹಾಕಿ ನೀಡಲಾಗುತ್ತದೆ.
  • ಯುಪಿಐ (UPI) ವಿತ್‌ಡ್ರಾವಲ್ ಸೌಲಭ್ಯ: ಮುಂಬರುವ ದಿನಗಳಲ್ಲಿ ಯುಪಿಐ ಮೂಲಕವೇ ಪಿಎಫ್ ಹಣವನ್ನು ನೇರವಾಗಿ ಹಿಂಪಡೆಯುವ ಅತ್ಯಾಧುನಿಕ ಸೌಲಭ್ಯವನ್ನು ತರಲಾಗುವುದು ಎಂದು ಸಚಿವರು ತಿಳಿಸಿದ್ದಾರೆ. ತುರ್ತು ಸಂದರ್ಭಗಳಲ್ಲಿ ಸದಸ್ಯರು ತಮ್ಮ ಒಟ್ಟು ಬ್ಯಾಲೆನ್ಸ್‌ನ ಶೇ. 75 ರಷ್ಟು ಹಣವನ್ನು ಹಿಂಪಡೆಯಬಹುದು.
ಪ್ರತಿ ದಿನದ ಉದ್ಯೋಗ ಮಾಹಿತಿ ಅಪ್ಡೇಟ್‌ಗಾಗಿ ಇಲ್ಲಿ ಕ್ಲಿಕ್ ಮಾಡಿ