➤ ಕೇಂದ್ರ ಸರ್ಕಾರದ ಪ್ರಮುಖ ಶೈಕ್ಷಣಿಕ ಮಂಡಳಿಯಾದ ಸಿಬಿಎಸ್ಇ (Central Board of Secondary Education - CBSE) ನೂತನ ಅಧ್ಯಕ್ಷರಾಗಿ ಹಿರಿಯ ಐಎಎಸ್ ಅಧಿಕಾರಿ ಮಂದೀಪ್ ಕುಮಾರ್ ಭಂಡಾರಿ (Mandeep K Bhandari) ಅವರು ನೇಮಕಗೊಂಡಿದ್ದಾರೆ.
➤ ಸಂಪುಟದ ನೇಮಕಾತಿ ಸಮಿತಿಯು (ACC - Appointments Committee of the Cabinet) ಸೆಪ್ಟೆಂಬರ್ 25, 2026 ರಂದು ಈ ಕುರಿತು ಅಧಿಕೃತ ಆದೇಶ ಹೊರಡಿಸಿದೆ. ಕೇಂದ್ರ ಸರ್ಕಾರದ ಹೆಚ್ಚುವರಿ ಕಾರ್ಯದರ್ಶಿ (Additional Secretary) ಶ್ರೇಣಿ ಮತ್ತು ವೇತನ ಶ್ರೇಣಿಯಲ್ಲಿ ಈ ಹುದ್ದೆಯನ್ನು ತಾತ್ಕಾಲಿಕವಾಗಿ ಮೇಲ್ದರ್ಜೆಗೇರಿಸಿ ಈ ನೇಮಕಾತಿ ಮಾಡಲಾಗಿದೆ.
➤ ನೇಮಕಾತಿಯ ಹಿನ್ನೆಲೆ ಮತ್ತು ವಿವಾದ: ಕಳೆದ 4 ತಿಂಗಳುಗಳಲ್ಲಿ ಸಿಬಿಎಸ್ಇಗೆ ನೇಮಕಗೊಂಡ 3ನೇ ಅಧ್ಯಕ್ಷರು ಮಂದೀಪ್ ಭಂಡಾರಿ ಅವರಾಗಿದ್ದಾರೆ.
- ಹಿನ್ನೆಲೆ: 2026ರ 12ನೇ ತರಗತಿ ಬೋರ್ಡ್ ಪರೀಕ್ಷೆಯ ಉತ್ತರ ಪತ್ರಿಕೆಗಳ ಡಿಜಿಟಲ್ ಮೌಲ್ಯಮಾಪನಕ್ಕಾಗಿ ಜಾರಿಗೆ ತರಲಾದ ಆನ್ಸ್ಕ್ರೀನ್ ಮಾರ್ಕಿಂಗ್ (OSM - On-Screen Marking) ವ್ಯವಸ್ಥೆಯಲ್ಲಿ ಭಾರಿ ಗೊಂದಲ ಮತ್ತು ಅಕ್ರಮದ ಆರೋಪಗಳು ಕೇಳಿಬಂದಿದ್ದವು.
- ಆಡಳಿತಾತ್ಮಕ ಬದಲಾವಣೆಗಳು: ಈ ವಿವಾದದ ಬೆನ್ನಲ್ಲೇ ಜೂನ್ 2, 2026 ರಂದು ಆಗಿನ ಸಿಬಿಎಸ್ಇ ಅಧ್ಯಕ್ಷ ರಾಹುಲ್ ಸಿಂಗ್ ಅವರನ್ನು ಕೃಷಿ ಸಚಿವಾಲಯಕ್ಕೆ ವರ್ಗಾಯಿಸಲಾಯಿತು. ನಂತರ ಲೋಖಂಡೆ ಪ್ರಶಾಂತ್ ಸೀತಾರಾಮ್ ಅವರಿಗೆ ಹೆಚ್ಚುವರಿ ಪ್ರಭಾರ ನೀಡಲಾಗಿತ್ತು.
- ತನಿಖಾ ಸಮಿತಿ: ಡಿಜಿಟಲ್ ಮೌಲ್ಯಮಾಪನ ಸೌಲಭ್ಯ ಪೂರೈಕೆ ಪ್ರಕ್ರಿಯೆಯಲ್ಲಿ ನಡೆದಿದೆ ಎನ್ನಲಾದ ಅಕ್ರಮಗಳ ಕುರಿತು ತನಿಖೆ ನಡೆಸಲು ಮಾಜಿ ಕೇಂದ್ರ ಕಾರ್ಯದರ್ಶಿ ಎಸ್. ರಾಧಾ ಚೌಹಾಣ್ ಅವರ ನೇತೃತ್ವದಲ್ಲಿ ಏಕಸದಸ್ಯ ತನಿಖಾ ಸಮಿತಿಯನ್ನು ರಚಿಸಲಾಗಿದೆ.
➤ ಮಂದೀಪ್ ಕುಮಾರ್ ಭಂಡಾರಿ ಅವರ ಪರಿಚಯ: ಮೂಲತಃ ಪಂಜಾಬ್ನವರಾದ ಭಂಡಾರಿ ಅವರು ವೈದ್ಯಕೀಯ ಪದವಿ (MBBS) ಪಡೆದಿದ್ದಾರೆ. ಪ್ರಮುಖ ಜವಾಬ್ದಾರಿಗಳು:
-
- 2009 ರಿಂದ 2018 ರವರೆಗೆ ಶ್ರೀ ಮಾತಾ ವೈಷ್ಣೋದೇವಿ ಶ್ರೈನ್ ಬೋರ್ಡ್ನ ಹೆಚ್ಚುವರಿ ಸಿಇಒ ಆಗಿ ಸೇವೆ ಸಲ್ಲಿಸಿದ್ದಾರೆ.
- 2018 ರಲ್ಲಿ ಕೇಂದ್ರ ಉನ್ನತ ಶಿಕ್ಷಣ ಸಚಿವಾಲಯದಲ್ಲಿ ಖಾಸಗಿ ಕಾರ್ಯದರ್ಶಿಯಾಗಿ ಹಾಗೂ ನಂತರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದಲ್ಲಿ ಜಂಟಿ ಕಾರ್ಯದರ್ಶಿಯಾಗಿ (2018–2023) ಕಾರ್ಯನಿರ್ವಹಿಸಿದ್ದಾರೆ.
- ಮಾರ್ಚ್ 2023 ರಿಂದ ಜಮ್ಮು ಮತ್ತು ಕಾಶ್ಮೀರದ ಉಪರಾಜ್ಯಪಾಲರ ಮುಖ್ಯ ಕಾರ್ಯದರ್ಶಿಯಾಗಿ ಮತ್ತು ಶ್ರೀ ಅಮರನಾಥ್ಜಿ ಶ್ರೈನ್ ಬೋರ್ಡ್ನ ಸಿಇಒ ಆಗಿ ಕರ್ತವ್ಯ ನಿರ್ವಹಿಸುತ್ತಿದ್ದರು.
ಇನ್ನು ಹೆಚ್ಚಿನ ಪ್ರಚಲಿತ ಘಟನೆಗಳನ್ನು ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ
