➤ ದೇಶದ ಅತ್ಯಂತ ಕಠಿಣ ಹಾಗೂ ಪ್ರತಿಷ್ಠಿತ ಇಂಜಿನಿಯರಿಂಗ್ ಪ್ರವೇಶ ಪರೀಕ್ಷೆಯಾದಜೆಇಇ ಅಡ್ವಾನ್ಸ್ಡ್ (JEE Advanced)ಪರೀಕ್ಷಾ ವ್ಯವಸ್ಥೆಯಲ್ಲಿ ಕ್ರಾಂತಿಕಾರಿ ಬದಲಾವಣೆ ತರಲು ಭಾರತೀಯ ತಂತ್ರಜ್ಞಾನ ಸಂಸ್ಥೆಗಳ (IIT) ಒಕ್ಕೂಟ ಮತ್ತು ಕೇಂದ್ರ ಶಿಕ್ಷಣ ಸಚಿವಾಲಯ ಚಿಂತನೆ ನಡೆಸಿವೆ. ಕೋಚಿಂಗ್ ಸೆಂಟರ್‌ಗಳ ಅತಿಯಾದ ಅವಲಂಬನೆ ಹಾಗೂ ವಿದ್ಯಾರ್ಥಿಗಳು ಮತ್ತು ಪೋಷಕರ ಮೇಲಾಗುತ್ತಿರುವ ಮಾನಸಿಕ-ಆರ್ಥಿಕ ಒತ್ತಡವನ್ನು ಕಡಿಮೆ ಮಾಡುವ ಉದ್ದೇಶದಿಂದ 2030ರ ವೇಳೆಗೆ'ಅಡಾಪ್ಟಿವ್ ಟೆಸ್ಟಿಂಗ್' (Adaptive Testing)ವ್ಯವಸ್ಥೆಯನ್ನು ಜಾರಿಗೆ ತರಲು ಸಿದ್ಧತೆಗಳು ನಡೆಯುತ್ತಿವೆ.
- ಉದ್ದೇಶ: ಕೋಚಿಂಗ್ ಸಂಸ್ಕೃತಿಯನ್ನು ನಿಯಂತ್ರಿಸುವುದು ಮತ್ತು ವಿದ್ಯಾರ್ಥಿಗಳ ನೈಜ ವಿಶ್ಲೇಷಣಾತ್ಮಕ ಸಾಮರ್ಥ್ಯವನ್ನು (Reasoning & Critical Thinking) ಮೌಲ್ಯಮಾಪನ ಮಾಡುವುದು.  
- ಪೈಲಟ್ ಯೋಜನೆ ಯಶಸ್ವಿ: ದೇಶದ ವಿವಿಧ ಐಐಟಿಗಳ ಸುಮಾರು 4,000 ಪ್ರಥಮ ವರ್ಷದ ವಿದ್ಯಾರ್ಥಿಗಳ ಮೇಲೆ ಈಗಾಗಲೇ ಈ ಪರೀಕ್ಷಾ ಮಾದರಿಯ ಪ್ರಯೋಗ ನಡೆಸಲಾಗಿದೆ.  
- ಎಐ (AI) ಬಳಕೆ: ಕೃತಕ ಬುದ್ಧಿಮತ್ತೆ (Artificial Intelligence) ತಂತ್ರಜ್ಞಾನ ಬಳಸಿ ವಿಭಿನ್ನ ಕಠಿಣತೆಯ ಪ್ರಶ್ನೆಗಳನ್ನು ಸ್ವಯಂಚಾಲಿತವಾಗಿ ಸಿದ್ಧಪಡಿಸುವ ತಂತ್ರಜ್ಞಾನ ರೂಪಿಸಲಾಗುತ್ತಿದೆ.  
- ಜಾರಿ ಸಮಯ: ಮುಂದಿನ 3 ವರ್ಷಗಳ ಕಾಲ ವ್ಯಾಪಕ ಸಂಶೋಧನೆ ಮತ್ತು ಮೌಲ್ಯಮಾಪನ ನಡೆದ ನಂತರ, 2030ರ ವೇಳೆಗೆ ಇದು ಸಂಪೂರ್ಣವಾಗಿ ಜಾರಿಗೆ ಬರುವ ನಿರೀಕ್ಷೆಯಿದೆ (2027ರ ಆರಂಭದಲ್ಲಿ ಅಧಿಕೃತ ಘೋಷಣೆ ಸಾಧ್ಯತೆ).  
➤ 'ಅಡಾಪ್ಟಿವ್ ಟೆಸ್ಟಿಂಗ್' ವ್ಯವಸ್ಥೆ:ಸಾಂಪ್ರದಾಯಿಕ ಪರೀಕ್ಷೆಗಳಲ್ಲಿ ಪ್ರತಿಯೊಬ್ಬ ಅಭ್ಯರ್ಥಿಗೂ ಒಂದೇ ರೀತಿಯ ಪ್ರಶ್ನೆಪತ್ರಿಕೆ ಇರುತ್ತದೆ. ಆದರೆ ಅಡಾಪ್ಟಿವ್ ಟೆಸ್ಟಿಂಗ್ ವ್ಯವಸ್ಥೆಯಲ್ಲಿ:  
- ಕಠಿಣತೆಯ ಮಟ್ಟ ಬದಲು: ಅಭ್ಯರ್ಥಿ ನೀಡುವ ಪ್ರತಿಯೊಂದು ಉತ್ತರಕ್ಕೆ ಅನುಗುಣವಾಗಿ ಮುಂದಿನ ಪ್ರಶ್ನೆಯ ಕಠಿಣತೆಯ ಮಟ್ಟ ಸ್ವಯಂಚಾಲಿತವಾಗಿ ಬದಲಾಗುತ್ತದೆ.  
- ಸರಿಯಾದ ಉತ್ತರ ನೀಡಿದರೆ: ಅಭ್ಯರ್ಥಿ ಸರಿಯಾದ ಉತ್ತರ ನೀಡುತ್ತಾ ಹೋದರೆ, ಮುಂದಿನ ಪ್ರಶ್ನೆಗಳು ಹೆಚ್ಚ್ ಕಠಿಣ ಹಾಗೂ ಸವಾಲಿನಿಂದ ಕೂಡಿದ್ದು ಬರುತ್ತವೆ.  
- ತಪ್ಪಾದ ಉತ್ತರ ನೀಡಿದರೆ: ಉತ್ತರ ತಪ್ಪಾದರೆ, ಮುಂದಿನ ಪ್ರಶ್ನೆಯು ಸರಳ ಅಥವಾ ಸಾಧಾರಣ ಕಠಿಣತೆಯಿಂದ ಕೂಡಿರುತ್ತದೆ.
- ಸಾಮರ್ಥ್ಯದ ನಿಖರ ಅಳತೆ: ಕಂಪ್ಯೂಟರ್ ಆಧಾರಿತ ಈ ವ್ಯವಸ್ಥೆಯು ವಿದ್ಯಾರ್ಥಿಯ ನೈಜ ಗ್ರಹಿಕೆ, ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುವ ಸಾಮರ್ಥ್ಯ ಹಾಗೂ ಬೌದ್ಧಿಕ ಮಟ್ಟವನ್ನು (Cognitive Abilities) ತಕ್ಷಣವೇ ಮೌಲ್ಯಮಾಪನ ಮಾಡುತ್ತದೆ.
➤ ಐಐಟಿ ಕಾನ್ಪುರದ ನಿರ್ದೇಶಕ ಪ್ರೊ. ಮನೀಂದ್ರ ಅಗರ್‌ವಾಲ್ಅವರ ನೇತೃತ್ವದಲ್ಲಿ ರೂಪುಗೊಳ್ಳುತ್ತಿರುವ ಈ ಪ್ರಸ್ತಾಪವು, ಕೋಚಿಂಗ್ ಸೆಂಟರ್‌ಗಳಲ್ಲಿ ಕಂಠಪಾಠ ಮಾಡಿ ಪರೀಕ್ಷೆ ಬರೆಯುವ ಸಂಸ್ಕೃತಿಗೆ ಕಟಿಬದ್ಧ ತಡೆ ನೀಡಲಿದೆ.
- ಪ್ರಶ್ನೆಪತ್ರಿಕೆ ಸೋರಿಕೆ ಮತ್ತು ನಕಲು ತಡೆ: ಎಐ ಗೇಟ್‌ವೇ ಮೂಲಕ ವಿದ್ಯಾರ್ಥಿಯಿಂದ ವಿದ್ಯಾರ್ಥಿಗೆ ವಿಭಿನ್ನ ಮತ್ತು ಹೊಸ ರೀತಿಯ ಪ್ರಶ್ನೆಗಳು ಎದುರಾಗುವುದರಿಂದ ಪರೀಕ್ಷಾ ಕೇಂದ್ರಗಳಲ್ಲಿ ಕಾಪಿ (ನಕಲು) ಮಾಡುವುದು ಅಸಾಧ್ಯವಾಗುತ್ತದೆ.
- ಆರ್ಥಿಕ ಮತ್ತು ಮಾನಸಿಕ ಸುಧಾರಣೆ: ಲಕ್ಷಾಂತರ ರೂಪಾಯಿ ವೆಚ್ಚ ಮಾಡಿ ಕೋಚಿಂಗ್ ಪಡೆಯಲು ಸಾಧ್ಯವಾಗದ ಗ್ರಾಮೀಣ ಹಾಗೂ ಬಡ ವಿದ್ಯಾರ್ಥಿಗಳಿಗೂ ನೈಜ ಜ್ಞಾನದ ಆಧಾರದಲ್ಲಿ ಸಮಾನ ಅವಕಾಶ ಸಿಗಲಿದೆ.