➤ ಮಹಿಳಾ ಕ್ರಿಕೆಟ್ ಇತಿಹಾಸದಲ್ಲೇ ಪ್ರಥಮ ಬಾರಿಗೆ ಆಯೋಜನೆಯಾಗುತ್ತಿರುವಐಸಿಸಿ ಮಹಿಳಾ ಚಾಂಪಿಯನ್ಸ್ ಟ್ರೋಫಿ 2027 (ICC Women's Champions Trophy 2027)ಪಂದ್ಯಾವಳಿಗೆ ಭಾರತ ಆತಿಥ್ಯ ವಹಿಸಲಿದೆ. ಇಂಟರ್ನ್ಯಾಷನಲ್ ಕ್ರಿಕೆಟ್ ಕೌನ್ಸಿಲ್ (ICC) ಈ ಕುರಿತು ಅಧಿಕೃತ ಪ್ರಕಟಣೆ ಹೊರಡಿಸಿದ್ದು, ಕ್ರಿಕೆಟ್ ಪ್ರೇಮಿಗಳಲ್ಲಿ ಭಾರಿ ಉತ್ಸಾಹ ಮೂಡಿಸಿದೆ.
- ಪಂದ್ಯಾವಳಿಯ ದಿನಾಂಕ: 2027ರ ಫೆಬ್ರವರಿ 14 ರಿಂದ 28 ರವರೆಗೆ ನಡೆಯಲಿದೆ.  
- ಪಂದ್ಯದ ಮಾದರಿ: ಟಿ20 (T20I) ಫಾರ್ಮ್ಯಾಟ್.  
- ಭಾಗವಹಿಸುವ ತಂಡಗಳು: ಭಾರತ, ಆಸ್ಟ್ರೇಲಿಯಾ, ಇಂಗ್ಲೆಂಡ್, ನ್ಯೂಜಿಲೆಂಡ್, ದಕ್ಷಿಣ ಆಫ್ರಿಕಾ ಮತ್ತು ಶ್ರೀಲಂಕಾ (ಒಟ್ಟು 6 ತಂಡಗಳು).
- ಪಾಕಿಸ್ತಾನ ಔಟ್: ಪಾಕಿಸ್ತಾನ ತಂಡ ಈ ಸರಣಿಗೆ ಅರ್ಹತೆ ಪಡೆದಿಲ್ಲ. 
➤ ಆತಿಥೇಯ ನಗರಗಳು & ಕ್ರೀಡಾಂಗಣಗಳು:  
- ಮುಂಬೈ: ಕ್ರಿಕೆಟ್ ಕ್ಲಬ್ ಆಫ್ ಇಂಡಿಯಾ (CCI - ಬ್ರ್ಯಾಬೋರ್ನ್ ಸ್ಟೇಡಿಯಂ).  
- ವಡೋದರಾ: ವಡೋದರಾ ಇಂಟರ್ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಂ (ಕೋಟಂಬಿ).  
➤ ಶ್ರೀಲಂಕಾದಿಂದ ಭಾರತಕ್ಕೆ ವರ್ಗಾವಣೆ: ಮೂಲ ವೇಳಾಪಟ್ಟಿಯಂತೆ ಈ ಐತಿಹಾಸಿಕ ಟೂರ್ನಿಯ ಆತಿಥ್ಯವನ್ನು ಶ್ರೀಲಂಕಾ ವಹಿಸಿಕೊಳ್ಳಬೇಕಿತ್ತು. ಆದರೆ, ಶ್ರೀಲಂಕಾ ಕ್ರಿಕೆಟ್ ಮಂಡಳಿಯಲ್ಲಿ (SLC) ಸರ್ಕಾರಿ ಹಸ್ತಕ್ಷೇಪ ಹಾಗೂ ಆಡಳಿತಾತ್ಮಕ ಸುಧಾರಣೆಗಳನ್ನು ತರುವಲ್ಲಿ ಉಂಟಾದ ವಿಳಂಬದ ಹಿನ್ನೆಲೆಯಲ್ಲಿ ಐಸಿಸಿ ಆತಿಥ್ಯ ಹಕ್ಕನ್ನು ರದ್ದುಗೊಳಿಸಿತು. ಬಳಿಕ ಐಸಿಸಿ ಬಾಂಗ್ಲಾದೇಶ, ದಕ್ಷಿಣ ಆಫ್ರಿಕಾ ಮತ್ತು ಭಾರತದ ಮೂಲಸೌಕರ್ಯಗಳನ್ನು ಪರಿಶೀಲಿಸಿ, ಅಂತಿಮವಾಗಿ ಭಾರತವನ್ನು ಆತಿಥೇಯ ದೇಶವಾಗಿ ಆಯ್ಕೆ ಮಾಡಿದೆ.
➤ 2026ರ ಜುಲೈ 6ರ ಗಡುವಿನ ದಿನಾಂಕದಂದು ಐಸಿಸಿ ಮಹಿಳಾ ಟಿ20I ರ್ಯಾಂಕಿಂಗ್ (ICC Women's T20I Team Rankings)ನಲ್ಲಿದ್ದ ಅಗ್ರ 6 ತಂಡಗಳು ಈ ಮಹತ್ವದ ಟೂರ್ನಿಗೆ ನೇರ ಅರ್ಹತೆ ಪಡೆದುಕೊಂಡಿವೆ.  
1. ಆಸ್ಟ್ರೇಲಿಯಾ (ವಿಶ್ವ ನಂ. 1)  
2. ಇಂಗ್ಲೆಂಡ್ (ವಿಶ್ವ ನಂ. 2)
3. ಭಾರತ (ಆತಿಥೇಯ ಹಾಗೂ ವಿಶ್ವ ನಂ. 3)
4. ನ್ಯೂಜಿಲೆಂಡ್ (ವಿಶ್ವ ನಂ. 4)  
5. ದಕ್ಷಿಣ ಆಫ್ರಿಕಾ (ವಿಶ್ವ ನಂ. 5)  
6. ಶ್ರೀಲಂಕಾ (ವಿಶ್ವ ನಂ. 6)  
➤ ಟೂರ್ನಿಯ ಸ್ವರೂಪ (Tournament Format):
- ಈ ಪಂದ್ಯಾವಳಿಯು ರೌಂಡ್-ರಾಬಿನ್ (Round-Robin) ಮಾದರಿಯಲ್ಲಿ ನಡೆಯಲಿದೆ.
- ಪ್ರತಿಯೊಂದು ತಂಡವು ಉಳಿದ 5 ತಂಡಗಳೊಂದಿಗೆ ತಲಾ ಒಂದು ಪಂದ್ಯವನ್ನು ಆಡಲಿದೆ.  
- ಲೀಗ್ ಹಂತದ ಅಂತ್ಯಕ್ಕೆ ಅಂಕಪಟ್ಟಿ (Points Table)ಯಲ್ಲಿ ಅಗ್ರ 2 ಸ್ಥಾನಗಳನ್ನು ಪಡೆಯುವ ತಂಡಗಳು ಫೆಬ್ರವರಿ 28 ರಂದು ನಡೆಯಲಿರುವ ನೇರ ಫೈನಲ್ ಪಂದ್ಯದಲ್ಲಿ ಸೆಣೆಸಲಿವೆ.  
- ಈ ಟೂರ್ನಿಯಲ್ಲಿ ಯಾವುದೇ ಸೆಮಿಫೈನಲ್ ಪಂದ್ಯಗಳಿರುವುದಿಲ್ಲ.