➤ ಇಂಡೋ-ಪೆಸಿಫಿಕ್ ಪ್ರದೇಶದಲ್ಲಿ ರಕ್ಷಣಾ ಮತ್ತು ಕಾರ್ಯತಂತ್ರದ ಸಹಕಾರವನ್ನು ಇನ್ನಷ್ಟು ಬಲಪಡಿಸುವ ನಿಟ್ಟಿನಲ್ಲಿ ಭಾರತ ಮತ್ತು ಜಪಾನ್ ಮಹತ್ವದ ಹೆಜ್ಜೆ ಇಟ್ಟಿವೆ. ಜಪಾನ್ನ ಸ್ವಯಂ ರಕ್ಷಣಾ ಪಡೆಗಳು (Japan Self-Defence Forces - JSDF) ಇದೇ ಮೊದಲ ಬಾರಿಗೆ ಭಾರತದ ಫೈರಿಂಗ್ ರೇಂಜ್ಗಳಲ್ಲಿ (firing ranges) ಗುಂಡಿನ ತಾಲೀಮು (Live-Fire Training) ನಡೆಸಲು ಅನುವಾಗುವ ಆಶಯ ಪತ್ರಕ್ಕೆ (Letter of Intent - LoI) ಉಭಯ ದೇಶಗಳು ಸಹಿ ಹಾಕಿವೆ. ನವೆಂಬರ್ 19, 2026 ರಂದು ಟೋಕಿಯೊದಲ್ಲಿ ನಡೆದ 4ನೇ ಭಾರತ-ಜಪಾನ್ ವಿದೇಶಾಂಗ ಮತ್ತು ರಕ್ಷಣಾ ಸಚಿವರ 2+2 ಮಾತುಕತೆಯಲ್ಲಿ ಈ ನಿರ್ಧಾರವನ್ನು ಘೋಷಿಸಲಾಗಿದೆ.
➤ ಮಾತುಕತೆಯ ಪ್ರಮುಖ ಮುಖ್ಯಾಂಶಗಳು
- ಭಾಗವಹಿಸಿದ ಪ್ರಮುಖ ನಾಯಕರು: ಭಾರತದ ಪರವಾಗಿ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಮತ್ತು ವಿದೇಶಾಂಗ ಸಚಿವ ಡಾ. ಎಸ್. ಜೈಶಂಕರ್ ಅವರು ಜಪಾನ್ನ ರಕ್ಷಣಾ ಸಚಿವ ಶಿಂಜಿರೊ ಕೊಯಿಜುಮಿ ಹಾಗೂ ವಿದೇಶಾಂಗ ಸಚಿವ ತೋಶಿಮಿತ್ತು ಮೊಟೆಗಿ ಅವರೊಂದಿಗೆ ಮಾತುಕತೆ ನಡೆಸಿದರು.
- ಮೊದಲ ಗುಂಡಿನ ತಾಲೀಮು: ಈ ಒಪ್ಪಂದದ ಅಡಿಯಲ್ಲಿ ಜಪಾನ್ ಪಡೆಗಳು ಭಾರತದ ನೆಲದಲ್ಲಿ, ವಿಶೇಷವಾಗಿ ಸರ್ಫೇಸ್-ಟು-ಶಿಪ್ ಕ್ಷಿಪಣಿ (surface-to-ship missiles) ಒಳಗೊಂಡ ತಾಲೀಮುಗಳನ್ನು ನಡೆಸಲು ಮಾರ್ಗಸೂಚಿ ಸಿದ್ಧವಾಗಲಿದೆ.
- ಕಾರ್ಯಾಚರಣೆ ಮತ್ತು ಸಮನ್ವಯ: ತಾಲೀಮನ್ನು ಶೀಘ್ರವಾಗಿ ಜಾರಿಗೆ ತರಲು ಉಭಯ ದೇಶಗಳ ರಕ್ಷಣಾ ಪ್ರಾಧಿಕಾರಗಳ ನಡುವೆ ಸಮನ್ವಯವನ್ನು ವೇಗಗೊಳಿಸಲು ನಿರ್ಧರಿಸಲಾಗಿದೆ.
- 75ನೇ ವರ್ಷದ ರಾಜತಾಂತ್ರಿಕ ಸಂಬಂಧ: 2027ರಲ್ಲಿ ಭಾರತ ಮತ್ತು ಜಪಾನ್ ನಡುವಿನ ರಾಜತಾಂತ್ರಿಕ ಸಂಬಂಧಗಳ 75ನೇ ವಾರ್ಷಿಕೋತ್ಸವದ ಸಿದ್ಧತೆಗಳ ಭಾಗವಾಗಿ, ಉಭಯ ನಾಯಕರು ಜಂಟಿ ಲಾಂಛನವನ್ನು (75th Anniversary Joint Logo) ಅನಾವರಣಗೊಳಿಸಿದರು. ಮುಂದಿನ 2+2 ಮಾತುಕತೆಯು ಭಾರತದಲ್ಲಿ ನಡೆಯಲಿದೆ.
ಭಾರತದ ಫೈರಿಂಗ್ ರೇಂಜ್ಗಳಲ್ಲಿ ಜಪಾನ್ ಪಡೆಗಳ ಮೊದಲ ಗುಂಡಿನ ತಾಲೀಮು
Published by Akshata Halli
4 hours ago