➤ ಕರ್ನಾಟಕದ ಶಿಕ್ಷಣ ಕ್ಷೇತ್ರದಲ್ಲಿ ಮಹತ್ವದ ಬದಲಾವಣೆಯಾಗುತ್ತಿದ್ದು, ರಾಜ್ಯ ಸರ್ಕಾರವು 581 ಸರ್ಕಾರಿ ಶಾಲೆಗಳಲ್ಲಿ ಹೊಸದಾಗಿ ಪೂರ್ವ ಪ್ರಾಥಮಿಕ ತರಗತಿಗಳನ್ನು (LKG ಹಾಗೂ UKG) ಪ್ರಾರಂಭಿಸಲು ಅಧಿಕೃತ ಆದೇಶ ಹೊರಡಿಸಿದೆ. ಕಲಿಕಾ ವ್ಯವಸ್ಥೆಯನ್ನು ಬಲಪಡಿಸಲು ಮತ್ತು ಬಡ ಹಾಗೂ ಗ್ರಾಮೀಣ ಭಾಗದ ಮಕ್ಕಳಿಗೆ ಆರಂಭಿಕ ಹಂತದಲ್ಲೇ ಗುಣಮಟ್ಟದ ಶಿಕ್ಷಣ ನೀಡಲು ಸರ್ಕಾರ ಈ ಯೋಜನೆ ಕೈಗೆತ್ತಿಕೊಂಡಿದೆ.
- ಹೊಸ ಪ್ರಿಸ್ಕೂಲ್‌ಗಳು: 2026-27ನೇ ಶೈಕ್ಷಣಿಕ ಸಾಲಿನಿಂದ ರಾಜ್ಯದ 581 ಸರ್ಕಾರಿ ಶಾಲೆಗಳಲ್ಲಿ ಎಲ್‌ಕೆಜಿ ಮತ್ತು ಯುಕೆಜಿ ತರಗತಿಗಳು ಆರಂಭವಾಗಲಿವೆ.
- ಅನುಮೋದನೆ: ಸಮಗ್ರ ಶಿಕ್ಷಣ ಕರ್ನಾಟಕದ (SSK) ಯೋಜನಾ ಅನುಮೋದನಾ ಮಂಡಳಿಯು ಇದಕ್ಕೆ ಅನುಮೋದನೆ ನೀಡಿದೆ.
- ಒಟ್ಟು ಶಾಲೆಗಳ ಸಂಖ್ಯೆ 7,256ಕ್ಕೆ ಏರಿಕೆ: ರಾಜ್ಯದಲ್ಲಿ ಈ ಹಿಂದೆ 2,619 ಮತ್ತು ಕಳೆದ ವರ್ಷ 4,056 ಪೂರ್ವ ಪ್ರಾಥಮಿಕ ಶಾಲೆಗಳನ್ನು ತೆರೆಯಲಾಗಿತ್ತು. ಹೊಸ 581 ಶಾಲೆಗಳ ಸೇರ್ಪಡೆಯೊಂದಿಗೆ ಒಟ್ಟು ಶಾಲೆಗಳ ಸಂಖ್ಯೆ 7,256ಕ್ಕೆ ತಲುಪಲಿದೆ.
- ದ್ವಿಭಾಷಾ ಮಾಧ್ಯಮ: ಪೂರ್ವ ಪ್ರಾಥಮಿಕ ತರಗತಿಗಳನ್ನು ಪ್ರತ್ಯೇಕವಾಗಿ ಹಾಗೂ ದ್ವಿಭಾಷಾ (Bilingual) ಮಾಧ್ಯಮದಲ್ಲಿ ನಡೆಸಲು ಸೂಚಿಸಲಾಗಿದೆ.
➤ ತರಗತಿ ನಿರ್ವಹಣೆ ಮತ್ತು ನಿಯಮಗಳು
- ತರಗತಿ ಸಮಯ: ಬೆಳಿಗ್ಗೆ 10:00 ರಿಂದ ಮಧ್ಯಾಹ್ನ 3:30 ರವರೆಗೆ.
- ವಯೋಮಿತಿ: ಎಲ್‌ಕೆಜಿಗೆ 4 ರಿಂದ 5 ವರ್ಷದ ಒಳಗಿನ ಮಕ್ಕಳಿಗೆ ಪ್ರವೇಶ.
- ದಾಖಲಾತಿ ಪ್ರಮಾಣ: ಪ್ರತಿ ತರಗತಿಗೆ ಕನಿಷ್ಠ 10 ಮಕ್ಕಳು ಇರಬೇಕು.
- ಹಾಜರಾತಿ ವ್ಯವಸ್ಥೆ: 'ನಿರಂತರ' ಆ್ಯಪ್ ಮೂಲಕ ತಂತ್ರಜ್ಞಾನಾಧಾರಿತ ಹಾಜರಾತಿ ದಾಖಲಿಸುವುದು.
- ನೋಂದಣಿ: ಪ್ರತಿಯೊಬ್ಬ ವಿದ್ಯಾರ್ಥಿಗೂ ಅಪಾರ್ (APAAR) ಗುರುತಿನ ಸಂಖ್ಯೆ ಸೃಷ್ಟಿಸಿ ಯೂಡೈಸ್+ (UDISE+) ನಲ್ಲಿ ನೋಂದಾಯಿಸುವುದು ಕಡ್ಡಾಯ.
- ಪೌಷ್ಟಿಕ ಆಹಾರ: ಮಧ್ಯಾಹ್ನದ ಬಿಸಿಯೂಟ, ಕ್ಷೀರಭಾಗ್ಯ ಮತ್ತು ಪೂರಕ ಪೌಷ್ಟಿಕ ಆಹಾರವಾಗಿ ಮೊಟ್ಟೆ/ಪೌಷ್ಟಿಕ ಆಹಾರ ವಿತರಣೆ.
➤ ಶಿಕ್ಷಕರು ಮತ್ತು ಆಯಾಗಳ ನೇಮಕಾತಿ ನಿಯಮಗಳು: ಪ್ರತಿ ಪೂರ್ವ ಪ್ರಾಥಮಿಕ ಶಾಲೆಯ ಎಲ್‌ಕೆಜಿಗೆ ಒಬ್ಬರು ಶಿಕ್ಷಕರು, ಯುಕೆಜಿಗೆ ಒಬ್ಬರು ಶಿಕ್ಷಕರು ಹಾಗೂ ಒಬ್ಬರು ಆಯಾ/ಸಹಾಯಕರನ್ನು ಶಾಲಾ ಅಭಿವೃದ್ಧಿ ಮತ್ತು ಮೇಲ್ವಿಚಾರಣಾ ಸಮಿತಿ (SDMC) ವತಿಯಿಂದ 10 ತಿಂಗಳ ತಾತ್ಕಾಲಿಕ ಅವಧಿಗೆ ನೇಮಿಸಿಕೊಳ್ಳಲಾಗುತ್ತದೆ.
➤ ಶಿಕ್ಷಕರ ಅರ್ಹತೆ:
ವಿದ್ಯಾರ್ಹತೆ: ಪಿಯುಸಿಯಲ್ಲಿ (PUC) ಕನಿಷ್ಠ 50% ಅಂಕ ಪಡೆದಿರಬೇಕು.
ತರಬೇತಿ: NCTE ಮಾನ್ಯತೆ ಪಡೆದ ಸಂಸ್ಥೆಯಿಂದ ನರ್ಸರಿ ಟೀಚರ್ಸ್ ಎಜುಕೇಷನ್ (NTE) / ಪ್ರಿಸ್ಕೂಲ್ ಟೀಚರ್ಸ್ ಎಜುಕೇಷನ್ / ಬಾಲ್ಯಾವಸ್ಥೆಯ ಶಿಕ್ಷಣದಲ್ಲಿ (DECE) ಡಿಪ್ಲೊಮಾ ಕೋರ್ಸ್ ಪೂರೈಸಿರಬೇಕು.
ವಯೋಮಿತಿ: ಗರಿಷ್ಠ ವಯೋಮಿತಿ 45 ವರ್ಷಗಳು.
➤ ಆಯ್ಕೆ ಪ್ರಕ್ರಿಯೆಯ ಮೌಲ್ಯಮಾಪನ ಅಂಕಗಳು (ಒಟ್ಟು 100 ಅಂಕಗಳು):
- ಪದವಿ ಪೂರ್ವ (PUC) ವಿದ್ಯಾರ್ಹತೆ: ಗರಿಷ್ಠ 32 ಅಂಕಗಳು
- ಪೂರ್ವ ಪ್ರಾಥಮಿಕ ತರಬೇತಿ: ಗರಿಷ್ಠ 35 ಅಂಕಗಳು
- ಬೋಧನಾ ಅನುಭವ: ಗರಿಷ್ಠ 20 ಅಂಕಗಳು
- ಕೌಶಲಗಳು ಮತ್ತು ಪ್ರಾವೀಣ್ಯತೆ: ಗರಿಷ್ಠ 10 ಅಂಕಗಳು
- ಸ್ಥಳೀಯ ಅಭ್ಯರ್ಥಿಗೆ ಆದ್ಯತೆ: ಗರಿಷ್ಠ 3 ಅಂಕಗಳು