➤ ಭಾರತದಲ್ಲಿ ನವೀಕರಿಸಬಹುದಾದ ಮತ್ತು ಹಸಿರು ಇಂಧನ (Green Energy) ಬಳಕೆಯ ದಿಕ್ಕಿನಲ್ಲಿ ಮತ್ತೊಂದು ಐತಿಹಾಸಿಕ ಮೈಲಿಗಲ್ಲು ದಾಖಲಾಗಿದೆ. ಛತ್ತೀಸ್‌ಗಢ ರಾಜ್ಯದ ರಾಜನಂದಗಾಂವ್ (Rajnandgaon) ಜಿಲ್ಲೆಯಲ್ಲಿರುವ 'ಖೈರಾ' (Khaira) ಗ್ರಾಮವು ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷೆಯ 'ಪಿಎಂ ಸೂರ್ಯ ಘರ್ ಮುಪ್ತ್ ಬಿಜ್ಲಿ ಯೋಜನೆ'ಯಡಿ ಶೇ. 100ರಷ್ಟು ಸೌರಶಕ್ತಿ ಅಳವಡಿಸಿಕೊಂಡು ದೇಶದ ಮೊಟ್ಟಮೊದಲ ಮಾದರಿ ಸೌರಗ್ರಾಮ ಎಂಬ ಹೆಗ್ಗಳಿಗೆ ಪಾತ್ರವಾಗಿದೆ.    
- ಶೇ. 100 ರಷ್ಟು ಸೌರ ಬಳಕೆ: ಗ್ರಾಮದ ಎಲ್ಲಾ 141 ಮನೆಗಳ ಚಾವಣಿಯ ಮೇಲೂ ಸೌರ ಫಲಕಗಳನ್ನು (Rooftop Solar Panels) ಯಶಸ್ವಿಯಾಗಿ ಅಳವಡಿಸಲಾಗಿದೆ.   
- ಒಟ್ಟು ವಿದ್ಯುತ್ ಉತ್ಪಾದನೆ: ಪ್ರತಿಯೊಂದು ಮನೆಯ ಮೇಲೂ ತಲಾ 2 ಕಿಲೋವ್ಯಾಟ್ (kW) ಸಾಮರ್ಥ್ಯದ ಸೌರ ಸೆಟ್‌ಅಪ್‌ ಮಾಡಲಾಗಿದ್ದು, ಒಟ್ಟಾರೆಯಾಗಿ ಗ್ರಾಮದಲ್ಲಿ 282 ಕಿಲೋವ್ಯಾಟ್ ಶುದ್ಧ ವಿದ್ಯುತ್ ಉತ್ಪಾದನೆಯಾಗುತ್ತಿದೆ.   
- ಸಂಪೂರ್ಣ ಉಚಿತ: ಕೇಂದ್ರ ಹಾಗೂ ರಾಜ್ಯ ಸರ್ಕಾರದ ಸಬ್ಸಿಡಿಯ ಜತೆಗೆ ಸಿಎಸ್‌ಆರ್ (CSR - Corporate Social Responsibility) ನಿಧಿಯನ್ನು ಬಳಸಿಕೊಳ್ಳಲಾಗಿರುವುದರಿಂದ, ಗ್ರಾಮಸ್ಥರಿಗೆ ಇದು ಸಂಪೂರ್ಣವಾಗಿ ಉಚಿತವಾಗಿ ಲಭ್ಯವಾಗಿದೆ.
- ಪ್ರಯೋಜನ ಪಡೆದವರು: ಈ ಸೌರ ಕ್ರಾಂತಿಯಿಂದ ಗ್ರಾಮದ ಒಟ್ಟು 889 ಜನಸಂಖ್ಯೆ ವಿದ್ಯುತ್ ಬಿಲ್‌ನ ಆರ್ಥಿಕ ಹೊರೆಯಿಂದ ಶಾಶ್ವತವಾಗಿ ಮುಕ್ತರಾಗಿದ್ದಾರೆ.   
➤ ಬಡವರು ಹಾಗೂ ಹಿಂದುಳಿದ ವರ್ಗಗಳಿಗೆ ಮೊದಲ ಆದ್ಯತೆ: ಈ ಸೌರ ಯೋಜನೆಯ ವಿಶೇಷತೆಯೆಂದರೆ, ಸಮಾಜದ ಕಟ್ಟಕಡೆಯ ಹಾಗೂ ಆರ್ಥಿಕವಾಗಿ ಹಿಂದುಳಿದ ಕುಟುಂಬಗಳಿಗೆ ಇದರ ಪ್ರಯೋಜನವನ್ನು ಪ್ರಮುಖವಾಗಿ ತಲುಪಿಸಲಾಗಿದೆ.
- ಗ್ರಾಮದ ಒಟ್ಟು 141 ಮನೆಗಳ ಪೈಕಿ 93 ಕುಟುಂಬಗಳು ಪ್ರಧಾನಮಂತ್ರಿ ಆವಾಸ್ ಯೋಜನೆ-ಗ್ರಾಮೀಣ (PMAY-G) ಅಡಿಯಲ್ಲಿ ಮನೆ ಪಡೆದವರಾಗಿದ್ದಾರೆ.   
- ಇದರೊಂದಿಗೆ, ಗ್ರಾಮದ ಪರಿಶಿಷ್ಟ ಪಂಗಡಕ್ಕೆ (ST) ಸೇರಿದ 21 ಕುಟುಂಬಗಳು ಹಾಗೂ ಪರಿಶಿಷ್ಟ ಜಾತಿಯ (SC) 4 ಕುಟುಂಬಗಳು ಈ ಸೌರ ವಿದ್ಯುತ್ ಸೌಲಭ್ಯವನ್ನು ಪಡೆದು ನೆಮ್ಮದಿಯ ಜೀವನ ನಡೆಸುತ್ತಿವೆ.   
- ಪಿಂಚಣಿಯನ್ನೇ ನೆಚ್ಚಿಕೊಂಡಿರುವ ಏಕಾಂಗಿ ವೃದ್ಧೆಯರು ಹಾಗೂ ದಿನಗೂಲಿ ಕಾರ್ಮಿಕರಿಗೆ ಇನ್ಮುಂದೆ ಪ್ರತಿ ತಿಂಗಳು ವಿದ್ಯುತ್ ಬಿಲ್ ಕಟ್ಟುವ ಚಿಂತೆ ತಪ್ಪಿದಂತಾಗಿದೆ.
➤ ಸ್ಥಳೀಯ ಮಹಿಳೆಯರ ಸಬಲೀಕರಣ ಮತ್ತು ಪಾತ್ರ: ಖೈರಾ ಗ್ರಾಮವನ್ನು ಸಂಪೂರ್ಣ ಸೌರಗ್ರಾಮವನ್ನಾಗಿ ಮಾಡುವಲ್ಲಿ ಸ್ಥಳೀಯ ಮಹಿಳೆಯರ ಮತ್ತು 'ಪ್ರಧಾನಮಂತ್ರಿ ಸೂರ್ಯ ಸಖಿಯರ' ಪಾತ್ರ ಬಹಳ ಹಿರಿದಾಗಿದೆ. ಇವರು ಮನೆ ಮನೆಗೆ ತೆರಳಿ ಸೌರ ಯೋಜನೆಯ ಉಪಯೋಗಗಳ ಬಗ್ಗೆ ಅರಿವು ಮೂಡಿಸಿದರು. ಸ್ವಸಹಾಯ ಸಂಘಗಳು ಹಾಗೂ ಗ್ರಾಮ ಪಂಚಾಯಣಿಯ ಒಮ್ಮತದ ಸಹಕಾರದಿಂದ ಈ ಯೋಜನೆ ಅತ್ಯಂತ ಯಶಸ್ವಿಯಾಗಿ ಅನುಷ್ಠಾನಗೊಂಡಿದೆ