➤ ಸಪ್ಟೆಂಬರ್ 8, 2026 ರಂದು ಭಾರತೀಯ ನೌಕಾಪಡೆಯ ದೇಶೀಯ ನಿರ್ಮಿತ ಮಲ್ಟಿ-ರೋಲ್ ಸ್ಟೆಲ್ತ್ ಫ್ರಿಗೇಟ್ (Stealth Frigate) ಐಎನ್‌ಎಸ್ ಉದಯಗಿರಿ (INS Udaygiri) ಶ್ರೀಲಂಕಾದ ಕೊಲಂಬೊ ಬಂದರಿಗೆ ಕಾರ್ಯಾಚರಣೆಯ (Operational Visit) ಭಾಗವಾಗಿ ಸಪ್ಟೆಂಬರ್ 8 ರಿಂದ 11, 2026 ರವರೆಗೆ ಮೂರು ದಿನಗಳ ಅಧಿಕೃತ ಭೇಟಿ ನೀಡಿದೆ. ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರ ಶ್ರೀಲಂಕಾ ಪ್ರವಾಸದ (ಸಪ್ಟೆಂಬರ್ 8-10) ವೇಳೆಯಲ್ಲೇ ಈ ಭೇಟಿ ನಡೆದಿದ್ದು, ಉಭಯ ದೇಶಗಳ ನಡುವಿನ ನೌಕಾ ಸಹಕಾರ, ಭದ್ರತೆ ಮತ್ತು ದ್ವಿಪಕ್ಷೀಯ ಬಾಂಧವ್ಯವನ್ನು ಮತ್ತಷ್ಟು ಸಲಿಲಗೊಳಿಸಲು ಇದು ಮಹತ್ವದ ಮೈಲಿಗಲ್ಲಾಗಿದೆ.➤ ಸಾಮರ್ಥ್ಯ ಅಭಿವೃದ್ಧಿ ಹಾಗೂ ಬಿಡಿಭಾಗಗಳ ಹಸ್ತಾಂತರ: ಈ ಪ್ರವಾಸದ ಸಂದರ್ಭದಲ್ಲಿ ಶ್ರೀಲಂಕಾ ವಾಯುಪಡೆಗಾಗಿ 'ಇಂದ್ರಾ ಎಂಕೆ 2' (Indra MK 2) ರೇಡಾರ್ ಬಿಡಿಭಾಗಗಳು, ಶ್ರೀಲಂಕಾ ನೌಕಾಪಡೆಯ 'ಸಾಯುರ' (SLNS Sayura) ಹಡಗಿನ ಬಿಡಿಭಾಗಗಳು ಮತ್ತು ಗಾಳಿ ತುಂಬಬಹುದಾದ ಶೂಟಿಂಗ್ ಟಾರ್ಗೆಟ್‌ಗಳನ್ನು ಶ್ರೀಲಂಕಾ ಸಶಸ್ತ್ರ ಪಡೆಗಳಿಗೆ ಹಸ್ತಾಂತರಿಸಲಾಯಿತು.ಮೊಬೈಲ್ ತರಬೇತಿ ತಂಡಗಳು (Mobile Training Teams) ಹಾಗೂ ವೃತ್ತಿಪರ ನೌಕಾ ಅನುಭವಗಳನ್ನು ಉಭಯ ದೇಶಗಳ ನೌಕಾಪಡೆಗಳು ವಿನಿಮಯ ಮಾಡಿಕೊಂಡವು.➤ ನೆರೆಹೊರೆಗೆ ಮೊದಲ ಆದ್ಯತೆ & ಮಹಾಸಾಗರ್ (MAHASAGAR): ಭಾರತ ಸರ್ಕಾರದ 'ನೆರೆಹೊರೆಗೆ ಮೊದಲ ಆದ್ಯತೆ' ನೀತಿ ಮತ್ತು 'MAHASAGAR' (Mutual Assistance and Holistic Advancement for Security and Growth Across the Region) ದೃಷ್ಟಿಕೋನಕ್ಕೆ ಅನುಗುಣವಾಗಿ ಈ ಭೇಟಿ ಆಯೋಜನೆಗೊಂಡಿದೆ.ಹಿಂದೂ ಮಹಾಸಾಗರ ಪ್ರದೇಶದಲ್ಲಿ (IOR) ಕಾನೂನುಬಾಹಿರ ಮೀನುಗಾರಿಕೆ, ಮಾದಕ ದ್ರವ್ಯ ಕಳ್ಳಸಾಗಣೆ ಹಾಗೂ ಭಯೋತ್ಪಾದನೆ ನಿಯಂತ್ರಣಕ್ಕೆ ಜಂಟಿ ಸಮುದ್ರ ಭದ್ರತಾ ವ್ಯವಸ್ಥೆ (Maritime Domain Awareness) ರೂಪಿಸುವ ಕುರಿತು ಚರ್ಚಿಸಲಾಯಿತು.➤ ಸಾಮಾಜಿಕ ಹಾಗೂ ಸೌಹಾರ್ದ ಕಾರ್ಯಕ್ರಮಗಳು:- 'ಕ್ಲೀನ್ ಶ್ರೀಲಂಕಾ' (Clean Sri Lanka) ಅಭಿಯಾನದ ಭಾಗವಾಗಿ ನೌಕಾ ಸಿಬ್ಬಂದಿ ಕಡಲತೀರ ನೈರ್ಮಲ್ಯೀಕರಣ (Beach Cleaning Drive) ನಡೆಸಿದರು.- ಉಭಯ ಪಡೆಗಳ ನಡುವೆ ಜಂಟಿ ಕ್ರೀಡಾ ಪಂದ್ಯಾವಳಿಗಳು ಮತ್ತು ತರಬೇತಿ ಕಾರ್ಯಕ್ರಮಗಳು ನೆರವೇರಿದವು.
