➤ ಅಮೆರಿಕದ ನ್ಯೂಯಾರ್ಕ್‌ನಲ್ಲಿ ನಡೆದ 81ನೇ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯ (UNGA - United Nations General Assembly) 6ನೇ ಸಮಿತಿಯ (ಕಾನೂನು ವ್ಯವಹಾರಗಳಿಗೆ ಸಂಬಂಧಿಸಿದ ಸಮಿತಿ) ಸಭೆಯಲ್ಲಿ ಭಾರತವು ತನ್ನ ರಾಷ್ಟ್ರೀಯ ಹೇಳಿಕೆಯನ್ನು ಮಂಡಿಸಿತು. ರಾಜ್ಯಸಭಾ ಸಂಸದರಾದ ನವೀನ್ ಕೆ. ಜೈನ್ ಅವರು ಈ ಅಧಿವೇಶನದಲ್ಲಿ ಭಾಗವಹಿಸಿ, ಜಾಗತಿಕ ವ್ಯಾಪಾರದಲ್ಲಿ ಮುಕ್ತ, ಪಾರದರ್ಶಕ ಮತ್ತು ಅಭಿವೃದ್ಧಿಶೀಲ ರಾಷ್ಟ್ರಗಳ ಹಿತಾಸಕ್ತಿಗಳನ್ನು ಕಾಪಾಡುವ ಅಂತರರಾಷ್ಟ್ರೀಯ ಕಾನೂನು ಚೌಕಟ್ಟುಗಳ ಅಗತ್ಯತೆಯನ್ನು ಬಲವಾಗಿ ಪ್ರತಿಪಾದಿಸಿದರು.
➤ ಈ ಅಧಿವೇಶನದಲ್ಲಿ ಭಾರತವು ಜಾಗತಿಕ ಆರ್ಥಿಕ ವ್ಯವಸ್ಥೆಯಲ್ಲಿ ಎಲ್ಲ ದೇಶಗಳಿಗೂ ಸಮಾನ ಅವಕಾಶಗಳು ಸಿಗುವಂತೆ ನೋಡಿಕೊಳ್ಳಲು ಮತ್ತು ಅಭಿವೃದ್ಧಿಶೀಲ ರಾಷ್ಟ್ರಗಳ ಸಬಲೀಕರಣಕ್ಕಾಗಿ ಜಾಗತಿಕ ವ್ಯಾಪಾರ ಕಾನೂನುಗಳಲ್ಲಿ ಅಗತ್ಯ ಸುಧಾರಣೆಗಳಾಗಬೇಕೆಂದು ಕರೆ ನೀಡಿತು.
➤ ಯುಎನ್‌ಸಿಐಟಿಆರ್‌ಎಎಲ್ (UNCITRAL - United Nations Commission on International Trade Law):
- ಇದು ಅಂತರರಾಷ್ಟ್ರೀಯ ವ್ಯಾಪಾರ ಕಾನೂನು ಕ್ಷೇತ್ರ Wನಲ್ಲಿ ವಿಶ್ವಸಂಸ್ಥೆಯ ಪ್ರಮುಖ ಕಾನೂನು ಸಂಸ್ಥೆಯಾಗಿದೆ.
- ಸ್ಥಾಪನೆ: 1966ರಲ್ಲಿ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಿಂದ ಇದು ಸ್ಥಾಪಿಸಲ್ಪಟ್ಟಿತು.
- ಉದ್ದೇಶ: ಜಾಗತಿಕ ವಾಣಿಜ್ಯ ವ್ಯವಹಾರಗಳನ್ನು ನಿಯಂತ್ರಿಸುವ ನಿಯಮಗಳು ಮತ್ತು ಮಾದರಿ ಕಾನೂನುಗಳನ್ನು ಅಭಿವೃದ್ಧಿಪಡಿಸುವುದು ಹಾಗೂ ಅಭಿವೃದ್ಧಿ ಹೊಂದಿದ ಮತ್ತು ಅಭಿವೃದ್ಧಿಶೀಲ ರಾಷ್ಟ್ರಗಳ ಅಗತ್ಯಗಳಿಗೆ ತಕ್ಕಂತೆ ಮಾನದಂಡಗಳನ್ನು ರೂಪಿಸುವುದು.
➤ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯ ಆರನೇ ಸಮಿತಿ (UNGA Sixth Committee): ಇದು ವಿಶ್ವಸಂಸ್ಥೆಯ ಪ್ರಮುಖ ಆರು ಸಮಿತಿಗಳಲ್ಲಿ ಒಂದಾಗಿದ್ದು, ಅಂತರರಾಷ್ಟ್ರೀಯ ಕಾನೂನು ಮತ್ತು ಕಾನೂನು ಪ್ರಶ್ನೆಗಳಿಗೆ ಸಂಬಂಧಿಸಿದ ವಿಷಯಗಳನ್ನು ಪರಿಗಣಿಸುತ್ತದೆ.
➤ ವಿಶ್ವ ವ್ಯಾಪಾರ ಸಂಸ್ಥೆ (WTO) ಮತ್ತು ಭಾರತದ ನಿಲುವು:
- ಸ್ಥಾಪನೆ: 1995.
- ಭಾರತವು ಡಬ್ಲ್ಯುಟಿಒ (WTO) ಚೌಕಟ್ಟಿನಡಿ ಪಾರದರ್ಶಕ, ತಾರತಮ್ಯರಹಿತ ಬಹುಪಕ್ಷೀಯ ವ್ಯಾಪಾರ ವ್ಯವಸ್ಥೆಯನ್ನು ಬೆಂಬಲಿಸುತ್ತ ಬಂದಿದೆ.
- ಅಭಿವೃದ್ಧಿಶೀಲ ರಾಷ್ಟ್ರಗಳ ನೀತಿ ನಿರೂಪಣಾ ಸ್ವಾತಂತ್ರ್ಯವನ್ನು (Policy space) ಸಂರಕ್ಷಿಸುವ ಅಗತ್ಯತೆಯನ್ನು ಭಾರತವು ಇತ್ತೀಚಿನ ದಿನಗಳಲ್ಲಿ (ವಿಶೇಷವಾಗಿ WTO ನ 8ನೇ ವ್ಯಾಪಾರ ನೀತಿ ವಿಮರ್ಶೆ - Trade Policy Review ಸಂದರ್ಭದಲ್ಲಿ) ಮತ್ತೊಮ್ಮೆ ಒತ್ತಿಹೇಳಿದೆ.