➤ ಹೊಸ ತಲೆಮಾರಿನ ಬಹೂಪಯೋಗಿ ಹೆಲಿಕಾಪ್ಟರ್‌ಗಳಿಗಾಗಿ ನೂತನ‘ಅರಾವಳಿ’ (Aravalli)ಎಂಜಿನ್ ಅಭಿವೃದ್ಧಿ ಮತ್ತು ತಯಾರಿಕೆಗಾಗಿ ಭಾರತದಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (HAL)ಮತ್ತು ಫ್ರಾನ್ಸ್‌ನಸಫ್ರಾನ್ ಹೆಲಿಕಾಪ್ಟರ್ ಎಂಜಿನ್ಸ್ (Safran Helicopter Engines)ನಡುವೆ ಪ್ರಮುಖ ಒಪ್ಪಂದಕ್ಕೆ ಸಹಿ ಹಾಕಲಾಗಿದೆ. ಈ ಎಂಜಿನ್ ಅನ್ನು ಎಚ್‌ಎಎಲ್ ಮತ್ತು ಸಫ್ರಾನ್ ಸಹಭಾಗಿತ್ವದ 50:50 ಜಂಟಿ ಉದ್ಯಮ‘ಸಫಲ್’ (SAFHAL Helicopter Engines Pvt. Ltd.)ಕಂಪನಿಯು ವಿನ್ಯಾಸಗೊಳಿಸಿ ಅಭಿವೃದ್ಧಿಪಡಿಸಲಿದೆ.

➤ ‘ಅರಾವಳಿ’ ಎಂಜಿನ್‌ನ ಪ್ರಮುಖ ತಾಂತ್ರಿಕ ವಿವರಗಳು:

• ಎಂಜಿನ್ ಹೆಸರು:ಅರಾವಳಿ (ವಿಶ್ವದ ಅತ್ಯಂತ ಹಳೆಯ ಪರ್ವತಶ್ರೇಣಿಯಾದ ‘ಅರಾವಳಿ’ಯ ಹೆಸರನ್ನು ಇಡಲಾಗಿದೆ).
• ಶಕ್ತಿ ಸಾಮರ್ಥ್ಯ: 3,500 ಎಎಚ್‌ಪಿ ಯಿಂದ (Shaft Horsepower - shp) 4,000 ಎಎಚ್‌ಪಿಯಷ್ಟು ಹೆಚ್ಚು ಸಾಮರ್ಥ್ಯದ ಶಕ್ತಿ ಉತ್ಪಾದಿಸುವ ಸಾಮರ್ಥ್ಯ.
• ಬಳಕೆಯಾಗುವ ನೌಕೆಗಳು: ಎಚ್‌ಎಎಲ್ ಅಭಿವೃದ್ಧಿಪಡಿಸುತ್ತಿರುವ 13 ಟನ್ ವರ್ಗದ ಭಾರತೀಯ ಬಹೂಪಯೋಗಿ ಹೆಲಿಕಾಪ್ಟರ್ (IMRH - Indian Multi-Role Helicopter) ಹಾಗೂ ಇದರ ನೌಕಾ ಕಾರ್ಯಾಚರಣೆಯ ಡೆಕ್-ಬೇಸ್ಡ್ ಬಹೂಪಯೋಗಿ ಹೆಲಿಕಾಪ್ಟರ್ (DBMRH) ಗಳಲ್ಲಿ ಬಳಸಲಾಗುತ್ತದೆ.
• ಉತ್ಪಾದನಾ ಘಟಕ: ಕರ್ನಾಟಕದ ತುಮಕೂರು ಜಿಲ್ಲೆಯಲ್ಲಿರುವ ‘ಸಫಲ್’ (SAFHAL) ನೂತನ ಉತ್ಪಾದನಾ ಘಟಕದಲ್ಲಿ ಈ ಎಂಜಿನ್ ತಯಾರಾಗಲಿದೆ.
• ಪೂರ್ಣಗೊಳ್ಳುವ ಗುರಿ: ಎಂಜಿನ್‌ನ ವಿನ್ಯಾಸ ಹಾಗೂ ಅಭಿವೃದ್ಧಿ ಪ್ರಕ್ರಿಯೆಯು 2032-33 ರ ವೇಳೆಗೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ.

➤ ಒಪ್ಪಂದದ ಮುಖ್ಯ ಉದ್ದೇಶ ಹಾಗೂ ಪ್ರಮುಖಾಂಶಗಳು:

• ಲೈಸೆನ್ಸ್ ಉತ್ಪಾದನೆಯಿಂದ ಸ್ವದೇಶಿ ವಿನ್ಯಾಸದತ್ತ ಹೆಜ್ಜೆ:ಇದುವರೆಗೆ ಭಾರತವು ವಿದೇಶಿ ತಂತ್ರಜ್ಞಾನದ ಎಂಜಿನ್‌ಗಳನ್ನು ಲೈಸೆನ್ಸ್ ಪಡೆದು ಉತ್ಪಾದಿಸುತ್ತಿತ್ತು. ಆದರೆ ಈ ಒಪ್ಪಂದದ ಮೂಲಕ ಎಂಜಿನ್‌ನ ಸಂಪೂರ್ಣ ವಿನ್ಯಾಸ (Design), ಅಭಿವೃದ್ಧಿ (Development), ಪರೀಕ್ಷೆ ಹಾಗೂ ತಯಾರಿಕೆಯಲ್ಲಿ ಭಾರತೀಯ ಎಂಜಿನಿಯರ್‌ಗಳು ನೇರವಾಗಿ ಭಾಗವಹಿಸಲಿದ್ದಾರೆ.
• ಪ್ರಮುಖ ತಂತ್ರಜ್ಞಾನಗಳ ವರ್ಗಾವಣೆ:ಹೈಪ್ರೆಷರ್ ಕಂಪ್ರೆಸರ್, ಪವರ್ ಟರ್ಬೈನ್, ಫ್ಯುಯೆಲ್ ಹಾಗೂ ಆಯಿಲ್ ಸಿಸ್ಟಮ್, ಆಕ್ಸೆಸರಿ ಗೇರ್‌ಬಾಕ್ಸ್‌ನಂತಹ ಪ್ರಮುಖ ಜೆಟ್/ಟರ್ಬೈನ್ ತಂತ್ರಜ್ಞಾನಗಳ ಕಲಿಕೆಗೆ ಈ ಯೋಜನೆಯು ಹೆಚ್‌ಎಎಲ್‌ಗೆ ನೆರವಾಗಲಿದೆ.
• ರಕ್ಷಣಾ ಪಡೆಗಳ ಆಧುನೀಕರಣ:ಭಾರತೀಯ ಸೇನೆಯಲ್ಲಿ ದಶಕಗಳಿಂದ ಸೇವೆಯಲ್ಲಿರುವ ರಷ್ಯಾ ಮೂಲದ Mi-17 ಹೆಲಿಕಾಪ್ಟರ್‌ಗಳ ಜಾಗದಲ್ಲಿ ಭವಿಷ್ಯದಲ್ಲಿ ಸ್ವದೇಶಿ IMRH ಹೆಲಿಕಾಪ್ಟರ್‌ಗಳನ್ನು ನಿಯೋಜಿಸಲು ಇದು ಸಹಕಾರಿಯಾಗಲಿದೆ.
• ನಾಗರಿಕ ವಿಮಾನಯಾನ ಮತ್ತು ಇತರೆ ಬಳಕೆ:ಈ ‘ಅರಾವಳಿ’ ಎಂಜಿನ್ ಕೇವಲ ಸೇನಾ ಕಾರ್ಯಾಚರಣೆಗೆ ಸೀಮಿತವಾಗಿರದೆ, ಭವಿಷ್ಯದಲ್ಲಿ ನಾಗರಿಕ ಬಳಕೆ (Civil Aviation), ಆಫ್‌ಶೋರ್ ಸಾರಿಗೆ ಹಾಗೂ ಗಣ್ಯರ (VVIP) ಪ್ರಯಾಣದ ಹೆಲಿಕಾಪ್ಟರ್‌ಗಳಿಗೂ ಬಳಸಲು ಅವಕಾಶವಿರಲಿದೆ.

ಪ್ರತಿ ದಿನದ ಉದ್ಯೋಗ ಮಾಹಿತಿ ಅಪ್ಡೇಟ್‌ಗಾಗಿ ಇಲ್ಲಿ ಕ್ಲಿಕ್ ಮಾಡಿ