ಸಿಷೆಲ್ಸ್‌ನಿಂದ ನಿರ್ಗಮಿಸಿದ ಭಾರತೀಯ ನೌಕಾಪಡೆಯ ಮೊದಲ ತರಬೇತಿ ಸ್ಕ್ವಾಡ್ರನ್: ಪ್ರಚಲಿತ ಘಟನೆಗಳ ವಿವರಣೆ

➤ ಭಾರತೀಯ ನೌಕಾಪಡೆಯ ಮೊದಲ ತರಬೇತಿ ಸ್ಕ್ವಾಡ್ರನ್ (First Training Squadron - 1TS) ಸಿಷೆಲ್ಸ್‌ನ ಪೋರ್ಟ್ ವಿಕ್ಟೋರಿಯಾ (Port Victoria) ಬಂದರಿಗೆ ನೀಡಿದ್ದ ಸೌಹಾರ್ದಯುತ ತರಬೇತಿ ಭೇಟಿಯನ್ನು ಪೂರ್ಣಗೊಳಿಸಿ ನಿರ್ಗಮಿಸಿದೆ. ಈ ಕುರಿತು ಭಾರತೀಯ ರಕ್ಷಣಾ ಸಚಿವಾಲಯವು ಅಧಿಕೃತ ಪ್ರಕಟಣೆ ಹೊರಡಿಸಿದೆ.
➤ ಭಾಗವಹಿಸಿದ ಯುದ್ಧನೌಕೆಗಳು:   
- ಐಎನ್‌ಎಸ್ ತೀರ್ (INS Tir)   
- ಐಎನ್‌ಎಸ್ ಸುಜಾತ (INS Sujata)   
- ಭಾರತೀಯ ಕರಾವಳಿ ಕಾವಲು ಪಡೆಯ 'ಸಾರಥಿ' (ICGS Sarathi) ಹಡಗು.
➤ ಪ್ರಮುಖ ದ್ವಿಪಕ್ಷೀಯ ಸಭೆ:
- ತರಬೇತಿ ಪಡೆಯ ಹಿರಿಯ ಅಧಿಕಾರಿಗಳು ಮತ್ತು ಕಮಾಂಡಿಂಗ್ ಆಫೀಸರ್‌ಗಳು ಸಿಷೆಲ್ಸ್ ರಕ್ಷಣಾಪಡೆಯ (Seychelles Defence Forces) ಮುಖ್ಯಸ್ಥರಾದ ಮೇಜರ್ ಜನರಲ್ ಮೈಕೆಲ್ ರೊಸೆಟ್ (Major General Michael Rosette) ಅವರನ್ನು ಭೇಟಿಯಾಗಿ ಸುದೀರ್ಘ ಮಾತುಕತೆ ನಡೆಸಿದರು.   
- ಈ ವೇಳೆ ಎರಡೂ ದೇಶಗಳ ನಡುವಿನ ನೌಕಾ ಸಹಕಾರ, ಪ್ರಾದೇಶಿಕ ಭದ್ರತೆ ಮತ್ತು ಸಾಮರ್ಥ್ಯ ವೃದ್ಧಿಯ (Capacity Building) ಕುರಿತು ಚರ್ಚಿಸಲಾಯಿತು.
➤ ಜಂಟಿ ಸಮರ ಅಭ್ಯಾಸ - PASSAGE EXERCISE (PASSEX):   
- ನಿರ್ಗಮನದ ವೇಳೆಯಲ್ಲಿ ಭಾರತೀಯ ನೌಕಾಪಡೆ ಮತ್ತು ಸಿಷೆಲ್ಸ್ ಕರಾವಳಿ ಕಾವಲು ಪಡೆಯ 'ಎಸ್‌ಸಿಜಿಎಸ್ ಆಂಡ್ರೊಮೆಚೆ' (SCGS Andromache) ಹಡಗಿನ ನಡುವೆ ಜಂಟಿ ಗಸ್ತು ಹಾಗೂ PASSEX (ಮ್ಯಾನುವರಿಂಗ್ ಮತ್ತು ಕಮ್ಯುನಿಕೇಶನ್ ತರಬೇತಿ) ನಡೆಸಲಾಯಿತು.
- ಇದರಲ್ಲಿ ಬೆಂಕಿನಂದಿಸುವಿಕೆ (Firefighting) ಮತ್ತು ತಾಂತ್ರಿಕ ವಿನಿಮಯ ಕಾರ್ಯಕ್ರಮಗಳು ಸಹ ನಡೆದವು.
➤  ಮಹಾಸಾಗರ್ (MAHASAGAR) ದೂರದೃಷ್ಟಿ: 
  - ಈ ಕಾರ್ಯಾಚರಣೆಯು ಭಾರತದ 'MAHASAGAR' (Mutual and Holistic Advancement for Security and Growth Across Regions) ದೂರದೃಷ್ಟಿಗೆ ಬದ್ಧವಾಗಿದೆ.   
  - ಹಿಂದೂ ಮಹಾಸಾಗರ ಪ್ರದೇಶದಲ್ಲಿ (IOR) ಪ್ರಾದೇಶಿಕ ಭದ್ರತೆಯನ್ನು ಕಾಯ್ದುಕೊಳ್ಳಲು ಮತ್ತು ನೆರೆಹೊರೆಯ ದೇಶಗಳ ನೌಕಾ ಸಾಮರ್ಥ್ಯವನ್ನು ಹೆಚ್ಚಿಸಲು ಭಾರತವು ಶ್ರಮಿಸುತ್ತಿದೆ ಎಂಬುದನ್ನು ಈ ಭೇಟಿ ನಿರೂಪಿಸಿದೆ.