➤ ಅಮೆರಿಕದ ತಂತ್ರಜ್ಞಾನದ ಮೇಲಿನ ತನ್ನ ಅವಲಂಬನೆಯನ್ನು ಹಂತ-ಹಂತವಾಗಿ ತಗ್ಗಿಸುವ ಹಾಗೂ ರಾಷ್ಟ್ರೀಯ ಡೇಟಾ ಭದ್ರತೆಯನ್ನು ಬಲಪಡಿಸುವ ಉದ್ದೇಶದಿಂದ ಚೀನಾ ಸರ್ಕಾರ ಅತ್ಯಂತ ಮಹತ್ವದ ಮತ್ತು ಆಕ್ರಮಣಕಾರಿ ಹೆಜ್ಜೆಯೊಂದನ್ನು ಇಟ್ಟಿದೆ. ಚೀನಾದ 'ರಾಜ್ಯ ಭದ್ರತಾ ಸಚಿವಾಲಯ' (Ministry of State Security)ತನ್ನ ಎಲ್ಲಾ ಸರಕಾರಿ ಹಾಗೂ ಸರಕಾರಿ ಸ್ವಾಮ್ಯದ ಸಂಸ್ಥೆಗಳಲ್ಲಿ ಬಳಸಲಾಗುತ್ತಿದ್ದ ಮೈಕ್ರೋಸಾಫ್ಟ್‌ನ 'ವಿಂಡೋಸ್ 10' (Windows 10)ಆಪರೇಟಿಂಗ್ ಸಿಸ್ಟಂ ಅನ್ನು ತಕ್ಷಣವೇ ಅನ್‌ಇನ್‌ಸ್ಟಾಲ್ (Uninstall) ಮಾಡುವಂತೆ ಆದೇಶಿಸಿದೆ.
➤ ಸರಕಾರಿ ಮಟ್ಟದಲ್ಲಿ 'ಡಿಜಿಟಲ್ ಸಾರ್ವಭೌಮತ್ವ' ಸ್ಥಾಪಿಸಲು ಚೀನಾ ಕೈಗೊಂಡಿರುವ ಈ ನಿರ್ಧಾರವು ಜಾಗತಿಕ ತಂತ್ರಜ್ಞಾನ ರಂಗದಲ್ಲಿ ದೊಡ್ಡ ಮಟ್ಟದ ಸಂಚಲನ ಮೂಡಿಸಿದೆ.
➤ ವಿಶೇಷವೆಂದರೆ, ಚೀನಾದ ಸರಕಾರಿ ಸಂಸ್ಥೆಗಳು ಬಳಸುತ್ತಿದ್ದ ವಿಶೇಷ ಮಾದರಿಯ ವಿಂಡೋಸ್ 10 ಆಪರೇಟಿಂಗ್ ಸಿಸ್ಟಂ ಅನ್ನು ಮೂಲತಃ2027ರ ಫೆಬ್ರವರಿಯಲ್ಲಿಹಂತ-ಹಂತವಾಗಿ ಹಿಂಪಡೆಯಲು ನಿರ್ಧರಿಸಲಾಗಿತ್ತು. ಆದರೆ, ಬದಲಾದ ಜಾಗತಿಕ ರಾಜಕೀಯ ಸನ್ನಿವೇಶ ಮತ್ತು ಸೈಬರ್ ಭದ್ರತೆಯ ತುರ್ತು ಕಾರಣಗಳನ್ನು ನೀಡಿ ನಿಗದಿತ ಗಡುവിಗಿಂತ ಕೆಲ ತಿಂಗಳು ಮುಂಚಿತವಾಗಿಯೇ ಈ ನಿರ್ಧಾರವನ್ನು ಜಾರಿಗೆ ತರಲಾಗಿದೆ.
➤ ಸ್ಥಳೀಯ ಲಿನಕ್ಸ್ ಆಧರಿತ ಆಪರೇಟಿಂಗ್ ಸಿಸ್ಟಂಗಳಿಗೆ ಪ್ರೋತ್ಸಾಹ:ಮೈಕ್ರೋಸಾಫ್ಟ್ ವಿಂಡೋಸ್ ಬದಲಿಗೆ ತನ್ನದೇ ದೇಶೀಯ ತಂತ್ರಜ್ಞಾನ ಕಂಪನಿಗಳು ಅಭಿವೃದ್ಧಿಪಡಿಸಿರುವ ಲಿನಕ್ಸ್ (Linux) ಆಧಾರಿತ ಸಾಫ್ಟ್‌ವೇರ್‌ಗಳನ್ನು ಬಳಸಲು ಸರಕಾರಿ ಸಂಸ್ಥೆಗಳಿಗೆ ಕಡ್ಡಾಯ ಸೂಚನೆ ನೀಡಲಾಗಿದೆ. ಚೀನಾ ಉತ್ತೇಜಿಸುತ್ತಿರುವ ಪ್ರಮುಖ ಸ್ವದೇಶಿ ಆಪರೇಟಿಂಗ್ ಸಿಸ್ಟಂಗಳು:

• ಕೈಲಿನ್ ಒಎಸ್ (Kylin OS): ಕೈಲಿನ್ ಸಾಫ್ಟ್‌ವೇರ್ ಸಂಸ್ಥೆ (Kylin Software Co.) ಅಭಿವೃದ್ಧಿಪಡಿಸಿದ ಭದ್ರತಾ ಆಧಾರಿತ ಸಾಫ್ಟ್‌ವೇರ್.
• ಯೂನಿಟಿ ಒಎಸ್ (Unity OS / UOS): ಟಾಂಗ್‌ಕ್ಲಿನ್/ಯೂನಿಯನ್‌ಟೆಕ್ (Tongxin/UnionTech) ಸಂಸ್ಥೆ ಅಭಿವೃದ್ಧಿಪಡಿಸಿದ ಪ್ರಸಿದ್ಧ ಡೆಬಿಯನ್-ಆಧಾರಿತ (Debian) ಲಿನಕ್ಸ್ ಸಿಸ್ಟಂ.

➤ ಅಮೆರಿಕನ್ ಸಾಫ್ಟ್‌ವೇರ್‌ಗಳಲ್ಲಿ ಹಿಂಬಾಗಿಲ ಪ್ರವೇಶ (Backdoor Access) ಅಥವಾ ವಿದೇಶಿ ಗೂಢಚರ್ಯೆಯ ಅಪಾಯಗಳಿರಬಹುದು ಎಂಬ ಭೀತಿಯಿಂದ ಚೀನಾ ಈ ಕಠಿಣ ಹೆಜ್ಜೆ ಇಟ್ಟಿದೆ. ವಿದೇಶಿ ಹಾರ್ಡ್‌ವೇರ್ ಮತ್ತು ಸಾಫ್ಟ್‌ವೇರ್‌ಗಳನ್ನು ಸಂಪೂರ್ಣವಾಗಿ ತೆಗೆದುಹಾಕಿ 'ಸ್ವದೇಶಿ ತಂತ್ರಜ್ಞಾನ ವ್ಯವಸ್ಥೆ' (Domestic Tech Stack) ನಿರ್ಮಿಸುವುದು ಚೀನಾದ ದೀರ್ಘಕಾಲಿಕ ಗುರಿಯಾಗಿದೆ.
➤ ಮೈಕ್ರೋಸಾಫ್ಟ್ ತೊರೆಯುತ್ತಿರುವ ವಿಶ್ವದ ಇತರ ದೇಶಗಳು: 

• ಫ್ರಾನ್ಸ್: ತನ್ನ ಸರಕಾರಿ ಸಚಿವಾಲಯಗಳಲ್ಲಿ ಮೈಕ್ರೋಸಾಫ್ಟ್ ಬದಲಿಗೆ ಲಿನಕ್ಸ್ ವ್ಯವಸ್ಥೆಯನ್ನು ಜಾರಿಗೆ ತರುತ್ತಿದೆ.
• ಜರ್ಮನಿ, ಡೆನ್ಮಾರ್ಕ್ ಮತ್ತು ಆಸ್ಟ್ರಿಯಾ: ಇತ್ತೀಚಿನ ದಿನಗಳಲ್ಲಿ ಡಿಜಿಟಲ್ ಭದ್ರತೆಯ ದೃಷ್ಟಿಯಿಂದ ಓಪನ್ ಸೋರ್ಸ್ ಸಾಫ್ಟ್‌ವೇರ್‌ಗಳತ್ತ (Open-Source Linux) ಗಮನ ಹರಿಸುತ್ತಿವೆ.