* 2024ರ ಹುರುನ್ ಇಂಡಿಯಾ ವರದಿ ಬಿಡುಗಡೆಯಾಗಿದ್ದು ಬಿಲಿಯನೇರ್ ಗೌತಮ್ ಅದಾನಿ ಮತ್ತು ಅವರ ಕುಟುಂಬವು ಅಗ್ರಸ್ಥಾನದಲ್ಲಿದ್ದಾರೆ.  ಕಳೆದ ವರ್ಷ ಜನವರಿಯಲ್ಲಿ ಯುಎಸ್ ಮೂಲದ ಕಿರು ಮಾರಾಟಗಾರ ಹಿಂಡೆನ್‌ಬರ್ಗ್ ರಿಸರ್ಚ್ ತನ್ನ ಕಂಪನಿಗಳ ವಿರುದ್ಧ ವರದಿ ಮಾಡಿದ ನಂತರ ಸವಾಲುಗಳ ಹೊರತಾಗಿಯೂ ಬಿಲಿಯನೇರ್ ಗೌತಮ್ ಅದಾನಿ ಮತ್ತು ಅವರ ಕುಟುಂಬವು 2024 ರ ಹುರುನ್ ಇಂಡಿಯಾ ಶ್ರೀಮಂತರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ.  
* ಹುರಾನ್‌ ಇಂಡಿಯಾ ಸಿರಿವಂತರ ರ್ಯಾಂಕಿಂಗ್ ಪಟ್ಟಿಯಲ್ಲಿ 11,61,600 ಕೋಟಿ ರೂ. ಮೌಲ್ಯದ ಸಂಪತ್ತನ್ನು ಹೊಂದಿರುವ ಗೌತಮ್‌ ಅದಾನಿ ಯವರು ರಿಲಯನ್ಸ್‌ ಇಂಡಸ್ಟ್ರೀಸ್‌ನ ಮುಕೇಶ್‌ ಅಂಬಾನಿ ಅವರನ್ನು ಮೀರಿಸಿ ಭಾರತದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿ ಹೊರಹೊಮ್ಮಿದ್ದಾರೆ.
* ಭಾರತದಲ್ಲಿ ಐದು ದಿನಕ್ಕೊಬ್ಬರು 100 ಕೋಟಿ ಡಾಲರ್ ಸಂಪತ್ತಿನ ಮೌಲ್ಯದ ಪಟ್ಟಿಗೆ ಸೇರ್ಪಡೆಯಾಗಿದ್ದಾರೆ. ಭಾರತದಲ್ಲಿ ನೂರು ಕೋಟಿ ಡಾಲರ್‌ಗೂ ಹೆಚ್ಚಿನ ಆಸ್ತಿಮೌಲ್ಯ ಹೊಂದಿರುವ ಕುಬೇರರ ಸಂಖ್ಯೆ 334ಕ್ಕೆ ತಲುಪಿದೆ. 
* ಅದಾನಿ ಅವರು ಕಳೆದ ವರ್ಷಕ್ಕೆ ಹೋಲಿಸಿದರೆ ಇವರ ಸಂಪತ್ತು ಶೇ. 95ರಷ್ಟು ಹೆಚ್ಚಿದೆ. 2020ರಲ್ಲಿಇವರು ನಾಲ್ಕನೇ ಸ್ಥಾನದಲ್ಲಿದ್ದರು. ಮುಕೇಶ್‌ ಅಂಬಾನಿಯವರು ಸದ್ಯ 10.14 ಲಕ್ಷ ಕೋಟಿ ಮೌಲ್ಯದ ಆಸ್ತಿಯೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ.
* 2023 ರ ವರದಿಯಲ್ಲಿ ಶ್ರೀ ಅದಾನಿ ಅವರ ಸಂಪತ್ತು 57% ರಷ್ಟು ಕುಸಿದು ₹ 4.74 ಲಕ್ಷ ಕೋಟಿಗೆ ತಲುಪಿತು. ಮತ್ತು ಶ್ರೀ ಅಂಬಾನಿ ಅವರು ₹ 8.08 ಲಕ್ಷ ಕೋಟಿಗಳ ಸಂಪತ್ತನ್ನು ಹೊಂದಿದ್ದರು. 
* 2024 ರ ಹುರುನ್ ಇಂಡಿಯಾ ಶ್ರೀಮಂತರ ಪಟ್ಟಿಗೆ ಒಂದು ಗಮನಾರ್ಹ ಸೇರ್ಪಡೆಯೆಂದರೆ ಖ್ಯಾತ ಬಾಲಿವುಡ್ ನಟ ಶಾರುಖ್ ಖಾನ್(58 ವರ್ಷ) ಅವರು 7,300 ಕೋಟಿ ರೂ.ಗಳ ಗಣನೀಯ ನಿವ್ವಳ ಮೌಲ್ಯವನ್ನು ಹೊಂದಿದ್ದಾರೆ. ಖಾನ್ ಅವರ ಸಂಪತ್ತು ಪ್ರಾಥಮಿಕವಾಗಿ ಕೋಲ್ಕತ್ತಾ ನೈಟ್ ರೈಡರ್ಸ್ ಕ್ರಿಕೆಟ್ ತಂಡ ಮತ್ತು ರೆಡ್ ಚಿಲ್ಲೀಸ್ ಎಂಟರ್‌ಟೈನ್‌ಮೆಂಟ್‌ನಲ್ಲಿ ಅವರ ಹೂಡಿಕೆಯಿಂದ ಬಂದಿದೆ. ಮನರಂಜಕರ ಪಟ್ಟಿಯಲ್ಲಿ ಶಾರುಖ್ ಖಾನ್ ಅಗ್ರಸ್ಥಾನವನ್ನು ಹೊಂದಿದ್ದಾರೆ. ಅವರ ನಂತರ ಜೂಹಿ ಚಾವ್ಲಾ ಮತ್ತು ಕುಟುಂಬದವರು 4,600 ಕೋಟಿ ಸಂಪತ್ತನ್ನು ಹೊಂದುವ ಮೂಲಕ ಎರಡನೇ ಸ್ಥಾನವನ್ನು ಪಡೆದುಕೊಂಡಿದ್ದಾರೆ.
* ಹುರುನ್ ಇಂಡಿಯಾ ಶ್ರೀಮಂತರ ಪಟ್ಟಿ 2024 ರಲ್ಲಿ ಟಾಪ್ 10 ಶ್ರೀಮಂತರು : 
ಗೌತಮ್ ಅದಾನಿ ಮತ್ತು ಕುಟುಂಬ (ಸಂಪತ್ತು: ₹1,161,800 ಕೋಟಿ
ಮುಖೇಶ್ ಅಂಬಾನಿ ಮತ್ತು ಕುಟುಂಬ (ಸಂಪತ್ತು: ₹1,014,700 ಕೋಟಿ)
ಶಿವ ನಾಡಾರ್ ಮತ್ತು ಕುಟುಂಬ (ಸಂಪತ್ತು: ₹314,000 ಕೋಟಿ
ಸೈರಸ್ ಪೂನಾವಾಲಾ ಮತ್ತು ಕುಟುಂಬ (ಸಂಪತ್ತು: ₹289,800 ಕೋಟಿ)
ದಿಲೀಪ್ ಶಾಂಘ್ವಿ (ಸಂಪತ್ತು: ₹249,900 ಕೋಟಿ)
ಕುಮಾರ್ ಮಂಗಲಂ ಬಿರ್ಲಾ ಮತ್ತು ಕುಟುಂಬ (ಸಂಪತ್ತು: ₹235,200 ಕೋಟಿ)
ಗೋಪಿಚಂದ್ ಹಿಂದುಜಾ ಮತ್ತು ಕುಟುಂಬ (ಸಂಪತ್ತು: ₹192,700 ಕೋಟಿ)
ರಾಧಾಕಿಶನ್ ದಮಾನಿ ಮತ್ತು ಕುಟುಂಬ (ಸಂಪತ್ತು: ₹190,900 ಕೋಟಿ)
ಅಜೀಜ್ ಪ್ರೇಮ್‌ಜಿ ಮತ್ತು ಕುಟುಂಬ (ಸಂಪತ್ತು: ₹190,700 ಕೋಟಿ)
ನಿರಾಜ್ ಬಜಾಜ್ ಮತ್ತು ಕುಟುಂಬ (ಸಂಪತ್ತು: ₹162,800 ಕೋಟಿ)