KEA FDA & SDA Recruitment 2026: ಡಿಗ್ರಿ, ಪಿಯುಸಿ ಪಾಸಾದವರಿಗೆ 5,431 FDA ಹಾಗೂ SDA ಹುದ್ದೆಗಳ ಬೃಹತ್ ನೇಮಕಾತಿ! ಇಂದೇ ಅರ್ಜಿ ಸಲ್ಲಿಸಿ

KEA FDA SDA Recruitment 2026: 5,431 ಹುದ್ದೆಗಳ ಬೃಹತ್ ನೇಮಕಾತಿ ಅಧಿಸೂಚನೆ ಪ್ರಕಟ; RPC ಮತ್ತು KK ವೃಂದದ ಸಂಪೂರ್ಣ ಮಾಹಿತಿ ಇಲ್ಲಿದೆ!

ಕರ್ನಾಟಕದಲ್ಲಿ ಸರ್ಕಾರಿ ಉದ್ಯೋಗದ ನಿರೀಕ್ಷೆಯಲ್ಲಿರುವ ಪದವಿ ಹಾಗೂ ದ್ವಿತೀಯ ಪಿಯುಸಿ ವಿದ್ಯಾರ್ಹತೆ ಹೊಂದಿರುವ ಅಭ್ಯರ್ಥಿಗಳಿಗೆ ಮಹತ್ವದ ಉದ್ಯೋಗಾವಕಾಶ ಲಭ್ಯವಾಗಿದೆ. ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು (KEA) ರಾಜ್ಯದ ವಿವಿಧ ಸರ್ಕಾರಿ ಇಲಾಖೆಗಳು, ನಿಗಮಗಳು, ಮಂಡಳಿಗಳು ಮತ್ತು ಸಂಸ್ಥೆಗಳಲ್ಲಿ ಖಾಲಿ ಇರುವ ಪ್ರಥಮ ದರ್ಜೆ ಸಹಾಯಕ (FDA) ಹಾಗೂ ದ್ವಿತೀಯ ದರ್ಜೆ ಸಹಾಯಕ (SDA) ಸೇರಿದಂತೆ ವಿವಿಧ ಸಮಾನ ಹುದ್ದೆಗಳ ಭರ್ತಿಗೆ ನಾಲ್ಕು ಪ್ರತ್ಯೇಕ ಅಧಿಸೂಚನೆಗಳನ್ನು ಪ್ರಕಟಿಸಿದೆ.

ಈ ನೇಮಕಾತಿಯಲ್ಲಿ ಉಳಿಕೆ ಮೂಲ ವೃಂದ (RPC) ಮತ್ತು ಕಲ್ಯಾಣ ಕರ್ನಾಟಕ ಸ್ಥಳೀಯ ವೃಂದ (KK) ಹುದ್ದೆಗಳನ್ನು ಪ್ರತ್ಯೇಕವಾಗಿ ಪ್ರಕಟಿಸಲಾಗಿದೆ. ಈ ಅಧಿಸೂಚನೆಗಳ ಪ್ರಕಾರ ಒಟ್ಟು 5,431 ಹುದ್ದೆಗಳು ಲಭ್ಯವಿವೆ.

ವಿಶೇಷವೆಂದರೆ, ಈ ನೇಮಕಾತಿಯಲ್ಲಿ ವಾಣಿಜ್ಯ ತೆರಿಗೆ ಇಲಾಖೆ, ನ್ಯಾಯಾಂಗ ಇಲಾಖೆ, ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ, ನೋಂದಣಿ ಮತ್ತು ಮುದ್ರಾಂಕ ಇಲಾಖೆ, ಸಹಕಾರ ಇಲಾಖೆ, ಕಾರ್ಮಿಕ ಇಲಾಖೆ, ಸಮಾಜ ಕಲ್ಯಾಣ ಇಲಾಖೆ ಸೇರಿದಂತೆ ಹಲವು ಇಲಾಖೆಗಳ ಹುದ್ದೆಗಳನ್ನು ಸೇರಿಸಲಾಗಿದೆ.

ಅಭ್ಯರ್ಥಿಗಳು ತಮ್ಮ ವಿದ್ಯಾರ್ಹತೆ ಮತ್ತು ಅರ್ಹತೆಗೆ ಅನುಗುಣವಾಗಿ ಸಂಬಂಧಿತ ಅಧಿಸೂಚನೆಯನ್ನು ಪರಿಶೀಲಿಸಿ ಅರ್ಜಿ ಸಲ್ಲಿಸಬಹುದು. ಈ ಲೇಖನದಲ್ಲಿ ನಾಲ್ಕು ಅಧಿಸೂಚನೆಗಳ ಹುದ್ದೆಗಳ ಸಂಖ್ಯೆ, RPC ಮತ್ತು KK ವೃಂದದ ವ್ಯತ್ಯಾಸ, ವಿದ್ಯಾರ್ಹತೆ, ಪರೀಕ್ಷಾ ವಿಧಾನ, ಕನ್ನಡ ಭಾಷಾ ಪರೀಕ್ಷೆ, ಅರ್ಜಿ ಶುಲ್ಕ ಹಾಗೂ ಪ್ರಮುಖ ದಿನಾಂಕಗಳ ಮಾಹಿತಿಯನ್ನು ಈ ಕೆಳಗೆ ವಿವರಿಸಲಾಗಿದೆ.

visit official website

ಪ್ರಮುಖ ಮಾಹಿತಿ : 

• ನೇಮಕಾತಿ ಪ್ರಾಧಿಕಾರ : ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ (KEA)
• ನೇಮಕಾತಿ ಪ್ರಕಾರ : ನೇರ ನೇಮಕಾತಿ
• ಹುದ್ದೆಗಳ ವರ್ಗ : ಗ್ರೂಪ್-C
• ಪ್ರಮುಖ ಹುದ್ದೆಗಳು : FDA, SDA ಮತ್ತು ಇತರೆ ಸಮಾನ ಹುದ್ದೆಗಳು
• ಒಟ್ಟು ಹುದ್ದೆಗಳು : 5,431
• ವೃಂದಗಳು : RPC ಮತ್ತು ಕಲ್ಯಾಣ ಕರ್ನಾಟಕ (KK)
• ಅಧಿಕೃತ ವೆಬ್‌ಸೈಟ್ : cetonline.karnataka.gov.in/kea/

ಅರ್ಜಿ ಸಲ್ಲಿಕೆ ದಿನಾಂಕ 

• ಆನ್‌ಲೈನ್ ಅರ್ಜಿ ಸಲ್ಲಿಕೆ ಆರಂಭ ದಿನಾಂಕ: 30 ಅಕ್ಟೋಬರ್ 2026.  
• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 25 ನವೆಂಬರ್ 2026.   
• ಶುಲ್ಕ ಪಾವತಿಸಲು ಕೊನೆಯ ದಿನಾಂಕ: 26 ನವೆಂಬರ್ 2026. 

ಒಟ್ಟು ಖಾಲಿ ಹುದ್ದೆಗಳ ವಿಂಗಡಣೆ (Vacancy ಡೀಟೇಲ್ಸ್)
ಈ ಬೃಹತ್ ನೇಮಕಾತಿಯಲ್ಲಿ ಪದವಿ (Degree) ಮತ್ತು ದ್ವಿತೀಯ ಪಿಯುಸಿ (PUC) ವಿದ್ಯಾರ್ಹತೆ ಆಧಾರದ ಮೇಲೆ ಹುದ್ದೆಗಳನ್ನು ವಿಂಗಡಿಸಲಾಗಿದೆ:

1. ಪ್ರಥಮ ದರ್ಜೆ ಸಹಾಯಕರು (FDA - Degree Level):
ಉಳಿಕೆ ಮೂಲ ವೃಂದ (RPC): 2,163 ಹುದ್ದೆಗಳು.   
ಕಲ್ಯಾಣ ಕರ್ನಾಟಕ ವೃಂದ (KK): 563 ಹುದ್ದೆಗಳು.   
(ವಿವಿಧ ಇಲಾಖೆಗಳಲ್ಲಿನ ಲೆಕ್ಕ ಸಹಾಯಕರು, ನಿಲಯ ಮೇಲ್ವಿಚಾರಕರು, ವಾರ್ಡನ್, ಕಂದಾಯ ನಿರೀಕ್ಷಕರು ಮುಂತಾದ ಸಮಾನಾಂತರ ಹುದ್ದೆಗಳು ಸೇರಿವೆ).  

2. ದ್ವಿತೀಯ ದರ್ಜೆ ಸಹಾಯಕರು (SDA - PUC Level):
ಉಳಿಕೆ ಮೂಲ ವೃಂದ (RPC): 2,070 ಹುದ್ದೆಗಳು.   
ಕಲ್ಯಾಣ ಕರ್ನಾಟಕ ವೃಂದ (KK): 635 ಹುದ್ದೆಗಳು.   
(ಗ್ರಾಮ ಪಂಚಾಯಿತಿ ಕಾರ್ಯದರ್ಶಿ, ದ್ವಿತೀಯ ದರ್ಜೆ ಲೆಕ್ಕ ಸಹಾಯಕರು, ಗಣತಿದಾರರು ಮುಂತಾದ ಸಮಾನಾಂತರ ಹುದ್ದೆಗಳು ಸೇರಿವೆ). 

ಯಾವೆಲ್ಲ ಇಲಾಖೆಗಳ ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ?

• ವಾಣಿಜ್ಯ ತೆರಿಗೆ ಇಲಾಖೆ
• ನ್ಯಾಯಾಂಗ ಇಲಾಖೆ
• ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆ
• ನೋಂದಣಿ ಮತ್ತು ಮುದ್ರಾಂಕ ಇಲಾಖೆ
• ಕರ್ನಾಟಕ ರಾಜ್ಯ ಲೆಕ್ಕಪರಿಶೋಧನೆ ಮತ್ತು ಲೆಕ್ಕಪತ್ರ ಇಲಾಖೆ
• ಸಹಕಾರ ಸಂಘಗಳ ನಿಬಂಧಕರ ಕಚೇರಿ
• ಕೃಷಿ ಮಾರಾಟ ಇಲಾಖೆ
• ಕಾರ್ಮಿಕ ಇಲಾಖೆ
• ಕಾರ್ಮಿಕರ ರಾಜ್ಯ ವಿಮಾ ಯೋಜನೆ ವೈದ್ಯಕೀಯ ಸೇವೆಗಳ ಇಲಾಖೆ
• ಸಮಾಜ ಕಲ್ಯಾಣ ಇಲಾಖೆ
• ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಇಲಾಖೆ
• ವಿದ್ಯುತ್ ಪರಿವೀಕ್ಷಣಾಲಯ ಇಲಾಖೆ
• ಕರ್ನಾಟಕ ಲೋಕಾಯುಕ್ತ
• ಕರ್ನಾಟಕ ಲೋಕಸೇವಾ ಆಯೋಗ
• ಕರ್ನಾಟಕ ಗೃಹ ಮಂಡಳಿ
• ಕರ್ನಾಟಕ ಕೈಗಾರಿಕಾ ಪ್ರದೇಶಾಭಿವೃದ್ಧಿ ಮಂಡಳಿ
• ಪ್ರವಾಸೋದ್ಯಮ ಇಲಾಖೆ
• ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ
• ಕರ್ನಾಟಕ ಗ್ರಾಮೀಣ ಮೂಲಸೌಕರ್ಯ ಅಭಿವೃದ್ಧಿ ನಿಯಮಿತ
• ಕರ್ನಾಟಕ ರಾಜ್ಯ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗ

ಶೈಕ್ಷಣಿಕ ಅರ್ಹತೆಗಳು

FDA (ಪದವಿ ಮಟ್ಟದ ಹುದ್ದೆಗಳು): ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಯಾವುದೇ ಪದವಿ (Degree) ಪಡೆದಿರಬೇಕು. (ಕೆಲವು ನಿರ್ದಿಷ್ಟ ಲೆಕ್ಕ ಸಹಾಯಕ ಹುದ್ದೆಗಳಿಗೆ ಬಿ.ಕಾಂ/ಬಿ.ಬಿ.ಎಂ ಕಡ್ಡಾಯವಾಗಿರುತ್ತದೆ).   

SDA (ಪಿಯುಸಿ ಮಟ್ಟದ ಹುದ್ದೆಗಳು): ದ್ವಿತೀಯ ಪಿಯುಸಿ (PUC) ಅಥವಾ ತತ್ಸಮಾನ ವಿದ್ಯಾರ್ಹತೆ (ಉದಾಹರಣೆಗೆ: 3 ವರ್ಷದ ಡಿಪ್ಲೊಮಾ, ಜಿಟಿಟಿಸಿ ಡಿಪ್ಲೊಮಾ, ಎನ್.ಐ.ಓ.ಎಸ್ ಕೋರ್ಸ್ ಇತ್ಯಾದಿ) ಹೊಂದಿರಬೇಕು.  

ವಯೋಮಿತಿ ಸಡಿಲಿಕೆ (Age Limit)
ಸರ್ಕಾರದ ಇತ್ತೀಚಿನ ಆದೇಶದನ್ವಯ ಒಂದು ಬಾರಿಗೆ ಅನ್ವಯವಾಗುವಂತೆ ಗರಿಷ್ಠ ವಯೋಮಿತಿಯಲ್ಲಿ 5 ವರ್ಷಗಳ ಸಡಿಲಿಕೆಯನ್ನು ನೀಡಲಾಗಿದೆ.

• ಕನಿಷ್ಠ ವಯಸ್ಸು: 18 ವರ್ಷಗಳು.  
• ಸಾಮಾನ್ಯ ಅರ್ಹತೆಯ (GM) ಅಭ್ಯರ್ಥಿಗಳಿಗೆ: ಗರಿಷ್ಠ 40 ವರ್ಷಗಳು.  
• ಪ್ರವರ್ಗ 2A, 2B, 3A, 3B ಅಭ್ಯರ್ಥಿಗಳಿಗೆ: ಗರಿಷ್ಠ 43 ವರ್ಷಗಳು.  
• ಪರಿಶಿಷ್ಟ ಜಾತಿ / ಪರಿಶಿಷ್ಟ ಪಂಗಡ / ಪ್ರವರ್ಗ-1 ರ ಅಭ್ಯರ್ಥಿಗಳಿಗೆ: ಗರಿಷ್ಠ 45 ವರ್ಷಗಳು. 

ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ

ಅರ್ಜಿ ಶುಲ್ಕ:

• ಸಾಮಾನ್ಯ ಹಾಗೂ ಓಬಿಸಿ (2A/2B/3A/3B) ಅಭ್ಯರ್ಥಿಗಳಿಗೆ: ರೂ. 750/-.  
• SC/ST/ಪ್ರವರ್ಗ-1/ಮಾಜಿ ಸೈನಿಕ/ತೃತೀಯ ಲಿಂಗಿ ಅಭ್ಯರ್ಥಿಗಳಿಗೆ: ರೂ. 500/-.  
• ವಿಶೇಷ ಚೇತನ (PwD) ಅಭ್ಯರ್ಥಿಗಳಿಗೆ: ರೂ. 250/-.  
• (ಸೂಚನೆ: ಈ ಹಿಂದೆ KEA ಅಧಿಸೂಚನೆ (19.05.2026) ಯಲ್ಲಿ FDA ಹುದ್ದೆಗಳಿಗೆ ಅರ್ಜಿ ಸಲ್ಲಿಸಿರುವವರಿಗೆ RPC FDA ಹುದ್ದೆಗಳ ಶುಲ್ಕ ಪಾವತಿಯಿಂದ ವಿನಾಯಿತಿ ನೀಡಲಾಗಿದೆ). 

ಆಯ್ಕೆ ಪ್ರಕ್ರಿಯೆ ಹೇಗೆ ನಡೆಯಲಿದೆ?
ಆಯ್ಕೆ ಪ್ರಕ್ರಿಯೆಯ ಪ್ರಮುಖ ಹಂತಗಳು ಈ ಕೆಳಗಿನಂತಿವೆ:

ಹಂತ 1: ಸ್ಪರ್ಧಾತ್ಮಕ ಪರೀಕ್ಷೆ (Offline OMR Test): ಎಲ್ಲಾ ಅಭ್ಯರ್ಥಿಗಳಿಗೆ 100 ಅಂಕಗಳ ಪತ್ರಿಕೆ-1 (ಸಾಮಾನ್ಯ ಜ್ಞಾನ) ಮತ್ತು ಪತ್ರಿಕೆ-2 (ಸಾಮಾನ್ಯ ಕನ್ನಡ/ಇಂಗ್ಲಿಷ್ ಮತ್ತು ಕಂಪ್ಯೂಟರ್) ಗಳ ಆಫ್‌ಲೈನ್ ಪರೀಕ್ಷೆ ನಡೆಸಲಾಗುತ್ತದೆ.
ಹಂತ 2: ಕಡ್ಡಾಯ ಕನ್ನಡ ಭಾಷಾ ಪರೀಕ್ಷೆ: ಎಸ್‌ಎಸ್‌ಎಲ್‌ಸಿ ಹಂತದಲ್ಲಿ ಕನ್ನಡವನ್ನು ಒಂದು ಭಾಷೆಯಾಗಿ ಓದದ ಅಭ್ಯರ್ಥಿಗಳಿಗೆ 150 ಅಂಕಗಳ ಕಡ್ಡಾಯ ಕನ್ನಡ ಪರೀಕ್ಷೆ ಇರುತ್ತದೆ (ಇದರಲ್ಲಿ ಕನಿಷ್ಠ 50 ಅಂಕ ಗಳಿಸಿ ಪಾಸ್ ಆಗುವುದು ಕಡ್ಡಾಯ).
ಹಂತ 3: ಅರ್ಹತಾ ಮಾನದಂಡ ಹಾಗೂ ನೆಗೆಟಿವ್ ಮಾರ್ಕಿಂಗ್: ಹುದ್ದೆಯ ಆಯ್ಕೆ ಪ್ರಕ್ರಿಯೆಯಲ್ಲಿ ಮುಂದುವರಿಯಲು ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ಕನಿಷ್ಠ ಶೇ. 35 ರಷ್ಟು ಅಂಕ ಗಳಿಸಲೇಬೇಕು. ಪ್ರತಿ ತಪ್ಪು ಉತ್ತರಕ್ಕೆ ಹಾಗೂ OMR ನಲ್ಲಿ 5ನೇ ವೃತ್ತವನ್ನು ಶೇಡ್ ಮಾಡದಿದ್ದರೆ 0.25 (1/4) ಅಂಕಗಳನ್ನು ಕಳೆಯಲಾಗುತ್ತದೆ (Negative Marking).
ಹಂತ 4: ಆನ್‌ಲೈನ್ ಆದ್ಯತೆ ಸಲ್ಲಿಕೆ (Option Entry): ಪರೀಕ್ಷೆಯ ಫಲಿತಾಂಶ ಮತ್ತು ರ‍್ಯಾಂಕ್ ಪ್ರಕಟವಾದ ನಂತರ, ಅರ್ಹ ಅಭ್ಯರ್ಥಿಗಳಿಗೆ ತಮಗೆ ಬೇಕಾದ ಇಲಾಖೆ ಮತ್ತು ಹುದ್ದೆಗಳನ್ನು ಆನ್‌ಲೈನ್ ಮೂಲಕ ಆಯ್ಕೆ ಮಾಡಲು (ಆದ್ಯತೆ ಸಲ್ಲಿಸಲು) ಅವಕಾಶ ಕಲ್ಪಿಸಲಾಗುತ್ತದೆ.
ಹಂತ 5: ಅಣುಕು ಹುದ್ದೆ ಹಂಚಿಕೆ (Mock Allotment): ಅಭ್ಯರ್ಥಿಗಳು ನೀಡಿದ ಆದ್ಯತೆ, ಗಳಿಸಿದ ಅಂಕ ಹಾಗೂ ಮೀಸಲಾತಿಯ ಆಧಾರದ ಮೇಲೆ ಮೊದಲು 'ಅಣುಕು ಹುದ್ದೆ ಹಂಚಿಕೆ' (Mock Allotment) ಫಲಿತಾಂಶವನ್ನು ಪ್ರಕಟಿಸಲಾಗುತ್ತದೆ. ಇದಾದ ನಂತರ ಅಭ್ಯರ್ಥಿಗಳಿಗೆ ತಮ್ಮ ಆಯ್ಕೆಗಳನ್ನು ಬದಲಾಯಿಸಲು, ಸೇರಿಸಲು ಅಥವಾ ಪರಿಷ್ಕರಿಸಲು ಮತ್ತೊಂದು ಅವಕಾಶ ನೀಡಲಾಗುತ್ತದೆ.
ಹಂತ 6: ಅಂತಿಮ ಆಯ್ಕೆ ಪಟ್ಟಿ (1:1 Final Selection): ಅಭ್ಯರ್ಥಿಗಳ ಅಂತಿಮ ಆಯ್ಕೆಗಳನ್ನು ಪರಿಗಣಿಸಿ 1:1 ಅನುಪಾತದಲ್ಲಿ (ಒಂದು ಹುದ್ದೆಗೆ ಒಬ್ಬ ಅಭ್ಯರ್ಥಿ) ತಾತ್ಕಾಲಿಕ ಅಂತಿಮ ಆಯ್ಕೆ ಪಟ್ಟಿಯನ್ನು ಪ್ರಕಟಿಸಿ, ಆಯಾ ನೇಮಕಾತಿ ಪ್ರಾಧಿಕಾರಗಳಿಗೆ (ಇಲಾಖೆಗಳಿಗೆ) ಕಳುಹಿಸಲಾಗುತ್ತದೆ.
ಹಂತ 7: ದಾಖಲಾತಿ ಪರಿಶೀಲನೆ (Document Verification): KEA ಹಂತದಲ್ಲಿ ಮೂಲ ದಾಖಲೆಗಳ ಪರಿಶೀಲನೆ ಇರುವುದಿಲ್ಲ. ಅಭ್ಯರ್ಥಿಗಳು ಆಯ್ಕೆಯಾದ ಆಯಾ ಇಲಾಖೆಗಳೇ ನೇರವಾಗಿ ಅಭ್ಯರ್ಥಿಗಳ ಮೂಲ ದಾಖಲೆಗಳನ್ನು ಪರಿಶೀಲಿಸಿ ನೇಮಕಾತಿ ಆದೇಶವನ್ನು ನೀಡುತ್ತವೆ. (ಈ ಹುದ್ದೆಗಳಿಗೆ ಯಾವುದೇ ಸಂದರ್ಶನ ಇರುವುದಿಲ್ಲ.

ಋಣಾತ್ಮಕ ಮೌಲ್ಯಮಾಪನ (Negative Marking)

• ಪ್ರತಿಯೊಂದು ಪ್ರಶ್ನೆಗೆ ನಾಲ್ಕು ಪರ್ಯಾಯ ಉತ್ತರಗಳನ್ನು ನೀಡಲಾಗುತ್ತದೆ.
• ಪ್ರತಿ ತಪ್ಪು ಉತ್ತರಕ್ಕೆ 0.25 ಅಂಕ ಕಡಿತಗೊಳಿಸಲಾಗುತ್ತದೆ.
• ಉತ್ತರಿಸದ ಪ್ರಶ್ನೆಗಳಿಗೆ OMR ಪತ್ರಿಕೆಯಲ್ಲಿ ಐದನೇ ಆಯ್ಕೆಯನ್ನು ಶೇಡ್ ಮಾಡಲು ಸೂಚಿಸಲಾಗಿದೆ.
• ಯಾವುದೇ ಆಯ್ಕೆಯನ್ನು ಶೇಡ್ ಮಾಡದಿದ್ದರೆ ಪ್ರತಿ ಪ್ರಶ್ನೆಗೆ 0.25 ಅಂಕ ಕಡಿತಗೊಳಿಸಲಾಗುತ್ತದೆ.
• ಪರೀಕ್ಷೆಯ ಕೊನೆಯ ಬೆಲ್ ನಂತರ ಉತ್ತರಿಸದ ಪ್ರಶ್ನೆಗಳಿಗೆ ಐದನೇ ಆಯ್ಕೆಯನ್ನು ಶೇಡ್ ಮಾಡಲು ಹೆಚ್ಚುವರಿ ಐದು ನಿಮಿಷ ನೀಡಲಾಗುತ್ತದೆ ಎಂದು ಅಧಿಸೂಚನೆಯಲ್ಲಿ ಉಲ್ಲೇಖಿಸಲಾಗಿದೆ.

ಆನ್ ಲೈನ್ ನಲ್ಲಿ ಅರ್ಜಿ ಸಲ್ಲಿಸಲು ಇಲ್ಲಿ ಕ್ಲಿಕ್ ಮಾಡಿ..

ಸ್ಪರ್ಧಾತ್ಮಕ ಪರೀಕ್ಷೆಯ ದಿನಾಂಕಗಳು
ಈ ನೇಮಕಾತಿಯ ಆಯ್ಕೆ ಪ್ರಕ್ರಿಯೆಯು ಸಂಪೂರ್ಣವಾಗಿ ಆಫ್‌ಲೈನ್ ಓಎಂಆರ್ (Offline OMR) ಲಿಖಿತ ಪರೀಕ್ಷೆಯ ಮೆರಿಟ್ ಆಧಾರದ ಮೇಲೆ ನಡೆಯಲಿದೆ.

• ಕಡ್ಡಾಯ ಕನ್ನಡ ಭಾಷಾ ಪರೀಕ್ಷೆ: 08.01.2027 (ಎಲ್ಲಾ ಹುದ್ದೆಗಳಿಗೂ ಅನ್ವಯ).  
• FDA (KK ವೃಂದ) ಪರೀಕ್ಷೆ: 09.01.2027 (ಪತ್ರಿಕೆ 1 ಮತ್ತು ಪತ್ರಿಕೆ 2).  
• FDA (RPC ವೃಂದ) ಪರೀಕ್ಷೆ: 10.01.2027 (ಪತ್ರಿಕೆ 1 ಮತ್ತು ಪತ್ರಿಕೆ 2).  
• SDA (KK ವೃಂದ) ಪರೀಕ್ಷೆ: 16.01.2027 (ಪತ್ರಿಕೆ 1 ಮತ್ತು ಪತ್ರಿಕೆ 2).  
• SDA (RPC ವೃಂದ) ಪರೀಕ್ಷೆ: 17.01.2027 (ಪತ್ರಿಕೆ 1 ಮತ್ತು ಪತ್ರಿಕೆ 2).

ಅರ್ಜಿ ಸಲ್ಲಿಸುವ ವಿಧಾನ (How to Apply Online)

ಹಂತ 1: ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ
ಅಭ್ಯರ್ಥಿಗಳು ಮೊದಲು KEA ಯ ಅಧಿಕೃತ ವೆಬ್‌ಸೈಟ್: https://cetonline.karnataka.gov.in/kea/ ಗೆ ಭೇಟಿ ನೀಡಬೇಕು.  
ಮುಖಪುಟದಲ್ಲಿ (Home Page) "ನೇಮಕಾತಿ" (Recruitment) ವಿಭಾಗದ ಅಡಿಯಲ್ಲಿರುವ "FDA / SDA (RPC & KK) ನೇಮಕಾತಿ - 2026 ಆನ್‌ಲೈನ್ ಅರ್ಜಿ" ಲಿಂಕ್ ಮೇಲೆ ಕ್ಲಿಕ್ ಮಾಡಿ.
ಹಂತ 2: ಸೂಚನೆಗಳನ್ನು ಓದುವುದು : ಅರ್ಜಿ ಭರ್ತಿ ಮಾಡುವ ಮೊದಲು ಅಧಿಸೂಚನೆಯಲ್ಲಿ ನೀಡಲಾಗಿರುವ ಶೈಕ್ಷಣಿಕ ಅರ್ಹತೆ, ವಯೋಮಿತಿ ಮತ್ತು ಮೀಸಲಾತಿ ನಿಯಮಗಳನ್ನು ಕಡ್ಡಾಯವಾಗಿ ಓದಿಕೊಳ್ಳಿ.   
ಹಂತ 3: ನೋಂದಣಿ ಮತ್ತು ಅರ್ಜಿ ಭರ್ತಿ (Registration & Filling Details)
'New Registration' ಮೇಲೆ ಕ್ಲಿಕ್ ಮಾಡಿ, ನಿಮ್ಮ ಹೆಸರು, ಮೊಬೈಲ್ ನಂಬರ್ ಮತ್ತು ಇ-ಮೇಲ್ ಐಡಿ ನೀಡಿ ರಿಜಿಸ್ಟರ್ ಮಾಡಿಕೊಳ್ಳಿ. (ಗಮನಿಸಿ: ಒಮ್ಮೆ ನಮೂದಿಸಿದ ಮೊಬೈಲ್ ನಂಬರ್/ಇ-ಮೇಲ್ ಬದಲಾವಣೆಗೆ ಅವಕಾಶವಿಲ್ಲ).   
ನಂತರ ಲಾಗಿನ್ (Login) ಆಗಿ, ನಿಮ್ಮ ವೈಯಕ್ತಿಕ ವಿವರ (Personal Details), ಶೈಕ್ಷಣಿಕ ವಿವರ (Educational Qualification) ಹಾಗೂ ನೀವು ಕೋರುತ್ತಿರುವ ಮೀಸಲಾತಿ (ಲಂಬ/ಸಮತಳ) ವಿವರಗಳನ್ನು ಜಾಗರೂಕತೆಯಿಂದ ಭರ್ತಿ ಮಾಡಿ.
ಹಂತ 4: ಮೀಸಲಾತಿ ಪ್ರಮಾಣ ಪತ್ರದ 'RD ನಂಬರ್' ನಮೂದು (Very Important) : ನೀವು ಕೋರುವ ಜಾತಿ/ಆದಾಯ ಪ್ರಮಾಣ ಪತ್ರ, ಗ್ರಾಮೀಣ, ಕನ್ನಡ ಮಾಧ್ಯಮ, ಯೋಜನೆಗಳಿಂದ ನಿರ್ವಸಿತರಾದ ಹಾಗೂ ಹೈದರಾಬಾದ್ ಕರ್ನಾಟಕ (371J) ಮೀಸಲಾತಿಗಳಿಗೆ ಸಂಬಂಧಿಸಿದಂತೆ, ಚಾಲ್ತಿಯಲ್ಲಿರುವ ಪ್ರಮಾಣ ಪತ್ರದ ಮೇಲಿರುವ 'RD ನಂಬರ್' ಅನ್ನು ಕಡ್ಡಾಯವಾಗಿ ನಮೂದಿಸಬೇಕು. ತಪ್ಪು RD ನಂಬರ್ ನಮೂದಿಸಿದರೆ ಮೀಸಲಾತಿ ರದ್ದಾಗುತ್ತದೆ.
ಹಂತ 5: ಫೋಟೋ ಮತ್ತು ಸಹಿ ಅಪ್‌ಲೋಡ್ (Upload Documents)
ನಿಮ್ಮ ಇತ್ತೀಚಿನ ಪಾಸ್‌ಪೋರ್ಟ್ ಅಳತೆಯ ಬಣ್ಣದ ಭಾವಚಿತ್ರವನ್ನು (White background, JPEG format, 50KB - 200KB) ಕಡ್ಡಾಯವಾಗಿ ಅಪ್‌ಲೋಡ್ ಮಾಡಿ.   
ಬಿಳಿ ಹಾಳೆಯ ಮೇಲೆ ಕಪ್ಪು ಪೆನ್ (Sketch/Marker) ನಿಂದ ಮಾಡಿದ ಸಹಿಯನ್ನು (JPEG format, 50KB - 70KB) ಸ್ಕ್ಯಾನ್ ಮಾಡಿ ಅಪ್‌ಲೋಡ್ ಮಾಡಿ. (ಫೋಟೋ ಮತ್ತು ಸಹಿ ಅಪ್‌ಲೋಡ್ ಮಾಡದಿದ್ದರೆ ಅರ್ಜಿ ತಿರಸ್ಕೃತಗೊಳ್ಳುತ್ತದೆ).   
ಹಂತ 6: ಪ್ರಿ-ವ್ಯೂ ಮತ್ತು ಅರ್ಜಿ ಸಲ್ಲಿಕೆ (Preview & Final Submit)
ಎಲ್ಲಾ ಮಾಹಿತಿಯನ್ನು ತುಂಬಿದ ನಂತರ ಒಮ್ಮೆ 'Preview' ಮಾಡಿ ಸರಿ ಇದೆಯಾ ಎಂದು ಚೆಕ್ ಮಾಡಿಕೊಳ್ಳಿ. ಏಕೆಂದರೆ ಫೈನಲ್ ಸಬ್ಮಿಟ್ (Final Submit) ಮಾಡಿದ ಮೇಲೆ ಯಾವುದೇ ತಿದ್ದುಪಡಿಗೆ (Edit/Modification) ಅವಕಾಶ ಇರುವುದಿಲ್ಲ.   
ಬಳಿಕ ಅರ್ಜಿಯನ್ನು 'Submit' ಮಾಡಿ.
ಹಂತ 7: ಶುಲ್ಕ ಪಾವತಿ (Payment of Fee) : ಅರ್ಜಿ ಸಲ್ಲಿಕೆಯಾದ ನಂತರ, ನಿಮ್ಮ ಪ್ರವರ್ಗಕ್ಕೆ ಅನ್ವಯಿಸುವ ಶುಲ್ಕವನ್ನು (ರೂ. 750 / ರೂ. 500 / ರೂ. 250) ಆನ್‌ಲೈನ್ ಪೇಮೆಂಟ್ ಗೇಟ್‌ವೇ (ಡೆಬಿಟ್/ಕ್ರೆಡಿಟ್ ಕಾರ್ಡ್, ನೆಟ್ ಬ್ಯಾಂಕಿಂಗ್, UPI) ಮೂಲಕ ಮಾತ್ರ ಪಾವತಿಸಿ.

ಹಂತ 8: ಪ್ರಿಂಟ್ ಔಟ್ ಪಡೆಯುವುದು (Printout) : ಶುಲ್ಕ ಪಾವತಿ ಯಶಸ್ವಿಯಾದ ಬಳಿಕ, ಭರ್ತಿ ಮಾಡಿದ ಅರ್ಜಿಯ ಪ್ರಿಂಟ್ ಔಟ್ (Printout) ಮತ್ತು ಶುಲ್ಕ ಪಾವತಿಯ ರಶೀದಿಯನ್ನು (Fee Challan) ಕಡ್ಡಾಯವಾಗಿ ಡೌನ್‌ಲೋಡ್ ಮಾಡಿಕೊಂಡು ನೇಮಕಾತಿ ಪ್ರಕ್ರಿಯೆ ಮುಗಿಯುವವರೆಗೂ ನಿಮ್ಮ ಬಳಿಯೇ ಸುರಕ್ಷಿತವಾಗಿ ಇಟ್ಟುಕೊಳ್ಳಿ.  

ಅರ್ಜಿ ಸಲ್ಲಿಸುವಾಗ ಗಮನಿಸಬೇಕಾದ ಪ್ರಮುಖ ಅಂಶಗಳು

1. RPC ಮತ್ತು KK ಅಧಿಸೂಚನೆಗಳು ಪ್ರತ್ಯೇಕವಾಗಿವೆ.
2. FDA ಮತ್ತು SDA ಹುದ್ದೆಗಳಿಗೆ ಪ್ರತ್ಯೇಕ ವಿದ್ಯಾರ್ಹತೆ ಅನ್ವಯಿಸುತ್ತದೆ.
3. ಅಭ್ಯರ್ಥಿಗಳು ಅರ್ಜಿ ಸಲ್ಲಿಸುವ ಮೊದಲು ಹುದ್ದೆವಾರು ಅರ್ಹತೆಯನ್ನು ಪರಿಶೀಲಿಸಬೇಕು.
4. ಮೀಸಲಾತಿ ಪ್ರಮಾಣಪತ್ರಗಳನ್ನು ಸಂಬಂಧಪಟ್ಟ ಸಕ್ಷಮ ಪ್ರಾಧಿಕಾರದಿಂದ ಪಡೆದಿರಬೇಕು.
5. ಅರ್ಜಿ ಸಲ್ಲಿಸುವ ಕೊನೆಯ ದಿನಾಂಕದೊಳಗೆ ಅಗತ್ಯ ವಿದ್ಯಾರ್ಹತೆಯನ್ನು ಹೊಂದಿರಬೇಕು.
6. ಆನ್‌ಲೈನ್ ಅರ್ಜಿಯಲ್ಲಿ ನೀಡುವ ವೈಯಕ್ತಿಕ ಹಾಗೂ ಮೀಸಲಾತಿ ಮಾಹಿತಿಯನ್ನು ಸರಿಯಾಗಿ ನಮೂದಿಸಬೇಕು.
7. ಅರ್ಜಿ ಸಲ್ಲಿಸಿದ ನಂತರ ತಿದ್ದುಪಡಿ ಅವಕಾಶದ ಬಗ್ಗೆ ಅಧಿಸೂಚನೆಯ ನಿಯಮಗಳನ್ನು ಪರಿಶೀಲಿಸಬೇಕು.
8. ಪರೀಕ್ಷಾ ಪ್ರವೇಶ ಪತ್ರವನ್ನು ಡೌನ್‌ಲೋಡ್ ಮಾಡಿಕೊಂಡು ಮೂಲ ಗುರುತಿನ ಚೀಟಿಯೊಂದಿಗೆ ಪರೀಕ್ಷೆಗೆ ಹಾಜರಾಗಬೇಕು.
9. ಪರೀಕ್ಷಾ ಕೇಂದ್ರ ಬದಲಾವಣೆಗೆ ಅವಕಾಶವಿಲ್ಲ ಎಂದು ಅಧಿಸೂಚನೆಯಲ್ಲಿ ಸೂಚಿಸಲಾಗಿದೆ

ಸಮಾರೋಪ  

ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ಪ್ರಕಟಿಸಿರುವ FDA ಮತ್ತು SDA ನೇಮಕಾತಿ 2026ರ ನಾಲ್ಕು ಅಧಿಸೂಚನೆಗಳು ಸರ್ಕಾರಿ ಉದ್ಯೋಗದ ನಿರೀಕ್ಷೆಯಲ್ಲಿರುವ ಅರ್ಹ ಅಭ್ಯರ್ಥಿಗಳಿಗೆ ಪ್ರಮುಖ ಅವಕಾಶವಾಗಿವೆ. RPC ಮತ್ತು ಕಲ್ಯಾಣ ಕರ್ನಾಟಕ ವೃಂದಗಳನ್ನು ಸೇರಿಸಿ ಒಟ್ಟು 5,431 ಹುದ್ದೆಗಳಿಗೆ ನೇಮಕಾತಿ ಪ್ರಕ್ರಿಯೆ ಪ್ರಕಟಿಸಲಾಗಿದೆ.

ಪದವಿ ವಿದ್ಯಾರ್ಹತೆ ಹೊಂದಿರುವವರು FDA ಅಧಿಸೂಚನೆಗಳನ್ನು ಹಾಗೂ ದ್ವಿತೀಯ ಪಿಯುಸಿ ವಿದ್ಯಾರ್ಹತೆ ಹೊಂದಿರುವವರು SDA ಅಧಿಸೂಚನೆಗಳನ್ನು ಪರಿಶೀಲಿಸಬಹುದು. ಆದರೆ ಹುದ್ದೆವಾರು ವಿದ್ಯಾರ್ಹತೆ, ವೃಂದ, ಮೀಸಲಾತಿ ಮತ್ತು ಇತರ ಷರತ್ತುಗಳನ್ನು ಗಮನಿಸುವುದು ಅತ್ಯಗತ್ಯ.

ಅರ್ಹ ಅಭ್ಯರ್ಥಿಗಳು ಕೊನೆಯ ದಿನಾಂಕದವರೆಗೆ ಕಾಯದೆ ಕೂಡಲೇ KEA ಯ ಅಧಿಕೃತ ವೆಬ್‌ಸೈಟ್ ಮೂಲಕ ಅರ್ಜಿ ಸಲ್ಲಿಸಿ. ಈ ನೇಮಕಾತಿಯ ಪಠ್ಯಕ್ರಮ (Syllabus), ಸ್ಟಡಿ ಮೆಟೀರಿಯಲ್ಸ್ ಮತ್ತು ಕಟ್-ಆಫ್ ವಿಶ್ಲೇಷಣೆಗಳಿಗಾಗಿ KPSCVaani ವೆಬ್‌ಸೈಟ್ ಹಾಗೂ ಆ್ಯಪ್‌ ಅನ್ನು ನಿರಂತರವಾಗಿ ವೀಕ್ಷಿಸುತ್ತಿರಿ.