ITBP ಕಾನ್ಸ್‌ಟೇಬಲ್ (GD) ಸ್ಪೋರ್ಟ್ಸ್ ಕೋಟಾ ನೇಮಕಾತಿ 2026: 126 ಹುದ್ದೆಗಳಿಗೆ ಅರ್ಜಿ ಆಹ್ವಾನ

ಕ್ರೀಡಾ ಕ್ಷೇತ್ರದಲ್ಲಿ ಗಮನಾರ್ಹ ಸಾಧನೆ ಮಾಡಿದ ದೇಶದ ಯುವಕ-ಯುವತಿಯರಿಗೆ ಭಾರತೀಯ ಪಡೆಗಳಲ್ಲಿ ಸೇವೆ ಸಲ್ಲಿಸಲು ಮತ್ತೊಂದು ಭರ್ಜರಿ ಅವಕಾಶ ಹುಡುಕಿ ಬಂದಿದೆ. ಪ್ರಸಿದ್ಧ ಇಂಡೋ-ಟಿಬೆಟಿಯನ್ ಬಾರ್ಡರ್ ಪೊಲೀಸ್ ಪಡೆ (ITBPF) ಕಾನ್ಸ್‌ಟೇಬಲ್ (ಜನರಲ್ ಡ್ಯೂಟಿ) ಗ್ರೂಪ್ 'ಸಿ' ಹುದ್ದೆಗಳನ್ನು ಸ್ಪೋರ್ಟ್ಸ್ ಕೋಟಾದಡಿ ಭರ್ತಿ ಮಾಡಲು ಅಧಿಕೃತ ನೇಮಕಾತಿ ಅಧಿಸೂಚನೆ ಹೊರಡಿಸಿದೆ.

ಒಟ್ಟು 126 ಹುದ್ದೆಗಳಿಗೆ ಅರ್ಹ ಹಾಗೂ ಆಸಕ್ತ ಅಭ್ಯರ್ಥಿಗಳಿಂದ ಆನ್‌ಲೈನ್ ಮೂಲಕ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ. ಇದರಲ್ಲಿ 72 ಪುರುಷ ಹಾಗೂ 54 ಮಹಿಳಾ ಕ್ರೀಡಾಪಟುಗಳಿಗೆ ಅವಕಾಶ ಕಲ್ಪಿಸಲಾಗಿದೆ. ಅಕ್ಟೋಬರ್ 3, 2026 ರಿಂದ ಆನ್‌ಲೈನ್ ಅರ್ಜಿ ಪ್ರಕ್ರಿಯೆ ಆರಂಭವಾಗಲಿದ್ದು, ನವೆಂಬರ್ 1, 2026 ರವರೆಗೆ ಅರ್ಜಿ ಸಲ್ಲಿಸಲು ಕಾಲಾವಕಾಶ ನೀಡಲಾಗಿದೆ.

ಕೇಂದ್ರ ಸರ್ಕಾರಿ ಉದ್ಯೋಗದ ಕನಸು ಕಾಣುತ್ತಿರುವ, ಕ್ರೀಡಾ ಸಾಧನೆ ಹೊಂದಿರುವ ಯುವಜನತೆಗೆ ಇದು ಅತ್ಯುತ್ತಮ ವೇದಿಕೆಯಾಗಿದೆ. 10ನೇ ತರಗತಿ ಉತ್ತೀರ್ಣರಾದ ಕ್ರೀಡಾಪಟುಗಳು ಈ ಅವಕಾಶವನ್ನು ಬಳಸಿಕೊಳ್ಳಬಹುದು. ಈ ಲೇಖನದಲ್ಲಿ ನೇಮಕಾತಿಯ ಪೂರ್ಣ ವಿವರಗಳನ್ನು ಹಂತ ಹಂತವಾಗಿ ನೀಡಲಾಗಿದೆ.

ITBP ಕಾನ್ಸ್‌ಟೇಬಲ್ GD ನೇಮಕಾತಿ 2026: ಪ್ರಮುಖ ಮಾಹಿತಿಗಳ ನೋಟ

• ಸಂಸ್ಥೆಯ ಹೆಸರು: ಇಂಡೋ-ಟಿಬೆಟಿಯನ್ ಬಾರ್ಡರ್ ಪೊಲೀಸ್ ಪಡೆ (ITBPF)
• ಹುದ್ದೆಯ ಹೆಸರು: ಕಾನ್ಸ್‌ಟೇಬಲ್ (ಜನರಲ್ ಡ್ಯೂಟಿ - GD)
• ಆಯ್ಕೆ ವಿಭಾಗ: ಸ್ಪೋರ್ಟ್ಸ್ ಕೋಟಾ (Sports Quota 2025-26)
• ಒಟ್ಟು ಹುದ್ದೆಗಳ ಸಂಖ್ಯೆ: 126 (ಪುರುಷರು: 72, ಮಹಿಳೆಯರು: 54)
• ವೇತನ ಶ್ರೇಣಿ: ₹21,700 - ₹69,100 (ಪೇ ಮ್ಯಾಟ್ರಿಕ್ಸ್ ಲೆವೆಲ್-3)
• ಅರ್ಜಿ ಸಲ್ಲಿಸುವ ವಿಧಾನ: ಆನ್‌ಲೈನ್ (Online)
• ಅಧಿಕೃತ ವೆಬ್‌ಸೈಟ್: recruitment.itbpolice.nic.in 

ಕ್ರೀಡಾವಾರು ಖಾಲಿ ಹುದ್ದೆಗಳ ವಿವರ: ವಿವಿಧ ಕ್ರೀಡಾ ವಿಭಾಗಗಳಲ್ಲಿ ಲಭ್ಯವಿರುವ ಖಾಲಿ ಹುದ್ದೆಗಳ ವಿವರ ಈ ಕೆಳಗಿನಂತಿದೆ:
• ಅಥ್ಲೆಟಿಕ್ಸ್: 05 (ಪುರುಷ: 03, ಮಹಿಳೆ: 02)
• ಅಕ್ವಾಟಿಕ್ಸ್ / ಈಜು: 04 (ಪುರುಷ: 02, ಮಹಿಳೆ: 02)
• ಆರ್ಚರಿ / ಬಿಲ್ಲುವಿದ್ಯೆ: 05 (ಪುರುಷ: 01, ಮಹಿಳೆ: 04)
• ಬ್ಯಾಡ್ಮಿಂಟನ್: 06 (ಪುರುಷ: 03, ಮಹಿಳೆ: 03)
• ಬಾಸ್ಕೆಟ್‌ಬಾಲ್: 03 (ಪುರುಷ: 03)
• ಬಾಕ್ಸಿಂಗ್: 09 (ಪುರುಷ: 05, ಮಹಿಳೆ: 04)
• ಇಕ್ವೆಸ್ಟ್ರಿಯನ್ / ಕುದುರೆ ಸವಾರಿ: 01 (ಪುರುಷ: 01)
• ಫುಟ್‌ಬಾಲ್: 02 (ಪುರುಷ: 02)
• ಜಿಮ್ನಾಸ್ಟಿಕ್ಸ್: 06 (ಪುರುಷ: 03, ಮಹಿಳೆ: 03)
• ಹ್ಯಾಂಡ್‌ಬಾಲ್: 03 (ಪುರುಷ: 03)
• ಐಸ್ ಹಾಕಿ: 06 (ಪುರುಷ: 04, ಮಹಿಳೆ: 02)
• ಹಾಕಿ: 03 (ಪುರುಷ: 03)
• ಜೂಡೋ: 12 (ಪುರುಷ: 04, ಮಹಿಳೆ: 08)
• ಖೋ-ಖೋ: 03 (ಪುರುಷ: 01, ಮಹಿಳೆ: 02)
• ಪೆನ್‌ಚಾಕ್ ಸಿಲಾಟ್: 04 (ಪುರುಷ: 01, ಮಹಿಳೆ: 03)
• ಪವರ್‌ಲಿಫ್ಟಿಂಗ್: 01 (ಪುರುಷ: 01)
• ಸ್ಕಿ (Central SKI - Alpine/Nordic): 08 (ಪುರುಷ: 04, ಮಹಿಳೆ: 04)
• ಸ್ಪೋರ್ಟ್ಸ್ ಶೂಟಿಂಗ್: 08 (ಪುರುಷ: 04, ಮಹಿಳೆ: 04)
• ಟೇಬಲ್ ಟೆನ್ನಿಸ್: 02 (ಪುರುಷ: 02)
• ಟೇಕ್ವಾಂಡೋ: 07 (ಪುರುಷ: 03, ಮಹಿಳೆ: 04)
• ವಾಲಿಬಾಲ್: 06 (ಪುರುಷ: 06)
• ವೇಟ್‌ಲಿಫ್ಟಿಂಗ್: 04 (ಪುರುಷ: 04)
• ಕುಸ್ತಿ: 05 (ಪುರುಷ: 04, ಮಹಿಳೆ: 01)
• ಕೆನೋಯಿಂಗ್: 03 (ಪುರುಷ: 01, ಮಹಿಳೆ: 02)
• ಕಯಾಕಿಂಗ್: 03 (ಪುರುಷ: 01, ಮಹಿಳೆ: 02)
• ರೋಯಿಂಗ್: 01 (ಮಹಿಳೆ: 01)
• ಸೈಕ್ಲಿಂಗ್ (MTB Cycling): 02 (ಪುರುಷ: 01, ಮಹಿಳೆ: 01)
• ಕರಾಟೆ: 04 (ಪುರುಷ: 02, ಮಹಿಳೆ: 02)

ಶೈಕ್ಷಣಿಕ ಅರ್ಹತೆ:
ಅಭ್ಯರ್ಥಿಗಳು ಮಾನ್ಯತೆ ಪಡೆದ ಶಿಕ್ಷಣ ಮಂಡಳಿಯಿಂದ SSLC ಅಥವಾ 10ನೇ ತರಗತಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿರಬೇಕು.

ಕ್ರೀಡಾ ಸಾಧನೆ:
ಅಂತರರಾಷ್ಟ್ರೀಯ ಅಥವಾ ರಾಷ್ಟ್ರೀಯ ಮಟ್ಟದ ಸ್ಪರ್ಧೆಗಳು, ಯೂತ್ ಫೆಸ್ಟಿವಲ್ ಅಥವಾ ರಾಷ್ಟ್ರೀಯ ಶಾಲಾ ಕ್ರೀಡಾಕೂಟಗಳಲ್ಲಿ ದೇಶ ಅಥವಾ ರಾಜ್ಯವನ್ನು ಪ್ರತಿನಿಧಿಸಿ ಪದಕ ಪಡೆದ ಅಥವಾ ಭಾಗವಹಿಸಿದ ಸಾಧನೆ ಹೊಂದಿರಬೇಕು.

ವಯೋಮಿತಿ ಮತ್ತು ಸಡಿಲಿಕೆ:

• ಸಾಮಾನ್ಯ ವಯೋಮಿತಿ 18 ರಿಂದ 23 ವರ್ಷಗಳು.
• ಸಾಮಾನ್ಯ, OBC ಹಾಗೂ EWS ವರ್ಗದ ಅರ್ಹ ಕ್ರೀಡಾಪಟುಗಳಿಗೆ ಗರಿಷ್ಠ 5 ವರ್ಷಗಳವರೆಗೆ ವಯೋಮಿತಿ ಸಡಿಲಿಕೆ ಇರುತ್ತದೆ.
• SC ಹಾಗೂ ST ಅಭ್ಯರ್ಥಿಗಳಿಗೆ ಗರಿಷ್ಠ 10 ವರ್ಷಗಳವರೆಗೆ ವಯೋಮಿತಿ ಸಡಿಲಿಕೆ ಲಭ್ಯವಿದೆ.

ಅರ್ಜಿ ಶುಲ್ಕ:

• ಸಾಮಾನ್ಯ (UR), OBC ಮತ್ತು EWS ವರ್ಗದ ಪುರುಷ ಅಭ್ಯರ್ಥಿಗಳಿಗೆ ₹100 ಶುಲ್ಕ ನಿಗದಿಪಡಿಸಲಾಗಿದೆ.
• ಎಲ್ಲಾ ವರ್ಗದ ಮಹಿಳಾ ಅಭ್ಯರ್ಥಿಗಳು, SC, ST ಹಾಗೂ ಮಾಜಿ ಸೈನಿಕರಿಗೆ ಯಾವುದೇ ಅರ್ಜಿ ಶುಲ್ಕವಿಲ್ಲ (ಸಂಪೂರ್ಣ ವಿನಾಯಿತಿ). ಶುಲ್ಕವನ್ನು ಆನ್‌ಲೈನ್ ಮೂಲಕವೇ ಪಾವತಿಸಬೇಕು.

ಇದನ್ನು ಓದಿ: Canara Bank Recruitment 2026-27: ದೇಶಾದ್ಯಂತ 3,500 ಉದ್ಯೋಗಾವಕಾಶ; ಕರ್ನಾಟಕದಲ್ಲಿ 581 ಹುದ್ದೆಗಳು– ಕೂಡಲೇ ಅರ್ಜಿ ಸಲ್ಲಿಸಿ!

ಆಯ್ಕೆ ಪ್ರಕ್ರಿಯೆ (Selection Process):

• ನೇಮಕಾತಿ ಪ್ರಕ್ರಿಯೆಯು ಕೆಳಗಿನ ಹಂತಗಳನ್ನು ಒಳಗೊಂಡಿರುತ್ತದೆ:
• ದಾಖಲೆಗಳ ಪರಿಶೀಲನೆ (Document Verification): ಶೈಕ್ಷಣಿಕ ಹಾಗೂ ಕ್ರೀಡಾ ಪ್ರಮಾಣಪತ್ರಗಳ ತಪಾಸಣೆ.
• ದೈಹಿಕ ಪ್ರಮಾಣಿತ ಪರೀಕ್ಷೆ (PST): ಎತ್ತರ, ಎದೆಮುಟ್ಟು ಮತ್ತು ತೂಕದ ಅಳತೆ.
• ಕ್ರೀಡಾ ಕೌಶಲ್ಯ ಪರೀಕ್ಷೆ (Sports Trial/Skill Test): ಕ್ರೀಡಾ ಕ್ಷೇತ್ರದ ಕೌಶಲ್ಯ ಮೌಲ್ಯಮಾಪನ.
• ವೈದ್ಯಕೀಯ ತಪಾಸಣೆ (Detailed Medical Examination - DME): ದೈಹಿಕ ದೃಢತೆ ತಪಾಸಣೆ.

ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸುವ ಹಂತಗಳು (Step-by-Step Application Process):

• ITBP ಅಧಿಕೃತ ನೇಮಕಾತಿ ಪೋರ್ಟಲ್‌ಗೆ ಭೇಟಿ ನೀಡಿ: recruitment.itbpolice.nic.in
• ಹೊಸ ಬಳಕೆದಾರರಾಗಿದ್ದರೆ 'NEW USER REGISTRATION' ಮೇಲೆ ಕ್ಲಿಕ್ ಮಾಡಿ, ಇಮೇಲ್ ಹಾಗೂ ಮೊಬೈಲ್ ಸಂಖ್ಯೆ ನೀಡಿ ನೋಂದಾಯಿಸಿಕೊಳ್ಳಿ.
• ನೋಂದಣಿ ವಿವರಗಳೊಂದಿಗೆ ಲಾಗಿನ್ ಆಗಿ "ITBP Constable GD Sports Quota Recruitment 2026" ಲಿಂಕ್ ಆಯ್ಕೆಮಾಡಿ. 
• ನಿಮ್ಮ ವೈಯಕ್ತಿಕ ವಿವರಗಳು, ಶೈಕ್ಷಣಿಕ ಮಾಹಿತಿ ಮತ್ತು ಕ್ರೀಡಾ ಸಾಧನೆ ಪ್ರಮಾಣಪತ್ರಗಳ ವಿವರಗಳನ್ನು ಸರಿಯಾಗಿ ಭರ್ತಿ ಮಾಡಿ.
• ಭಾವಚಿತ್ರ (Photo), ಸಹಿ (Signature) ಮತ್ತು ಅಗತ್ಯ ಕ್ರೀಡಾ ಸರ್ಟಿಫಿಕೇಟ್‌‌ಗಳನ್ನು ನಿಗದಿತ ಸೈಜ್‌ನಲ್ಲಿ ಅಪ್‌ಲೋಡ್ ಮಾಡಿ.
• ಶುಲ್ಕ ಅನ್ವಯವಾಗುವ ವರ್ಗದ ಅಭ್ಯರ್ಥಿಗಳು ₹100/- ಆನ್‌ಲೈನ್ ಶುಲ್ಕ ಪಾವತಿಸಿ (ಮಹಿಳೆಯರು/SC/ST ಉಚಿತ).  
• ಎಲ್ಲಾ ವಿವರಗಳನ್ನು ಮತ್ತೊಮ್ಮೆ ಪರಿಶೀಲಿಸಿ 'SUBMIT' ಬಟನ್ ಕ್ಲಿಕ್ ಮಾಡಿ ಹಾಗೂ ಅರ್ಜಿಯ ಪ್ರಿಂಟ್‌ಔಟ್ ತೆಗೆದಿರಿಸಿಕೊಳ್ಳಿ.

ಪ್ರಮುಖ ದಿನಾಂಕಗಳು (Important Dates): 

• ಅರ್ಜಿ ಸಲ್ಲಿಕೆ ಪ್ರಾರಂಭವಾಗುವ ದಿನಾಂಕ: 03 ಅಕ್ಟೋಬರ್ 2026 (ಸಮಯ: 00:01 AM)  
• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 01 ನವೆಂಬರ್ 2026 (ಸಮಯ: 11:59 PM)