ಆಗಸ್ಟ್ 2 ರಂದು 3991 CPC ಪರೀಕ್ಷೆ ಬರೆದಿದ್ದೀರಾ? KEA ಯಿಂದ ಕೀ ಉತ್ತರ ಬಿಡುಗಡೆ! ಕಟ್-ಆಫ್ ಎಷ್ಟು ನಿಲ್ಲಬಹುದು?

KEA ಬಿಗ್ ಅಪ್‌ಡೇಟ್: 3991 ಸಿವಿಲ್ ಪೊಲೀಸ್ ಕಾನ್ಸ್‌ಟೇಬಲ್ (CPC) ಪರೀಕ್ಷೆಯ ಕೀ ಉತ್ತರಗಳು ಪ್ರಕಟ!

ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು (KEA) ರಾಜ್ಯದಾದ್ಯಂತ ಆ.2, 2026 ರಂದು ನಡೆಸಲಾದ 3991 ಸಿವಿಲ್ ಪೊಲೀಸ್ ಕಾನ್ಸ್‌ಟೇಬಲ್ (CPC) ಹುದ್ದೆಗಳ ನೇಮಕಾತಿ ಪರೀಕ್ಷೆಯ ತಾತ್ಕಾಲಿಕ ಕೀ ಉತ್ತರಗಳನ್ನು (Provisional Answer Key) ಬಿಡುಗಡೆ ಮಾಡಿದೆ.

ಕಲ್ಯಾಣ ಕರ್ನಾಟಕ (HK) ಹಾಗೂ ಉಳಿಕೆ ಮೂಲ ವೃಂದದ (Non-HK) ಹುದ್ದೆಗಳಿಗೆ ಸಂಬಂಧಿಸಿದಂತೆ ಲಿಖಿತ ಪರೀಕ್ಷೆ ಬರೆದ ಅಭ್ಯರ್ಥಿಗಳು KEA ಅಥವಾ KSP ಯ ಅಧಿಕೃತ ವೆಬ್‌ಸೈಟ್ ಮೂಲಕ ಕೀ ಉತ್ತರಗಳನ್ನು ಡೌನ್‌ಲೋಡ್ ಮಾಡಿಕೊಳ್ಳಬಹುದು.

CPC ಕೀ ಉತ್ತರಗಳು: ಮುಖ್ಯಾಂಶಗಳು (Quick Highlights)

• ನೇಮಕಾತಿ ಸಂಸ್ಥೆ : ಕರ್ನಾಟಕ ರಾಜ್ಯ ಪೊಲೀಸ್ (KSP) / KEA  
• ಪರೀಕ್ಷೆಯ ಹೆಸರು : ಸಿವಿಲ್ ಪೊಲೀಸ್ ಕಾನ್ಸ್‌ಟೇಬಲ್ (CPC) ನೇಮಕಾತಿ - 2026 
• ಒಟ್ಟು ಹುದ್ದೆಗಳು : 3991 ಹುದ್ದೆಗಳು (RPC: 3,395 + HK: 596)
• ಪರೀಕ್ಷೆ ನಡೆದ ದಿನಾಂಕ : 02 ಆಗಸ್ಟ್ 2026 
• ಪ್ರಸ್ತುತ ಅಪ್‌ಡೇಟ್ : ತಾತ್ಕಾಲಿಕ ಕೀ ಉತ್ತರ ಪ್ರಕಟ (Provisional Answer Key Out)
• ಆಕ್ಷೇಪಣೆ ಸಲ್ಲಿಸಲು ಕೊನೆಯ ದಿನಾಂಕ : 06.08.2026 (ಬೆಳಿಗ್ಗೆ 10:30 ರೊಳಗೆ)

ಕೀ ಉತ್ತರಗಳ ಆಕ್ಷೇಪಣೆ ಸಲ್ಲಿಕೆ ಹೇಗೆ?
ಪ್ರಾಧಿಕಾರದ ವೆಬ್‌ಸೈಟ್‌ನಲ್ಲಿ ಪ್ರಕಟವಾಗಿರುವ ತಾತ್ಕಾಲಿಕ ಕೀ ಉತ್ತರಗಳಿಗೆ ಅಭ್ಯರ್ಥಿಗಳು ಆನ್‌ಲೈನ್ ಮೂಲಕ ಆಕ್ಷೇಪಣೆ (Objections) ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ. ಆಕ್ಷೇಪಣೆ ಸಲ್ಲಿಸುವಾಗ ಈ ಕೆಳಗಿನ ಪ್ರಮುಖ ನಿಯಮಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು:

• ಆಕ್ಷೇಪಣಾ ಶುಲ್ಕ: ಸಲ್ಲಿಸಲಾಗುವ ಪ್ರತಿಯೊಂದು ಆಕ್ಷೇಪಣೆಗೆ (ಪ್ರತಿ ಪ್ರಶ್ನೆಗೆ) ರೂ. 25/- ಗಳನ್ನು ಪಾವತಿಸತಕ್ಕದ್ದು. ಪಾವತಿಸಿದ ಈ ಆಕ್ಷೇಪಣಾ ಶುಲ್ಕವನ್ನು ಯಾವುದೇ ಕಾರಣಕ್ಕೂ ಹಿಂದಿರುಗಿಸಲಾಗುವುದಿಲ್ಲ.
• ಅಗತ್ಯವಿರುವ ಮಾಹಿತಿಗಳು: ಆಕ್ಷೇಪಣೆ ಸಲ್ಲಿಸುವಾಗ ಪತ್ರಿಕೆಯ ವಿವರ, ಪರೀಕ್ಷಾ ದಿನಾಂಕ, ವರ್ಷನ್ ಕೋಡ್ (Version Code) ಹಾಗೂ ಪ್ರಶ್ನೆ ಸಂಖ್ಯೆಯನ್ನು ಕಡ್ಡಾಯವಾಗಿ ನಮೂದಿಸಬೇಕು. ಇವುಗಳನ್ನು ನಮೂದಿಸದೇ ಇರುವ ಆಕ್ಷೇಪಣೆಗಳನ್ನು ಪರಿಗಣಿಸಲಾಗುವುದಿಲ್ಲ.  
• ಪೂರಕ ದಾಖಲೆಗಳ ಸಲ್ಲಿಕೆ: ನೀವು ಸಲ್ಲಿಸುವ ಆಕ್ಷೇಪಣೆಗೆ ಪೂರಕವಾದ ಅಧಿಕೃತ ದಾಖಲೆಗಳನ್ನು ಕಡ್ಡಾಯವಾಗಿ PDF ರೂಪದಲ್ಲಿ ಮಾತ್ರ ಅಪ್‌ಲೋಡ್ ಮಾಡಬೇಕು.  
• ಅಂತಿಮ ನಿರ್ಧಾರ: ಅಪೂರ್ಣವಾದ, ಆಧಾರರಹಿತವಾಗಿರುವ ಹಾಗೂ ಶುಲ್ಕ ಪಾವತಿಸದ ಆಕ್ಷೇಪಣೆಗಳನ್ನು ಪ್ರಾಧಿಕಾರವು ತಿರಸ್ಕರಿಸುತ್ತದೆ. ಅಭ್ಯರ್ಥಿಗಳು ಸಲ್ಲಿಸಿದ ಆಕ್ಷೇಪಣೆಗಳನ್ನು ವಿಷಯ ತಜ್ಞರ ಸಮಿತಿಯು (Expert Committee) ಪರಿಶೀಲಿಸಿ ತೆಗೆದುಕೊಳ್ಳುವ ಅಂತಿಮ ಕೀ ಉತ್ತರಗಳ ತೀರ್ಮಾನವೇ ಅಂತಿಮವಾಗಿರುತ್ತದೆ. 

ಯಾವುದೇ ಉದ್ಯೋಗದ ಅಪ್ಡೇಟ್ ಮಿಸ್ ಮಾಡಿಕೊಳ್ಳಬೇಡಿ; ಕ್ಷಣಕ್ಷಣದ ಮಾಹಿತಿಗಾಗಿ 'KPSCVaani' ಆಪ್ ಡೌನ್‌ಲೋಡ್ ಮಾಡಿಕೊಳ್ಳಿ

ಆಕ್ಷೇಪಣೆ ಸಲ್ಲಿಸಲು ಕೊನೆಯ ದಿನಾಂಕ : 06.08.2026 (ಬೆಳಿಗ್ಗೆ 10:30 ರೊಳಗೆ)
ಆಕ್ಷೇಪಣೆ ಸಲ್ಲಿಸಲು ವಿಳಾಸ : https://cetonline.karnataka.gov.in/kea/ ಮೂಲಕ ಸಲ್ಲಿಸಬೇಕು. 

ಅಂಕಗಳ ಲೆಕ್ಕಾಚಾರ ಹೇಗೆ? (How to Calculate Marks)

• ಲಿಖಿತ ಪರೀಕ್ಷೆಯು ಒಟ್ಟು 100 ಅಂಕಗಳಿಗೆ ನಡೆದಿದ್ದು, ಪ್ರತಿಯೊಂದು ಸರಿಯಾದ ಉತ್ತರಕ್ಕೆ 1 ಅಂಕ ನೀಡಲಾಗುತ್ತದೆ.
• ಈ ಪರೀಕ್ಷೆಯಲ್ಲಿ ಋಣಾತ್ಮಕ ಮೌಲ್ಯಮಾಪನ (Negative Marking) ಇದ್ದು, ಪ್ರತಿ ತಪ್ಪು ಉತ್ತರಕ್ಕೆ 0.25 (1/4) ಅಂಕಗಳನ್ನು ಕಡಿತಗೊಳಿಸಲಾಗುತ್ತದೆ.
• ಸೂತ್ರ: (ಸರಿಯಾದ ಉತ್ತರಗಳು × 1) - (ತಪ್ಪಾದ ಉತ್ತರಗಳು × 0.25) = ನಿಮ್ಮ ಅಂದಾಜು ಅಂಕಗಳು.

ಕೀ ಉತ್ತರಗಳನ್ನು ಡೌನ್‌ಲೋಡ್ ಮಾಡುವುದು ಹೇಗೆ?

• KEA ನ ಅಧಿಕೃತ ವೆಬ್‌ಸೈಟ್ ಅಥವಾ KSP ಯ ನೇಮಕಾತಿ ಪೋರ್ಟಲ್‌ಗೆ ಭೇಟಿ ನೀಡಿ.
• ಮುಖಪುಟದಲ್ಲಿರುವ "KSP Constable Answer Key 2026" ಅಥವಾ "CPC 3991 Provisional Answer Key" ಲಿಂಕ್ ಮೇಲೆ ಕ್ಲಿಕ್ ಮಾಡಿ.
• ನಿಮ್ಮ ಪ್ರಶ್ನೆ ಪತ್ರಿಕೆಯ ಸರಣಿ (Series) ಆಧಾರದ ಮೇಲೆ ಕೀ ಉತ್ತರಗಳ PDF ಫೈಲ್ ಅನ್ನು ಡೌನ್‌ಲೋಡ್ ಮಾಡಿಕೊಳ್ಳಿ.

ಹೆಚ್ಚಿನ ಉದ್ಯೋಗ ಮಾಹಿತಿಗಾಗಿ ಹಾಗೂ ಸ್ಪರ್ಧಾತ್ಮಕ ಪರೀಕ್ಷೆಗಳ ಲೇಟೆಸ್ಟ್ ಅಪ್ಡೇಟ್ಸ್‌ಗಳಿಗಾಗಿ KPSCVaani ಗೆ ನಿರಂತರವಾಗಿ ಭೇಟಿ ನೀಡುತ್ತಿರಿ.