KSET 2026 ಪರೀಕ್ಷಾ ವೇಳಾಪಟ್ಟಿ ಮತ್ತು ಬೆಲ್ ಟೈಮಿಂಗ್ಸ್ ಪ್ರಕಟ: ಪರೀಕ್ಷಾ ಕೇಂದ್ರಕ್ಕೆ ಹೋಗುವ ಮುನ್ನ KEA ಬಿಡುಗಡೆ ಮಾಡಿರುವ ಈ ಕಟ್ಟುನಿಟ್ಟಿನ ನಿಯಮಗಳನ್ನು ಕಡ್ಡಾಯವಾಗಿ ತಿಳಿಯಿರಿ!
ರಾಜ್ಯದ ಪದವಿ ಕಾಲೇಜುಗಳು ಹಾಗೂ ವಿಶ್ವವಿದ್ಯಾಲಯಗಳಲ್ಲಿ ಸಹಾಯಕ ಪ್ರಾಧ್ಯಾಪಕರಾಗುವ ಕನಸು ಹೊತ್ತಿರುವ ಅಭ್ಯರ್ಥಿಗಳಿಗೆ ಬಹುಮುಖ್ಯವಾದ ದಿನ ಹತ್ತಿರಬರುತ್ತಿದೆ. ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ಬಹುನಿರೀಕ್ಷಿತ ಕೆ-ಸೆಟ್ (K-SET) 2026 ಪರೀಕ್ಷೆಯ ಪ್ರವೇಶ ಪತ್ರವನ್ನು ತನ್ನ ಅಧಿಕೃತ ಜಾಲತಾಣದಲ್ಲಿ ಬಿಡುಗಡೆ ಮಾಡಿದೆ.
ಈ ವರ್ಷದ ಕರ್ನಾಟಕ ರಾಜ್ಯ ಸಹಾಯಕ ಪ್ರಾಧ್ಯಾಪಕರ ಅರ್ಹತಾ ಪರೀಕ್ಷೆಯು ಅಕ್ಟೋಬರ್ 11ರ ಭಾನುವಾರದಂದು ರಾಜ್ಯಾದ್ಯಂತ ನಿಗದಿಯಾಗಿದೆ. ಅಭ್ಯರ್ಥಿಗಳು ತಮ್ಮ ನೋಂದಣಿ ಸಂಖ್ಯೆ ಬಳಸಿ ಹಾಲ್ ಟಿಕೆಟ್ ಡೌನ್‌ಲೋಡ್ ಮಾಡಿಕೊಳ್ಳಬಹುದು.
ಪರೀಕ್ಷಾ ದಿನದಂದು ಯಾವುದೇ ಗೊಂದಲಗಳಾಗದಂತೆ ತಡೆಯಲು ಪ್ರಾಧಿಕಾರವು ಕಟ್ಟುನಿಟ್ಟಿನ ಮಾರ್ಗಸೂಚಿಗಳನ್ನು ಪ್ರಕಟಿಸಿದೆ. ಒಟ್ಟು 7 ಬೆಲ್ ಟೈಮಿಂಗ್ಸ್, ಓಎಂಆರ್ ಶೀಟ್ ನಿರ್ವಹಣೆ ಹಾಗೂ ಪರೀಕ್ಷಾ ಹಾಲ್ ಶಿಸ್ತಿನ ಬಗ್ಗೆ ಪ್ರತಿ ಅಭ್ಯರ್ಥಿಯೂ ತಿಳಿದಿರಬೇಕಾದ ಸಂಪೂರ್ಣ ವಿವರಗಳನ್ನು ಇಲ್ಲಿ ಸರಳವಾಗಿ ವಿವರಿಸಲಾಗಿದೆ.
K-SET ಪ್ರವೇಶಪತ್ರ (Hall Ticket) ಡೌನ್‌ಲೋಡ್ ಮಾಡಿಕೊಳ್ಳಲು ಇಲ್ಲಿ ಕ್ಲಿಕ್ ಮಾಡಿ
KSET 2026 ಪರೀಕ್ಷೆಯ ಸಂಕ್ಷಿಪ್ತ ವಿವರ (Quick Overview)
- ಪರೀಕ್ಷೆಯ ಹೆಸರು : ಕರ್ನಾಟಕ ರಾಜ್ಯ ಅರ್ಹತಾ ಪರೀಕ್ಷೆ (KSET) 2026
- ನಡೆಸುವ ಪ್ರಾಧಿಕಾರ : ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ (KEA)
- ಪರೀಕ್ಷಾ ದಿನಾಂಕ : 11 ಅಕ್ಟೋಬರ್ 2026 (ಭಾನುವಾರ)
- ಪರೀಕ್ಷಾ ಸಮಯ : ಬೆಳಗ್ಗೆ 10:00 ರಿಂದ ಮಧ್ಯಾಹ್ನ 1:00 ರವರೆಗೆ (ಒಂದೇ ಪಾಳಿಯಲ್ಲಿ)
- ಪರೀಕ್ಷಾ ವಿಧಾನ : ಆಫ್‌ಲೈನ್ - OMR ಆಧಾರಿತ (Offline Mode)
- ಅಧಿಕೃತ ವೆಬ್‌ಸೈಟ್ : cetonline.karnataka.gov.in
KSET 2026 ಪ್ರವೇಶ ಪತ್ರ (Hall Ticket) ಡೌನ್‌ಲೋಡ್ ಮಾಡುವುದು ಹೇಗೆ?
KEA ಯಾವುದೇ ಅಭ್ಯರ್ಥಿಗೆ ಅಂಚೆ ಅಥವಾ ಇಮೇಲ್ ಮೂಲಕ ಪ್ರವೇಶ ಪತ್ರದ ಹಾರ್ಡ್ ಕಾಪಿಯನ್ನು ಕಳುಹಿಸುವುದಿಲ್ಲ. ಅಭ್ಯರ್ಥಿಗಳು ಕಡ್ಡಾಯವಾಗಿ ಆನ್‌ಲೈನ್ ಮೂಲಕವೇ ಡೌನ್‌ಲೋಡ್ ಮಾಡಿಕೊಳ್ಳಬೇಕು. ಅದಕ್ಕಾಗಿ ಈ ಕೆಳಗಿನ ಸರಳ ಹಂತಗಳನ್ನು ಅನುಸರಿಸಿ:
- ಅಧಿಕೃತ ಜಾಲತಾಣಕ್ಕೆ ಭೇಟಿ ನೀಡಿ: ಮೊದಲಿಗೆ KEA ಯ ಅಧಿಕೃತ ವೆಬ್‌ಸೈಟ್ ಆದ cetonline.karnataka.gov.in/kea ಗೆ ಭೇಟಿ ನೀಡಿ.
- ಲಿಂಕ್ ಮೇಲೆ ಕ್ಲಿಕ್ ಮಾಡಿ: ಮುಖಪುಟದಲ್ಲಿ "KSET-2026 Hall Ticket / Admit Card Download" ಎಂಬ ಲಿಂಕ್ ಕಾಣಿಸುತ್ತದೆ, ಅದರ ಮೇಲೆ ಕ್ಲಿಕ್ ಮಾಡಿ.
- ಲಾಗಿನ್ ವಿವರಗಳನ್ನು ನಮೂದಿಸಿ: ನಿಮ್ಮ ಲಾಗಿನ್ ವಿಧಾನವನ್ನು ಆಯ್ಕೆಮಾಡಿ (ಅರ್ಜಿ ಸಂಖ್ಯೆ, ನೋಂದಾಯಿತ ಇಮೇಲ್ ಐಡಿ ಅಥವಾ ಮೊಬೈಲ್ ಸಂಖ್ಯೆ) ಹಾಗೂ ಪಾಸ್‌ವರ್ಡ್ ನಮೂದಿಸಿ ಲಾಗಿನ್ ಆಗಿ.
- ಪರಿಶೀಲನೆ: ಪರದೆಯ ಮೇಲೆ ನಿಮ್ಮ ಹಾಲ್ ಟಿಕೆಟ್ ತೆರೆದುಕೊಳ್ಳುತ್ತದೆ. ಅದರಲ್ಲಿರುವ ನಿಮ್ಮ ಹೆಸರು, ಫೋಟೋ, ಪರೀಕ್ಷಾ ಕೇಂದ್ರ, ಮತ್ತು ವಿಷಯ (Subject) ಸರಿಯಾಗಿದೆಯೇ ಎಂದು ಸ್ಪಷ್ಟವಾಗಿ ಪರಿಶೀಲಿಸಿಕೊಳ್ಳಿ.
- ಪ್ರಿಂಟ್ ತೆಗೆದುಕೊಳ್ಳಿ: ಪ್ರವೇಶ ಪತ್ರವನ್ನು PDF ರೂಪದಲ್ಲಿ ಡೌನ್‌ಲೋಡ್ ಮಾಡಿಕೊಂಡು, ಪರೀಕ್ಷಾ ದಿನಕ್ಕಾಗಿ ಸ್ಪಷ್ಟವಾದ ಪ್ರಿಂಟ್ ಔಟ್ (Printout) ತೆಗೆದುಕೊಳ್ಳಿ.
KSET 2026 ಪರೀಕ್ಷೆಯ ಮೂಲ ವಿವರಗಳು
ಕೆಸೆಟ್ 2026 ಪರೀಕ್ಷೆಯು 11-10-2026 (ಭಾನುವಾರ) ರಂದು ನಡೆಯಲಿದೆ. ಪತ್ರಿಕೆ-1 ಮತ್ತು ಪತ್ರಿಕೆ-2 ರ ಪರೀಕ್ಷೆಗಳು ಒಂದೇ ಅವಧಿಯಲ್ಲಿ ಒಟ್ಟಿಗೆ ನಡೆಯಲಿವೆ.
- ಪರೀಕ್ಷಾ ಸಮಯ: ಬೆಳಿಗ್ಗೆ 10:00 ರಿಂದ ಮಧ್ಯಾಹ್ನ 01:00 ರ ವರೆಗೆ (ಒಟ್ಟು 3 ಗಂಟೆಗಳು).
- ಪತ್ರಿಕೆ-1: 50 ಪ್ರಶ್ನೆಗಳು, 100 ಅಂಕಗಳು.
- ಪತ್ರಿಕೆ-2: 100 ಪ್ರಶ್ನೆಗಳು, 200 ಅಂಕಗಳು.
- ಒಟ್ಟು: 150 ಪ್ರಶ್ನೆಗಳು, 300 ಅಂಕಗಳು.
- ಸೂಚನೆ: ಪತ್ರಿಕೆ-1 ಮತ್ತು ಪತ್ರಿಕೆ-2 ರ OMR ಉತ್ತರ ಪತ್ರಿಕೆ ಮತ್ತು ಪ್ರಶ್ನೆ ಪತ್ರಿಕೆಗಳು ಪ್ರತ್ಯೇಕವಾಗಿದ್ದು, ಪರೀಕ್ಷೆಯ ಆರಂಭದಲ್ಲಿ ಎರಡನ್ನೂ ಒಟ್ಟಿಗೆ ನೀಡಲಾಗುವುದು.
ಪರೀಕ್ಷಾ ಕೇಂದ್ರದಲ್ಲಿ ಬೆಲ್ ಸಮಯ (Bell Timings) ಮತ್ತು ಪ್ರಕ್ರಿಯೆಗಳೇನು? 🔔
ಪರೀಕ್ಷಾ ಅಕ್ರಮಗಳನ್ನು ತಡೆಯಲು ಮತ್ತು ಪರೀಕ್ಷೆಯನ್ನು ಸುಗಮವಾಗಿ ನಡೆಸಲು KEA ಕಟ್ಟುನಿಟ್ಟಿನ ಬೆಲ್ ಸಮಯವನ್ನು ನಿಗದಿಪಡಿಸಿದೆ. ಇದರ ಸಂಪೂರ್ಣ ವಿವರ ಇಲ್ಲಿದೆ:
1. ಪರೀಕ್ಷಾ ಕೇಂದ್ರಕ್ಕೆ ಪ್ರವೇಶ (ಬೆಳಿಗ್ಗೆ 9:00 ಕ್ಕೆ):
ಮೊದಲನೇ ಬೆಲ್ ಆಗುವುದಕ್ಕೆ ಕನಿಷ್ಠ ಒಂದು ಗಂಟೆ ಮುಂಚಿತವಾಗಿ ಮುಖ್ಯ ದ್ವಾರದಲ್ಲಿ ಅಭ್ಯರ್ಥಿಗಳನ್ನು ತಪಾಸಣೆ (Frisking) ಮಾಡಿ, ಫೋಟೋ ಪರಿಶೀಲಿಸಿ ಒಳಗೆ ಬಿಡಲಾಗುವುದು. ಪ್ರವೇಶ ಪತ್ರ (Hall Ticket) ಮತ್ತು ಮೂಲ ಗುರುತಿನ ಚೀಟಿಯನ್ನು (ID Card) ತೋರಿಸಿದ ನಂತರವಷ್ಟೇ ಕೊಠಡಿ ಪ್ರವೇಶಿಸಲು ಅವಕಾಶ ಕಲ್ಪಿಸಲಾಗುತ್ತದೆ.
2. ಮೊದಲನೇ ಬೆಲ್ (ಬೆಳಿಗ್ಗೆ 09:30 ಕ್ಕೆ):
ಕೊಠಡಿ ಮೇಲ್ವಿಚಾರಕರು ಅಭ್ಯರ್ಥಿಗಳಿಗೆ ಪತ್ರಿಕೆ-1 ಮತ್ತು ಪತ್ರಿಕೆ-2 ರ ಎರಡೂ OMR ಉತ್ತರ ಪತ್ರಿಕೆಗಳನ್ನು ಒಟ್ಟಿಗೆ ವಿತರಿಸುತ್ತಾರೆ.
ಅಭ್ಯರ್ಥಿಗಳು ಎರಡೂ OMR ಗಳಲ್ಲಿ ತಮ್ಮ ಹೆಸರು, ನೊಂದಣಿ ಸಂಖ್ಯೆ (Register Number) ಬರೆದು ಸಂಬಂಧಿಸಿದ ವೃತ್ತಗಳನ್ನು ತಪ್ಪದೇ ತುಂಬಬೇಕು.
3. ಎರಡನೇ ಬೆಲ್ (ಬೆಳಿಗ್ಗೆ 09:45 ಕ್ಕೆ):
ಸೀಲ್ ಮಾಡಿರುವ ಪ್ರಶ್ನೆ ಪತ್ರಿಕಾ ಲಕೋಟೆಗಳನ್ನು ಕೊಠಡಿಗೆ ತರಲಾಗುತ್ತದೆ.
ಲಕೋಟೆ ಒಡೆದಿಲ್ಲ ಎಂಬುದನ್ನು ಖಚಿತಪಡಿಸಿಕೊಂಡು ಇಬ್ಬರು ಅಭ್ಯರ್ಥಿಗಳಿಂದ ಅದರ ಮೇಲೆ ಸಹಿ ಪಡೆಯಲಾಗುತ್ತದೆ.
ಅಭ್ಯರ್ಥಿಗಳು ತಮ್ಮ OMR ಉತ್ತರ ಪತ್ರಿಕೆಯಲ್ಲಿ ವರ್ಷನ್ ಕೋಡ್ (Version Code) ಮತ್ತು ಕ್ರಮ ಸಂಖ್ಯೆಯನ್ನು ಬರೆದು ಸಹಿ ಮಾಡಬೇಕು.
ಬೆಳಿಗ್ಗೆ 09:55 ಕ್ಕೆ: ಪ್ರಶ್ನೆ ಪತ್ರಿಕಾ ಲಕೋಟೆಯನ್ನು ತೆರೆದು, ಅಭ್ಯರ್ಥಿಗಳಿಗೆ ವಿತರಿಸಲಾಗುತ್ತದೆ.
4. ಮೂರನೇ ಬೆಲ್ (ಬೆಳಿಗ್ಗೆ 10:00 ಕ್ಕೆ) - ಪರೀಕ್ಷೆ ಆರಂಭ:
ಇದು ಪರೀಕ್ಷೆ ಆರಂಭದ ಬೆಲ್ ಆಗಿದ್ದು, ಅಭ್ಯರ್ಥಿಗಳು OMR ನಲ್ಲಿ ಉತ್ತರಿಸಲು ಪ್ರಾರಂಭಿಸಬಹುದು.
ಗಮನಿಸಿ: ಈ ಬೆಲ್ ಆದ ನಂತರ ಯಾವುದೇ ಕಾರಣಕ್ಕೂ ಪರೀಕ್ಷಾ ಕೊಠಡಿಯನ್ನು ಪ್ರವೇಶಿಸಲು ಅಥವಾ ಹೊರಹೋಗಲು ಅವಕಾಶವಿರುವುದಿಲ್ಲ.
5. ನಾಲ್ಕನೇ ಬೆಲ್ (ಮಧ್ಯಾಹ್ನ 12:00 ಕ್ಕೆ):
ಪರೀಕ್ಷೆ ಪ್ರಾರಂಭವಾಗಿ ಎರಡು ಗಂಟೆಗಳು ಮುಗಿದಿರುವುದನ್ನು ಸೂಚಿಸುವ ಮೊದಲನೇ ಎಚ್ಚರಿಕೆ ಬೆಲ್ ಇದಾಗಿದೆ.
6. ಐದನೇ ಬೆಲ್ (ಮಧ್ಯಾಹ್ನ 12:30 ಕ್ಕೆ):
ಪರೀಕ್ಷೆ ಮುಗಿಯಲು ಇನ್ನು 30 ನಿಮಿಷಗಳು ಮಾತ್ರ ಬಾಕಿ ಉಳಿದಿವೆ ಎಂದು ತಿಳಿಸುವ ಎರಡನೇ ಎಚ್ಚರಿಕೆ ಬೆಲ್.
7. ಆರನೇ ಬೆಲ್ (ಮಧ್ಯಾಹ್ನ 12:55 ಕ್ಕೆ):
ಪರೀಕ್ಷೆ ಮುಗಿಯಲು ಕೇವಲ 5 ನಿಮಿಷಗಳು ಮಾತ್ರ ಬಾಕಿ ಉಳಿದಿವೆ ಎಂದು ಸೂಚಿಸುವ ಕೊನೆಯ ಎಚ್ಚರಿಕೆ ಬೆಲ್.
8. ಏಳನೇ ಹಾಗೂ ಕೊನೆಯ ಬೆಲ್ (ಮಧ್ಯಾಹ್ನ 01:00 ಕ್ಕೆ) - ಪರೀಕ್ಷೆ ಮುಕ್ತಾಯ:
ಪರೀಕ್ಷೆ ಮುಕ್ತಾಯಗೊಳ್ಳುತ್ತದೆ. ಅಭ್ಯರ್ಥಿಗಳು ಬರೆಯುವುದನ್ನು ತಕ್ಷಣವೇ ನಿಲ್ಲಿಸಬೇಕು.
ಕೊಠಡಿ ಮೇಲ್ವಿಚಾರಕರು ಅಭ್ಯರ್ಥಿಗಳಿಂದ OMR ಉತ್ತರ ಪತ್ರಿಕೆಯ ಮೇಲ್ಭಾಗದ ಹಾಳೆಯನ್ನು (ಕಚೇರಿ ಪ್ರತಿ) ಪಡೆದುಕೊಳ್ಳುತ್ತಾರೆ.
ಅಭ್ಯರ್ಥಿಗಳ ಪ್ರತಿ: OMR ಉತ್ತರ ಪತ್ರಿಕೆಯ ಕೆಳಭಾಗದ ಹಾಳೆಯನ್ನು (ಅಭ್ಯರ್ಥಿಯ ಪ್ರತಿ - Candidate Copy) ಅಭ್ಯರ್ಥಿಗಳಿಗೆ ಹಿಂದಿರುಗಿಸಲಾಗುತ್ತದೆ. ಇದನ್ನು ಪಡೆದುಕೊಂಡೇ ಕೊಠಡಿಯಿಂದ ಹೊರಬರಬೇಕು.
ಅಭ್ಯರ್ಥಿಗಳು ಕಡ್ಡಾಯವಾಗಿ ನೆನಪಿಡಬೇಕಾದ ಶಿಸ್ತಿನ ನಿಯಮಗಳು
- ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ಪರೀಕ್ಷಾ ಅವ್ಯವಹಾರಗಳ ಬಗ್ಗೆ ಶೂನ್ಯ ಸಹಿಷ್ಣುತೆ (Zero Tolerance) ಹೊಂದಿದೆ.
ಪರೀಕ್ಷಾ ಕೊಠಡಿಯಲ್ಲಿ ಗಲಾಟೆ ಮಾಡುವುದು, ಬೇರೆ ಅಭ್ಯರ್ಥಿಗಳೊಂದಿಗೆ ಮಾತನಾಡುವುದು ಅಥವಾ ಸಂಜ್ಞೆ ಮಾಡುವುದನ್ನು ನಿಷೇಧಿಸಲಾಗಿದೆ. - ಚೀಟಿ, ಪುಸ್ತಕ ಅಥವಾ ಯಾವುದೇ ಎಲೆಕ್ಟ್ರಾನಿಕ್ ವಸ್ತುಗಳನ್ನು ತರುವುದು ಅಪರಾಧವಾಗಿದೆ.
- ಬೇರೆಯವರ ಉತ್ತರ ಪತ್ರಿಕೆಯನ್ನು ನೋಡಿ ಬರೆಯುವುದು ಅಥವಾ ಬದಲಿ ಅಭ್ಯರ್ಥಿಯನ್ನು (Proxy) ಕೂರಿಸುವುದು ಕಂಡುಬಂದಲ್ಲಿ ಕ್ರಿಮಿನಲ್ ಮೊಕದ್ದಮೆ ದಾಖಲಿಸಲಾಗುವುದು.
- ಪರೀಕ್ಷಾ ಅವಧಿಯಲ್ಲಿ ಅಥವಾ ನಂತರ ಉತ್ತರ ಪತ್ರಿಕೆಯನ್ನು ಹರಿದು ಹಾಕುವುದು ಅಥವಾ ಕೊಠಡಿಯಿಂದ ಹೊರಗಡೆ ತೆಗೆದುಕೊಂಡು ಹೋದರೆ ಶಿಸ್ತು ಕ್ರಮ ಜರುಗಿಸಲಾಗುವುದು.
KPSCVaani ಯ ಕಿವಿಮಾತು:
ಕೆಸೆಟ್ ಪರೀಕ್ಷೆಗೆ ಹಾಜರಾಗುತ್ತಿರುವ ಎಲ್ಲಾ ಅಭ್ಯರ್ಥಿಗಳು ನಿಗದಿತ ಸಮಯಕ್ಕಿಂತ ಮುಂಚಿತವಾಗಿ ಪರೀಕ್ಷಾ ಕೇಂದ್ರವನ್ನು ತಲುಪಿ. ಯಾವುದೇ ಆತಂಕವಿಲ್ಲದೆ, ಶಾಂತ ಚಿತ್ತದಿಂದ OMR ಶೀಟ್ ಅನ್ನು ಭರ್ತಿ ಮಾಡಿ. ನಿಮ್ಮ ಅಧ್ಯಯನಕ್ಕೆ ತಕ್ಕ ಪ್ರತಿಫಲ ಖಂಡಿತ ಸಿಗಲಿದೆ.
ಕೆಸೆಟ್ (KSET) ಪರೀಕ್ಷೆ ಬರೆಯುತ್ತಿರುವ ಎಲ್ಲಾ ಅಭ್ಯರ್ಥಿಗಳಿಗೆ KPSCVaani ಕಡೆಯಿಂದ ಶುಭ ಹಾರೈಕೆಗಳು! All the Best!
ಸೂಚನೆ: ಸ್ಪರ್ಧಾತ್ಮಕ ಪರೀಕ್ಷೆಗಳ ನಿಖರ ಹಾಗೂ ವೇಗದ ಮಾಹಿತಿಗಾಗಿ ಪ್ರತಿದಿನ KPSCVaani ವೆಬ್‌ಸೈಟ್‌ಗೆ ಭೇಟಿ ನೀಡಿ ಹಾಗೂ ನಮ್ಮ ಟೆಲಿಗ್ರಾಮ್ ಚಾನೆಲ್ ಜಾಯಿನ್ ಆಗಿ.