Job Description: ➤ ಭಾರತೀಯ ಭೂವೈಜ್ಞಾನಿಕ ಸರ್ವೇಕ್ಷಣೆ (Geological Survey of India - GSI) ತನ್ನ 176 ವರ್ಷಗಳ ಸುದೀರ್ಘ ಇತಿಹಾಸದಲ್ಲೇ ಅತ್ಯಂತ ಮಹತ್ವದ ಮತ್ತು ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾಗಿದೆ. ಹಿರಿಯ ಭೂವಿಜ್ಞಾನಿ ವರ್ಷಾ ಅಶೋಕ್ ಅಗ್ಲಾವೆ (Varsha Ashok Aglawe) ಅವರು GSI ನ ನೂತನ ಮಹಾನಿರ್ದೇಶಕಿಯಾಗಿ (Director General) ಜುಲೈ 31, 2026 ರಂದು ಅಧಿಕಾರ ವಹಿಸಿಕೊಂಡಿದ್ದಾರೆ. ಈ ಮೂಲಕ ಅವರು GSI ನ ಮುಖ್ಯಸ್ಥರಾದ ಪ್ರಥಮ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಪೂರ್ವಾಧಿಕಾರಿ: ಅಸಿತ್ ಸಹಾ (Asit Saha) ಅವರ ಸೇವಾ ಅವಧಿ ಮುಕ್ತಾಯಗೊಂಡ ನಂತರ ಇವರು ಈ ಹುದ್ದೆಯನ್ನು ಅಲಂಕರಿಸಿದ್ದಾರೆ. ಸೇವಾ ಅನುಭವ: ಜಿಯೋಸೈನ್ಸ್ (Geoscience) ಕ್ಷೇತ್ರದಲ್ಲಿ 3 ದಶಕಗಳಿಗಿಂತಲೂ ಹೆಚ್ಚಿನ ಅನುಭವ ಹೊಂದಿದ್ದಾರೆ. ➤ ವರ್ಷಾ ಅಶೋಕ್ ಅಗ್ಲಾವೆ ಅವರ ವೃತ್ತಿಜೀವನ ಮತ್ತು ಸಾಧನೆಗಳು: ಆರಂಭಿಕ ಸೇವೆ: ಇವರು ಇಂಡಿಯನ್ ಬ್ಯೂರೋ ಆಫ್ ಮೈನ್ಸ್ (IBM) ನಲ್ಲಿ ಸೇವೆಯನ್ನು ಪ್ರಾರಂಭಿಸಿ, ನಂತರ 1992 ರಲ್ಲಿ ಭಾರತೀಯ ಭೂವೈಜ್ಞಾನಿಕ ಸರ್ವೇಕ್ಷಣೆಗೆ (GSI) ಸೇರ್ಪಡೆಯಾದರು. ಹಿಂದಿನ ಹುದ್ದೆ: GSI ನ ಕೋಲ್ಕತ್ತಾದ ಪೂರ್ವ ವಲಯದ (Eastern Region) ಹೆಚ್ಚುವರಿ ಡೈರೆಕ್ಟರ್ ಜನರಲ್ ಮತ್ತು ವಿಭಾಗೀಯ ಮುಖ್ಯಸ್ಥರಾಗಿ (Head of Department) ಸೇವೆ ಸಲ್ಲಿಸಿದ್ದಾರೆ. ವಿಶೇಷ ಪರಿಣತಿ: ಇವರು ಪ್ಯಾಲಿಯಂಟಾಲಜಿ (Palaeontology) ಮತ್ತು ಪ್ಯಾಲಿನಾಲಜಿ (Palynology) ವಿಷಯಗಳಲ್ಲಿ ಪ್ರವೀಣರಾಗಿದ್ದಾರೆ. ಮಹತ್ವದ ಸಂಶೋಧನೆ: ಮಧ್ಯ ಭಾರತದ ಸಲ್ಬರ್ಡಿ-ಘೋರ್ಪೆಂಡ್ (Salbardi-Ghorpend) ಪ್ರದೇಶವನ್ನು ಡೈನೋಸಾರ್‌ಗಳ ಗೂಡುಕಟ್ಟುವ ತಾಣ (Dinosaur Nesting Site) ಎಂದು ಗುರುತಿಸುವಲ್ಲಿ ಇವರು ಪ್ರಮುಖ ಪಾತ್ರ ವಹಿಸಿದ್ದರು.
