➤ ತಮಿಳುನಾಡು ಸರ್ಕಾರವು ಮಹಿಳೆಯರ ಸಬಲೀಕರಣ ಮತ್ತು ಆರ್ಥಿಕ ಸಬಲತೆಗೆ ಮತ್ತೊಂದು ಮಹತ್ವದ ಹೆಜ್ಜೆ ಇಟ್ಟಿದೆ. ಗಾಂಧಿ ಜಯಂತಿಯ(02-10-2026) ಶುಭ ಸಂದರ್ಭದಲ್ಲಿ ತಮಿಳುನಾಡು ಮುಖ್ಯಮಂತ್ರಿ ಜೆ. ವಿಜಯ್ ಅವರು ‘ವೆಟ್ರಿ ಪಯಣಂ ಯೋಜನೆ’ (Vetri Payanam Thittam Scheme) ಯನ್ನು ಅಧಿಕೃತವಾಗಿ ಚಾಲನೆಗೊಳಿಸಿದ್ದಾರೆ. ಈ ಯೋಜನೆಯು ರಾಜ್ಯದ ಮಹಿಳೆಯರು ಮತ್ತು ತೃತೀಯಲಿಂಗಿಗಳಿಗೆ ಉಚಿತ ಸಾರಿಗೆ ಸೌಲಭ್ಯವನ್ನು ಒದಗಿಸುವ ಕ್ರಾಂತಿಕಾರಿ ಉಪಕ್ರಮವಾಗಿದೆ.
➤ ವೆಟ್ರಿ ಪಯಣಂ ಯೋಜನೆ: ಈ ಹಿಂದೆ ತಮಿಳುನಾಡಿನಲ್ಲಿ ನಗರ ಮತ್ತು ಮೆಟ್ರೋಪಾಲಿಟನ್ ಪ್ರದೇಶಗಳ ಸಾಮಾನ್ಯ ಬಸ್‌ಗಳಲ್ಲಿ ಮಾತ್ರ ಮಹಿಳೆಯರಿಗೆ ಉಚಿತ ಪ್ರಯಾಣದ ಸೌಲಭ್ಯವಿತ್ತು. ಆದರೆ, ನೂತನವಾಗಿ ವಿಸ್ತರಿಸಲಾದ 'ವೆಟ್ರಿ ಪಯಣಂ ಯೋಜನೆ' ಅಡಿಯಲ್ಲಿ ಎಕ್ಸ್‌ಪ್ರೆಸ್ (Express), ಎಲ್‌ಎಸ್‌ಎಸ್ (LSS), ಡೆಲಕ್ಸ್ (Deluxe), ಜಿಲ್ಲಾಂತರ ಸಾಮಾನ್ಯ ಬಸ್‌ಗಳು ಹಾಗೂ ಗುಡ್ಡಗಾಡು ಪ್ರದೇಶಗಳ ಬಸ್‌ಗಳಲ್ಲಿಯೂ (40 ಕಿ.ಮೀ ದಾಟಿ ಪ್ರಯಾಣಿಸುವ) ಮಹಿಳೆಯರಿಗೆ ಸಂಪೂರ್ಣ ಉಚಿತ ಪ್ರಯಾಣಕ್ಕೆ ಅವಕಾಶ ಕಲ್ಪಿಸಲಾಗಿದೆ.
➤ ಯೋಜನೆಯ ಮುಖ್ಯ ಮುಖ್ಯಾಂಶಗಳು: 
- ಶುರುಮಾಡಿದ ದಿನಾಂಕ: ಅಕ್ಟೋಬರ್ 2 (ಗಾಂಧಿ ಜಯಂತಿ).
- ಉದ್ಘಾಟನಾ ಸ್ಥಳ: ಚೆನ್ನೈನ ಕೊಯಂಬೇಡು ಮತ್ತು ಅಂಬತ್ತೂರ್.
- ಫಲಾನುಭವಿಗಳು: ಮಹಿಳೆಯರು ಮತ್ತು ತೃತೀಯಲಿಂಗಿಗಳು (Transgenders).
- ದೈನಂದಿನ ಫಲಾನುಭವಿಗಳ ಅಂದಾಜು: ಪ್ರತಿದಿನ ಸುಮಾರು 84.32 ಲಕ್ಷ ಮಹಿಳೆಯರಿಗೆ ಉಚಿತ ಪ್ರಯಾಣದ ಲಾಭ.
- ಒಟ್ಟು ಬಸ್‌ಗಳು: ತಮಿಳುನಾಡು ಸಾರಿಗೆ ಸಂಸ್ಥೆಯ 7 ವಿಭಾಗಗಳ ಅಡಿಯಲ್ಲಿ ಬರುವ 12,692 ಬಸ್‌ಗಳಲ್ಲಿ ಈ ಯೋಜನೆ ಅನ್ವಯ.