* ವಿಶ್ವದ ಅತೀ ದೊಡ್ಡ ಜೈನ ವಸ್ತು ಸಂಗ್ರಹಾಲಯ "ಅಭಯ ಪ್ರಭಾವನ" ಪುಣೆಯಲ್ಲಿ ಪ್ರಾರಂಭಿಸಿದ್ದು, ಇದನ್ನು ಸಾರ್ವಜನಿಕರ ಪ್ರವೇಶಕ್ಕೆ ತೆರೆಯಲಾಗಿದೆ.
* "ಅಭಯ" ಎಂದರೆ ನಿರ್ಭಯತೆ ಮತ್ತು "ಪ್ರಭಾವನ" ಎಂದರೆ ಆಧ್ಯಾತ್ಮಿಕ ಮೌಲ್ಯಗಳ ಪ್ರಚಾರ ಎಂಬ ಜೈನ ತತ್ತ್ವ ಗಳ ಸಂದೇಶವನ್ನು ಹೊಂದಿರುವ ಈ ವಸ್ತುಸಂಗ್ರಹಾಲಯವು ಜೈನ ತತ್ತ್ವಶಾಸ್ತ್ರದ ಸಾರ ಮತ್ತು ಇಂದಿನ ಜಗತ್ತಿನಲ್ಲಿ ಅದರ ಪ್ರಸ್ತುತತೆಯ ಬಗ್ಗೆ ಸಂದರ್ಶಕರಿಗೆ ಶಿಕ್ಷಣ ನೀಡುವ ಗುರಿಯನ್ನು ಹೊಂದಿದೆ.
* ಅಭಯ ಪ್ರಭಾವನ ವಸ್ತುಸಂಗ್ರಹಾಲಯವು ಜೈನ ಧರ್ಮದ ಶತಮಾನಗಳ ಪ್ರಯಾಣವನ್ನು ಕಲಾಕೃತಿಗಳು, ಹಸ್ತಪ್ರತಿಗಳು ಮತ್ತು ಕಲಾತ್ಮಕ ನಿಧಿಗಳ ವ್ಯಾಪಕ ಸಂಗ್ರಹದ ಮೂಲಕ ಪ್ರಸ್ತುತಪಡಿಸುತ್ತಿದೆ.
* ಮ್ಯೂಸಿಯಂನ ಸಂಸ್ಥಾಪಕರಾದ ಅಭಯ್ ಎನ್. ಫಿರೋಡಿಯಾ ಅವರು ಅಭಯ ಪ್ರಭಾವನ ಕುರಿತು ಮಾತನಾಡುತ್ತಾ ಜೈನ ಧರ್ಮದ ಮೂಲ ಮೌಲ್ಯಗಳೊಂದಿಗೆ ಸಂಪರ್ಕ ಸಾಧಿಸಲು ಜಗತ್ತಿನಾದ್ಯಂತ ಜನರಿಗೆ ಸಹಾಯ ಮಾಡುತ್ತದೆ ಎಂದು ತಿಳಿಸಿದರು.