➤ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಮುಂಬೈನಲ್ಲಿ ನಡೆದ 7ನೇ ಆವೃತ್ತಿಯ ‘ಗ್ಲೋಬಲ್ ಫಿನ್‌ಟೆಕ್ ಫೆಸ್ಟ್’ (Global Fintech Fest - GFF 2026) ಅನ್ನು ಉದ್ಘಾಟಿಸಿ ಪ್ರಮುಖ ದಿಕ್ಸೂಚಿ ಭಾಷಣ ಮಾಡಿದರು. ಭಾರತದ ಫಿನ್‌ಟೆಕ್ (Fintech) ಕ್ಷೇತ್ರವು ಕೇವಲ ಯುಪಿಐ (UPI) ಡಿಜಿಟಲ್ ಪಾವತಿ ವ್ಯವಸ್ಥೆಗೆ ಮಾತ್ರ ಸೀಮಿತವಾಗದೆ, ಸಾಲ (Credit), ವಿಮೆ (Insurance), ಉಳಿತಾಯ (Savings) ಮತ್ತು ಪಿಂಚಣಿ (Pension) ಕ್ಷೇತ್ರಗಳಿಗೂ ವೇಗವಾಗಿ ವಿಸ್ತರಿಸಬೇಕು ಎಂದು ಅವರು ಪ್ರತಿಪಾದಿಸಿದರು.➤ UPI ಗಿಂತ ಮುಂಚೂಣಿಗೆ ಫಿನ್‌ಟೆಕ್ ವಿಸ್ತರಣೆ:- ಭಾರತದಲ್ಲಿ ಡಿಜಿಟಲ್ ಪಾವತಿಗಳು ಕ್ರಾಂತಿಕಾರಿ ಬದಲಾವಣೆ ತಂದಿವೆ. 2026ರ ಆಗಸ್ಟ್ ಒಂದೇ ತಿಂಗಳಲ್ಲಿ ಯುಪಿಐ (UPI) ಮೂಲಕ 24 ಬಿಲಿಯನ್‌ಗೂ ಹೆಚ್ಚು ವಹಿವಾಟುಗಳು ನಡೆದಿವೆ. ಆದರೆ, ಇನ್ಮುಂದೆ ಫಿನ್‌ಟೆಕ್ ಕ್ಷೇತ್ರವು ಬ್ಯಾಂಕಿಂಗ್ ಸೌಲಭ್ಯ ತಲುಪದ ಸ್ಥಳಗಳಿಗೆ ಸಾಲ, ವಿಮೆ ಹಾಗೂ ಹೂಡಿಕೆ ಸೇವೆಗಳನ್ನು ತಲುಪಿಸುವ ಕಡೆ ಗಮನಹರಿಸಬೇಕು ಎಂದು ಪ್ರಧಾನಿ ತಿಳಿಸಿದರು.➤ ಆ ಆರ್ಥಿಕ ವ್ಯವಸ್ಥೆಗಳ ಜಾಗತಿಕ ಸಂಯೋಜನೆ (Remittance Transfer):- ಯುಪಿಐ ಈಗಾಗಲೇ ಸಿಂಗಾಪುರ ಸೇರಿದಂತೆ ವಿಶ್ವದ 11ಕ್ಕೂ ಹೆಚ್ಚು ದೇಶಗಳಲ್ಲಿ ಲಭ್ಯವಿದೆ.- ವಿದೇಶಗಳಲ್ಲಿ ವಾಸಿಸುವ ಭಾರತೀಯರು ದೇಶಕ್ಕೆ ಕಳುಹಿಸುವ ಹಣದ ಮೇಲಿನ (Remittances) ಸೇವಾ ಶುಲ್ಕವನ್ನು (Transaction Cost) ಕಡಿಮೆ ಮಾಡಲು ಮತ್ತು ವೇಗವಾಗಿ ಹಣ ತಲುಪಿಸಲು ಭಾರತೀಯ ಯುಪಿಐ ಅನ್ನು ಇತರ ದೇಶಗಳ ಪಾವತಿ ವ್ಯವಸ್ಥೆಗಳೊಂದಿಗೆ ನೇರವಾಗಿ ಜೋಡಿಸುವ ಗುರಿ ಹೊಂದಲಾಗಿದೆ.➤ ಸ್ವದೇಶಿ ಗುಣಮಟ್ಟ ಮತ್ತು ನಿಯಮಾವಳಿಗಳ ರೂಪಣೆ: ಪ್ರಸ್ತುತ ಜಾಗತಿಕ ಹಣಕಾಸು ವ್ಯವಸ್ಥೆಯು ಪಾಶ್ಚಿಮಾತ್ಯ ಮಾನದಂಡಗಳನ್ನು ಅನುಸರಿಸುತ್ತಿದೆ. ಭಾರತವು ಈಗ ತನ್ನದೇ ಆದ ಸ್ವದೇಶಿ ಆರ್ಥಿಕ ಮಾನದಂಡಗಳು ಮತ್ತು ನಿಯಮಾವಳಿಗಳನ್ನು (Indigenous Standards and Rules) ರೂಪಿಸಿ ಜಗತ್ತಿಗೆ ಮಾದರಿಯಾಗಬೇಕು ಎಂದು ಪ್ರಧಾನಿ ಆಶಿಸಿದರು.➤ ಹೊಸ ತಂತ್ರಜ್ಞಾನಗಳ ಬಳಕೆ (Emergent Technologies): Agentic AI (ಮಾನವನ ಮಧ್ಯಸ್ಥಿಕೆ ಇಲ್ಲದೆ ನಿರ್ಧಾರ ತೆಗೆದುಕೊಳ್ಳುವ ಕೃತಕ ಬುದ್ಧಿಮತ್ತೆ), ಕ್ವಾಂಟಮ್ ಕಂಪ್ಯೂಟಿಂಗ್ (Quantum Computing), ಮತ್ತು ಟೋಕನೈಸೇಶನ್ (Tokenisation) ನಂತಹ ಅತ್ಯಾಧುನಿಕ ತಂತ್ರಜ್ಞಾನಗಳು ಫಿನ್‌ಟೆಕ್ ಕ್ಷೇತ್ರದಲ್ಲಿ ಹೊಸ ಬಾಗಿಲುಗಳನ್ನು ತೆರೆಯುತ್ತಿವೆ.➤ ಫಿನ್‌ಟೆಕ್ ರಂಗಕ್ಕೆ 4-ಅಂಶಗಳ ಆದ್ಯತೆಯ ಮಾರ್ಗದರ್ಶಿ :- ಸೈಬರ್ ಭದ್ರತೆ (Top-Notch Cybersecurity): ಡಿಜಿಟಲ್ ವಂಚನೆಗಳನ್ನು ತಡೆಯಲು ಬಲವಾದ ಸೈಬರ್ ಭದ್ರತೆ.- ನೈತಿಕ ದತ್ತಾಂಶ ರಕ್ಷಣೆ (Ethical Data Protection): ಗ್ರಾಹಕರ ಖಾಸಗಿ ವಿವರಗಳ ನೈತಿಕ ಭದ್ರತೆ.- ನಿಯಂತ್ರಕ ಮತ್ತು ಉದ್ಯಮ ಬೆಂಬಲ (Robust Regulatory Ecosystem): ನಾವೀನ್ಯತೆಗೆ ಸೂಕ್ತ ನಿಯಂತ್ರಣ ಚೌಕಟ್ಟು.- ಗ್ರಾಹಕ ರಕ್ಷಣಾ ಸೂಚ್ಯಂಕ (Fintech Consumer Protection Index): ಸಂಸ್ಥೆಗಳ ಪಾರದರ್ಶಕತೆ ಹೆಚ್ಚಿಸಲು ಗ್ರಾಹಕ ರಕ್ಷಣಾ ರೇಟಿಂಗ್ ವ್ಯವಸ್ಥೆ.
