* 2025ರ ಮಹಿಳಾ ಏಕದಿನ ವಿಶ್ವಕಪ್‌ಗೆ ಒಟ್ಟು ಬಹುಮಾನ ಮೊತ್ತ 13.8 ಮಿಲಿಯನ್ ಅಮೆರಿಕನ್ ಡಾಲರ್ (122.37 ಕೋಟಿ ರೂ) ಆಗಿದೆ. ಇದು 2022ರ ವಿಶ್ವಕಪ್‌ನ 3.5 ಮಿಲಿಯನ್ ಡಾಲರ್ (30.85 ಕೋಟಿ ರೂ) ಹೋಲಿಸಿದರೆ 297% ಏರಿಕೆಯಾಗಿದೆ.
* ವಿಜೇತ ತಂಡಕ್ಕೆ 4.48 ಮಿಲಿಯನ್ ಡಾಲರ್ (39.5 ಕೋಟಿ ರೂ) ಸಿಗಲಿದೆ. ಇದು ಹಿಂದಿನ ಬಾರಿಗೆ ಹೋಲಿಸಿದರೆ 239% ಹೆಚ್ಚಳ. ರನ್ನರ್ ಅಪ್ ತಂಡಕ್ಕೆ 2.24 ಮಿಲಿಯನ್ ಡಾಲರ್ (19.75 ಕೋಟಿ ರೂ) ಸಿಗಲಿದೆ.
* ಸೆಮಿಫೈನಲಿಸ್ಟ್‌ಗಳಿಗೆ ತಲಾ 1.12 ಮಿಲಿಯನ್ ಡಾಲರ್ (9.87 ಕೋಟಿ ರೂ), 5ನೇ ಮತ್ತು 6ನೇ ಸ್ಥಾನ ಪಡೆದವರಿಗೆ ತಲಾ 6.1 ಕೋಟಿ ರೂ, 7ನೇ ಮತ್ತು 8ನೇ ಸ್ಥಾನ ಪಡೆದವರಿಗೆ ತಲಾ 2.4 ಕೋಟಿ ರೂ ಸಿಗಲಿದೆ. ಭಾಗವಹಿಸುವ ಪ್ರತಿಯೊಂದು ತಂಡಕ್ಕೂ 2.2 ಕೋಟಿ ರೂ ನೀಡಲಾಗುವುದು.
* ಈ ವಿಶ್ವಕಪ್ ಭಾರತ ಮತ್ತು ಶ್ರೀಲಂಕಾದ ಐದು ಮೈದಾನಗಳಲ್ಲಿ ನಡೆಯಲಿದೆ. ಭಾರತದಲ್ಲಿ ಗುವಾಹಟಿ, ಇಂದೋರ್, ನವಿ ಮುಂಬೈ, ವಿಶಾಖಪಟ್ಟಣಂ ಹಾಗೂ ಶ್ರೀಲಂಕಾದ ಕೊಲಂಬೊ ಪಂದ್ಯಗಳಿಗೆ ಆತಿಥ್ಯ ವಹಿಸಲಿವೆ. ಪಾಕಿಸ್ತಾನದ ಪಂದ್ಯಗಳು ಶ್ರೀಲಂಕಾದ ಕೊಲಂಬೊದಲ್ಲೇ ನಡೆಯಲಿವೆ.
* ಭಾರತ ಮಹಿಳಾ ತಂಡವು ಇದುವರೆಗೆ ಐಸಿಸಿ ವಿಶ್ವಕಪ್ ಗೆಲ್ಲಿಲ್ಲ. 2005 ಮತ್ತು 2017ರಲ್ಲಿ ಫೈನಲ್ ಪ್ರವೇಶಿಸಿದರೂ ಪ್ರಶಸ್ತಿ ಗೆಲ್ಲಲು ಸಾಧ್ಯವಾಗಿಲ್ಲ. 
* ಈ ಬಾರಿ ಹರ್ಮನ್‌ಪ್ರೀತ್ ಕೌರ್ ನೇತೃತ್ವದಲ್ಲಿ ಭಾರತ ತಂಡ ಟ್ರೋಫಿ ಬರ ನೀಗಿಸಿಕೊಳ್ಳಲು ಎದುರು ನೋಡುತ್ತಿದೆ.
* ಭಾರತ ಮಹಿಳಾ ತಂಡ (2025) : ಹರ್ಮನ್‌ಪ್ರೀತ್ ಕೌರ್ (ನಾಯಕಿ), ಸ್ಮೃತಿ ಮಂಧನಾ (ಉಪನಾಯಕಿ), ಪ್ರತೀಕ್ ರಾವಲ್, ಹರ್ಲೀನ್ ಡಿಯೋಲ್, ದೀಪ್ತಿ ಶರ್ಮಾ, ಜೆಮಿಯಾ ರೋಡ್ರಿಗ್ಸ್, ರೇಣುಕಾ ಸಿಂಗ್ ಠಾಕೂರ್, ಅರುಂದತಿ ರೆಡ್ಡಿ, ರಿಚಾ ಘೋಷ್ (ವಿಕೆಟ್ ಕೀಪರ್), ಕ್ರಾಂತಿ ಗೌಡ್, ಅಮನ್‌ಜೋತ್ ಕೌರ್, ರಾಧಾ ಯಾದವ್, ಶ್ರೀ ಚರಣಿ, ಯಾಶ್ತಿಕಾ ಭಾಟಿಯಾ (ವಿಕೆಟ್ ಕೀಪರ್), ಸ್ನೆಹ್ ರಾಣಾ.