➤ ಅಂತರರಾಷ್ಟ್ರೀಯ ಶೂಟಿಂಗ್ ಸ್ಪೋರ್ಟ್ಸ್ ಫೆಡರೇಷನ್ನ (ISSF) ಪ್ರತಿಷ್ಠಿತ ಅಥ್ಲೀಟ್ಸ್ ಸಮಿತಿಗೆ (Athletes Committee) ಭಾರತದ ಸ್ಟಾರ್ ಶೂಟರ್ ಹಾಗೂ ಡಬಲ್ ಒಲಿಂಪಿಕ್ ಪದಕ ವಿಜೇತೆ ಮನು ಭಾಕರ್ ಅವರು 2026-2030ರ ಅವಧಿಗೆ ಅಧಿಕೃತವಾಗಿ ಆಯ್ಕೆಯಾಗಿದ್ದಾರೆ. ಭಾರತೀಯ ರಾಷ್ಟ್ರೀಯ ರೈಫಲ್ ಒಕ್ಕೂಟವು (NRAI) ನವೆಂಬರ್ 17, 2026 ರಂದು ಈ ಪ್ರಮುಖ ಸುದ್ದಿಯನ್ನು ಅಧಿಕೃತವಾಗಿ ಪ್ರಕಟಿಸಿದೆ.
➤ ಚುನಾವಣಾ ಪ್ರಕ್ರಿಯೆ: ವಿಶ್ವದಾದ್ಯಂತ ಇರುವ 20 ಸದಸ್ಯ ರಾಷ್ಟ್ರಗಳ ಒಟ್ಟು 22 ಸ್ಪರ್ಧಾಳುಗಳ ಕಣದಿಂದ ಒಟ್ಟು 6 ಕ್ರೀಡಾಪಟುಗಳನ್ನು ಈ ಸಮಿತಿಗೆ ಆಯ್ಕೆ ಮಾಡಲಾಗಿದೆ. ರೈಫಲ್, ಪಿಸ್ತೂಲ್ ಮತ್ತು ಶಾಟ್ಗನ್ ವಿಭಾಗಗಳಿಂದ ತಲಾ ಇಬ್ಬರು ಪ್ರತಿನಿಧಿಗಳನ್ನು ಆಯ್ಕೆ ಮಾಡಲಾಗಿದ್ದು, ಮನು ಭಾಕರ್ ಅವರು ಪಿಸ್ತೂಲ್ ವಿಭಾಗದಿಂದ ಕಣದಲ್ಲಿದ್ದರು.
➤ ಆನ್ಲೈನ್ ಮತದಾನ: ಕೈರೋ (ಈಜಿಪ್ಟ್) ಮತ್ತು ದೋಹಾ (ಖತಾರ್) ನಗರಗಳಲ್ಲಿ ನಡೆದ ISSF ವಿಶ್ವ ಚಾಂಪಿಯನ್ಶಿಪ್ ಸಂದರ್ಭದಲ್ಲಿ ಸಕ್ರಿಯ ಅಂತಾರಾಷ್ಟ್ರೀಯ ಶೂಟರ್ಗಳು ಆನ್ಲೈನ್ ಮೂಲಕ ಮತದಾನ ನಡೆಸಿದ್ದರು.
➤ ಮನು ಭಾಕರ್ ಅವರ ಪ್ರಮುಖ ಆದ್ಯತೆಗಳು: ಸಮಿತಿಗೆ ಆಯ್ಕೆಯಾದ ಬಳಿಕ ಮಾತನಾಡಿದ ಮನು ಭಾಕರ್, ಕ್ರೀಡಾಪಟುಗಳ ಹಿತಾಸಕ್ತಿ ಕಾಪಾಡಲು ತಮ್ಮ ಪ್ರಾಮಾಣಿಕ ಪ್ರಯತ್ನ ಮಾಡುವುದಾಗಿ ತಿಳಿಸಿದ್ದಾರೆ:
1. ಸ್ಪರ್ಧೆಯ ನಿಯಮಗಳಲ್ಲಿ ಹೆಚ್ಚಿನ ಸ್ಥಿರತೆ ತರುವುದು.
2. ಶೂಟರ್ಗಳಿಗೆ ಉತ್ತಮ ಆರ್ಥಿಕ ಹಾಗೂ ವಾಣಿಜ್ಯ ಅವಕಾಶಗಳನ್ನು ಕಲ್ಪಿಸುವುದು.
3. ಕ್ರೀಡಾಪಟುಗಳ ಕಲ್ಯಾಣ, ಮಾನಸಿಕ ಆರೋಗ್ಯ ಬೆಂಬಲ ಹಾಗೂ ನಿವೃತ್ತಿಯ ನಂತರದ ಜೀವನಕ್ಕೆ ಸೂಕ್ತ ಮಾರ್ಗದರ್ಶನ ನೀಡುವ ವ್ಯವಸ್ಥೆ ರೂಪಿಸುವುದು.
4. ISSF ವಿಶ್ವ ಕಪ್ಗಳಲ್ಲಿ ಬಹುಮಾನದ ಮೊತ್ತವನ್ನು (Prize Money) ಹೆಚ್ಚಿಸುವುದು.
➤ ಪ್ಯಾರಿಸ್ ಒಲಿಂಪಿಕ್ಸ್ 2024ರಲ್ಲಿ ಎರಡು ಕಂಚಿನ ಪದಕಗಳನ್ನು (ಮಹಿಳಾ 10 ಮೀಟರ್ ಏರ್ ಪಿಸ್ತೂಲ್ ಮತ್ತು 10 ಮೀಟರ್ ಏರ್ ಪಿಸ್ತೂಲ್ ಮಿಕ್ಸೆಡ್ ಟೀಮ್ ವಿಭಾಗದಲ್ಲಿ) ಗೆಲ್ಲುವ ಮೂಲಕ, ಸ್ವತಂತ್ರ ಭಾರತದ ಇತಿಹಾಸದಲ್ಲಿ ಒಂದೇ ಒಲಿಂಪಿಕ್ಸ್ನಲ್ಲಿ ಎರಡು ಪದಕಗಳನ್ನು ಗೆದ್ದ ಮೊದಲ ಕ್ರೀಡಾಪಟು ಎಂಬ ಐತಿಹಾಸಿಕ ಸಾಧನೆಗೆ ಮನು ಭಾಕರ್ ಪಾತ್ರರಾಗಿದ್ದರು. ಇದೀಗ ಆಡಳಿತಾತ್ಮಕ ಮತ್ತು ಕ್ರೀಡಾಪಟುಗಳ ಧ್ವನಿಯಾಗುವ ಜಾಗತಿಕ ಸಮಿತಿಯಲ್ಲೂ ಭಾರತಕ್ಕೆ ಹೆಮ್ಮೆ ತಂದಿದ್ದಾರೆ.
➤ ಗಮನಿಸಿ: ಈ ಹಿಂದೆ ಭಾರತದ ಮತ್ತೊಬ್ಬ ಒಲಿಂಪಿಕ್ ಚಿನ್ನದ ಪದಕ ವಿಜೇತ ಅಹಿನವ್ ಬಿಂದ್ರಾ ಅವರು 2010 ರಿಂದ 2020ರವರೆಗೆ ISSF ಅಥ್ಲೀಟ್ಸ್ ಸಮಿತಿಯಲ್ಲಿ ಸೇವೆ ಸಲ್ಲಿಸಿದ್ದರು, ಜೊತೆಗೆ ಅದರ ಅಧ್ಯಕ್ಷರಾಗಿಯೂ ಕಾರ್ಯನಿರ್ವಹಿಸಿದ್ದರು.
ಮನು ಭಾಕರ್ಗೆ ಜಾಗತಿಕ ಗೌರವ: ISSF ಅಥ್ಲೀಟ್ಸ್ ಸಮಿತಿಗೆ ಆಯ್ಕೆ (2026-30)
Published by Akshata Halli
1 hour ago