➤ ಕರ್ನಾಟಕ ಸರ್ಕಾರವು ಇತ್ತೀಚೆಗೆ ಬಹುನಿರೀಕ್ಷಿತ 'ಕರ್ನಾಟಕ ಅಪಾರ್ಟ್‌ಮೆಂಟ್ (ಮಾಲೀಕತ್ವ ಮತ್ತು ನಿರ್ವಹಣೆ) ಕರಡು ಮಸೂದೆ, 2025' (Karnataka Apartment - Ownership and Management Bill, 2025) ಅನ್ನು ಸಾರ್ವಜನಿಕ ಅಭಿಪ್ರಾಯಕ್ಕಾಗಿ ಬಿಡುಗಡೆ ಮಾಡಿದೆ. ಈ ಹೊಸ ಮಸೂದೆಯು ರಾಜ್ಯದ ರಿಯಲ್ ಎಸ್ಟೇಟ್ ಕ್ಷೇತ್ರ, ಅದರಲ್ಲೂ ಪ್ರಮುಖವಾಗಿ ಬೆಂಗಳೂರಿನ ಅಪಾರ್ಟ್‌ಮೆಂಟ್ ಸಂಸ್ಕೃತಿಯಲ್ಲಿ ಐತಿಹಾಸಿಕ ಬದಲಾವಣೆ ತರಲು ಸಜ್ಜಾಗಿದೆ.
➤ ಪ್ರಸ್ತುತ ಕರ್ನಾಟಕದಲ್ಲಿ ಅಪಾರ್ಟ್‌ಮೆಂಟ್‌ಗಳ ನಿಯಂತ್ರಣ ಮತ್ತು ಮಾಲೀಕತ್ವಕ್ಕೆ ಸಂಬಂಧಿಸಿದಂತೆ ಸುಮಾರು 53 ವರ್ಷಗಳಷ್ಟು ಹಳೆಯದಾದ ಎರಡು ಕಾಯ್ದೆಗಳನ್ನು ಬಳಸಲಾಗುತ್ತಿದೆ:
  1. ಕರ್ನಾಟಕ ಅಪಾರ್ಟ್‌ಮೆಂಟ್ ಮಾಲೀಕತ್ವ ಕಾಯ್ದೆ, 1972 (KAOA)
  2. ಕರ್ನಾಟಕ ಮಾಲೀಕತ್ವದ ಫ್ಲ್ಯಾಟ್‌ಗಳ ಕಾಯ್ದೆ, 1972 (KOFA)
➤ ಬೆಂಗಳೂರಿನ ಸುಮಾರು 25 ರಿಂದ 30 ಲಕ್ಷ ಅಪಾರ್ಟ್‌ಮೆಂಟ್ ನಿವಾಸಿಗಳ ಹಿತರಕ್ಷಣೆಗಾಗಿ, ಹಳೆಯ ಕಾಯ್ದೆಗಳಲ್ಲಿ ಕೊರತೆಯಾಗಿದ್ದ ಜಂಟಿ ಜಾಗದ ಮಾಲೀಕತ್ವ, ವಂಚನೆ ತಡೆ ಮತ್ತು ಪುನರಾಭಿವೃದ್ಧಿ ನಿಯಮಗಳನ್ನು ಬಲಪಡಿಸಿ ರಾಷ್ಟ್ರೀಯ ರೇರಾ (RERA) 2016 ನಿಯಮಗಳಿಗೆ ಹೊಂದಿಸಲು ಈ ಹೊಸ ಕರಡು ಮಸೂದೆಯನ್ನು ತರಲಾಗಿದೆ.
➤ ಮಸೂದೆಯ ವ್ಯಾಪ್ತಿ ಯಾರಿಗೆ ಅನ್ವಯಿಸುತ್ತದೆ?
  • ಕನಿಷ್ಠ 8 ಅಥವಾ ಅದಕ್ಕಿಂತ ಹೆಚ್ಚು ಫ್ಲ್ಯಾಟ್‌ಗಳನ್ನು (Flat Units) ಹೊಂದಿರುವ ಎಲ್ಲಾ ಅಪಾರ್ಟ್‌ಮೆಂಟ್ ಯೋಜನೆಗಳಿಗೆ ಈ ಹೊಸ ಕಾನೂನು ಕಡ್ಡಾಯವಾಗಿ ಅನ್ವಯಿಸುತ್ತದೆ.
  • ಈ ಕಾಯ್ದೆಯ ಅನುಷ್ಠಾನ ಮತ್ತು ಉಸ್ತುವಾರಿಯ ಸಂಪೂರ್ಣ ಜವಾಬ್ದಾರಿಯನ್ನು ರಾಜ್ಯದ ನಗರಾಭಿವೃದ್ಧಿ ಇಲಾಖೆ (Urban Development Department) ವಹಿಸಿಕೊಳ್ಳಲಿದೆ.
➤ ಮಸೂದೆಯ ಪ್ರಮುಖ ಮುಖ್ಯಾಂಶಗಳು:
1. ಜಂಟಿ ಭೂಮಿ ಮತ್ತು ಸಾಮಾನ್ಯ ಸೌಲಭ್ಯಗಳ ಮಾಲೀಕತ್ವ (Common Ownership Rights) ಅಪಾರ್ಟ್‌ಮೆಂಟ್‌ನ ಸಾಮಾನ್ಯ ಸೌಲಭ್ಯಗಳು ಹಾಗೂ ಆವರಣದ ಭೂಮಿಯ ಜಂಟಿ ಮಾಲೀಕತ್ವವನ್ನು ಬಿಲ್ಡರ್‌ಗಳು 12 ತಿಂಗಳ ಒಳಗಾಗಿ ಆಯಾ ಫ್ಲ್ಯಾಟ್ ಮಾಲೀಕರ ಸಂಘಕ್ಕೆ (RWA) ಕಡ್ಡಾಯವಾಗಿ ವರ್ಗಾಯಿಸಬೇಕು.2. ನಿರ್ವಹಣಾ ಶುಲ್ಕದ ಹಂಚಿಕೆಗೆ ಹೊಸ ಸೂತ್ರ ಇನ್ಮುಂದೆ ಪ್ರತಿ ಫ್ಲ್ಯಾಟ್‌ನ 'ಸೂಪರ್ ಬಿಲ್ಟ್-ಅಪ್ ಏರಿಯಾ' ಅಳತೆಗೆ ಅನುಗುಣವಾದ ಅನುಪಾತದ ಆಧಾರದಲ್ಲಿ ನ್ಯಾಯಯುತವಾಗಿ ನಿರ್ವಹಣಾ ಶುಲ್ಕವನ್ನು ವಿಧಿಸಲಾಗುತ್ತದೆ.3. ಹಳೆಯ ಅಪಾರ್ಟ್‌ಮೆಂಟ್‌ಗಳ ಪುನರಾಭಿವೃದ್ಧಿ ನಿಯಮಗಳು (Redevelopment Framework) 30 ವರ್ಷ ದಾಟಿದ ಕಟ್ಟಡಗಳಿಗೆ ಸ್ಥಿರತೆ ಪ್ರಮಾಣಪತ್ರ ಕಡ್ಡಾಯವಾಗಿದ್ದು, ಕನಿಷ್ಠ ಶೇ. 75ರಷ್ಟು ಮಾಲೀಕರ ಒಪ್ಪಿಗೆಯೊಂದಿಗೆ ಹಳೆಯ ಅಪಾರ್ಟ್‌ಮೆಂಟ್‌ಗಳ ಮರುನಿರ್ಮಾಣ ಮಾಡಲು ಮೊದಲ ಬಾರಿಗೆ ಕಾನೂನಾತ್ಮಕ ಚೌಕಟ್ಟು ತರಲಾಗಿದೆ.4. ಏಕೀಕೃತ ಪ್ರಾಧಿಕಾರ ಮತ್ತು ವಿವಾದ ಪರಿಹಾರ ಗೊಂದಲಗಳನ್ನು ನಿವಾರಿಸಲು ನಗರಾಭಿವೃದ್ಧಿ ಇಲಾಖೆಯನ್ನು ಮುಖ್ಯ ಪ್ರಾಧಿಕಾರವನ್ನಾಗಿ ಮಾಡುವ ಮೂಲಕ, ನಿವಾಸಿಗಳ ವಿವಾದಗಳ ಶೀಘ್ರ ಇತ್ಯರ್ಥಕ್ಕಾಗಿ ಕಾಲಮಿತಿಯ ದ್ವಿ-ಹಂತದ ಮೇಲ್ಮನವಿ ಪ್ರಾಧಿಕಾರವನ್ನು ರಚಿಸಲಾಗುತ್ತದೆ.