➤ ಭಾರತೀಯ ಸೇನೆಯನ್ನು ಮತ್ತಷ್ಟು ಬಲಪಡಿಸುವ ನಿಟ್ಟಿನಲ್ಲಿ, ಅಮೆರಿಕದ ಪ್ರಸಿದ್ಧ‘ಜಾವೆಲಿನ್’ (Javelin)ಟ್ಯಾಂಕ್ ನಿರೋಧಕ ಕ್ಷಿಪಣಿ ವ್ಯವಸ್ಥೆಯನ್ನು (Anti-Tank Guided Missile System) ಖರೀದಿಸಲು ಭಾರತ ಒಪ್ಪಂದ (Letter of Offer and Acceptance - LOA) ಮಾಡಿಕೊಂಡಿದೆ. ಈ ಕುರಿತು ಮಾಹಿತಿ ನೀಡಿರುವ ಭಾರತದಲ್ಲಿರುವ ಅಮೆರಿಕದ ರಾಯಭಾರಿ ಸೆರ್ಗಿಯೋ ಗೋರ್ (Sergio Gor), "ಈ ಖರೀದಿ ಒಪ್ಪಂದವು ಮುಂಬರುವ ದಿನಗಳಲ್ಲಿ ಭಾರತ ಮತ್ತು ಅಮೆರಿಕ ಜಂಟಿಯಾಗಿ ಕ್ಷಿಪಣಿಗಳ ಉತ್ಪಾದನೆಯಲ್ಲಿ (Co-production) ತೊಡಗಿಸಿಕೊಳ್ಳಲು ಹಾದಿ ಸುಗಮಗೊಳಿಸಲಿದೆ" ಎಂದು 'X' (ಟ್ವಿಟರ್) ನೌಕೆಯಲ್ಲಿ ಹಂಚಿಕೊಂಡಿದ್ದಾರೆ.
➤ ‘ಜಾವೆಲಿನ್’ ಕ್ಷಿಪಣಿಯ ಪ್ರಮುಖ ವೈಶಿಷ್ಟ್ಯಗಳು: 
- 'ಫೈರ್ ಆಂಡ್ ಫಾರ್ಗೆಟ್' ತಂತ್ರಜ್ಞಾನ (Fire and Forget Technology):ಒಮ್ಮೆ ಗುರಿಯನ್ನು (Target) ನಿಗದಿಪಡಿಸಿ ಕ್ಷಿಪಣಿಯನ್ನು ಉಡಾಯಿಸಿದ ನಂತರ, ಯೋಧನು ತಕ್ಷಣವೇ ಸುರಕ್ಷಿತ ಸ್ಥಳಕ್ಕೆ ತೆರಳಬಹುದು. ಹಳೆಯ ಕ್ಷಿಪಣಿಗಳಂತೆ ಇದನ್ನು ಕೊನೆಯವರೆಗೂ ನಿಯಂತ್ರಿಸುವ ಅಗತ್ಯವಿರುವುದಿಲ್ಲ; ಇದು ಸ್ವಯಂಚಾಲಿತವಾಗಿ ಗುರಿಯನ್ನು ತಲುಪಿ ಧ್ವಂಸಗೊಳಿಸುತ್ತದೆ.  
- ಟಾಪ್-ಅಟ್ಯಾಕ್ ಮೋಡ್ (Top-Attack Mode):ಯೂದ್ಧ ಟ್ಯಾಂಕ್‌ಗಳ ಮೇಲ್ಭಾಗದಲ್ಲಿ ರಕ್ಷಾ ಕವಚ (Armour) ಅತ್ಯಂತ ಹಗುರವಾಗಿ ಮತ್ತು ದುರ್ಬಲವಾಗಿರುತ್ತದೆ. ಜಾವೆಲಿನ್ ಕ್ಷಿಪಣಿಯು ಮೇಲಕ್ಕೆ ಹಾರಿ, ಟ್ಯಾಂಕ್‌ನ ಮೇಲ್ಭಾಗದಿಂದ ದಾಳಿ ಮಾಡಿ (Dive and Strike) ಸಂಪೂರ್ಣ ಧ್ವಂಸಗೊಳಿಸುವ ಸಾಮರ್ಥ್ಯ ಹೊಂದಿದೆ.
- ಇನ್ಫ್ರಾರೆಡ್ ಸೀಕರ್ (Imaging Infrared Seeker):ಹಗಲು ಹಾಗೂ ರಾತ್ರಿ ವೇಳೆಯಲ್ಲಿಯೂ ಉಷ್ಣ ಸಂಕೇತಗಳನ್ನು (Thermal Signatures) ಆಧರಿಸಿ ವೈರಿಗಳ ಟ್ಯಾಂಕ್‌ಗಳನ್ನು ನಿಖರವಾಗಿ ಗುರುತಿಸಬಲ್ಲದು.  
- ಸುಲಭವಾಗಿ ಹೊತ್ತೊಯ್ಯಬಹುದು (Man-Portable):ಒಬ್ಬನೇ ಸೈನಿಕನು ಇದನ್ನು ಹೆಗಲ ಮೇಲೆ ಇಟ್ಟುಕೊಂಡು (Shoulder-fired) ಸುಲಭವಾಗಿ ಕಾರ್ಯಾಚರಣೆ ನಡೆಸಬಹುದು. ಬಂಕರ್‌ಗಳು ಮತ್ತು ಕಟ್ಟಡಗಳ ಒಳಗಿನಿಂದಲೂ ಸುರಕ್ಷಿತವಾಗಿ ಉಡಾಯಿಸುವ 'ಸಾಫ್ಟ್ ಲಾಂಚ್' (Soft-launch) ತಂತ್ರಜ್ಞಾನ ಇದರಲ್ಲಿದೆ.  
- ತಯಾರಕರು:ಇದನ್ನು ಅಮೆರಿಕದ ಪ್ರಸಿದ್ಧ ರಕ್ಷಣಾ ಸಂಸ್ಥೆಗಳಾದ ಲಾಕ್‌ಹೀಡ್ ಮಾರ್ಟಿನ್ (Lockheed Martin) ಮತ್ತು ಆರ್‌ಟಿಎಕ್ಸ್ (RTX - Raytheon) ಜಂಟಿಯಾಗಿ ಅಭಿವೃದ್ಧಿಪಡಿಸಿವೆ.  
➤ ಭಾರತ-ಅಮೆರಿಕ ರಕ್ಷಣಾ ಬಾಂಧವ್ಯ ಮತ್ತು ಜಂಟಿ ಉತ್ಪಾದನೆ (Co-production):
- ದಾಖಲೆಯ ಮಟ್ಟಕ್ಕೆ ಮುಟ್ಟಿದ ಸಹಕಾರ:ನವೆಂಬರ್ 2025 ರಲ್ಲೇ ಅಮೆರಿಕದ ವಿದೇಶಾಂಗ ಇಲಾಖೆಯು ಭಾರತಕ್ಕೆ ಉಭಯ ದೇಶಗಳ ರಕ್ಷಣಾ ಸಾಮರ್ಥ್ಯ ಹೆಚ್ಚಿಸಲು ಒಪ್ಪಿಗೆ ನೀಡಿತ್ತು.  
- ಮೇಕಿಂಗ್ ಇನ್ ಇಂಡಿಯಾ : ಭಾರತದ ಸಾರ್ವಜನಿಕ ವಲಯದ ಭಾರತ್ ಡೈನಾಮಿಕ್ಸ್ ಲಿಮಿಟೆಡ್ (BDL) ಮತ್ತು ‘ಜಾವೆಲಿನ್ ಜಾಯಿಂಟ್ ವೆಂಚರ್’ ಸಂಸ್ಥೆಗಳು ಭಾರತದಲ್ಲೇ ಈ ಕ್ಷಿಪಣಿ ವ್ಯವಸ್ಥೆಯ ಜಂಟಿ ಉತ್ಪಾದನೆ ಮಾಡುವ ಕುರಿತು ಮಾತುಕತೆ ನಡೆಸಿವೆ.  
- ತಂತ್ರಜ್ಞಾನ ವಿಸ್ತರಣೆ: ಭಾರತ ಮತ್ತು ಅಮೆರಿಕದ ಬಾಂಧವ್ಯವು ಕೇವಲ ಸೇನಾ ಕ್ಷೇತ್ರಕ್ಕೆ ಸೀಮಿತವಾಗಿರದೆ ಪರಮಾಣು ಇಂಧನ, ಕೃತಕ ಬುದ್ಧಿಮತ್ತೆ (AI) ಹಾಗೂ ಸಿವಿಲ್ ತಂತ್ರಜ್ಞಾನಗಳ ಕ್ಷೇತ್ರಕ್ಕೂ ವಿಸ್ತರಿಸುತ್ತಿದೆ.