Job Description: ➤ ಭಾರತೀಯ ಸೇನಾ ಇತಿಹಾಸದಲ್ಲಿ ಸುದರ್ಶನ ಚಕ್ರದಂತೆ ಶತ್ರುಗಳ ಸಂಹಾರಕ್ಕೆ ಸನ್ನದ್ಧವಾಗಿರುವ ಎಸ್-400 (S-400) ವಾಯು ರಕ್ಷಣಾ ಕ್ಷಿಪಣಿ ವ್ಯವಸ್ಥೆಯ ಕಾರ್ಯಾಚರಣೆಯ ಚೊಚ್ಚಲ ವಿಡಿಯೊವನ್ನು ಭಾರತೀಯ ವಾಯುಪಡೆ (IAF) ಬಿಡುಗಡೆ ಮಾಡಿದೆ. ರಾಜಸ್ಥಾನದ ಪೋಖ್ರನ್‌ನಲ್ಲಿ ನಡೆಯಲಿರುವ 'ವಾಯುಶಕ್ತಿ-2026' ಸಮರಾಭ್ಯಾಸಕ್ಕೂ ಮುನ್ನ ಬಿಡುಗಡೆಯಾಗಿರುವ ಈ ವಿಡಿಯೊ ಈಗ ಜಾಗತಿಕ ಮಟ್ಟದಲ್ಲಿ ಸಂಚಲನ ಮೂಡಿಸಿದೆ.➤ ಆಪರೇಷನ್ ಸಿಂದೂರ' ಮತ್ತು ವಿಶ್ವದಾಖಲೆಯ ಸಾಧನೆ: ಕಳೆದ ವರ್ಷ ಮೇ ತಿಂಗಳಲ್ಲಿ ಪಾಕಿಸ್ತಾನ ಪ್ರೇರಿತ ಭಯೋತ್ಪಾದಕರ ವಿರುದ್ಧ ನಡೆಸಲಾದ 'ಆಪರೇಷನ್ ಸಿಂದೂರ' ಕಾರ್ಯಾಚರಣೆಯ ವೇಳೆ ಈ ವ್ಯವಸ್ಥೆಯು ಅದ್ಭುತ ಪ್ರದರ್ಶನ ನೀಡಿದೆ. ಗಡಿಯಿಂದ ಸುಮಾರು 300 ಕಿಲೋಮೀಟರ್ ದೂರದಲ್ಲಿರುವ ಶತ್ರು ಗುರಿಯನ್ನು ನಿಖರವಾಗಿ ಹೊಡೆದುರುಳಿಸುವ ಮೂಲಕ, ಜಾಗತಿಕ ಮಿಲಿಟರಿ ಇತಿಹಾಸದಲ್ಲೇ 'ಅತ್ಯಂತ ದೂರದ ಏರ್ ಕಿಲ್' (Longest Air Kill) ಎಂಬ ವಿಶ್ವದಾಖಲೆಯನ್ನು ಸುದರ್ಶನ ಚಕ್ರ ನಿರ್ಮಿಸಿದೆ ಎಂದು ವಾಯುಪಡೆ ತಿಳಿಸಿದೆ.➤ ವಾಯುಪಡೆ ಹಂಚಿಕೊಂಡಿರುವ ವಿಡಿಯೊದಲ್ಲಿ ಈ ವ್ಯವಸ್ಥೆಯ ಶಕ್ತಿಯನ್ನು ಸ್ಪಷ್ಟವಾಗಿ ಕಾಣಬಹುದು:- ಕ್ಷಣ ಕ್ಷಣದ ಮಾಹಿತಿ: ರಾಡಾರ್ ಪರದೆಯ ಮೇಲೆ ಶತ್ರುಗಳ ಚಲನವಲನದ ನಿಖರ ಮಾಹಿತಿ ಅಪ್‌ಡೇಟ್ ಆಗುವುದು.- ನಿಖರ ದಾಳಿ: ಮೋಡಗಳ ನಡುವಿನಿಂದ ನುಗ್ಗುವ ಕ್ಷಿಪಣಿಯು ಶತ್ರು ಗುರಿಯನ್ನು ಕ್ಷಣಾರ್ಧದಲ್ಲಿ ಸುಟ್ಟು ಭಸ್ಮ ಮಾಡುವುದು.- ಸಂದೇಶ: ಪರದೆಯ ಮೇಲೆ "ಮಿಲಿಟರಿ ಇತಿಹಾಸದಲ್ಲೇ ದಾಖಲಾದ ಅತಿ ದೂರದ ಏರ್ ಕಿಲ್" ಎಂಬ ಸಂದೇಶದೊಂದಿಗೆ ಭಾರತದ ಶಕ್ತಿ ಪ್ರದರ್ಶನ.➤ ಎಸ್-400 ಸುದರ್ಶನ: ರಷ್ಯಾದ 'ಅಲ್ಮಾಜ್ ಸೆಂಟ್ರಲ್ ಡಿಸೈನ್ ಬ್ಯೂರೋ' ಅಭಿವೃದ್ಧಿಪಡಿಸಿರುವ ಈ ವ್ಯವಸ್ಥೆಯು ವಿಶ್ವದ ಅತ್ಯಾಧುನಿಕ ವಾಯು ರಕ್ಷಣಾ ವ್ಯವಸ್ಥೆಗಳಲ್ಲಿ ಒಂದಾಗಿದೆ. 2018ರಲ್ಲಿ ಭಾರತ ಮತ್ತು ರಷ್ಯಾ ನಡುವೆ ಸುಮಾರು 40,000 ಕೋಟಿ ರೂಪಾಯಿ ವೆಚ್ಚದಲ್ಲಿ 5 ಯುನಿಟ್‌ಗಳ ಖರೀದಿ ಒಪ್ಪಂದವಾಗಿತ್ತು.➤ ಚೀನಾ ಮತ್ತು ಪಾಕಿಸ್ತಾನದಂತಹ ನೆರೆಹೊರೆಯ ದೇಶಗಳಿಂದ ಎದುರಾಗಬಹುದಾದ ಡ್ರೋನ್, ಕ್ರೂಸ್ ಕ್ಷಿಪಣಿ ಮತ್ತು ಯುದ್ಧ ವಿಮಾನಗಳ ದಾಳಿಯನ್ನು ತಡೆಯಲು ಇದು ಭಾರತದ ಪಾಲಿಗೆ ಅಜೇಯ ಕವಚವಾಗಿದೆ. ಇದೇ ಕಾರಣಕ್ಕೆ ಇದನ್ನು 'ಸುದರ್ಶನ' ಎಂದು ಕರೆಯಲಾಗುತ್ತದೆ➤ ಫೆಬ್ರವರಿ 27 ರಂದು ಪೋಖ್ರನ್‌ನಲ್ಲಿ ನಡೆಯಲಿರುವ 'ವಾಯುಶಕ್ತಿ-2026' ಸಮರಾಭ್ಯಾಸದಲ್ಲಿ ಭಾರತದ ಸ್ವದೇಶಿ ನಿರ್ಮಿತ ತೇಜಸ್, ಪ್ರಚಂಡ ಹೆಲಿಕಾಪ್ಟರ್‌ಗಳ ಜೊತೆಗೆ ಈ ಎಸ್-400 ಕೂಡ ತನ್ನ ಪರಾಕ್ರಮ ಪ್ರದರ್ಶಿಸಲಿದೆ.
