➤ ಜಗತ್ತಿನಲ್ಲೇ ಮೊದಲ ಬಾರಿಗೆ, ದಿನನಿತ್ಯ ತೆಗೆದುಕೊಳ್ಳುವ ಇನ್ಸುಲಿನ್ ಬದಲಿಗೆ ವಾರಕ್ಕೊಮ್ಮೆ ಮಾತ್ರ ತೆಗೆದುಕೊಳ್ಳುವ ಇನ್ಸುಲಿನ್ ‘ಅವಿಕ್ಲಿ’ (Awiqli) ಅನ್ನು ಭಾರತದಲ್ಲಿ ಅಧಿಕೃತವಾಗಿ ಬಿಡುಗಡೆ ಮಾಡಲಾಗಿದೆ. ಪ್ರಸಿದ್ಧ ಔಷಧೀಯ ಕಂಪನಿ ನೊವೊ ನಾರ್ಡಿಸ್ಕ್ (Novo Nordisk) ಈ ಕ್ರಾಂತಿಕಾರಿ ಇನ್ಸುಲಿನ್ ಅನ್ನು ಅಭಿವೃದ್ಧಿಪಡಿಸಿದೆ. 
➤ ‘ಅವಿಕ್ಲಿ’ (Awiqli) ಇನ್ಸುಲಿನ್: ಇದು ವಿಶ್ವದ ಮೊದಲ ಒನ್ಸ್-ವೀಕ್ಲಿ ಬಾಸಲ್ ಇನ್ಸುಲಿನ್ (Once-weekly basal insulin icodec) ಆಗಿದೆ. ಸಾಮಾನ್ಯವಾಗಿ ಮಧುಮೇಹ (Diabetes) ಇರುವ ರೋಗಿಗಳು ಪ್ರತಿದಿನ ಇನ್ಸುಲಿನ್ ಚುಚ್ಚುಮದ್ದು (Injections) ತೆಗೆದುಕೊಳ್ಳಬೇಕಾಗುತ್ತದೆ. ಆದರೆ ‘ಅವಿಕ್ಲಿ’ ಬಳಕೆಯಿಂದ ವಾರಕ್ಕೆ ಕೇವಲ ಒಂದು ಬಾರಿ ಮಾತ್ರ ಇನ್ಸುಲಿನ್ ತಗೆದುಕೊಂಡರೆ ಸಾಕಾಗುತ್ತದೆ.

  • ಚುಚ್ಚುಮದ್ದುಗಳ ಸಂಖ್ಯೆಯಲ್ಲಿ ಇಳಿಕೆ: ಪ್ರತಿದಿನ ಇನ್ಸುಲಿನ್ ತೆಗೆದುಕೊಳ್ಳುವ ರೋಗಿಗಳು ವರ್ಷಕ್ಕೆ ಸುಮಾರು 365 ಚುಚ್ಚುಮದ್ದುಗಳನ್ನು ಚುಚ್ಚಿಸಿಕೊಳ್ಳಬೇಕಾಗುತ್ತದೆ. ಆದರೆ ‘ಅವಿಕ್ಲಿ’ ಇನ್ಸುಲಿನ್‌ನಿಂದಾಗಿ ಈ ಸಂಖ್ಯೆ ವರ್ಷಕ್ಕೆ ಕೇವಲ 52 ಕ್ಕೆ ಇಳಿಕೆಯಾಗುತ್ತದೆ. ಇದು ರೋಗಿಗಳ ದೈಹಿಕ ಮತ್ತು ಮಾನಸಿಕ ಹೊರೆಯನ್ನು ಗಣನೀಯವಾಗಿ ಕಡಿಮೆ ಮಾಡುತ್ತದೆ.

  • ಅನುಮೋದನೆ: ಭಾರತದ ಔಷಧ ನಿಯಂತ್ರಣ ಸಂಸ್ಥೆಯಾದ CDSCO (Central Drugs Standard Control Organisation) ಈ ಇನ್ಸುಲಿನ್ ಬಳಕೆಗೆ ಗ್ರೀನ್ ಸಿಗ್ನಲ್ ನೀಡಿದೆ.

  • ಯಾರಿಗೆ ಉಪಯುಕ್ತ?: ಇದನ್ನು ಟೈಪ್-2 ಮಧುಮೇಹ (Type-2 Diabetes) ಹೊಂದಿರುವ ವಯಸ್ಕರ ಚಿಕಿತ್ಸೆಗಾಗಿ ಪ್ರಮುಖವಾಗಿ ಶಿಫಾರಸು ಮಾಡಲಾಗಿದೆ.

➤ ಭಾರತಕ್ಕೆ ಇದರ ಮಹತ್ವ: ಭಾರತವನ್ನು ಜಗತ್ತಿನ 'ಮಧುಮೇಹದ ರಾಜಧಾನಿ' (Diabetes Capital of the World) ಎಂದು ಕರೆಯಲಾಗುತ್ತದೆ. ಭಾರತದಲ್ಲಿ ಕೋಟ್ಯಂತರ ಜನರು ಮಧುಮೇಹದಿಂದ ಬಳಲುತ್ತಿದ್ದಾರೆ. ಪ್ರತಿದಿನ ಚುಚ್ಚುಮದ್ದು ತೆಗೆದುಕೊಳ್ಳುವ ಭಯ ಅಥವಾ ಮರೆಗುಳಿತನದಿಂದಾಗಿ ಅನೇಕರು ಸರಿಯಾಗಿ ಇನ್ಸುಲಿನ್ ತೆಗೆದುಕೊಳ್ಳುವುದಿಲ್ಲ (Poor Compliance). ವಾರಕ್ಕೊಮ್ಮೆ ನೀಡುವ ಈ ಇನ್ಸುಲಿನ್ ಮಧುಮೇಹಿಗಳ ಜೀವನಶೈಲಿಯನ್ನು ಸುಲಭಗೊಳಿಸಲಿದೆ ಮತ್ತು ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು (Blood Sugar Control) ಉತ್ತಮವಾಗಿ ನಿರ್ವಹಿಸಲು ಸಹಾಯ ಮಾಡುತ್ತದೆ.
KAS, PSI, PC, FDA, SDA, RRB, PDO ಸೇರಿದಂತೆ ಇನ್ನಿತರ ಪರೀಕ್ಷೆಗಳ ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ