➤ ಭಾರತ ಮತ್ತು ಯುನೈಟೆಡ್ ಕಿಂಗ್‌ಡಮ್ (UK) ದೇಶಗಳು ತಮ್ಮ ರಕ್ಷಣಾ ಸಹಯೋಗವನ್ನು ಮತ್ತಷ್ಟು ಬಲಪಡಿಸಲು ಶೀಘ್ರದಲ್ಲೇ ಒಂದು ಮಹತ್ವದಅಂತರ್-ಸರಕಾರಿ ಒಪ್ಪಂದಕ್ಕೆ (Inter-Governmental Agreement - IGA)ಸಹಿ ಹಾಕಲಿವೆ. ಈ ಒಪ್ಪಂದದ ಮುಖ್ಯ ಉದ್ದೇಶವೆಂದರೆ ಭಾರತೀಯ ನೌಕಾಪಡೆಯ (Indian Navy) ಭವಿಷ್ಯದ ಬೃಹತ್ ಯುದ್ಧನೌಕೆಗಳಿಗಾಗಿ'ಇಂಟಿಗ್ರೇಟೆಡ್ ಫುಲ್ ಎಲೆಕ್ಟ್ರಿಕ್ ಪ್ರೊಪಲ್ಷನ್' (Integrated Full Electric Propulsion - IFEP)ತಂತ್ರಜ್ಞಾನವನ್ನು ಜಂಟಿಯಾಗಿ ವಿನ್ಯಾಸಗೊಳಿಸುವುದು ಮತ್ತು ಅಭಿವೃದ್ಧಿಪಡಿಸುವುದಾಗಿದೆ.
➤ GE ವರ್ನೋವಾ & BHEL ಸಹಯೋಗ ಮತ್ತು ಲ್ಯಾಂಡ್-ಬೇಸ್ಡ್ ಟೆಸ್ಟಿಂಗ್ ಫೆಸಿಲಿಟಿ: ಈ ಯೋಜನೆಗಾಗಿ ಯುಕೆ ಮೂಲದ 'ಜಿಇ ವರ್ನೋವಾ' (GE Vernova) ಹಾಗೂ ಭಾರತ ಸರ್ಕಾರದ ಸಾರ್ವಜನಿಕ ವಲಯದ ಉದ್ಯಮ 'ಭಾರತ್ ಹೆವಿ ಎಲೆಕ್ಟ್ರಿಕಲ್ಸ್ ಲಿಮಿಟೆಡ್' (BHEL) ಸಂಸ್ಥೆಗಳು ಕೈಜೋಡಿಸಿವೆ.
- ಮೊದಲ ಭೂ-ಆಧಾರಿತ ಪರೀಕ್ಷಾ ಸೌಲಭ್ಯ (Land-Based Test Facility): ಈ ಒಪ್ಪಂದದ ಭಾಗವಾಗಿ ಭಾರತದ ಮೊದಲ ನೌಕಾ ಭೂ-ಆಧಾರಿತ ವಿದ್ಯುತ್ ಪ್ರೊಪಲ್ಷನ್ ಪರೀಕ್ಷಾ ಕೇಂದ್ರವನ್ನು ಸ್ಥಾಪಿಸಲಾಗುವುದು.  
- ಪರೀಕ್ಷೆಯ ಪ್ರಾಮುಖ್ಯತೆ: ಎಲೆಕ್ಟ್ರಿಕ್ ಪ್ರೊಪಲ್ಷನ್ ವ್ಯವಸ್ಥೆಯನ್ನು ಯುದ್ಧನೌಕೆಗಳಲ್ಲಿ ಅಳವಡಿಸುವ ಮೊದಲು ಅದನ್ನು ಭೂಮಿಯ ಮೇಲಿನ ಈ ಪರೀಕ್ಷಾ ಕೇಂದ್ರದಲ್ಲೇ ಸಂಪೂರ್ಣವಾಗಿ ಪರೀಕ್ಷಿಸಿ ಧೃಡೀಕರಿಸಲಾಗುತ್ತದೆ.  

➤ ಎಲೆಕ್ಟ್ರಿಕ್ ಪ್ರೊಪಲ್ಷನ್ ವ್ಯವಸ್ಥೆಯ ಮುಖ್ಯ ಪ್ರಯೋಜನಗಳು:ಸದ್ಯ ಭಾರತೀಯ ನೌಕಾಪಡೆಯ ಯುದ್ಧನೌಕೆಗಳು ಡೀಸೆಲ್ ಎಂಜಿನ್‌ಗಳು, ಗ್ಯಾಸ್ ಟರ್ಬೈನ್‌ಗಳು ಅಥವಾ ಸ್ಟೀಮ್ ಟರ್ಬೈನ್‌ಗಳ ಮೂಲಕ ಚಲಿಸುತ್ತವೆ. ಆದರೆ ಹೊಸ 'ಫುಲ್ ಎಲೆಕ್ಟ್ರಿಕ್ ಪ್ರೊಪಲ್ಷನ್' ವ್ಯವಸ್ಥೆಯು ಕ್ರಾಂತಿಕಾರಿ ಬದಲಾವಣೆ ತರಲಿದೆ:  
- 6000  ಟನ್‌ಗಿಂತ ಹೆಚ್ಚು ತೂಕದ ನೌಕೆಗಳಿಗೆ ಬಲ:ಈ ವಿದ್ಯುತ್ ತಂತ್ರಜ್ಞಾನವನ್ನು 6,000 ಟನ್‌ಗಳಿಗಿಂತ ಅಧಿಕ ತೂಕದ ಬೃಹತ್ ಯುದ್ಧನೌಕೆಗಳಿಗೆ (ವಿಶೇಷವಾಗಿ 4 ಲ್ಯಾಂಡಿಂಗ್ ಪ್ಲಾಟ್‌ಫಾರ್ಮ್ ಡಾಕ್ಸ್ - LPD) ಬಳಸಲಾಗುತ್ತದೆ.  
- ಶಕ್ತಿ ನಿರ್ವಹಣೆ (Power Management): ನೌಕೆಯಲ್ಲಿ ಉತ್ಪತ್ತಿಯಾಗುವ ವಿದ್ಯುತ್ ಶಕ್ತಿಯನ್ನು ಅಗತ್ಯಕ್ಕೆ ತಕ್ಕಂತೆ ಪ್ರೊಪಲ್ಷನ್ ಮತ್ತು ಇತರ ಇಲೆಕ್ಟ್ರಾನಿಕ್ ವ್ಯವಸ್ಥೆಗಳಿಗೆ ಹಂಚಿಕೆ ಮಾಡಬಹುದು.
- ಆಧುನಿಕ ಸೆನ್ಸಾರ್ ಹಾಗೂ ರಾಡಾರ್‌ಗಳು: ಈ ಸಿಸ್ಟಮ್‌ನಿಂದಾಗಿ ಯುದ್ಧನೌಕೆಗಳಲ್ಲಿ ಹೆಚ್ಚಿನ ಶಕ್ತಿ ಬಯಸುವ ಅತ್ಯಾಧುನಿಕ ರಾಡಾರ್‌ಗಳು, ಲೇಸರ್ ಅಸ್ತ್ರಗಳು ಹಾಗೂ ಎಲೆಕ್ಟ್ರಾನಿಕ್ ವಾರ್‌ಫೇರ್ ಸಿಸ್ಟಮ್‌ಗಳನ್ನು ಅಳವಡಿಸಲು ಸಾಧ್ಯವಾಗುತ್ತದೆ.
- ನಿಶ್ಯಬ್ದ ಸಂಚಾರ (Stealth Capability): ಸಾಂಪ್ರದಾಯಿಕ ಇಂಧನ ಎಂಜಿನ್‌ಗಳಿಗಿಂತ ಎಲೆಕ್ಟ್ರಿಕ್ ಸಿಸ್ಟಮ್‌ಗಳು ಕಡಿಮೆ ಶಬ್ದ ಮಾಡುವುದರಿಂದ ಸಬ್‌ಮರೀನ್‌ಗಳಿಂದ (ಸಲಕರಣೆಗಳಿಂದ) ನೌಕೆಯನ್ನು ಅಡಗಿಸಿಡಲು ಸಹಾಯವಾಗುತ್ತದೆ.

➤ ಎಲ್.ಎಮ್.ಎಮ್ (Lightweight Multirole Missile - LMM) ಕ್ಷಿಪಣಿ ಒಪ್ಪಂದ:ವಿದ್ಯುತ್ ಪ್ರೊಪಲ್ಷನ್ ಒಪ್ಪಂದದ ಜೊತೆಗೆ, ಭಾರತೀಯ ಸೇನೆಗಾಗಿ (Indian Army) ಬ್ರಿಟಿಷ್ ಮೂಲದ 'ಲೈಟ್‌ವೇಟ್ ಮಲ್ಟಿರೋಲ್ ಮಿಸೈಲ್ಸ್' (Martlet LMM) ಕ್ಷಿಪಣಿಗಳ ಖರೀದಿಗೆ ಸಂಬಂಧಿಸಿದಂತೆ ಎರಡನೇ ರಕ್ಷಣಾ ಒಪ್ಪಂದಕ್ಕೂ ಶೀಘ್ರದಲ್ಲೇ ಅಂಕಿತ ಬೀಳಲಿದೆ. ಈ ಲಘು ಕ್ಷಿಪಣಿಗಳು ಹೆಲಿಕಾಪ್ಟರ್‌ಗಳು, ಡ್ರೋನ್‌ಗಳು ಹಾಗೂ ನೆಲದ ಮೇಲಿನ ಪಡೆಗಳಿಗೆ ಶತ್ರು ನೌಕೆ ಹಾಗೂ ಡ್ರೋನ್ ಬೆದರಿಕೆಗಳನ್ನು ನಿಗ್ರಹಿಸಲು ಸಹಾಯ ಮಾಡುತ್ತವೆ.