➤ ಭಾರತ ಮತ್ತು ಯುನೈಟೆಡ್ ಕಿಂಗ್‌ಡಮ್ (UK) ನಡುವಿನ ವೈಜ್ಞಾನಿಕ ಸಂಬಂಧವನ್ನು ಮತ್ತಷ್ಟು ಬಲಪಡಿಸುವ ನಿಟ್ಟಿನಲ್ಲಿ "BRIC-CDFD-ONT ಇಂಡಿಯಾ ಜೀನೋಮಿಕ್ಸ್ ಶ್ರೇಷ್ಠತಾ ಕೇಂದ್ರ" (India Genomics Centre of Excellence) ವನ್ನು ನವದೆಹಲಿಯಲ್ಲಿ ಜಂಟಿಯಾಗಿ ಉದ್ಘಾಟಿಸಲಾಯಿತು. ಈ ಕೇಂದ್ರವನ್ನು ಭಾರತದ ಕೇಂದ್ರ ವಿಜ್ಞಾನ ಮತ್ತು ತಂತ್ರಜ್ಞಾನ ರಾಜ್ಯ ಸಚಿವ (ಸ್ವತಂತ್ರ ನಿರ್ವಹಣೆ) ಡಾ. ಜಿತೇಂದ್ರ ಸಿಂಗ್ ಹಾಗೂ ಬ್ರಿಟನ್‌ನ ವಾಣಿಜ್ಯ, ನಾವೀನ್ಯತೆ, ವಿಜ್ಞಾನ ಮತ್ತು ವ್ಯಾಪಾರ ಸಚಿವ ಜೊನಾಥನ್ ರೆನಾಲ್ಡ್ಸ್ ಅವರು ಜಂಟಿಯಾಗಿ ಉದ್ಘಾಟಿಸಿದರು.
➤ 8ನೇ ಭಾರತ-ಬ್ರಿಟನ್ ವಿಜ್ಞಾನ ಮತ್ತು ನಾವೀನ್ಯತೆ ಮಂಡಳಿ (SIC):
- ಈ ಕೇಂದ್ರದ ಉದ್ಘಾಟನೆಯು ನವದೆಹಲಿಯಲ್ಲಿ ನಡೆದ 8ನೇ ಭಾರತ-ಬ್ರಿಟನ್ ವಿಜ್ಞಾನ ಮತ್ತು ನಾವೀನ್ಯತೆ ಮಂಡಳಿಯ (8th India-UK Science and Innovation Council) ಸಭೆಯ ಸಂದರ್ಭದಲ್ಲಿ ನಡೆಯಿತು.
- ಭಾರತ ಮತ್ತು ಬ್ರಿಟನ್‌ ನಡುವಿನ 'ತಂತ್ರಜ್ಞಾನ ಭದ್ರತಾ ಉಪಕ್ರಮ' (Technology Security Initiative) ಮತ್ತು 'India-UK Vision 2035' ಕಾರ್ಯಸೂಚಿಯ ಭಾಗವಾಗಿ ಈ ಸಹಯೋಗವನ್ನು ಕೈಗೊಳ್ಳಲಾಗಿದೆ.
➤ ಸಂಸ್ಥೆಗಳ ಜಂಟಿ ಸಹಯೋಗ:
- ಈ ನೂತನ ಕೇಂದ್ರವು ಭಾರತದ ಬ್ರಿಕ್-ಸಿಡಿಎಫ್‌ಡಿ (Biotechnology Research and Innovation Council - Centre for DNA Fingerprinting and Diagnostics) ಮತ್ತು ಬ್ರಿಟನ್ ಮೂಲದ ಆಕ್ಸ್‌ಫರ್ಡ್ ನ್ಯಾನೋಫೋರ್ ಟೆಕ್ನಾಲಜೀಸ್ (Oxford Nanopore Technologies - ONT) ಸಂಸ್ಥೆಗಳ ಸಹಭಾಗಿತ್ವದಲ್ಲಿ ರೂಪುಗೊಂಡಿದೆ.
➤ ಪ್ರಮುಖ ಉದ್ದೇಶಗಳು:
- ಜೀನೋಮಿಕ್ ಸಂಶೋಧನೆಯನ್ನು ಉತ್ತೇಜಿಸುವುದು.
- ಹೊಸ ತಂತ್ರಜ್ಞಾನಗಳನ್ನು ಆನುವಂಶಿಕ ಪ್ರಯೋಗಿಕ ಬಳಕೆಗೆ (Translational Applications) ತರುವುದು.
- ವೈಜ್ಞಾನಿಕ ಸಂಶೋಧನೆಗಳನ್ನು ವಾಣಿಜ್ಯೀಕರಣಗೊಳಿಸುವುದು ಮತ್ತು ಸಂಶೋಧನಾ ಸಂಸ್ಥೆಗಳ ನಡುವೆ ನಿಕಟ ಸಂಪರ್ಕ ಕಲ್ಪಿಸುವುದು.
➤ ಸಾರ್ವಜನಿಕ ಆರೋಗ್ಯದಲ್ಲಿ ಬಳಕೆ (Public Health Applications):
- ಅಪರೂಪದ ಆನುವಂಶಿಕ ಕಾಯಿಲೆಗಳು (Rare Diseases), ಕ್ಯಾನ್ಸರ್, ಮತ್ತು ಸಾಂಕ್ರಾಮಿಕ ರೋಗಗಳ ಕಣ್ಗಾವಲು (Infectious-disease Surveillance).
- ತಾಯಿ ಮತ್ತು ಮಗುವಿನ ಆರೋಗ್ಯ ರಕ್ಷಣೆಗಾಗಿ ನವಜಾತ ಶಿಶುಗಳ ತಪಾಸಣೆ (Newborn Screening).
- ಬಾಯಿಯ ಕ್ಯಾನ್ಸರ್ (Oral Cancer) ಕ್ಷೇತ್ರದಲ್ಲಿ ಜೀನೋಮಿಕ್ ಅನ್ವಯಗಳ ಅಧ್ಯಯನ.
➤ ಮೂಲಭೂತ ಪರಿಕಲ್ಪನೆಗಳು:
- ಜೀನೋಮಿಕ್ಸ್ (Genomics): ಜೀವಿಯೊಂದರ ಸಂಪೂರ್ಣ ಅನುವಂಶಿಕ ವಸ್ತುವಿನ (DNA) ರಚನೆ, ಕಾರ್ಯಗಳು, ಮತ್ತು ಜೀನ್‌ಗಳ ನಡುವಿನ ಪರಸ್ಪರ ಕ್ರಿಯೆಗಳನ್ನು ಅಧ್ಯಯನ ಮಾಡುವ ಜೀವವಿಜ್ಞಾನದ ಶಾಖೆಯಾಗಿದೆ.
- ಡಿಎನ್ಎ ಸೀಕ್ವೆನ್ಸಿಂಗ್ (DNA Sequencing): DNA ಯಲ್ಲಿರುವ ನ್ಯೂಕ್ಲಿಯೋಟೈಡ್ ಬೇಸ್‌ಗಳ (A, T, C, G) ಸರಿಯಾದ ಸರಣಿ ಅಥವಾ ಅನುಕ್ರಮವನ್ನು ಕಂಡುಹಿಡಿಯುವ ತಂತ್ರಜ್ಞಾನ.
- ಆಕ್ಸ್‌ಫರ್ಡ್ ನ್ಯಾನೋಫೋರ್ ತಂತ್ರಜ್ಞಾನ (Nanopore Technology): ಈ ತಂತ್ರಜ್ಞಾನದಲ್ಲಿ ನ್ಯೂಕ್ಲಿಕ್ ಆಮ್ಲದ ಅಣುಗಳು (DNA/RNA) ಸಣ್ಣ ಸೂಕ್ಷ್ಮ ರಂಧ್ರಗಳ (Nanopores) ಮೂಲಕ ಹಾದುಹೋಗುವಾಗ ಉಂಟಾಗುವ ವಿದ್ಯುತ್ ಪ್ರವಾಹದ (Electrical Current) ಬದಲಾವಣೆಗಳನ್ನು ವಿಶ್ಲೇಷಿಸಿ DNA ಸರಣಿಯನ್ನು ವೇಗವಾಗಿ ಪತ್ತೆಹಚ್ಚಲಾಗುತ್ತದೆ.