➤ ಜಾಗತಿಕ ತಂತ್ರಜ್ಞಾನ ದೈತ್ಯ ಗೂಗಲ್ (Google) ತನ್ನ ಗೂಗಲ್ ಡಿಪ್‌ಮೈಂಡ್ (Google DeepMind) ನ 'ಆಂಥೋಕೃಷಿ' (AnthroKrishi) ಸಂಶೋಧನಾ ತಂಡದ ಮೂಲಕ ಭಾರತದ ಕೃಷಿ ರಂಗಕ್ಕೆ ನೆರವಾಗಲು 'ALU' ಮತ್ತು 'AMED' ಎಂಬ ಎರಡು ನೂತನ ಕೃತಕ ಬುದ್ಧಿಮತ್ತೆ (AI) ಮಾದರಿಗಳನ್ನು ಬಿಡುಗಡೆ ಮಾಡಿದೆ. ಇವು ಉಪಗ್ರಹ ಆಧಾರಿತ ಡೇಟಾವನ್ನು ಬಳಸಿಕೊಂಡು ಕೃಷಿ ಭೂಮಿಯ ನಿರ್ವಹಣೆ ಮತ್ತು ಬೆಳೆಗಳ ಮೇಲ್ವಿಚಾರಣೆಯಲ್ಲಿ ಕ್ರಾಂತಿಕಾರಿ ಬದಲಾವಣೆ ತರಲಿವೆ.➤ ALU (Agricultural Landscape Understanding): ಕೃಷಿ ಭೂಮಿಯ ಗಡಿಗಳನ್ನು (Farm Boundaries) ಗುರುತಿಸುವುದು, ಜಮೀನಿನಲ್ಲಿರುವ ಮರಗಳು ಮತ್ತು ನೀರಿನ ಮೂಲಗಳನ್ನು (Water Bodies) ನಕ್ಷೆ ರೂಪದಲ್ಲಿ ಡಿಜಿಟಲೀಕರಿಸುವುದು. ವೈಶಿಷ್ಟ್ಯ: ಉಪಗ್ರಹ ಚಿತ್ರಣ (Satellite Imagery) ಮತ್ತು ಮಿಷನ್ ಲರ್ನಿಂಗ್ ಬಳಸಿ ಪ್ರತಿಯೊಂದು ಜಮೀನಿನ ನಿಖರ ಗಡಿಯನ್ನು ಮೀಟರ್ ಮಟ್ಟದ ಸ್ಪಷ್ಟತೆಯಲ್ಲಿ ಗುರುತಿಸುತ್ತದೆ. ➤ AMED (Agricultural Monitoring & Event Detection): ಬೆಳೆಗಳ ಪ್ರಸ್ತುತ ಸ್ಥಿತಿ, ಬಿತ್ತನೆ ಮತ್ತು ಕೊಯ್ಲು ಸಮಯ, ನೀರಾವರಿ ಸ್ಥಿತಿಗತಿ ಹಾಗೂ ಬೆಳೆ ಹಾನಿಯ ಮೇಲ್ವಿಚಾರಣೆ ಮಾಡುತ್ತದೆ. ವೈಶಿಷ್ಟ್ಯ: ನೈಜ ಸಮಯದಲ್ಲಿ (In-season intelligence) ಕೃಷಿ ಚಟುವಟಿಕೆಗಳ ಮೇಲ್ವಿಚಾರಣೆ ನಡೆಸಲು ಇದು ಸಹಕಾರಿ. ➤ ಕರ್ನಾಟಕ ಮತ್ತು ತೆಲಂಗಾಣದಲ್ಲಿ ಯಶಸ್ವಿ ಅನುಷ್ಠಾನ:- ಕರ್ನಾಟಕ ಜಲಸಂಪನ್ಮೂಲ ಇಲಾಖೆ: ಕರ್ನಾಟಕ ಸರ್ಕಾರವು ಈಗಾಗಲೇ ತನ್ನ 2.6 ಮಿಲಿಯನ್ ಹೆಕ್ಟೇ‌ರ್ ನೀರಾವರಿ ಪ್ರದೇಶದ ಪರಿಣಾಮಕಾರಿ ನಿರ್ವಹಣೆಗೆ, ಸ್ಥಳೀಯ ಹವಾಮಾನ ಮಾಹಿತಿ ಮತ್ತು ಗೂಗಲ್ ಎಐ ಉಪಗ್ರಹ ಡೇಟಾವನ್ನು ಯಶಸ್ವಿಯಾಗಿ ಸಂಯೋಜಿಸಿ ಬಳಸಿಕೊಳ್ಳುತ್ತಿದೆ. - ತೆಲಂಗಾಣ ಕೃಷಿ ಡೇಟಾ ವಿನಿಮಯ (ADeX): ತೆಲಂಗಾಣ ಸರ್ಕಾರವು ತನ್ನ ರಾಜ್ಯದ 50 ಲಕ್ಷಕ್ಕೂ ಹೆಚ್ಚು ರೈತರಿಗೆ ಡಿಜಿಟಲ್ ಕೃಷಿ ಸೇವೆಗಳನ್ನು ತಲುಪಿಸಲು ಈ ಮಾದರಿಗಳನ್ನು ಬಳಸುತ್ತಿದೆ. ➤ ಏಷ್ಯಾ-ಪೆಸಿಫಿಕ್ ಮತ್ತು ಆಫ್ರಿಕಾ ಖಂಡಗಳಿಗೂ ವಿಸ್ತರಣೆ: ಭಾರತಕ್ಕಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಈ ಎಐ ತಂತ್ರಜ್ಞಾನಗಳನ್ನು, ಈಗ ಏಷ್ಯಾ-ಪೆಸಿಫಿಕ್ ಮತ್ತು ಆಫ್ರಿಕಾದ 11 ದೇಶಗಳಲ್ಲಿ ಪರೀಕ್ಷಾರ್ಥವಾಗಿ ವಿಸ್ತರಿಸಲಾಗುತ್ತಿದೆ. ಅಲ್ಲದೆ, ವಿಶ್ವಸಂಸ್ಥೆಯ ಆಹಾರ ಮತ್ತು ಕೃಷಿ ಸಂಸ್ಥೆ (FAO) ಯ 'CROPGRIDS' ಯೋಜನೆಗೂ ಇದನ್ನು ಸಂಯೋಜಿಸಲಾಗುತ್ತಿದೆ.
