ಜಪಾನ್ ದೇಶದಿಂದ ಭಾರತಕ್ಕೆ 14,889 ಕೋಟಿ ರೂ. ಸಾಲ
Published by Basavaraj Halli
27 ಮಾರ್ಚ್ 2021
* ಜಪಾನ್ ದೇಶವು ಭಾರತ ದೇಶಕ್ಕೆ 14,889 ಕೋಟಿ ರೂ. ಸಾಲ ನೀಡಲಿದೆ ಎಂದು ತಿಳಿದು ಬಂದಿದೆ.
* ಈ ಸಾಲದಿಂದಾಗಿ ಭಾರತದ ಯೋಜನೆಗಳಿಗೆ ಅಂದರೆ ದೆಹಲಿ ಮತ್ತು ಬೆಂಗಳೂರಿನಲ್ಲಿ ಮೆಟ್ರೋ ರೈಲು ವಿಸ್ತರಣೆ ಯೋಜನೆ, ಹೀಗೆ ಇನ್ನಿತರ ಯೋಜನೆಗಳಿಗೆ ಈ ಹಣವನ್ನು ಬಳಕೆ ಮಾಡಲಾಗುತ್ತದೆ ಎಂದು ತಿಳಿಸಲಾಗಿದೆ.
* ಜಪಾನ್ ದೇಶ ನೀಡುವ ಸಾಲದಿಂದ, ಹಿಮಾಚಲ ಪ್ರದೇಶದ ಬೆಳೆ ವೈವಿಧ್ಯೀಕರಣ ಯೋಜನೆ, ರಾಜಸ್ಥಾನದಲ್ಲಿ ಗ್ರಾಮೀಣ ನೀರು ಸರಬರಾಜು ಯೋಜನೆ, ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿನ ವಿದ್ಯುತ್ ಸರಬರಾಜು ಪರಿಸ್ಥಿತಿ ಸುಧಾರಿಸಲು 4 ಬಿಲಿಯನ್ ಯೆನ್ ಅನುದಾನದ ಹಣವನ್ನು ಬಳಸಿಕೊಳ್ಳಲಾಗುತ್ತದೆ ಎಂದು ತಿಳಿಸಿದೆ.
* ಭಾರತದ ಆರ್ಥಿಕ ವ್ಯವಹಾರಗಳ ಇಲಾಖೆಯ ಕಾರ್ಯದರ್ಶಿ ಸಿ.ಎಸ್ ಮೊಹಾಪಾತ್ರ ಮತ್ತು ಜಪಾನಿನ ರಾಯಭಾರಿ ಸುಜುಕಿ ಸಟೋಶಿ ರವರು ಈ ಒಪ್ಪಂದಕ್ಕೆ ಪರಸ್ಪರ ಒಪ್ಪಿಗೆಯನ್ನು ನೀಡಿ ಸಹಿ ಹಾಕಿದರು.
* ಜಪಾನಿನಿಂದ ಪಡೆದ ಸಾಲದಲ್ಲಿ 120 ಬಿಲಿಯನ್ ಯೆನ್ ದೆಹಲಿ ಮೆಟ್ರೋ ಯೋಜನೆ ಸಲುವಾಗಿ ಮತ್ತು 50 ಬಿಲಿಯನ್ ಯೆನ್ ಬೆಂಗಳೂರು ಮೆಟ್ರೋ ಯೋಜನೆಗೆ ಬಳಸಿಕೊಳ್ಳಲಿದೆ.
* 45 ಬಿಲಿಯನ್ ಯೆನ್ ಸಾಲದಿಂದ ರಾಜಸ್ಥಾನದಲ್ಲಿ ನೀರಿನ ಯೋಜನೆ ಕಾಮಕಾರಿಗೆ ಬಳಸಿಕೊಳ್ಳಲಾಗುವದು ಎಂದು ಭಾರತ ಸರ್ಕಾರ ತಿಳಿಸಿದೆ.