ಬೆಂಗಳೂರು: ಭಾರತದ ಮಹತ್ವಾಕಾಂಕ್ಷೆಯ ಚೊಚ್ಚಲ ಗಗನಯಾನದ ಭಾಗವಾಗಿ ಮೊದಲ ಮಾನವ ರಹಿತ ಮಿಷನ್ ಈ ವರ್ಷ ಡಿಸೆಂಬರ್​ನಲ್ಲಿ ಉಡಾವಣೆಯಾಗಲಿದೆ ಎಂದು ಇಸ್ರೋ ಮುಖ್ಯಸ್ಥ ಕೆ.ಶಿವನ್ ಹೇಳಿದ್ದಾರೆ. 'ಹ್ಯೂಮನ್ ಸ್ಪೇಸ್​ಲೈಟ್ ಆಯಂಡ್ ಎಕ್ಸ್​ಪ್ಲೋರೇಷನ್- ಪ್ರಸೆಂಟ್​ ಚಾಲೆಂಜಸ್ ಆಯಂಡ್ ಫ್ಯೂಚರ್ ಟ್ರೆಂಡ್ಸ್​' ಕುರಿತ ಸಿಂಪೋಸಿಯಂನ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ಭಾರತದ ಮಹತ್ವಾಕಾಂಕ್ಷೆಯ ಮಾನವ ಸಹಿತ ಚಂದ್ರಯಾನ 2021ರ ಡಿಸೆಂಬರ್​ನಲ್ಲಿ ನಡೆಸಲು ಉದ್ದೇಶಿಸಿದ್ದು, ಅದಕ್ಕೂ ಪೂರ್ವಭಾವಿಯಾಗಿ ಎರಡು ಮಾನವರಹಿತ ಮಿಷನ್​ಗಳನ್ನು 2020ರ ಡಿಸೆಂಬರ್ ಮತ್ತು 2021ರ ಜೂನ್​ನಲ್ಲಿ ನಿರ್ವಹಿಸಲಾಗುವುದು ಎಂದು ವಿವರಿಸಿದರು.