➤ ಭಾರತ ಮತ್ತು ಬಾಂಗ್ಲಾದೇಶಗಳ ನಡುವೆ ಗಡಿ ಭದ್ರತೆ, ಶಾಂತಿ ಮತ್ತು ಸ್ಥಿರತೆಯನ್ನು ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ಅತ್ಯಂತ ಪ್ರಮುಖವಾದ 57ನೇ ದ್ವೈವಾರ್ಷಿಕ ಮಹಾನಿರ್ದೇಶಕರ ಮಟ್ಟದ ಗಡಿ ಸಮನ್ವಯ ಸಭೆಯು ನವದೆಹಲಿಯಲ್ಲಿ ಯಶಸ್ವಿಯಾಗಿ ಮುಕ್ತಾಯಗೊಂಡಿದೆ. ನಾಲ್ಕು ದಿನಗಳ ಕಾಲ ನಡೆದ ಈ ಸುದೀರ್ಘ ಚರ್ಚೆಯಲ್ಲಿ ಉಭಯ ದೇಶಗಳ ಅಂತರರಾಷ್ಟ್ರೀಯ ಗಡಿಯಲ್ಲಿ ಎದುರಾಗುತ್ತಿರುವ ಗಂಭೀರ ಸವಾಲುಗಳು ಮತ್ತು ದ್ವಿಪಕ್ಷೀಯ ಬಾಂಧವ್ಯ ವೃದ್ಧಿಯ ಕುರಿತು ವಿಸ್ತೃತವಾಗಿ ಚರ್ಚಿಸಲಾಗಿದೆ.
➤ ಸಭೆಯ ಪ್ರಮುಖ ನಿರ್ಣಯಗಳು ಮತ್ತು ಚರ್ಚಿತ ವಿಷಯಗಳು:
1. ಗಡಿ ಅಪರಾಧಗಳ ತಡೆಗೆ 'ಶೂನ್ಯ ಸಹಿಷ್ಣುತೆ' (Zero Tolerance): ಅಂತರರಾಷ್ಟ್ರೀಯ ಗಡಿ ಭಾಗದಲ್ಲಿ ಸವಾಲಾಗಿರುವ ಮಾದಕ ದ್ರವ್ಯ ಸಾಗಣೆ (Narcotics), ಶಸ್ತ್ರಾಸ್ತ್ರಗಳ ಕಳ್ಳಸಾಗಣೆ, ನಕಲಿ ನೋಟು ದಂಧೆ (FICN), ಚಿನ್ನದ ಕಳ್ಳಸಾಗಣೆ ಮತ್ತು ಮಾನವ ರೇಫಿಕಿಂಗ್ (Human Trafficking) ನಂತಹ ಗಡಿಯಾಚೆಗಿನ ಅಪರಾಧಗಳನ್ನು ತಡೆಯಲು ಉಭಯ ಪಡೆಗಳು 'ಶೂನ್ಯ ಸಹಿಷ್ಣುತೆ' ನೀತಿಯನ್ನು ಅಳವಡಿಸಿಕೊಳ್ಳಲು ಒಪ್ಪಿಕೊಂಡಿವೆ.
2. ಅಕ್ರಮ ನುಸುಳುವಿಕೆ ಮತ್ತು ಬಲವಂತದ ಗಡಿ ದಾಟುವಿಕೆ (Illegal & Forced Border Crossings):
  • ಭಾರತಕ್ಕೆ ಬಾಂಗ್ಲಾದೇಶಿ ಪ್ರಜೆಗಳು ಹಾಗೂ ರೋಹಿಂಗ್ಯಾ ನಿರಾಶ್ರಿತರ ಅಕ್ರಮ ವಲಸೆಯನ್ನು ತಡೆಯುವ ಕುರಿತು ಬಿಎಸ್‌ಎಫ್ ಕಳವಳ ವ್ಯಕ್ತಪಡಿಸಿದೆ.
  • ಇತ್ತೀಚೆಗೆ ಗಡಿಯಲ್ಲಿ ನಡೆಯುತ್ತಿರುವ ಬಲವಂತದ ನುಸುಳುವಿಕೆ (Push-ins/Push-backs) ಹಾಗೂ ಕಾನೂನುಬಾಹಿರ ಗಡಿ ದಾಟುವಿಕೆ ಪ್ರಕರಣಗಳನ್ನು ದ್ವಿಪಕ್ಷೀಯ ರಾಜತಾಂತ್ರಿಕ ನಿಯಮಾವಳಿಗಳ ಪ್ರಕಾರವೇ ಬಗೆಹರಿಸಲು ತೀರ್ಮಾನಿಸಲಾಯಿತು.
  • ಭಾರತದಲ್ಲಿ ಅಕ್ರಮವಾಗಿ ನೆಲೆಸಿರುವ ವಲಸಿಗರ ರಾಷ್ಟ್ರೀಯತೆ ಪರಿಶೀಲನೆ (Nationality Verification) ಪ್ರಕ್ರಿಯೆಯನ್ನು ವೇಗಗೊಳಿಸಲು ಮತ್ತು ಅವರ ಸುರಕ್ಷಿತ ಸ್ವದೇಶ ವಾಪಸಾತಿ (Repatriation) ಪ್ರಕ್ರಿಯೆಗೆ ಒತ್ತು ನೀಡಲು ಚರ್ಚಿಸಲಾಯಿತು.
3. ಗಡಿ ಸಾವುಗಳ ಕಡಿತ ಮತ್ತು ಸಮನ್ವಯ ಗಸ್ತು (Coordinated Border Management): ಗಡಿ ಭಾಗದಲ್ಲಿ ಉಂಟಾಗುತ್ತಿರುವ ಸಾವುಗಳನ್ನು ಸಂಪೂರ್ಣವಾಗಿ ಶೂನ್ಯಕ್ಕೆ ಇಳಿಸಲು ಉಭಯ ಪಡೆಗಳು ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಿವೆ. ಇದಕ್ಕಾಗಿ ಜಂಟಿ ಸಮನ್ವಯ ಗಸ್ತು (Coordinated Patrols) ಹೆಚ್ಚಿಸುವುದು, ನೈಜ-ಸಮಯದ ಮಾಹಿತಿ ಹಂಚಿಕೆ (Real-time Information Sharing) ಮತ್ತು ಗಡಿ ಜಾಗೃತಿಯನ್ನು ತೀವ್ರಗೊಳಿಸಲು ನಿರ್ಧರಿಸಲಾಗಿದೆ.
4. ಗಡಿ ಮೂಲಸೌಕರ್ಯ ಅಭಿವೃದ್ಧಿ (Border Infrastructure): ಗಡಿ ಬೇಲಿ ನಿರ್ಮಾಣ, ಹಗಲು-ರಾತ್ರಿ ಕಣ್ಗಾವಲು ವ್ಯವಸ್ಥೆಗಳ ಅಳವಡಿಕೆ ಹಾಗೂ 'ಸಮನ್ವಯ ಗಡಿ ನಿರ್ವಹಣಾ ಯೋಜನೆ'ಯನ್ನು (CBMP) ಪರಿಣಾಮಕಾರಿಯಾಗಿ ಜಾರಿಗೊಳಿಸುವ ಬಗ್ಗೆ ಜೂನ್ 11 ರಂದು ನಡೆದ ಉಭಯ ದೇಶಗಳ ಜಂಟಿ ಚರ್ಚೆಯ ದಾಖಲೆಗಳಿಗೆ (Joint Record of Discussions) ಸಹಿ ಹಾಕಲಾಯಿತು.