Job Description: ➤ ಚೀನಾದ 'ಇನ್‌ಸ್ಟಿಟ್ಯೂಟ್ ಆಫ್ ಪ್ಲಾಸ್ಮಾ ಫಿಸಿಕ್ಸ್' (Chinese Academy of Sciences) ತನ್ನ ಕೃತಕ ಸೂರ್ಯ ಯೋಜನೆಗಾಗಿ 582 ಟನ್ ತೂಕದ ವಿಶ್ವದ ಅತಿ ದೊಡ್ಡ 'ಟೊರೊಯ್ಡಲ್ ಫೀಲ್ಡ್ ಸೂಪರ್‌ಕಂಡಕ್ಟಿಂಗ್ ಮ್ಯಾಗ್ನೆಟ್' ಅನ್ನು ಯಶಸ್ವಿಯಾಗಿ ನಿರ್ಮಿಸಿ ಪರೀಕ್ಷಿಸಿದೆ. ಸಾಧನದ ಗಾತ್ರ: 21 ಮೀಟರ್ ಉದ್ದ, 12 ಮೀಟರ್ ಅಗಲ ಹಾಗೂ D-ಆಕಾರದ ವಿನ್ಯಾಸ. ವಿಶೇಷತೆ: ಅಂತರರಾಷ್ಟ್ರೀಯ ITER ಯೋಜನೆಯಲ್ಲಿ ಬಳಸಲಾದ ಮ್ಯಾಗ್ನೆಟ್‌ಗಳಿಗಿಂತ 1.3 ಪಟ್ಟು ದೊಡ್ಡದು ಹಾಗೂ 3 ಪಟ್ಟು ಹೆಚ್ಚು ಶಕ್ತಿ ಸಂಗ್ರಹಿಸುವ ಸಾಮರ್ಥ್ಯ ಹೊಂದಿದೆ. ಮುಖ್ಯ ಉದ್ದೇಶ: 100 ಮಿಲಿಯನ್ °C ಗೂ ಹೆಚ್ಚಿನ ಉಷ್ಣಾಂಶದ ಪ್ಲಾಸ್ಮಾವನ್ನು ಸುರಕ್ಷಿತವಾಗಿ ನಿಯಂತ್ರಿಸಿ ಪರಮಾಣು ಸಮ್ಮಿಳನ (Nuclear Fusion) ಮೂಲಕ ಮಿತಿಯಿಲ್ಲದ ಶುದ್ಧ ವಿದ್ಯುತ್ ಉತ್ಪಾದಿಸುವುದು. ➤ ವಿಶ್ವಕ್ಕೆ ಸ್ವಚ್ಛ ಮತ್ತು ಮಾಲಿನ್ಯರಹಿತ ಶಕ್ತಿಯನ್ನು ಒದಗಿಸುವ ನಿಟ್ಟಿನಲ್ಲಿ ಚೀನಾ ಮಹತ್ವದ ಮೈಲಿಗಲ್ಲು ಸಾಧಿಸಿದೆ. ಚೀನಾ ತನ್ನ 'ಕೃತಕ ಸೂರ್ಯ' (Artificial Sun) ಯೋಜನೆಯ ಭಾಗವಾಗಿ, ಪರಮಾಣು ಸಮ್ಮಿಳನ ರಿಯಾಕ್ಟರ್‌ಗೆ (Fusion Reactor) ಅತ್ಯಂತ ಅಗತ್ಯವಿರುವ ಸೂಪರ್‌ಕಂಡಕ್ಟಿಂಗ್ ಮ್ಯಾಗ್ನೆಟ್‌ ಅನ್ನು ಯಶಸ್ವಿಯಾಗಿ ಸಿದ್ಧಪಡಿಸಿದೆ.➤ ಮ್ಯಾಗ್ನೆಟ್‌ ಹೇಗೆ ಕೆಲಸ ಮಾಡುತ್ತದೆ? ಪ್ಲಾಸ್ಮಾ ನಿಯಂತ್ರಣ: ರಿಯಾಕ್ಟರ್ ಒಳಗಡೆ ಜಲಜನಕದ ಪರಮಾಣುಗಳು ಸಮ್ಮಿಳನಗೊಂಡಾಗ ತಾಪಮಾನವು 100 ಮಿಲಿಯನ್ ಡಿಗ್ರಿ ಸೆಲ್ಸಿಯಸ್‌ಗಿಂತ ಹೆಚ್ಚಾಗುತ್ತದೆ. ಈ ಹಂತದಲ್ಲಿ ಅನಿಲವು 'ಪ್ಲಾಸ್ಮಾ' (Plasma) ರೂಪಕ್ಕೆ ತಿರುಗುತ್ತದೆ. ಗೋಡೆಗಳ ರಕ್ಷಣೆ: ಅತಿಯಾದ ಶಾಖದಿಂದ ರಿಯಾಕ್ಟರ್‌ನ ಲೋಹದ ಗೋಡೆಗಳು ಕರಗಿಹೋಗದಂತೆ ತಡೆಯಲು, ಈ ಅತ್ಯಂತ ಶಕ್ತಿಯುತ ಕಾಂತೀಯ ಕ್ಷೇತ್ರವನ್ನು (Magnetic Field) ಬಳಸಲಾಗುತ್ತದೆ. ಇದು ಪ್ಲಾಸ್ಮಾವನ್ನು ಗಾಳಿಯಲ್ಲೇ ಹಿಡಿದಿಟ್ಟುಕೊಳ್ಳುತ್ತದೆ. ಶೂನ್ಯ ನಿರೋಧಕತೆ: ಈ ಮ್ಯಾಗ್ನೆಟ್ ಮೈನಸ್ 269°C (-269°C) ಅತಿಯಾದ ಶೀತ ವಾತಾವರಣದಲ್ಲಿ ಕೆಲಸ ಮಾಡುತ್ತದೆ. ಇದು ಯಾವುದೇ ವಿದ್ಯುತ್ ಪೋಲಾಗದಂತೆ (Zero Electrical Resistance) 100,000 ಆಂಪೇರ್‌ಗಿಂತ ಹೆಚ್ಚಿನ ವಿದ್ಯುತ್ ಪ್ರವಾಹವನ್ನು ಸಾಗಿಸುತ್ತದೆ. ➤ ಚೀನಾದ 'ಕೃತಕ ಸೂರ್ಯ' (EAST) ಯೋಜನೆ ಮತ್ತು ಗುರಿಗಳು: EAST (Experimental Advanced Superconducting Tokamak): ಚೀನಾದ ಕೃತಕ ಸೂರ್ಯ ಸಾಧನವು ಈಗಾಗಲೇ 100 ಮಿಲಿಯನ್ °C ತಾಪಮಾನದಲ್ಲಿ ಪ್ಲಾಸ್ಮಾವನ್ನು 1,066 ಸೆಕೆಂಡುಗಳ ಕಾಲ ಕಾಯ್ದುಕೊಳ್ಳುವ ಮೂಲಕ ವಿಶ್ವ ದಾಖಲೆ ನಿರ್ಮಿಸಿದೆ. ಸ್ವದೇಶಿ ತಂತ್ರಜ್ಞಾನ: ಈ ಮ್ಯಾಗ್ನೆಟ್ ಅನ್ನು ಚೀನಾ ಸಂಪೂರ್ಣವಾಗಿ ತನ್ನದೇ ದೇಶದ ಕಚ್ಚಾವಸ್ತು ಹಾಗೂ ತಂತ್ರಜ್ಞಾನ ಬಳಸಿ ತಯಾರಿಸಿದ್ದು, ವಿದೇಶಿ ಅವಲಂಬನೆಯನ್ನು ತಪ್ಪಿಸಿದೆ. ಭವಿಷ್ಯದ ಗುರಿ: ಚೀನಾ 2027 ರ ವೇಳೆಗೆ 'ಬರ್ನಿಂಗ್ ಪ್ಲಾಸ್ಮಾ ಎಕ್ಸ್‌ಪೆರಿಮೆಂಟಲ್ ಟೊಕಮ್ಯಾಕ್' ಪೂರ್ಣಗೊಳಿಸಿ, 2030 ರ ವೇಳೆಗೆ ಪ್ರಥಮ ವಾಣಿಜ್ಯಿಕ ಸಮ್ಮಿಳನ ವಿದ್ಯುತ್ ಉತ್ಪಾದನೆಯ ಗುರಿ ಹೊಂದಿದೆ. KAS, PSI, PC, FDA, SDA, RRB, PDO ಸೇರಿದಂತೆ ಇನ್ನಿತರ ಪರೀಕ್ಷೆಗಳ ಹಳೆ ಪ್ರಶ್ನೆ ಪತ್ರಿಕೆಗಳನ್ನು ಅಭ್ಯಾಸ ಮಾಡಲು ಇಲ್ಲಿ ಕ್ಲಿಕ್ ಮಾಡಿ
