* ದುಬೈನಲ್ಲಿ ನಡೆದ ಸೆಮಿಫೈನಲ್‌ನಲ್ಲಿ ಆಸ್ಟ್ರೇಲಿಯಾವನ್ನು 4 ವಿಕೆಟ್ ಗಳಿಂದ ಮಣಿಸಿದ ಭಾರತ, 2025ರ ಚಾಂಪಿಯನ್ಸ್ ಟ್ರೋಫಿ ಫೈನಲ್‌ಗೆ ಪ್ರವೇಶಿಸಿದೆ.
* ಕೊಹ್ಲಿ (84), ಶ್ರೇಯಸ್ ಅಯ್ಯರ್ (45), ಮತ್ತು ಕೆಎಲ್ ರಾಹುಲ್ (ಅಜೇಯ 42) ಭರ್ಜರಿ ಬ್ಯಾಟಿಂಗ್ ತೋರಿದರು. ಭಾರತದ ಇದು 5ನೇ ಚಾಂಪಿಯನ್ಸ್ ಟ್ರೋಫಿ ಫೈನಲ್.
* ಟೀಮ್ ಇಂಡಿಯಾ 265 ರನ್ ಗುರಿ ಬೆನ್ನಟ್ಟುವಾಗ ಪವರ್ ಪ್ಲೇನಲ್ಲೇ ಶುಭ್‍ಮನ್ ಗಿಲ್ (8) ಔಟಾದರು. ರೋಹಿತ್ ಶರ್ಮಾ 29 ಎಸೆತಗಳಲ್ಲಿ 28 ರನ್ ಗಳಿಸಿದ ಬಳಿಕ, ಐಸಿಸಿ ಟೂರ್ನಮೆಂಟ್‌ಗೆ ಹೊಸದಾಗಿ ಬಂದ ಕೂಪರ್ ಕೊನೊಲಿ ಬೌಲಿಂಗ್‌ನಲ್ಲಿ ಎಲ್‍ಬಿಡಬ್ಲ್ಯೂ ಆಗಿ ಪೆವಿಲಿಯನ್ ಸೇರಿದರು.
* ಕೊಹ್ಲಿ ಮತ್ತು ಶ್ರೇಯಸ್ ಅಯ್ಯರ್ 3ನೇ ವಿಕೆಟ್‌ಗೆ 91 ರನ್ ಜೊತೆಯಾಟ ನೀಡಿದರು. ಶ್ರೇಯಸ್ 45 ರನ್ (62 ಎಸೆತ, 3 ಬೌಂಡರಿ) ಗಳಿಸಿ ಜಂಪಾ ಬೌಲಿಂಗ್‌ನಲ್ಲಿ ಬೌಲ್ಡ್ ಆದರು.
* ಅಕ್ಷರ್ ಪಟೇಲ್ 30 ಎಸೆತಗಳಲ್ಲಿ 27 ರನ್ ಗಳಿಸಿದರು. ಕೊಹ್ಲಿ ಜೊತೆ 44 ರನ್ ಜೊತೆಯಾಟವಾಡಿ. ಕೊಹ್ಲಿ 84 ರನ್ (98 ಎಸೆತ, 5 ಬೌಂಡರಿ) ಗಳಿಸಿ ಶತಕದ ಹೊಸ್ತಿಲಲ್ಲಿ 16 ರನ್ ಅಲ್ಪವಾಗಿ ಮಿಸ್ ಮಾಡಿದರು.
* ಹಾರ್ದಿಕ್ ಪಾಂಡ್ಯ 28 (24) ಮತ್ತು ಕೆಎಲ್ ರಾಹುಲ್ ಅಜೇಯ 42 (34) ರನ್ ಕಲೆಹಾಕಿ ತಂಡವನ್ನು ಗೆಲುವಿಗೆ ಮುನ್ನಡೆಸಿದರು.
* ಆಸ್ಟ್ರೇಲಿಯಾ ಪರ ನೇಥನ್ ಎಲ್ಲಿಸ್ 2/49, ಆ್ಯಡಂ ಜಂಪಾ 2/60, ಬೆನ್ ದ್ವಾರ್ಶುಯಸ್ 1/39, ಕೊನೊಲಿ 1/37 ವಿಕೆಟ್ ಪಡೆದರು.
* ಭಾರತದ ಪರ ಮೊಹಮ್ಮದ್ ಶಮಿ 48ಕ್ಕೆ 3, ವರುಣ್ ಚಕ್ರವರ್ತಿ 49ಕ್ಕೆ 2, ರವೀಂದ್ರ ಜಡೇಜಾ 40ಕ್ಕೆ2 ವಿಕೆಟ್ ಪಡೆದು ಮಿಂಚಿದರು.
* ಭಾರತ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯಲ್ಲಿ ದಾಖಲೆಯ 5ನೇ ಬಾರಿಗೆ ಫೈನಲ್ ಪ್ರವೇಶಿಸಿದೆ. 2000ರಲ್ಲಿ ಮೊದಲ ಬಾರಿ ಫೈನಲ್ ಸೇರಿ ಸೋತಿದ್ದು, 2002ರಲ್ಲಿ ಶ್ರೀಲಂಕಾ ಜೊತೆ ಜಂಟಿ ಚಾಂಪಿಯನ್ ಆಗಿತ್ತು. 2013ರಲ್ಲಿ ಇಂಗ್ಲೆಂಡ್ ವಿರುದ್ಧ ಗೆದ್ದು ಚಾಂಪಿಯನ್ ಆಗಿದ್ದು, 2017ರಲ್ಲಿ ಪಾಕಿಸ್ತಾನ ವಿರುದ್ಧ ಸೋತು ರನ್ನರ್ ಅಪ್ ಆಗಿತ್ತು. ಈಗ ಸತತ ಮೂರನೇ ಬಾರಿಗೆ ಫೈನಲ್ ಸೇರಿದೆ.