➤ 2026ರ ಜುಲೈ 1 ರಂದು ಭಾರತವು ತನ್ನ 77ನೇ ಸಿಎ ದಿನವನ್ನು ಆಚರಿಸಿಕೊಳ್ಳುತ್ತಿದೆ. ದೇಶದ ಹಣಕಾಸು ವ್ಯವಸ್ಥೆಯನ್ನು ಸುಸ್ಥಿತಿಯಲ್ಲಿಡುವಲ್ಲಿ ಮತ್ತು ತೆರಿಗೆ ನಿಯಮಗಳ ಪಾಲನೆಯನ್ನು ಖಚಿತಪಡಿಸುವಲ್ಲಿ ಸಿಎಗಳ ಪಾತ್ರ ಅನನ್ಯವಾಗಿದೆ.
➤ ಭಾರತಕ್ಕೆ ಸ್ವಾತಂತ್ರ್ಯ ಸಿಕ್ಕ ನಂತರ, ದೇಶದ ಆರ್ಥಿಕ ಮತ್ತು ಸಾಂಸ್ಥಿಕ ರಂಗವನ್ನು ನಿಯಂತ್ರಿಸಲು ಒಂದು ಸ್ವಾಯತ್ತ ಸಂಸ್ಥೆಯ ಅಗತ್ಯವಿತ್ತು. ಇದಕ್ಕಾಗಿ 1948 ರಲ್ಲಿ ತಜ್ಞರ ಸಮಿತಿಯೊಂದು ರಚನೆಯಾಯಿತು. ಈ ಸಮಿತಿಯ ಶಿಫಾರಸಿನ ಮೇರೆಗೆ, ಭಾರತೀಯ ಸಂಸತ್ತು 1949 ರ ಜುಲೈ 1 ರಂದು 'ಚಾರ್ಟರ್ಡ್ ಅಕೌಂಟೆಂಟ್ಸ್ ಕಾಯ್ದೆ'ಯನ್ನು (Chartered Accountants Act, 1949) ಜಾರಿಗೆ ತಂದಿತು.
➤ ಈ ಕಾಯ್ದೆಯ ಅಡಿಯಲ್ಲಿ ಇನ್ಸ್ಟಿಟ್ಯೂಟ್ ಆಫ್ ಚಾರ್ಟರ್ಡ್ ಅಕೌಂಟೆಂಟ್ಸ್ ಆಫ್ ಇಂಡಿಯಾ (ICAI) ಸಂಸ್ಥೆಯನ್ನು ಸ್ಥಾಪಿಸಲಾಯಿತು. ಭಾರತದ ಸಂವಿಧಾನ ಜಾರಿಗೆ ಬರುವ ಮುನ್ನವೇ ಸ್ಥಾಪನೆಯಾದ ದೇಶದ ಅತ್ಯಂತ ಹಳೆಯ ವೃತ್ತಿಪರ ಸಂಸ್ಥೆಗಳಲ್ಲಿ ಇದೂ ಒಂದಾಗಿದೆ. ICAI ಸ್ಥಾಪನೆಯಾದ ನೆನಪಿಗಾಗಿ ಪ್ರತಿ ವರ್ಷ ಜುಲೈ 1 ರಂದು ಸಿಎ ದಿನವನ್ನು ಆಚರಿಸಲಾಗುತ್ತದೆ.
➤ ICAI ಕುರಿತು ಪ್ರಮುಖಾಂಶಗಳು:
- ವಿಶ್ವದಲ್ಲೇ ಎರಡನೇ ದೊಡ್ಡ ಸಂಸ್ಥೆ: ಸದಸ್ಯತ್ವದ ಆಧಾರದ ಮೇಲೆ ಭಾರತದ ICAI ಸಂಸ್ಥೆಯು ವಿಶ್ವದಲ್ಲೇ ಎರಡನೇ ಅತಿ ದೊಡ್ಡ ವೃತ್ತಿಪರ ಅಕೌಂಟಿಂಗ್ ಮತ್ತು ಫೈನಾನ್ಸ್ ಸಂಸ್ಥೆಯಾಗಿದೆ. ಪ್ರಸ್ತುತ ಇದರಲ್ಲಿ ಸುಮಾರು 2.5 ಲಕ್ಷಕ್ಕೂ ಹೆಚ್ಚು ಸದಸ್ಯರಿದ್ದಾರೆ.
- ಏಕೈಕ ಶಾಸನಬದ್ಧ ಸಂಸ್ಥೆ: ಭಾರತದಲ್ಲಿ ಚಾರ್ಟರ್ಡ್ ಅಕೌಂಟೆನ್ಸಿ ವೃತ್ತಿಯನ್ನು ನಿಯಂತ್ರಿಸುವ ಮತ್ತು ಆಡಿಟಿಂಗ್ ಮಾನದಂಡಗಳನ್ನು ರೂಪಿಸುವ ಏಕೈಕ ಕಾನೂನಾತ್ಮಕ ಸಂಸ್ಥೆ ಇದಾಗಿದೆ.
ICAI ಧ್ಯೇಯವಾಕ್ಯ: "ಯ ಏಷ ಸುಪ್ತೇಷು ಜಾಗರ್ತಿ" (Ya Esha Supteshu Jagriti) (ಎಲ್ಲರೂ ಮಲಗಿರುವಾಗ ಯಾರು ಎಚ್ಚರದಿಂದಿರುತ್ತಾರೋ ಅವರೇ ಚಾರ್ಟರ್ಡ್ ಅಕೌಂಟೆಂಟ್.)
