➤ ಭಾರತೀಯ ವಾಯುಪಡೆಯಲ್ಲಿ (IAF) ಉನ್ನತ ಮಟ್ಟದ ನಾಯಕತ್ವ ಬದಲಾವಣೆ ನಡೆದಿದ್ದು, ನೂತನ ವಾಯುಪಡೆ ಮುಖ್ಯಸ್ಥರಾಗಿ ಏರ್ ಮಾರ್ಷಲ್ ಆಶುತೋಷ್ ದೀಕ್ಷಿತ್ ಅವರು ಅಧಿಕಾರ ವಹಿಸಿಕೊಂಡಿದ್ದಾರೆ. ದೆಹಲಿಯ ರೇಸ್ ಕೋರ್ಸ್ ವಾಯುಪಡೆ ನಿಲ್ದಾಣದ ಪರೇಡ್ ಮೈದಾನದಲ್ಲಿ ನಡೆದ ಅಧಿಕೃತ ಸಮಾರಂಭದಲ್ಲಿ ಅವರು ದೇಶದ 29ನೇ ವಾಯುಪಡೆ ಮುಖ್ಯಸ್ಥರಾಗಿ ಅಧಿಕಾರ ಸ್ವೀಕರಿಸಿದರು.
➤ ಅದೇ ದಿನ, 42 ವರ್ಷಗಳ ಕಾಲ ರಾಷ್ಟ್ರಕ್ಕೆ ಸಲ್ಲಿಸಿದ ವಿಶಿಷ್ಟ ಹಾಗೂ ಸುದೀರ್ಘ ಸೇವೆಗೆ ವಿದಾಯ ಹೇಳಿದ ನಿರ್ಗಮಿತ ವಾಯುಪಡೆ ಮುಖ್ಯಸ್ಥ ಏರ್ ಚೀಫ್ ಮಾರ್ಷಲ್ ಅಮರ್‌ಪ್ರೀತ್ ಸಿಂಗ್ (ಎಪಿ ಸಿಂಗ್) ಅವರಿಗೆ ಅಭಿನಂದನಾ ಸಮಾರಂಭ ಹಾಗೂ ಭವ್ಯ ವಿದಾಯವನ್ನು ನೀಡಲಾಯಿತು.
➤ ಏರ್ ಮಾರ್ಷಲ್ ಆಶುತೋಷ್ ದೀಕ್ಷಿತ್ ಅವರ ಹಿನ್ನೆಲೆ ಮತ್ತು ಸಾಧನೆ:
- ಸೇರ್ಪಡೆ: ಏರ್ ಮಾರ್ಷಲ್ ಆಶುತೋಷ್ ದೀಕ್ಷಿತ್ ಅವರು 1986ರಲ್ಲಿ ಭಾರತೀಯ ವಾಯುಪಡೆಯ ಫೈಟರ್ ಪೈಲಟ್ (ಯುದ್ಧ ವಿಮಾನ ಪೈಲಟ್) ಸ್ಟ್ರೀಮ್‌ಗೆ ಸೇರ್ಪಡೆಗೊಂಡರು.
- ಹಾರಾಟದ ಅನುಭವ: ಮೂರು ದಶಕಗಳಿಗೂ ಹೆಚ್ಚಿನ ತಮ್ಮ ಸೇವಾ ಅವಧಿಯಲ್ಲಿ ಜಾಗ್ವಾರ್ (Jaguar) ಹಾಗೂ ಮಿರಾಜ್-2000 (Mirage-2000) ಸೇರಿದಂತೆ ಹಲವು ಅತ್ಯಾಧುನಿಕ ಯುದ್ಧ ವಿಮಾನಗಳಲ್ಲಿ 3,300 ಗಂಟೆಗಳಿಗೂ ಹೆಚ್ಚು ಕಾಲ ಹಾರಾಟ ನಡೆಸಿದ ಅಪಾರ ಅನುಭವವನ್ನು ಹೊಂದಿದ್ದಾರೆ.
- ಪ್ರಮುಖ ಕಾರ್ಯಾಚರಣೆಗಳು: ತಮ್ಮ ವೃತ್ತಿಜೀವನದಲ್ಲಿ ಆಪರೇಷನ್ ಸಿಂದೂರ್ ಸೇರಿದಂತೆ ಹಲವು ಪ್ರಮುಖ ವಾಯುಪಡೆ ಕಾರ್ಯಾಚರಣೆಗಳು ಹಾಗೂ ಸಮರಾಭ್ಯಾಸಗಳಲ್ಲಿ ಸಕ್ರಿಯವಾಗಿ ಭಾಗವಹಿಸಿದ್ದಾರೆ.
➤ 42 ವರ್ಷಗಳ ಐತಿಹಾಸಿಕ ಸೇವೆ ಪೂರೈಸಿದ ಎಪಿ ಸಿಂಗ್ ನಿವೃತ್ತಿ: ಸುಮಾರು 42 ವರ್ಷಗಳ ಕಾಲ ಭಾರತೀಯ ವಾಯುಪಡೆಯಲ್ಲಿ ಉನ್ನತ ಹುದ್ದೆಗಳನ್ನು ಅಲಂಕರಿಸಿ ಸೇವೆ ಸಲ್ಲಿಸಿದ ಅಮರ್‌ಪ್ರೀತ್ ಸಿಂಗ್ (ಎಪಿ ಸಿಂಗ್) ಅವರು ಅಧಿಕಾರದಿಂದ ನಿವೃತ್ತರಾಗಿದ್ದಾರೆ.
- 1984ರಲ್ಲಿ ನ್ಯಾಷನಲ್ ಡಿಫೆನ್ಸ್ ಅಕಾಡೆಮಿಗೆ (NDA) ಸೇರಿದ್ದ ಅವರು, ವಾಯುಪಡೆಯಲ್ಲಿ ಅತ್ಯಂತ ಜವಾಬ್ದಾರಿಯುತ ಸ್ಥಾನಗಳನ್ನು ಅಲಂಕರಿಸಿದ್ದರು.
- ಇವರ ಅಧಿಕಾವಧಿಯಲ್ಲಿ 'ಆಪರೇಷನ್ ಸಿಂದೂರ್' ನಂತಹ ಮಹತ್ವದ ಮತ್ತು ಸಂಕೀರ್ಣ ಕಾರ್ಯಾಚರಣೆಗಳು ವಾಯುಪಡೆಯಿಂದ ಯಶಸ್ವಿಯಾಗಿ ನೆರವೇರಿವೆ.
