➤ ಭಾರತ ಸರ್ಕಾರದ ರೈಲ್ವೆ ಸಚಿವಾಲಯವು ದೇಶದ ರೈಲ್ವೆ ನಿಲ್ದಾಣಗಳನ್ನು ಆಧುನೀಕರಿಸಲು ಮತ್ತು ಪ್ರಯಾಣಿಕರ ಅನುಭವವನ್ನು ಸುಧಾರಿಸಲು ‘ಅಮೃತ್ ಭಾರತ್ ಸ್ಟೇಷನ್ ಯೋಜನೆ’ ಯನ್ನು ಜಾರಿಗೆ ತಂದಿದೆ. ಇತ್ತೀಚೆಗೆ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ದೇಶದ 20 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿರುವ 75 ಮರು-ಅಭಿವೃದ್ಧಿಗೊಂಡ ರೈಲ್ವೆ ನಿಲ್ದಾಣಗಳನ್ನು ಉದ್ಘಾಟಿಸುವ ಮೂಲಕ ಈ ಯೋಜನೆಗೆ ಮತ್ತಷ್ಟು ವೇಗ ನೀಡಿದ್ದಾರೆ.
➤ ಅಮೃತ್ ಭಾರತ್ ಸ್ಟೇಷನ್ ಯೋಜನೆಯು ದೇಶಾದ್ಯಂತ ಆಯ್ಕೆಯಾದ 1,338 ರೈಲ್ವೆ ನಿಲ್ದಾಣಗಳನ್ನು ದೀರ್ಘಾವಧಿಯ ಮಾಸ್ಟರ್ ಪ್ಲಾನ್ ಮೂಲಕ ಆಧುನೀಕರಿಸಿ, ಪ್ರಯಾಣಿಕರ ಸೌಕರ್ಯಗಳನ್ನು ಸುಧಾರಿಸುವ ಉದ್ದೇಶದಿಂದ ಡಿಸೆಂಬರ್ 2022 ರಲ್ಲಿ ಪ್ರಾರಂಭಿಸಲಾದ ಭಾರತೀಯ ರೈಲ್ವೆಯ ಮಹತ್ವಾಕಾಂಕ್ಷಿ ಯೋಜನೆಯಾಗಿದೆ.
➤ ಮುಖ್ಯ ವೈಶಿಷ್ಟ್ಯಗಳು & ಸೌಲಭ್ಯಗಳು:
- ಮಲ್ಟಿ-ಮೋಡಲ್ ಸಂಪರ್ಕ: ಬಸ್, ಮೆಟ್ರೋ ಮತ್ತು ರೈಲು ಸಾರಿಗೆಗಳ ನಡುವೆ ಸುಲಭ ಸಂಪರ್ಕ.
- ಆಧುನಿಕ ಸೌಲಭ್ಯಗಳು: ಎಸ್ಕಲೇಟರ್‌ಗಳು, ಲಿಫ್ಟ್‌ಗಳು, ಎಕ್ಸಿಕ್ಯೂಟಿವ್ ಲೌಂಜ್‌ಗಳು ಮತ್ತು ಉಚಿತ ವೈ-ಫೈ (Free Wi-Fi).
- ಸುರಕ್ಷತೆ: 24/7 ಸಿಸಿಟಿವಿ ಕಣ್ಣಾವಲು ಹಾಗೂ ವಿಶಾಲವಾದ ಸಂಚಾರ ಪ್ರದೇಶ.
- ವಿಶೇಷಚೇತನ ಸ್ನೇಹಿ: ಪ್ರತ್ಯೇಕ ರ‍್ಯಾಂಪ್, ಲಿಫ್ಟ್ ಮತ್ತು ಸಿಗ್ನೇಜ್ ವ್ಯವಸ್ಥೆ.
- ಒನ್ ಸ್ಟೇಷನ್ ಒನ್ ಪ್ರಾಡಕ್ಟ್ (OSOP): ಸ್ಥಳೀಯ ಕುಶಲಕರ್ಮಿಗಳು ಮತ್ತು ಕರಕುಶಲ ವಸ್ತುಗಳ ಮಾರಾಟಕ್ಕೆ ಪ್ರತ್ಯೇಕ ಮಳಿಗೆಗಳನ್ನು ನೀಡಿ ಸ್ಥಳೀಯ ಆರ್ಥಿಕತೆಗೆ ಬೆಂಬಲ.
➤ ಯೋಜನೆಯ ಗುರಿ ಮತ್ತು ಕಾಲಮಿತಿ (Targets Timeline):
1. ಮಾರ್ಚ್ 2026: 180 ನಿಲ್ದಾಣಗಳ ಕಾಮಗಾರಿ ಪೂರ್ಣ
2. 2026ರ ಅಂತ್ಯ: 400 ನಿಲ್ದಾಣಗಳ ಸಂಪೂರ್ಣ ನವೀಕರಣ
3. 2027ರ ಅಂತ್ಯ: 700 ನಿಲ್ದಾಣಗಳ ಸಂಪೂರ್ಣ ನವೀಕರಣ