➤ ಎಫ್‌ಐಎಚ್‌ (FIH) ಮಹಿಳಾ ಹಾಕಿ ವಿಶ್ವಕಪ್‌ನಲ್ಲಿ ಭರ್ಜರಿ ಪ್ರದರ್ಶನ ನೀಡಿ, ಐತಿಹಾಸಿಕಐದನೇ ಸ್ಥಾನಗಳಿಸಿದ ಭಾರತ ಮಹಿಳಾ ಹಾಕಿ ತಂಡಕ್ಕೆ ಹಾಕಿ ಇಂಡಿಯಾ (Hockey India) ಬೃಹತ್₹50 ಲಕ್ಷ ನಗದು ಬಹುಮಾನಘೋಷಿಸಿದೆ. ನೆದರ್‌ಲ್ಯಾಂಡ್ಸ್‌ನ ಅಮ್‌ಸ್ಪೆಲ್ವಿನ್‌ನಲ್ಲಿ ನಡೆದ ಐದನೇ ಸ್ಥಾನಕ್ಕಾಗಿನ ಜಿದ್ದಾಜಿದ್ದಿನ ಪಂದ್ಯದಲ್ಲಿ, ಸಲೀಮಾ ಟೆಟೆ ನಾಯಕತ್ವದ ಭಾರತ ತಂಡವು ವಿಶ್ವದ 5ನೇ ಕ್ರಮಾಂಕದ ಬಲಿಷ್ಠ ಜರ್ಮನಿ ತಂಡವನ್ನು3-1ಗೋಲುಗಳ ಅಂತರದಿಂದ ಪರಾಭವಗೊಳಿಸಿ ಈ ಐತಿಹಾಸಿಕ ಸಾಧನೆ ಮಾಡಿದೆ.
➤ ಬಹುಮಾನದ ಹಣದ ಹಂಚಿಕೆ ವಿವರ: ಹಾಕಿ ಇಂಡಿಯಾ ಘೋಷಿಸಿರುವ ₹50 ಲಕ್ಷ ನಗದು ಬಹುಮಾನವನ್ನು ತಂಡದ ಆಟಗಾರ್ತಿಯರು ಹಾಗೂ ಸಪೋರ್ಟ್ ಸ್ಟಾಫ್ ನಡುವೆ ಹಂಚಲಾಗುತ್ತದೆ:  
- ಪ್ರತಿಯೊಬ್ಬ ಆಟಗಾರ್ತಿಗೆ: ₹2 ಲಕ್ಷ  
- ಸಪೋರ್ಟ್ ಸ್ಟಾಫ್ ಸಿಬ್ಬಂದಿಗೆ: ತಲಾ ₹1 ಲಕ್ಷ  
➤ 'ಇದು ಕಠಿಣ ಪರಿಶ್ರಮಕ್ಕೆ ಸಿಕ್ಕ ಫಲ': ಹಾಕಿ ಇಂಡಿಯಾ ಅಧ್ಯಕ್ಷ ದಿಲೀಪ್ ಟಿರ್ಕಿ

"ಭಾರತ ಮಹಿಳಾ ಹಾಕಿಗೆ ಇದು ನಿಜಕ್ಕೂ ಐತಿಹಾಸಿಕ ಕ್ಷಣ. 52 ವರ್ಷಗಳ ನಂತರ ವಿಶ್ವಕಪ್‌ನಲ್ಲಿ 5ನೇ ಸ್ಥಾನ ಗಳಿಸುವುದು ಸಾಮಾನ್ಯ ವಿಷಯವಲ್ಲ. ಇದು ಟೂರ್ನಿಯುದ್ದಕ್ಕೂ ನಮ್ಮ ಆಟಗಾರ್ತಿಯರು ಪ್ರದರ್ಶಿಸಿದ ಕಠಿಣ ಪರಿಶ್ರಮ, ಸ್ಥಿರತೆ ಮತ್ತು ಹೋರಾಟದ ಮನೋಭಾವಕ್ಕೆ ಸಾಕ್ಷಿಯಾಗಿದೆ. ನಮ್ಮ ಮೆಚ್ಚುಗೆಯ ಸಂಕೇತವಾಗಿ ಈ ₹50 ಲಕ್ಷ ಬಹುಮಾನವನ್ನು ಘೋಷಿಸಿದ್ದು, ಇದು ಮುಂಬರುವ ಏಷ್ಯನ್ ಗೇಮ್ಸ್‌ಗೆ ತಂಡಕ್ಕೆ ಮತ್ತಷ್ಟು ಸ್ಪೂರ್ತಿ ನೀಡಲಿದೆ"ಎಂದು ಹೇಳಿದರು.