ವಿಜಯಪುರದ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿಗಳ ಕಚೇರಿಯಲ್ಲಿ ವಿವಿಧ ಹುದ್ದೆಗಳಿಗೆ ಅರ್ಜಿ ಆಹ್ವಾನ.

ಸಲ್ಲಿಕೆಯಾದ ಅರ್ಜಿಗಳನ್ನು ಪರಿಶೀಲಿಸಿ ಅರ್ಹತೆಗೆ ಅನುಗುಣವಾಗಿ ತಾತ್ಕಾಲಿಕ ಆಯ್ಕೆ ಪಟ್ಟಿಯನ್ನು ಜುಲೈ 5 ರಂದು ಪ್ರಕಟಿಸಲಾಗುತ್ತದೆ. ವಿಜಯಪುರ ಜಿಲ್ಲೆಯ ಅಭ್ಯರ್ಥಿಗಳಿಗೆ ನೇಮಕ ಪ್ರಕ್ರಿಯೆಯಲ್ಲಿ ಮೊದಲ ಆದ್ಯತೆ ನೀಡಲಾಗುತ್ತದೆ. ಲಭ್ಯವಿಲ್ಲದ ಪಕ್ಷದಲ್ಲಿ ಹೊರಗಿನ ಜಿಲ್ಲೆಯ ಅಭ್ಯರ್ಥಿಗಳಿಗೆ ನೇಮಕಾತಿಗೆ ಅವಕಾಶ ಕಲ್ಪಿಸಲಾಗುತ್ತದೆ.

ಅಂಗೀಕೃತ ವಿಶ್ವವಿದ್ಯಾಲಯದಿಂದ ಎಏನ್.ಎಂ ತರಬೇತಿ ಪ್ರಮಾಣ ಪತ್ರ, ಬಿಎಸ್ ಸಿ ನರ್ಸಿಂಗ್, ಎಂಬಿಬಿಎಸ್/ಎಂಡಿ, ಎಂಎಸ್ (ಓಬಿಜಿ), ಡಿಪ್ಲೋಮಾ ಇನ್ ಪಿಡಿಯಾಟ್ರಿಕ್ಸ್, ಡಿಎನ್ ಬಿ ಪಿಡಿಯಾಟ್ರಿಕ್ಸ್, ಡಿಪ್ಲೋಮಾ ಇನ್ ಅನಸ್ತೇಶಿಯಾ, ಡಿಎನ್ ಬಿ ಅನಸ್ತೇಶಿಯಾ, ಡಿಪ್ಲೋಮಾ ಇನ್ ಸೈಕ್ಯಾಟ್ರಿಸ್ಟ್, ಡಿಏನ್ ಬಿ ಸೈಕ್ಯಾಟ್ರಿಸ್ಟ್ ಡಿಪ್ಲೋಮಾ ಆಪ್ಟೋಮೆಟ್ರಿ, ಡಿ ಫಾರ್ಮಾ, ಡಿಪ್ಲೋಮಾ ಇನ್ ಫಾರ್ಮಸಿ, ಡೆಂಟಲ್ ಹೈಜಿನಿಸ್ಟ್, ಆಡಿಯೋಲಜಿ ಅಂಡ್ ಸ್ಪೀಚ್ ಲ್ಯಾಂಗ್ವೇಜ್ ಪೆಥಾಲಜಿ, ಫಿಜಿಯೋಥೆರಪಿ ಕೌನ್ಸಿಲ್ ನಿಂದ ಪದವಿ ಪಡೆದಿರಬೇಕು.

ಕಂಪ್ಯೂಟರ್ ಜ್ಞಾನ ಹೊಂದಿರಬೇಕು. ಕೆಲವು ಹುದ್ದೆಗಳಿಗೆ ನಿರ್ದಿಷ್ಟಪಡಿಸಿದ ವೈದ್ಯಕೀಯ ಮಂಡಳಿಗಳಲ್ಲಿ ಹೆಸರು ನೊಂದಾಯಿಸಿಕೊಂಡಿರಬೇಕು. 1 ರಿಂದ 10 ನೇ ತರಗತಿವರೆಗೆ ಕನ್ನಡ ಭಾಷೆಯನ್ನು ವ್ಯಾಸಂಗ ಮಾಡಿರಬೇಕು. ರಹವಾಸಿ ಪ್ರಮಾಣ ಪತ್ರವನ್ನು ತಹಸೀಲ್ದಾರರಿಂದ ಪಡೆದಿರಬೇಕು.

ಅನುಭವ : ಡೆಂಟಲ್ ಹೈಜಿನಿಸ್ಟ್ ಹುದ್ದೆಗೆ 2 ವರ್ಷ ಅನುಭವ ನಿಗದಿಪಡಿಸಲಾಗಿದೆ. ಉಳಿದ ಹುದ್ದೆಗಳಿಗೆ ಅನುಭವ ಕಡ್ಡಾಯವಿಲ್ಲ.

ಅಭ್ಯರ್ಥಿಗಳ ಗರಿಷ್ಠ ವಯೋಮಿತಿ 40 ವರ್ಷ ನಿಗದಿಪಡಿಸಲಾಗಿದೆ. ಮೀಸಲಾತಿಯ ವ್ಯಾಪ್ತಿಗೊಳಪಡುವ ಅಭ್ಯರ್ಥಿಗಳಿಗೆ ಸರ್ಕಾರದ ನಿಯಮಾವಳಿಯಂತೆ ಸೂಕ್ತ ಪ್ರಮಾಣದಲ್ಲಿ ವಯೋ ಸಡಿಲಿಗೆ ಕಲ್ಪಿಸಲಾಗಿದೆ.